香港 Xocat Forum 討論區 - Powered by Discuz! Board

標題: 包至金個姪女打警察～輕判？ [打印本頁]

作者: 無神論狂徒 時間: 2010-8-3 11:15 標題: 包至金個姪女打警察～輕判？

http://hk.news.yahoo.com/article/100802/4/jhec.html

我唔係法官，唔知應該點判先叫合理～雖然有資深法官話判得輕～我唔係熟讀案例，唔方便主觀判斷～
但係唔係好明，個法官話佢量刑時考慮到條女個學歷同家庭美滿，我唔明～點解讀得書多，判刑可以作為求情理由～個家庭美滿又可以用作量刑的考慮～
唔通讀得書少就要判重啲？家庭破碎又要判重啲？咁係咪真係公平呀～
所以睇穿呢個世界之後，你會睇到窮人係一種罪～因為窮所以難有好教育，因為窮，為口奔馳家庭難言美滿～
做隻貓做隻狗，不做窮人～

作者: Jeff9394 時間: 2010-8-3 15:30

傻啦窮既話個官會同你講
"監於被告來自一個破碎家庭缺乏關愛.....所以預以輕判......"
會俾人判重果 D 一定係中產
中產先係一種罪要法援冇法援要咩冇咩咩都要自己俾錢直到你變成一個窮人為止

[ 本帖最後由 Jeff9394 於 2010-8-3 16:07 編輯 ]

作者: 維圓阿伯 時間: 2010-8-3 17:03 標題: 回復 1# 的帖子

法律之下人人平等
不過有財或有勢會有更多平等唧
尼單野係港英時代
'葛'都唔駛上啦

作者: Jeff9394 時間: 2010-8-3 17:23

引用:

原帖由 維圓阿伯 於 2010-8-3 17:03 發表
法律之下人人平等
不過有財或有勢會有更多平等唧
尼單野係港英時代
'葛'都唔駛上啦

arm 港英時代我地一定睇唔到電視條片

作者: 無神論狂徒 時間: 2010-8-3 17:44

有道理～
做隻貓做隻狗不做中產人
中產係社會支柱，但係被社會遺棄一群～中產係弱勢社群～

作者: ali 時間: 2010-8-3 18:33

阮偉明裁判官明察秋亳，無階級種族歧視，[attach]1417408[/attach]
判詞還多次讚揚被告Amina Mariam Bokhary 有良好教育同美滿家庭（背景）..............

阿阮偉明法官同阮雲道同姓阮有冇親戚關係？睇泥佢快升官

阿上等人兼高等法院判官包致金夫婦的侄女，名流富豪下階你外甥女，
今夕阮家輝暴斃家中
他朝Amina Mariam Bokhary 也相同
「高等法院退休法官阮雲道 的幼子、31歲的阮家輝，月初在九龍城窩打老道住所暴斃。」

[ 本帖最後由 ali 於 2010-8-3 18:36 編輯 ]

作者: 維圓阿伯 時間: 2010-8-3 19:00

阮大人食左半隻死貓咋
律政署落叉廚渣流灘
條富貴女係差館再郁一女警
差佬隱瞞又吳告
尼獲司法大笑話乃
律政署,法庭,差佬IC,富貴人
人人有份串謀打晒籠通
得出之結果也

作者: 屍屠華 時間: 2010-8-3 22:30

抗議立法會壯棍/大壯棍唔出來譴費法官包庇法官親屬,黑箱作業,
抗議立法會壯棍/大壯棍唔出來譴費包庇有錢佬,官商鈎結,

作者: 理魯竇 時間: 2010-8-3 23:31

引用:

原帖由 維圓阿伯 於 2010-8-3 19:00 發表
阮大人食左半隻死貓咋
律政署落叉廚渣流灘
條富貴女係差館再郁一女警
差佬隱瞞又吳告
尼獲司法大笑話乃
律政署,法庭,差佬IC,富貴人
人人有份串謀打晒籠通
得出之結果也

仲有兩個人未講，
就係感化官同埋醫生。

作者: 無神論狂徒 時間: 2010-8-4 10:57

引用:

原帖由 維圓阿伯 於 2010-8-3 19:00 發表
阮大人食左半隻死貓咋
律政署落叉廚渣流灘
條富貴女係差館再郁一女警
差佬隱瞞又吳告
尼獲司法大笑話乃
律政署,法庭,差佬IC,富貴人
人人有份串謀打晒籠通
得出之結果也

係真唔係呀~佢在差館郁女警?真係冇聽過喎~堅唔堅呀~
料在那裏嚟?可靠嗎

作者: ali 時間: 2010-8-4 17:52

引用:

原帖由 維圓阿伯 於 2010-8-3 19:00 發表
阮大人食左半隻死貓咋
律政署落叉廚渣流灘
條富貴女係差館再郁一女警
差佬隱瞞又吳告
尼獲司法大笑話乃
律政署,法庭,差佬IC,富貴人
人人有份串謀打晒籠通
得出之結果也

食咩死貓？
一係做人情，著數係乜就遲d就知。
一係被上壓下，好聽地方裁判佬唔敢得罪坐大堂高官；唔好聽係受x嚇，驚以後大小便失禁。

作者: 無神論狂徒 時間: 2010-8-5 10:38

不過咁～阮法官可能都係好難做，兩個可能性：
一係包家做嘢，用佢在律政界的影響力，洗橫手減輕刑罰
一係阮法官怕會被揪後，你知包家在律政界有幾把炮，打狗都要睇主人～你得罪佢冇好處～佢有財有勢，要用人事網整你易如反掌～阮法官有可能係自動波做嘢～因為我聽聞包家唔易相處，佢公司啲人個個串爆～小惹為妙～阮法官可能都係無計可施下輕判～

作者: masuk 時間: 2010-8-5 14:01

照咁睇，香港地都系存在着一手遮天的打伞和尚。
而班和尚都着起法袍，带著假发，念念有词：法制、公正、自由、平等.....
难怪有人话，管制香港嘅实际系法官和法侓界个班。

作者: 無神論狂徒 時間: 2010-8-6 17:43

http://hk.news.yahoo.com/article/100806/4/jjz0.html

司法覆核維持原判呀～
話會向更高法院上訴喎～呢次真係要睇睇群眾壓力勝定係包家勢力勁～有戲睇～警方應該都會咬著唔放～警隊高層應該唔敢搞包家～但係下面班細，一定煮佢米，呢次似乎唔易走得甩～
我記得之前有個小販案例，話個小販成日比食環捉到，個小販好串，話捉咪捉囉～罰錢咯～云云，最後比個官重判咗唔知乜～
咁又係喎～一犯再犯就要重判～人哋都係為搵食而犯法阻街啫～咁都要重判，佢包港女，不斷重犯襲警（打警佬喎！），而又唔係搵食，純粹貪過癮，冇乜理由唔重判吖～我信呢單嘢係另有內情

作者: yy9999 時間: 2010-8-6 17:47

...."裁判官阮偉明在聽取控辯雙方理據後，決定拒絕覆核判刑，維持原判，因根據被告的精神報告，她是一名病人，多過是一名壞人，原有判決適當，所以決定維持原判。"

唔該唔好當我係病人呀法官大人!!!

作者: 飛毛腿 時間: 2010-8-6 18:18

八、九年前果條政府化驗室咩助理
將梁愛思患癌病歷外洩
咁就判踎半年

將鮑魚嬌含臘腸相片傳上網
咁又要踎半年

以上都認為為不可饒恕嘅罪行
非踎監不可
而前後共三次襲警記錄嘅名門富家女
行為被認為唔算罪行 - 前後三次都係咁判！

舊年有單街邊賣咖哩魚蛋案
個官竟然話街邊無牌賣熟食罪行比搶劫更嚴重

即係話情願你去搶劫都唔好無牌街邊賣熟食
睇吓香港嘅司法水平係咪超級無敵 ?

作者: 飛毛腿 時間: 2010-8-6 18:21

引用:

原帖由 無神論狂徒 於 2010-8-6 17:43 發表
 http://hk.news.yahoo.com/article/100806/4/jjz0.html

司法覆核維持原判呀～
話會向更高法院上訴喎～呢次真係要睇睇群眾壓力勝定係包家勢力勁～有戲睇～警方應該都會咬著唔放～警隊高層應該唔敢搞包家～但係下面 ...

唔係叫司法覆核
本來就係司法範疇內嘅事
只係判刑覆核
仲係由原來個裁判官自己覆核
結果係點諗都諗到

作者: 飛毛腿 時間: 2010-8-6 18:32

引用:

原帖由 masuk 於 2010-8-5 14:01 發表
照咁睇，香港地都系存在着一手遮天的打伞和尚。
而班和尚都着起法袍，带著假发，念念有词：法制、公正、自由、平等.....
难怪有人话，管制香港嘅实& ...

通常班政客最鐘意用一堆詞語去吠政府 :
黑箱作業、不透明、小圈子、官官相衛....
一提到司法就滿面正氣 ﹐簡直係傳教士一樣虔誠 :
獨立不受干擾、公正、無私、神聖、平等.....
一堆民主紅衛兵植物人聽到熱淚盈眶

作者: ali 時間: 2010-8-6 19:01

引用:

原帖由 飛毛腿 於 2010-8-6 18:21 發表

唔係叫司法覆核
本來就係司法範疇內嘅事
只係判刑覆核
仲係由原來個裁判官自己覆核
結果係點諗都諗到

明顯地阮偉明係本案的指定裁判

作者: 維圓阿伯 時間: 2010-8-6 19:04 標題: 回復 16# 的帖子

賣油煙機誇大摩打轉數,,,,,,,,入籠
古惑天王毛離頭 '嗡撈'電影,,,,,,入籠
大嶼山三行佬朴死狗唧三六...............入籠成年?
量刑隨心所欲
港英遺臣捧上天之香港核心價值之一司法獨立
陳水扁金句...
? 竹難書

作者: Go+go+go~! 時間: 2010-8-6 23:45 標題: 回復 7# 的帖子

聽講他再過不久就要退休了.

作者: 貝者 時間: 2010-8-7 01:52

法律永不平等

因為親疏有別

很久前1名警察查車時.被私家車撞倒後拖行一段路.送院不久死亡.被告坐牢(好像2年).因為佢有錢.

作者: ali 時間: 2010-8-7 05:40

殺死警員鄭孟輝的兇手邱達成當年佢個孤寒老豆邱德根用大筆銀紙請英國大狀，官司打輸兼要賠償，佢個孤寒老豆邱德根連百萬賠償費都拖o左好耐先畀死者家屬。
正杏＋橙

作者: ali 時間: 2010-8-7 05:42

引用:

原帖由 Go+go+go~! 於 2010-8-6 23:45 發表
聽講他再過不久就要退休了.

升官呀

作者: 飛毛腿 時間: 2010-8-7 14:39

裁判官維持原判的理據

控方陳詞：酒後駕駛釀成意外的不小心駕駛，並拒絕提供呼氣樣本，罪行嚴重，應提高罰款及判處監禁

裁判官回應：被告初犯不小心駕駛及拒絕提供呼氣樣本罪，因頭部受傷才作出不合作行為，罰款並無不足

控方陳詞：法庭不應接納被告的優良家境及患有情緒病作求情理由

裁判官回應：若窮家女子以貧窮為求情理由，社會會否投訴判刑過輕，判刑並非依據被告是富是貧，而是考慮其為人，以及給予康復機會

控方陳詞：被告第三次犯襲警罪，應判處即時監禁

裁判官回應：若為安撫公眾判處被告入獄，會摧毀被告的餘生

作者: 飛毛腿 時間: 2010-8-7 14:52

我點睇都覺得好似係辯方律師做嘅所謂回應

呢句最堅 :
若為安撫公眾判處被告入獄，會摧毀被告的餘生

好似維園阿伯講嘅例子 :
蠱惑天生、食狗肉罪無可恕﹐摧毀佢餘生都抵佢死

仲有一個重點 :
法律唔係要嚟 " 安撫公眾 "
跟幾年前有個官話 : 法庭唔係尋求公義嘅地方
有異曲同工之妙

作者: 無神論狂徒 時間: 2010-8-7 17:40

引用:

原帖由 飛毛腿 於 2010-8-7 14:39 發表
裁判官維持原判的理據

控方陳詞：酒後駕駛釀成意外的不小心駕駛，並拒絕提供呼氣樣本，罪行嚴重，應提高罰款及判處監禁

裁判官回應：被告初犯不小心駕駛及拒絕提供呼氣樣本罪，因頭部受傷才作出不合作行為，罰 ...

解釋冇說服力囉～
以後醉駕的人，唔想接受測試，有計，個個落車接受被邀測試者，可以扮差錯腳，整親吓～淫得甩～淫得用～
最堅果句，即係叫所有法官唔好判犯人入獄～
做錯事的人要比個機會佢改過，再犯再比機會，再犯再比機會，再犯再比機會．．．．．．
好徫大呀～點解咁多星斗市民冇呢個福利？

作者: 無神論狂徒 時間: 2010-8-7 17:48

點睇我都好肯定有人放水～問題係個官主動放水定係有人洗手段放水啫～
判太明顯不足～
其實如果案中事主係個窮人，而又有傳媒大力報道呢單輕判案例，我想公眾一樣會咬著唔放囉～
不過冇可能會發生個官所講的”如果事主係個窮人，被輕判後，公眾是否還會嘩然”的情況；因為如果案中人只係個平民百姓，第一次襲警都會吟唔甩，邊有可能三次都冇事吖～就算比你讀咗十個博士銜頭返嚟，都係死咗九世咯～
肯定係放水

作者: 飛毛腿 時間: 2010-8-7 20:42 標題: 回復 28# 的帖子

家陣係司法治港
x 官黨做太上皇
咩人都要俾幾分面

綜合各方面嘅料
條名門富家八婆晌差館裡面肯定又再發爛炸
差館內冇外人傳媒見到
警務高層就可以撳住件事
不過基層警務人員條氣唔順就放料出嚟
而當住鏡頭面前果一嘢就冇辦法撳得住
換著事情發生晌比如話麥理浩港督果種年代
布政司之類高層一個電話打去某電視台老板乜爵爺
保證段新聞片就唔會出現晌螢光幕
文字新聞就輕描淡寫話一女仕被懷疑酒後駕駛被警員帶回警署調查....
跟住就丟淡件事

至於放水
家下已經用較輕襲警罪去落叉廚
各方各面大家俾足面
但輕罪兼最輕判
終於令到人神共憤
警方基層強力反彈
被捧到上天神聖如宗教嘅所謂司法獨立
原來係吹出嚟嘅
一眾屁民亦睇到眼火爆 - 不過唔包括江湖大佬癲狗果幫人馬

作者: 飛毛腿 時間: 2010-8-7 20:54

>>>>其實如果案中事主係個窮人，而又有傳媒大力報道呢單輕判案例，我想公眾一樣會咬著唔放囉～

遠嘅就唔記得咁多
前幾年咬綜援去布吉島旅遊果對海嘯鴛鴦夠窮嘞啩
攞綜援卻一年九次出外遊埠
個女人被輕判社會服務令
公眾一樣會咬著唔放
呢次件富家八婆囂張不可一世有持無恐
更加特別犯眾憎

不過香港不缺腦殘白 x痴嘅植物人
例如信報果亭含洋 x 舔洋屎眼嘅洋奴社論
仲晌度念經咁念乜能嘢司法獨立....blablabla

作者: Go+go+go~! 時間: 2010-8-7 21:37

引用:

原帖由 ali 於 2010-8-6 21:42 發表

升官呀

行將退休, 就注定做印度兵---冇得升啦!

作者: 飛毛腿 時間: 2010-8-8 11:14

紙終於包唔住火
今日報紙爆出嚟
呢舖火上加油
法治喎﹐司法獨立.....

(西方日報)
女警差館遇襲案情曝光

【本報訊】包致金姪女Amina除掌摑警員鄧文偉外，原本被控另一項襲擊女警的罪名獲律政司撤銷，惹起前線警務人員不滿。據悉，涉事女警原來當日在灣仔警署奉命看管Amina，期間被人用力踢了一腳，女警須送院檢查，她對於涉案人遭撤控感到不快，正考慮警務督察協會提出以公費進行民事訴訟的建議。

(芒果日報)

沒控 Amina 襲女警　警協促交代
管理層承諾檢討條例　訂清晰指引
2010年08月08日
有警察人員協會促請管方交代為何不提證供起訴包致金姪女襲擊女警的控罪，該名遭襲擊的女警擬向政府申請法律援助，向包致金姪女追討民事索償。

作者: 維圓阿伯 時間: 2010-8-8 11:51

哦
贓棍有法解晝既,,,,,,,,
告得謀殺就吳駛告傷人啦
橫惦入梗既
簡化控罪快趣認罪大家好

講開又講反面教材
英國佬殖民統治真有一手
臨尾最后一刻主要官員未本地化就是律政司馬富善
手執撿控之權
到而家我終於明白了

[ 本帖最後由維圓阿伯於 2010-8-8 11:54 編輯 ]

作者: 無神論狂徒 時間: 2010-8-8 11:53

我一向唔信法律公正性，但我們必須擁護法律，否則社會難管；正因為法律實行的不公義特性，所以推使強者變強，當成為強者後，你會高度擁護法律的偏袒，愛護法律或社會上的不公義事情～不竟law of jungle弱肉強食係任何生物生存法則，強者可以欺凌弱者，係世界古往今來的常理，人類搞盡六壬要擺脫這種人性陰暗面，絕無可能～再過一百年一千年一萬年，只要人類未絕，強者永遠不斷欺凌弱者～正常～
我們面對這單身聞，我會以睇戲心情去睇～佢吟得用，好正常，吟唔甩，佢唔好彩～大量弱者（民眾）和強者（包家族強，包女強條毛）對決，未知鹿死誰手，好睇過黃飛鴻大戰蘇乞兒～

作者: masuk 時間: 2010-8-8 16:44

引用:

原帖由 無神論狂徒 於 2010-8-8 11:53 發表
我一向唔信法律公正性，但我們必須擁護法律，否則社會難管；正因為法律實行的不公義特性，所以推使強者變強，當成為強者後，你會高度擁護法律的偏袒，愛護法律或社會上的不公義事情～不竟law of jungle弱肉強食係任何 ...

啱，绝对支持。
不过家下见到啦，在声嘶力竭呼叫“普世价值'的香港地，法侓作为管制工具，实际上也沦为某些人的“御用工具”。
回归前，有“事头婆”，某些人当然系指与“事头婆”利益攸关人士。
“普世价值”？你我的利益不可能同“事头婆”利益一致啩？所以你我只系受管制的一群，冇份“普世价值”。
回归后，冇咗“事头婆”，但也未轮到你同我班穷鬼。
谂深一层，回归的条件之一，生活方式不变，
实际就是管制工具不变，即系法制仲系回归前个套，并未回归。
可见此时此地高调倡“普世价值”不仅不切实际，还好话唔好听叫做别有用心。

作者: 飛毛腿 時間: 2010-8-8 16:54

21 世紀今日
地球上除咗梵蒂岡唔知係行咩法之外
睇怕冇邊個國家係冇法律
好多不學無術含洋奴才成日話中國冇法治
卻不知道中國早二千幾年前已經確立法治制度
最著名嘅事蹟就係商鞅作法自弊
佢定立嘅法律全國人人遵守﹐最後佢有難時搞到自食其果
今日共產黨揸莊
恐共植物人就話大陸冇法治
講到好似大陸係可以公開販毒貪污殺人....都係合法咁款
大陸對付重罪如販毒殺人犯一律打靶
另一幫人又跳出嚟話共產黨殺人如麻
又吠審訊不公平﹐黑箱作業...blablabla

按含洋奴才嘅標準去定何為審訊公平呢 ?
有人犯咗法, 只要搵到 "好" 律師
就算全世界都知你做過乜
人地一樣有本事令你證據不足大搖大擺行出嚟
例如張子強﹐例如美國個 O.J.Simpson...
台灣都唔輸蝕
有所謂 3P 、包三奶四奶法官
一審重判 19年徒刑﹐二審無罪....

大家有冇聽過有人為咗醫病做手術
要花幾千萬﹐甚至上億手術費 ?
但打場官司過千萬律師費真係碎料
所以難怪有人吹到 "法治" 神聖過宗教

作者: 飛毛腿 時間: 2010-8-8 17:06

本身是資深大律師的立法會議員余若薇卻指示威者可能犯法，「示威到某程度，或可構成對司法機構或司法人員施壓，亦可能引致藐視法庭罪」。

如果有人話 :

向特首或官員示威到某程度或構成對政府官員施壓﹐可能引致藐視政府.....
向立法會示威到某程度或構成對立法會議員施壓﹐可能引致藐視立法會....
或者.....向中聯辦示威到某程度或構成對中聯辦施壓﹐可能引致藐視國家罪........

....

作者: masuk 時間: 2010-8-9 00:08

http://www2.news.sina.com.hk/cgi-bin/nw/show.cgi/2/1/1/1813609/1.html
她自己上街示威时，呢句说话唔知上心未？

作者: 無神論狂徒 時間: 2010-8-9 16:12

引用:

原帖由 飛毛腿 於 2010-8-8 16:54 發表
21 世紀今日
地球上除咗梵蒂岡唔知係行咩法之外
睇怕冇邊個國家係冇法律
好多不學無術含洋奴才成日話中國冇法治
卻不知道中國早二千幾年前已經確立法治制度
最著名嘅事蹟就係商鞅作法自弊
佢定立& ...

睇好多好多個案，無數人無啦啦坐牢～坐咗幾十年才真相大白放返出來，人生中最黃金的日子全在牢內渡過～尤其近年科學監証日漸成熟，過往被誤判的人才有機會出來呼吸新鮮空氣～
新聞成日有講～中國早前都有個人被控強姦，入冊坐咗N年，最後個女受害者因心理自責，肯企出嚟承應掌年係屈個男人，最後個男人才放返出嚟～
除此之外，大把殺人犯未繩之於法～最出名係Jack the Ripper，百幾二百年前，殺過無數妓女的變態殺手，你捉佢唔到，最後該人是誰無人知，但只知佢伴著一身罪長埋黃土～
我好懷疑區陽丙強係咪真紙盒藏屍的殺手～因為當年號稱第一單科學監證案子，但只找到環境証供，有啲夾硬入佢罪～而當事人一味大叫無辜～

作者: 飛毛腿 時間: 2010-8-9 17:51 標題: 回復 39# 的帖子

呢個係普通人心理上一個盲點
一個奉公守法普通人變為罪案受害者 - 無論兇殺、搶劫、詐騙、強姦....嘅機會率
比起無厘頭陷入冤案中變被告嘅機會率
高出百倍千倍以上
加上長期受洗腦同以往聽得多屈打成招之類民間冤案
絕大多數人代入冤案者角色
而唔會認為自己其實成為罪案受害者機會高得多
統計上
冤案跟受害者、逍遙法外犯案者比較一下數量
簡直係蚊髀跟牛髀

作者: 無神論狂徒 時間: 2010-8-9 18:24

引用:

原帖由 飛毛腿 於 2010-8-9 17:51 發表
呢個係普通人心理上一個盲點
一個奉公守法普通人變為罪案受害者 - 無論兇殺、搶劫、詐騙、強姦....嘅機會率
比起無厘頭陷入冤案中變被告嘅機會率
高出百倍千倍以上
加上長期受洗腦同以往聽得多屈打成 ...

yes
基於呢點,所以我唔信司法公正,又基於呢點,我們要支撐擁護司法
如果佢完絕唔公正,無謂擁護~正因為大部份係公正,小部份不公正,所以要擁護,但同時又唔會完全信呢樣嘢~

作者: KMY89 時間: 2010-8-9 20:53

看完上述各版友既回應，Kmy 覺得可能有小小怱畧左 Amina 有冇病既問題， Kmy 認為如果 Amina 有病那呢個判決是可以接受，畢竟佢係病人。

判刑輕重有時都不可以比較，年初 Drunk driver 醉駕撞死6個，6條人命判監6年，有條古惑佬呃靚毛呃吊判6年9個月

。

作者: 飛毛腿 時間: 2010-8-9 21:28 標題: 回復 42# 的帖子

好很多年前單大享楊元龍造馬案
幾個醫生證明佢患上晚期癌症
早早就放出嚟唔駛再踎監
最後佢逍遙愉快咁享受十幾廿年晚年
亞視前老細根叔
又係幾個專科醫生證明佢老人癡呆
冇能力接受審訊, 最後永遠終止審訊
但後來行出嚟對答如流
你試吓有冇可能呃佢一蚊

當然
醫學上奇蹟間中會發生....
....... 晌有錢佬身上

作者: KMY89 時間: 2010-8-9 21:45

引用:

原帖由 飛毛腿 於 2010-8-9 21:28 發表
好很多年前單大享楊元龍造馬案
幾個醫生證明佢患上晚期癌症
早早就放出嚟唔駛再踎監
最後佢逍遙愉快咁享受十幾廿年晚年
亞視前老細根叔
又係幾個專科醫生證明佢老人癡呆
冇能力接受審訊, 最後永遠 ...

如果講有錢，都無邊個多過跛豪，佢坐到走前一個月至放

李主席，力寶都坐足，我諗，大部份都坐足既 ...

貧通常都賤 ... 無計

作者: 飛毛腿 時間: 2010-8-9 22:03 標題: 回復 44# 的帖子

跛豪係毒梟﹐販毒係重罪
有力人士邊個咁唔要面為個毒販出頭疏通
唔通乜爵士乜紳士會同 d 毒販稱兄道弟咩
毒販風光日子時靠嘅都係一班牛鬼蛇神
入籠後就樹倒猢猻散
情況唔同

作者: Peter+PANG 時間: 2010-8-10 01:54

包千金呢鑊真係犯左眾怒，佢真係唔知香港嘅傳媒及公眾壓力有幾大威力，我深信呢鑊妳一定扑街！
死八婆，建意妳買定牙刷牙膏、洗面巾同姨媽巾入去坐番三兩個月啦！

作者: 無神論狂徒 時間: 2010-8-10 09:52

引用:

原帖由 KMY89 於 2010-8-9 20:53 發表
看完上述各版友既回應，Kmy 覺得可能有小小怱畧左 Amina 有冇病既問題， Kmy 認為如果 Amina 有病那呢個判決是可以接受，畢竟佢係病人。

判刑輕重有時都不可以比較，年初 Drunk driver 醉駕撞死6個， ...

雖然我好懷疑佢所謂精神病有幾多成係真，有錢人要找醫生做病覆報告，絕對無難度～
但如果係真又如何～佢一次兩次係咁，比咗機會去治療都冇去珍惜，第三次當著攝影機面前再打，返到差館又打，前後所知有四次，被臭坑密目的不知凡幾～而且全無悔意～仲講It's like a zoo，明顯佢當香港冇皇法（雖然某個程度係）
個官完全睇唔到佢有考慮佢係一個唔珍惜治療機會的人，如果唔比個較重的判決，佢只會繼續舞照跳酒照飲差佬照打～佢被重處後才會珍惜治療機會，之前已有前科，同一判決，對佢係冇效，佢只會繼續癲落去～係時侯Make a difference

作者: KMY89 時間: 2010-8-10 11:23

引用:

原帖由 無神論狂徒 於 2010-8-10 09:52 發表

雖然我好懷疑佢所謂精神病有幾多成係真，有錢人要找醫生做病覆報告，絕對無難度～
但如果係真又如何～佢一次兩次係咁，比咗機會去治療都冇去珍惜，第三次當著攝影機面前再打，返到差館又打，前後所知有四 ...

Kmy 覺得佢衰左仍返差館打那是真 Short 了，如果傻的應該是医不是關。

Furthermore, 法官不是權貴，排隊未輪到

作者: KMY89 時間: 2010-8-10 11:25

引用:

原帖由 飛毛腿 於 2010-8-9 22:03 發表
跛豪係毒梟﹐販毒係重罪
有力人士邊個咁唔要面為個毒販出頭疏通
唔通乜爵士乜紳士會同 d 毒販稱兄道弟咩
毒販風光日子時靠嘅都係一班牛鬼蛇神
入籠後就樹倒猢猻散
情況唔同

咁 ... 毒馬呢 ...

還有 ... 放你一馬

作者: 無神論狂徒 時間: 2010-8-10 13:01

引用:

原帖由 KMY89 於 2010-8-10 11:23 發表

Kmy 覺得佢衰左仍返差館打那是真 Short 了，如果傻的應該是医不是關。

Furthermore, 法官不是權貴，排隊未輪到

如果真係醫得好,早就冇第二次第三次第四次~
繼續同一個判法,我睇唔到佢會改過,療好精神病~佢只會逍遙繼續痴線落去繼續打人~
要佢學會珍惜醫治機會，就要佢試吓失去機會的味道，其實如果佢有珍惜醫治機會，但都係醫唔好～佢個問題仲嚴重，佢應該要判入精神病院，再打再入，每次入院都要長過一次，半年唔得就一年，一年未好就十年，廿年．．．而且佢入院有益公眾，一個冇悔意的精神病人，在街上唔知幾時爆發，失驚無神渣車醉駕，玩保齡球；而且有精神病，法庭要考慮停佢車牌，佢精神病渣車等如渣著炸彈四圍通街走～佢個問題係一而再再而三

作者: ali 時間: 2010-8-10 18:00

引用:

原帖由 無神論狂徒 於 2010-8-10 13:01 發表
繼續同一個判法,我睇唔到佢會改過,療好精神病~佢只會逍遙繼續痴線落去繼續打人.......
一個冇悔意的精神病人，在街上唔知幾時爆發，失驚無神渣車醉駕 ...

精神病最好在其家裏或家族聚會中爆發，醉駕就剷向出口出手相助她的正義人士。

作者: masuk 時間: 2010-8-10 18:04

引用:

原帖由 無神論狂徒 於 2010-8-10 13:01 發表

如果真係醫得好,早就冇第二次第三次第四次~
繼續同一個判法,我睇唔到佢會改過,療好精神病~佢只會逍遙繼續痴線落去繼續打人~
要佢學會珍惜醫治機會，就要佢試吓失去機會的味道，其實如果佢有珍惜醫治機會， ...

我谂法治的意义就在于呢一点：制裁和给于机会。

然而，呢单嘢所见，机会一而再，再而三...四由同一法界给予同一个人，
甚至还有“四犯”有意或无意被遮掩、遗漏之嫌。

都因一个缘由：被告有良好教育同美滿家庭。

使公众哗然上街：法侓面前原来不平等、法官大晒。

我宁信呢单嘢，学维园阿伯话斋系：
“律政署,法庭,差佬IC,富貴人,律政署,法庭,差佬IC,富貴人,人人有份串謀打晒籠通”

再睇社会的另外反应：
资深大律师、现任立法会议员余若薇和前议员李柱铭提出他们的异议。
前者说，如此上街抗议可能是“藐视法庭”的行为；
后者说，这样是公审案件，对法官施加压力不利香港法治。
市民上街表达民意就是“藐视法庭”？
声声代表民意的资深大侓师竟然阻止市民上街表达民意，
可见呢单嘢的关键不在量刑，而在于法制 ------ 唔系法官大晒。
香港的现实系点呢？好值得谂一谂。

作者: ali 時間: 2010-8-10 18:31 標題: 回復 52# 的帖子

* 唔系法官大晒 *
這個當然。
不如查看一下阮裁判審理過的案件，被檢控的是那類人士多，得到的又是什麼定罪。
有指（湯+華、李處冥等）阮裁判經常出手輕，何解偏要把他放在東區裁判處？
難道東區裁判處只容得下姓阮？還是其他地區的裁判司不想轉換環境？
我相信阮裁判是指定的東區裁判。

作者: Go+go+go~! 時間: 2010-8-10 23:06

引用:

原帖由 ali 於 2010-8-10 10:31 發表
* 唔系法官大晒 *
這個當然。
不如查看一下阮裁判審理過的案件，被檢控的是那類人士多，得到的又是什麼定罪。
有指（湯+華、李處冥等）阮裁判經常出手輕，何解偏要把他放在東區裁判處？
難道東區裁判處只容得下姓 ...

　　其實，當初案件是編排給主任裁判官錢禮審的，後來又打算改由沈智慧審。而錢禮及沈智慧二人，都是出名釘人不用本的法官。
　　但問題卻是，Amina 和他們二人是認識的，變成需要避席，才改由阮偉明審理。

作者: ali 時間: 2010-8-11 04:01

引用:

原帖由 Go+go+go~! 於 2010-8-10 23:06 發表
其實，當初案件是編排給主任裁判官錢禮審的，後來又打算改由沈智慧審。而錢禮及沈智慧二人，都是出名釘人不用本的法官。
　　但問題卻是，Amina 和他們二人是認識的，變成需要避席，才改由阮偉明審理。

引用:

原帖由 ali 於 2010-8-6 19:01 發表 [url=redirect.php?goto=findpost&pid=11734007&ptid=385843][/url]

明顯地阮偉明係本案的指定裁判

我係2010-8-6 19:01 已講o左

作者: Jeff9394 時間: 2010-8-12 15:53

呢單野我係想知點解班民主派律師議員唔出來講下野
講下點解可以咁唔公平

作者: ali 時間: 2010-8-12 17:18

引用:

原帖由 Jeff9394 於 2010-8-12 15:53 發表
呢單野我係想知點解班民主派律師議員唔出來講下野
講下點解可以咁唔公平

佢地有出來講，上網聽返上星期港台的千禧年代，有李奸人、當刀家華d 9up

。

歡迎光臨香港 Xocat Forum 討論區 (http://p.xocat.com/p/)