香港 Xocat Forum 討論區 - Powered by Discuz! Board

標題: [原創] 字花 [打印本頁]

作者: mygo 時間: 2010-8-5 16:42 標題: 字花

有冇人記得六十年代盛行的字花？大家又講下見聞。
六十年代，字花百花齊放，大街小巷樓梯底，士多，都有人收字花。
所謂字花，係以三十六個數字基礎，配以三十六古人。
每日開中午晚三場。中場約開一時，午場(記得)，晚場十一時。
賠率最初為一賠二十八，後來，改為一賠三十，最後係一賠三十一。每場開彩時會開花及膽各一，如22/1，就係花開22，膽開1。投注者如有投注花及膽者，賠率為一賠五百，亦即投注一毛，派彩為五十元。有如現在馬會的T，但不是Q，Q是兩個號碼對調均可，而T則不可。

作者: suewong 時間: 2010-8-5 16:47

引用:

原帖由 mygo 於 2010-8-5 16:42 發表
投注者如有投注花及膽者，賠率為一賠五百，亦即投注一毛 ...

嘩，咁吸引。

如果淨係中花/膽，又賠幾多？

作者: mygo 時間: 2010-8-5 17:23

引用:

原帖由 suewong 於 2010-8-5 16:47 發表嘩，咁吸引。如果淨係中花/膽，又賠幾多？

買既時候要說明買花定買胆。

如1，10，18等都係花，可單買一個數字，或多個數字。
但胆，就冇得淨買，單是中胆亦冇派彩。要買胆者，一定要先買花(數字)，再配以胆(數字)。

例如：這一場，你心水開的數字是25，你可以買三毛子25的花。
如果再有心水胆的話，就可以用25為花(在現今看來應該叫胆才對，但那的人是稱呼)壐配以他數字胆，例如：25/16，25/35，25/1等。
如果開出的數字真的是25，而胆又是1號的話，你就可以得到三毛子的花派彩（一毛賠三元，共九元)及胆的彩(一毛賠五十元)共得五十九元彩金。

還有叫LUM字，乜野叫LUM字呢？就係上一場次開完，而又下一場次再開的就叫LUM字，如果買中LUM字的話，派彩更是雙倍，亦即一賠六十。

作者: mygo 時間: 2010-8-5 19:15

六十年代字花極為流行，連報紙都有字花的專欄及所開的號碼。實在有如現今的馬經一樣，但係字花係違法經營，卻可以堂堂正正的在報紙上刊登，登堂入室，可見當時貪污情況之嚴重。

有些字花報，根本只有半張紙，都賣一樣一毛一份，如真X日報、天X日報、哈X畫報等。
有些報紙更設有專人接聽給予貼士，市民購買報紙後可致電索取所謂貼士，而些貼士都是似是而非的提示，就如占卦一樣，當開彩完之後，聽者就會自己用不同藉口去解說這些提示。

但至今還不明白，開的號碼到底由誰人主持，為何有這樣大的勢力，可以控制全港所開的號碼及統一全港開彩結果？

作者: 36D 時間: 2010-8-6 09:48

而家大陸流行的六合彩米一樣，報級買到成行成市，

以前的字花，好多女人買。開廠果個係姓馬嘅

作者: suewong 時間: 2010-8-6 23:13

引用:

原帖由 mygo 於 2010-8-5 19:15 發表
但至今還不明白，開的號碼到底由誰人主持，為何有這樣大的勢力，可以控制全港所開的號碼及統一全港開彩結果？...

統一派位o家?

我不lau 以為各處鄉村各處例.

作者: mygo 時間: 2010-8-7 02:31

引用:

原帖由 suewong 於 2010-8-6 23:13 發表統一派位o家? 我不lau 以為各處鄉村各處例.

直情好似馬會咁，馬會一場跑一號就間間都係一號。
字花檔開一號，就全港都係開一號。

作者: yin89 時間: 2010-8-7 22:00

字花每個號碼都有個名，詳細就唔記得，只記得有四夫人、四狀元、青雲、吉品等，當年字花報好似老五馬經咁， D 貼士係引經據典的。

作者: yin89 時間: 2010-8-7 22:01

青雲代表 17 號，吉品代表 35。

作者: suewong 時間: 2010-8-7 22:49

引用:

原帖由 36D 於 2010-8-6 09:48 發表
而家大陸流行的六合彩米一樣，報級買到成行成市，

以前的字花，好多女人買。開廠果個係姓馬嘅

嘩! 咁大勢力.

作者: mygo 時間: 2010-8-7 23:07

引用:

原帖由 yin89 於 2010-8-7 22:01 發表青雲代表 17 號，吉品代表 35。

五號係志高，九號係光明，其他要諗下。
如果唔記得，睇番林家聲套武林聖火令，三十六古人齊晒，仲記得陳立品做四夫人其中一位。

歡迎光臨香港 Xocat Forum 討論區 (http://p.xocat.com/p/)