標題:
咁樣做生意都得？
[打印本頁]
作者:
溫心老契
時間:
2006-12-1 00:21
標題:
咁樣做生意都得？
小弟向來都好睇恤做生意的朋友，開間舖、燈、油、火、蠟，入貨、人工，吓吓都係錢，真係唔容易，（因為自己都做過生意），所以知其苦處，故此，在買嘢方便，都會客客氣氣，希望在相方愉快氣氛下完成，大家好！
有時見店主好態度，侍客有禮，都會出言讚賞！無他，有鼓勵，人家才有動力
去繼續做好，何樂而不為！但當見到有不禮貌者，對客人呼喝，都會搖頭嘆息，本想當下指正，但每每好言相勸之後，都會換來惡言相向！甚是無奈！
小弟為何有感而發，原起前日，行至「皆旺」地庫內，見一店售自制的「造形魂」，
外形尚算美觀！小弟登時，立足而望...未幾，一名客甲拿提貨單取懞面超人「V3」之SIC，與此同時，另一客乙亦前來，同樣取「V3」...但只見該店之「四眼老板」二話不說，滾水淥腳般，取出一份，立刻以喝令式，叫甲、乙二人留心聽住玩時的細節，又話自己只係話一次，之後就唔好再問！...小弟頓感奇怪，嘩！「監獄風雲」咩？賣嘢講解俾客人聽，係天經地義！應該禮貌周周至係！駛唔駛咁�H態度！
未幾，在「四眼老板」解講時...客甲沒有留心聽，只是好奇地摸著盒內的素體...「四眼老板」即表示唔高興，叫客甲，你留心啲，好唔好？唔係唔識玩，玩爛就唔負責！…又一獄卒口吻！
但此時，客甲突發現素體的頭部，有鬆脫現象，即告知「四眼老板」！點知「四眼老板」又發晒老皮！大責客甲，叫你唔好捽！你係咁捽！而家俾你搞爛啦！
客甲登時呆了一呆，講話，我玩得呢隻公仔，都唔係第一次，會識分輕重，我只係輕輕力，掂吓，佢咁都甩，根本係你啲貨有問題！
「四眼老板」即時再發火！講，好吖！我用膠水黐返俾你！...但客甲講，你冇第二隻咩？（小弟眼見「四眼老板」有成盒貨喺度，而客甲亦見到）
但「四眼老板」，死都講冇！又話嗰啲貨唔係！我冇需要俾你睇，你亦冇權睇我啲貨！我冇貨俾你！叫客甲下個星期再嚟攞過！
客甲登時又呆住！...「四眼老板」開始唔睬佢！招呼客乙，俾咗另一隻「V3」客乙…可能客乙，見「四眼老板」咁�H態度，亦只好急急收貨走入....
乙走後，但見甲仲戇居居站在舖外，似心有不甘，唔肯走…個「四眼老板」問佢到底想點？
客甲講，其實已由八月份訂定十一月，成四個月咁長，你成日都話就嚟有貨，但係一次推一次，�H然係咁，我想退返錢！...但「四眼老板」當然唔肯！話冇得退！你唔要就殺你訂！…可憐客甲唔識回應....「四眼老板」亦有點軟化，叫客甲轉頭再來，會有新貨！...客甲只好無奈走離...
之後發展成點，小弟唔在場，不敢揣測！
總觀此事，小弟感得該店「四眼老板」，真係好有問題！（其實之前亦有網友，對此人，作出劣評，小弟都以為會否偏差，但今次真係大開眼界，此言不虛！更為過甚！）
總括來講：
1.當啲客係囚犯咁，態度惡劣，唔知佢是否有小朋友，真係好想睇吓佢點樣身教？更想睇吓佢喺出面係點買嘢，如果有個售貨員，用同樣態度睇佢，唔知佢會點？
2.自己啲貨有問題，就即刻賴個客，唔會反省一吓，自己啲貨�H素質！（佢成日強調自己吋貨係HI-CAST，據樓上二樓某舖老板講，佢啲貨一跌落地就爛，根本就係普通樹脂膠，又話佢偷佢Ｔｈｅ Ｆｉｒｓｔ頭像模翻來賣云云…睇來「四眼老板」都好似好多牙齒印）
３.其實自己喺度賣緊老翻嘢，仲聲大大，話自己出品，真係不知...
古語有云：「人無笑面，休開舖！」今時今日，居然有啲類似60年代，人民公社�H態度，真係罕見！願與同業，共勉之！謝謝！
作者:
dragonman
時間:
2006-12-1 08:59
英雄所見略同！可否告知天下地庫那同鋪？等大家唔駛受氣啦！
作者:
雷鳴
時間:
2006-12-1 10:54
我想該名(四眼老板)必定是位玩具狂熱份子,他將店內所有貨物都視如己出,買他的貨就如他嫁女一樣,岳父又怎會對女婿客氣呢!
作者:
wan1
時間:
2006-12-1 22:12
引用:
原帖由
雷鳴
於 2006-12-1 10:54 發表
我想該名(四眼老板)必定是位玩具狂熱份子,他將店內所有貨物都視如己出,買他的貨就如他嫁女一樣,岳父又怎會對女婿客氣呢!
I know this guy........really in-polite in this shooping place!
作者:
AkiraYuki
時間:
2006-12-2 11:32
呢個世界真係一樣米養百樣人呀!!
作者:
溫心老契
時間:
2006-12-4 12:53
其實有好多玩具店老板，睇死客人買玩具心態！而對你態度唔好！
因為你買�H唔係日常用品，而係「心頭好」「偖侈品」，基於你哋「恨住嚟買」，「有求於佢」�H心態，所以咪玩你囉！
若果好似啲日用品咁，生油、洗頭水，即食麵咁...通街通巷都有！睇吓佢哋會唔會咁！？
大家睇吓超級市場啲職員，你買包香口膠，都唔該前，多謝後，就知！
大家又有冇發覺，好多時，係客人有禮貌過老板...
例如：「唔該！請問呢個幾多錢？」「請問有貨返未？」「可唔可以攞嚟睇睇？」等等
買嘢�H人通常都好好禮！但反觀，好多老板同售貨員，都係單字或單句回答...
例如：「冇！」「唔知！」「答你唔到」「有就有，冇就冇！」「過兩日嚟睇」等等…
可能有某些老板，睇到呢個討論區，就講，你哋踩我哋做生意�H，係咪想我哋執笠至安樂！？
又話喺個討論區，成日踩舖頭，係唔啱！挑起罵戰！
小弟再申重講多次，真係唔係針對開舖的人！有好多老板係做得好，係抵讚！若果做得過份，人家都係想向你指正，等你有改善啫！
就好似「選擇月刊」咁，人哋都期期公佈，不良商品，不良店舖，都係正面性，等消費者同大眾市民得益！
唔通你就話「消委會」趕絕你！咁「消委會」咪好罪大惡極？應推出午門斬首？
問心講句，你或你�H屋企人，去買嘢，遇到不禮貌，買到不良貨品，唔通仲笑呵呵，由人鬧，唔出聲咩？
所以，小弟只不過基於「忠言逆耳，利於行！苦口良葯，利於病！」，向同業勉勵啫！
大家做好啲，何樂而不為！謝謝！
作者:
御神苗月
時間:
2006-12-5 11:52
喂!
喂!
閣下唔介意我轉貼其他地方嗎?
因為唔想其他人再中招
作者:
溫心老契
時間:
2006-12-5 22:04
隨便！
作者:
marz666
時間:
2006-12-6 00:12
提示:
作者被禁止或刪除 內容自動屏蔽
作者:
goldenbaby
時間:
2006-12-7 16:43
提示:
作者被禁止或刪除 內容自動屏蔽
作者:
three
時間:
2006-12-9 06:48
所以現在行皆旺都只到三樓一層便算了！
作者:
三郎
時間:
2007-1-1 01:54
乜唔係話成棟皆旺都係黑店咩?仲有人敢去幫襯?
作者:
wan1
時間:
2007-1-1 13:07
皆旺 2/F still many good shops there, but one thing is 皆旺 most of shop price little higher than other area, my be it is because too many know there!
作者:
fetishman170
時間:
2007-1-2 20:43
thank you very much~~~
歡迎光臨 香港 Xocat Forum 討論區 (http://p.xocat.com/p/)
Powered by Discuz! 6.0.0
喂!
因為唔想其他人再中招
