香港 Xocat Forum 討論區 - Powered by Discuz! Board

標題: [灌水] 銀行 - 過去，現在 [打印本頁]

作者: suewong 時間: 2010-8-8 18:02 標題: 銀行 - 過去，現在

銀行 - 過去

我講少少，其他前輩講多多，得唔得？

細個時，銀行給我的經驗好好。

亞媽唔識字，每個月帶我去銀行打簿，我讀比佢聽，有幾多錢，跟住亞媽眉開眼笑。個晚 1 定加餸。
銀行 d 職員，衣冠楚楚，又有冷氣 / 暖氣。
記得有 1 年，銀行唔知乜事，招呼 d 老顧客茶會 (自助餐型式)，亞媽帶埋我同鄰居個哥哥 (爸爸吸毒既) 去，個哥哥同我講，好多食品 / 飲料，佢都未見過；佢又同亞媽講，唔敢盡情食，怕失禮。亞媽仲同亞爸講，雖然鄰居個哥哥家境咁，又咁細個，但是好生性。
中學畢業時，未放榜。我班同學，讀秘書 / 文員 / 商科，投考護士，銀行。恆生係我地首選，因為套制服靚, 間銀行形象又好。

作者: ali 時間: 2010-8-8 18:58

細個時，新年後，阿媽帶我地4姊兄弟去沙嘴道渣打銀行開戶口，間銀行好大，裏面好似有陣油漆味，有人話可能係銀紙味。

開完兒童儲蓄戶口，每人都有一隻如電視卡通穿水手衣的小肥豬儲錢箱。

14歲時被選做班會財政，徵集到班會費就去最近的恆生銀行開戶口。嘩！一行入去就有個穿著畢挺西裝的男職員上前招呼，並告訴我開新戶口是幾號窗，他對每個進入銀行的顧客都很有禮貌和服務殷勤。這情形真把滙豐比下，好幾次跟我媽入滙豐，我還以為去o左國貨公司或公家醫院

，職員的工作和服務態度 [attach]1422678[/attach]。十之七八的男女職員都是没什表情，多鞋男扒女

；恆生靚女多，男的又有禮貌，個個都有笑容。

作者: mygo 時間: 2010-8-8 20:08

銀行今昔。細個去銀行，都唔係乜大陣仗，但只係覺得，銀行點解會肯俾利息人？D錢放響自己度唔會有息，放響人度就有息？好奇怪，等如細個時成日問自己：點解會有收音機有人肯講野俾我地聽？到要買電池既時候，就自己諗，哦，電台可能係整電池出黎賣既，我地要卑錢買電池，電台就有錢收啦。真幼稚。

講番，而家銀行，每樣都看錢看，已經唔想咁多人存錢入去，同以往好唔妬，以前，連細路仔十廿蚊都爭取，而家，每個月冇五千銀就收你五十元最低手續費，你放四千元入去，唔郁，幾年就食晒你。
以前，銀行係服務，買禮券唔使錢，俾埋封套你，而家，多謝，十五蚊啦。最好唔好麻煩我。

只覺得，銀行越黎越冇人情味。

作者: suewong 時間: 2010-8-8 21:27

引用:

原帖由 ali 於 2010-8-8 18:58 發表
細個時，新年後，阿媽帶我地4姊兄弟去沙嘴道渣打銀行開戶口，間銀行好大，裏面好似有陣油漆味，有人話可能係銀紙味。開完兒童儲蓄戶口，每人都有一隻如電視卡通穿水手衣的小肥豬儲錢箱。 14

...

恆生靚女多，男的又有禮貌，個個都有笑容。

我個隻儲錢箱是唐老鴨。

所以申請銀行工，恆生係首選 (証明自己靚靚)，而且 1年 14 個月薪金。

話時話，論壇有位網友，係恆生做左好耐，看得出年輕時係靚仔。

作者: ces 時間: 2010-8-8 21:48

引用:

原帖由 suewong 於 2010-8-8 21:27 發表我個隻儲錢箱是唐老鴨。所以申請銀行工，恆生係首選 (証明自己靚靚)，而且 1年 14 個月薪金。話時話，論壇有位網友，係恆生做左好耐，看得出年輕時係靚仔。

Just graduated and applied for a job in 恆生
Told me to cut my hair before reporting duty
So gave up the job
Every man can be ignorant and stupid when he is young

PS : I was not 靚仔 at all

作者: 理魯竇 時間: 2010-8-8 22:20

雖然明早要飛去南韓，但忍唔住都要搭句咀。

“恆生係我地首選，因為套制服靚, 間銀行形象又好。”

最早期的女職員制服係旗袍，好蝦人著，著得好就真係好靚，否則………….

“恆生靚女多，男的又有禮貌，個個都有笑容。”

以前就真係靚女多，後來可能靚女越來越少，唯有降低標準，但禮貌和笑容就一向可保持。
學「德成女傭」話齋，佢地係好嚴格訓練出來喎。
八句服務箴言：「笑容生和氣、高聲道姓名、工作需迅速、. 服務要忠誠、態度常謙敬、問答簡而精、對客皆周到，鞠躬謝盛情」，
呢幾句野個個禮拜都要聽，真係掉轉頭都識念。

“只覺得，銀行越黎越冇人情味。”

不同意。成本高漲，銀行對大部分客人都是蝕本，一向都是從大客賺錢津貼基層客戶。

“而且 1年 14 個月薪金”

早期是17個月薪金，後來改為14個月，再後來改為 13 個月，近年好似改為浮動獎勵。

“Told me to cut my hair before reporting duty”

70年代初期，頭髮執得好嚴，不準貼耳仔和衫領。試過有一硬頸青年，和老細僵持不下，索性剃光頭坐櫃面，成為一時佳話。

星期五見

作者: suewong 時間: 2010-8-8 23:11

引用:

原帖由 理魯竇 於 2010-8-8 22:20 發表
“恆生係我地首選，因為套制服靚, 間銀行形象又好。”

最早期的女職員制服係旗袍，好蝦人著，著得好就真係好靚，否則………….

“恆生靚女多，男的又有禮貌，個個都有笑容。”

以前就真係靚女多，後來可能靚女越來越少，唯有降低標準，但禮貌和笑容就一向可保持。
“而且 1年 14 個月薪金”

早期是17個月薪金，後來改為14個月，再後來改為 13 個月，近年好似改為浮動獎勵。

...

懂事見已經唔係旗袍，好蝦人著 = 好貼身？!

細細個見到 d 姐姐好靚。

中學時 14個月，匯豐銀行只得 13 個月。

作者: suewong 時間: 2010-8-8 23:38

引用:

原帖由 mygo 於 2010-8-8 20:08 發表
講番，而家銀行，每樣都看錢看，已經唔想咁多人存錢入去，同以往好唔妬，以前，連細路仔十廿蚊都爭取，而家，每個月冇五千銀就收你五十元最低手續費，你放四千元入去，唔郁，幾年就食晒你。
以前，銀行係服務，買禮券唔使錢，俾埋封套你，而家，多謝，十五蚊啦。最好唔好麻煩我。

只覺得，銀行越黎越冇人情味。 ...

我覺得無良。

有次幫個小 3 程度既亞婆，睇佢張 101 保單 (i.e. 1 次過放筆錢 (say 20 萬) 在銀行，指定時間唔羅個本，就有息收，否則只能取回 1 部分；死左就賠 101% 本金)。
佢張保單 6 年期，如果在 6 年內羅番個本，最差要賠 50% 比銀行。
保證利息，有無人估到？
0. 5%!!!! 07 年開始，每年紅利都是 0. 5%。即是每年 1%利息。
而07 年在銀行做同佢差不多既銀碼的定期存款，利息 > 5%。
個 d 係婆婆既養老金，所以我有掙扎，好唔好話真相比佢知。但又驚佢繼續被騙。

哩 d product, 擺明是騙文化 / 知識水平唔高既人。

作者: mygo 時間: 2010-8-9 00:41

引用:

原帖由 suewong 於 2010-8-8 23:38 發表我覺得無良。
有次幫個小 3 程度既亞婆，睇佢張 101 保單 (i.e. 1 次過放筆錢 (say 20 萬) 在銀行，指定時間唔羅個本，就有息收，否則只能取回 1 部分；死左就賠 101% 本金)。
佢張保單 6 年期，如果在 ...

呵呵，幾年仲在九龍那邊作時，食飯到恒生，有些阿婆係煩D，個代書既女子（在我眼中來說，一定唔係靚女）十分不耐煩，得啦阿婆，你唔使大聲架，我聽得到架。但對其他後生者就笑笑口。明顯有年齡歧視。須知，阿婆自己都係聽到至咁大聲啫。
二三十年前，恒生的確係最好笑一間，但今剕昔比了。
理兄話銀行成本上漲，咁唔係冇人情味，咁講就真見仁見智了，總之一張禮券收十五二十手續費，邊個買吖，封張五百蚊紙咪算囉。
其實，最生意係講求賺錢，總不能講邊個津貼邊個既。銀行只係覺得禮券、低額存戶冇錢賺先趕客啫。

羅素街，最初出黎做時係電車廠兼街市，今日貴為全港租金既地方之一，好多公司，點解要在那里檔？開檔明顯賺唔番租，都係明，但都要開呢？就係宣傳作用而已。

作者: mygo 時間: 2010-8-9 00:44

引用:

原帖由 suewong 於 2010-8-8 23:11 發表懂事見已經唔係旗袍，好蝦人著 = 好貼身？!細細個見到 d 姐姐好靚。中學時 14個月，匯豐銀行只得 13 個月。

呵呵，點解咁多個月人工？二十個月都見過。
企業家好少死錯人既。賺錢多左，利得稅都要納番咁多，與其益政府，計過條數後將部分分俾員工亦唔係過份。
但今時今日，呢種情況已少見了，所以我講銀行越黎越冇人情味就係咁解。

作者: ces 時間: 2010-8-9 01:00

70年代初上海商業人工都好高

作者: 36D 時間: 2010-8-9 09:23

對恆生的印象，是張活游的廣告。

"寧可食無肉，不可居無竹，無肉令人瘦，無竹令人俗、、、、、、、、、、。

若要不瘦又不俗，唯有天天荀炒肉。

作者: dirtyoldman 時間: 2010-8-9 11:08

引用:

原帖由 suewong 於 2010-8-8 18:02 發表銀行 - 過去我講少少，其他前輩講多多，得唔得？細個時，銀行給我的經驗好好。
亞媽唔識字，每個月帶我去銀行打簿，我讀比佢聽，有幾多錢，跟住亞媽眉開眼笑。個晚 1 定加餸。
銀行 d 職員 ...

此君日後可有成材？

作者: 老何 時間: 2010-8-9 14:19

老何UP親都係舊史。

第一次入銀行。
52or53年吧, 媽咪帶我去見識乜野係銀行, 於事要穿套西裝仔, 打個煲呔仔, 媽咪拖住我隻手仔, 去到半島酒店內九龍惟一的獅子銀行,
入到去, 大部份係西洋仔,有個華職員知媽咪唔識字, 講解完, 蓋章打指模了事, 我就坐在旁BIN做儍仔。

第一次見識擠提。
61夏, 九龍城太子道廖創興銀行。是日該區內所有街坊奔走相告, 廖寳珊走「佬」, 開左户口的, 嚇到褲到甩！
除左銀行門前人頭數不清外, 兩隣鋪一截街全部拉閘, 氣氛實在恐怖, 父親總結該事件教訓話, 跟官要知官姓乜！

兩個第一次, 演示香港生態變化, 能捕捉此中先機的人, 今天富可敵國。廖氏以地產,炒金至富。

作者: suewong 時間: 2010-8-9 17:33

引用:

原帖由 mygo 於 2010-8-9 00:41 發表

呵呵，幾年仲在九龍那邊作時，食飯到恒生，有些阿婆係煩D，個代書既女子（在我眼中來說，一定唔係靚女）十分不耐煩，得啦阿婆，你唔使大聲架，我聽得到架。但對其他後生者就笑笑口。明顯有年齡歧視。須知，阿婆自己都係聽到至咁大聲啫。
二三十年前，恒生的確係最好笑一間，但今剕昔比了。
...

Ah Sue 的感觸：

個代書既女子都會老o家，人地到時咁對佢，佢會點？
銀行係香港咁多行業，薪金最高 (我有親戚做後勤，商業銀行，07 年有 30 個月人工)，都咁？

作者: suewong 時間: 2010-8-9 17:35

引用:

原帖由 理魯竇 於 2010-8-8 22:20 發表
雖然明早要飛去南韓，但忍唔住都要搭句咀。

...

祝旅途愉快!

作者: suewong 時間: 2010-8-9 17:42

引用:

原帖由 mygo 於 2010-8-9 00:41 發表

理兄話銀行成本上漲，咁唔係冇人情味，咁講就真見仁見智了，總之一張禮券收十五二十手續費，邊個買吖，封張五百蚊紙咪算囉。
其實，最生意係講求賺錢，總不能講邊個津貼邊個既。銀行只係覺得禮券、低額存戶冇錢賺先趕客啫。
...

mygo 講得 arm.

如果係大客，乜手續費都唔收。

有 1 年，銀行送左 5 套名牌公事包+旅行喼+銀包+手袋比飯票。哩類禮物，我估何老大 / D 哥都收唔少。

作者: suewong 時間: 2010-8-9 17:45

引用:

原帖由 ces 於 2010-8-9 01:00 發表
70年代初上海商業人工都好高

上海商業，大陸銀行？當時未開放!!!

人工咁高，點解 D 咀臉仲咁？

作者: suewong 時間: 2010-8-9 17:51

引用:

原帖由 dirtyoldman 於 2010-8-9 11:08 發表

此君日後可有成材？

後來我搬了家。聽聞他母親改嫁，他入了黑社會。

他是我的小男友，亞媽獨留我在家時，他就會企係門口陪我，叫我唔洗驚。

作者: suewong 時間: 2010-8-9 17:54

引用:

原帖由老何於 2010-8-9 14:19 發表
61夏, 九龍城太子道廖創興銀行。是日該區內所有街坊奔走相告, 廖寳珊走「佬」, 開左户口的, 嚇到褲到甩！
除左銀行門前人頭數不清外, 兩隣鋪一截街全部拉閘, 氣氛實在恐怖, 父親總結該事件教訓話, 跟官要知官姓乜！
...

60 年代，好像好興擠提。

why, why, tell me why.

作者: suewong 時間: 2010-8-9 17:56

引用:

原帖由老何於 2010-8-9 14:19 發表
老何UP親都係舊史。

第一次入銀行。
52or53年吧, 媽咪帶我去見識乜野係銀行, 於事要穿套西裝仔, 打個煲呔仔, 媽咪拖住我隻手仔, 去到半島酒店內九龍惟一的獅子銀行,
入到去, 大部份係西洋仔,有個華職員知媽咪唔 ...

好像綠寶廣告。

作者: 老何 時間: 2010-8-9 18:34

引用:

原帖由 suewong 於 2010-8-9 17:56 發表

好像綠寶廣告。

NG知點解, 當年D细路大多係咁, 條褲又要吊帶, 妳講得ARM, GREENSPOT STYLE

作者: 老何 時間: 2010-8-9 19:43

引用:

原帖由 suewong 於 2010-8-9 17:54 發表

60 年代，好像好興擠提。

why, why, tell me why.

諗住牛王妹會問, 真係問！

家父常說, 行走江湖,莫壞規矩 ; 更要知己才知彼。

LCH為搶存户, 創一蚊開户NE招, 從而開始改變銀行生態, 兼付出比銀行公會约定多1.5%利息给存户,
不把HSBC及渣打放在眼內, 但NE招確係成功, 升斗市民日日排隊開户, 老何和媽咪當年亦是其中之一。
LCH山大斬埋有柴,但面向大众這開拓性的營商手法, 令其同業感覺自降身價兼眼紅症發作, 又碍於大哥大面色而不敢跟從,
LCH自鳴得意兼大舉收購地皮,洋洋自得而不知黑雲將至；後來恆生以笑臉迎人代替一蚊開户NE招, 得來同一後果。
銀行業一哥,佢卑條路你行, 你才不會踢度石頭, 同佢爭食, 定冇運行, 這便是父親所說的意思。
一哥只要制造銀根短缺, 同業拆借乾塘, 全部華資自然瓜得；聽話者例外。
信不信由妳, JARDINE此時上市, 人人供股, 全港銀根抽緊, 再加D料 : 謠言, 咁, LCH就此爆血管了。
自此之後, 華人對華資銀行信心盡失, 兼華資實在不爭氣, 擠提不斷, 最後以恆生賣身而结束。
一哥雄霸天下, 再而縱橫七海, 50年後竟要伸手供股, 廖寶珊泉下有知, 飲得杯落。

作者: suewong 時間: 2010-8-9 21:37

引用:

原帖由老何於 2010-8-9 19:43 發表

諗住牛王妹會問, 真係問！

家父常說, 行走江湖,莫壞規矩 ; 更要知己才知彼。

LCH為搶存户, 創一蚊開户NE招, 從而開始改變銀行生態, 兼付出比銀行公會约定多1.5%利息给存户,
不把HSBC及渣打放 ...

其實牛王妹研究過香港銀行擠提史，但從不懂得從此角度分析。

作者: ces 時間: 2010-8-10 01:29

.....................

作者: dirtyoldman 時間: 2010-8-10 08:56

引用:

原帖由 suewong 於 2010-8-9 17:51 發表後來我搬了家。聽聞他母親改嫁，他入了黑社會。他是我的小男友，亞媽獨留我在家時，他就會企係門口陪我，叫我唔洗驚。

Another disturbing story, what a pity! I bet you have special feelings for him.

作者: 老何 時間: 2010-8-10 14:50

神州換旗, 一哥惟一能休養生息的地方, 只有香江, 戰後, 存款基礎是每一銀行生命線,
任何損及其此一利益, 事必撲殺。50s年代才稍恢復元氣, 60s年代固本培元, 豈容華資造次,
政府對銀行業新增的每一條文, 表面曰規範該業健康發展, 實則踢對手出局兼限制進入,
據書友仔相告, 70s銀行牌照, 欲求一, 難矣哉。
红毛政治手段高明, 最利害的一招 : 誰來決定息口, 由銀行公會自決。
老何閒來欲從红毛的管治手法與我國治民理念比較, 得出红毛一基礎性處事之道 : 彈性。
老鄧名言, 「摸著石頭過河」是彈性另述, 缺者制度配合而矣。
由銀行公會自決利息, 即為此中表者。若細細思量此中所涉層面, 妙不可言。
息口乃經濟活動上獨一無二的指標。拍板者誰...................萬人至愛。

作者: suewong 時間: 2010-8-10 16:56

引用:

原帖由 dirtyoldman 於 2010-8-10 08:56 發表
Another disturbing story, what a pity! I bet you have special feelings for him.

當時得個 3 /4 歲。

你地會不會？細個見到 d 事，其實唔知發生乜野。大左，先拼到 whole picture 出來。

細時 d 家姐偷偷地買雪條比我 (因亞媽會 now), 去到後樓梯食。成日見到鄰居 EE 係度, 發呆望住個天，喊。而家先知其實佢好唔開心，甚至可能想係後樓梯跳下。

又成日見到 EE黎搵亞媽，成長後家姐話我知 - 借錢。

亞媽咁保守，聽到 EE 改嫁既消息，都話，唔會怪佢不守婦道。

間歇都會想，如果我是EE 個女，條路 1 定比現在難行。

所以我覺得背景好，犯罪，反而應該判重刑

作者: suewong 時間: 2010-8-10 16:59

引用:

原帖由 ces 於 2010-8-10 01:29 發表
.....................

明德多 D 西裝友，其他銀行黎既人，都著得好草根。陰功!!!

作者: 36D 時間: 2010-8-10 17:09

小時跟老媽去鹽業銀行，個個白衫藍褲，有個街坊好愛國，下班後帶我去盬業打乒乓球。佢話祖國做靠山，成副身家做人民幣定期，當時100蚊港銀換人民幣五十幾蚊，點知人仔一下子變成100蚊港銀換人民幣一百零幾、、、、、、、

作者: suewong 時間: 2010-8-10 17:13

引用:

原帖由老何於 2010-8-10 14:50 發表
红毛政治手段高明, 最利害的一招 : 誰來決定息口, 由銀行公會自決。
老何閒來欲從红毛的管治手法與我國治民理念比較, 得出红毛一基礎性處事之道 : 彈性。
老鄧名言, 「摸著石頭過河」是彈性另述, 缺者制度配合而矣。 ...

红毛是偽君子，中國人是真小人。

家人是文官，都話，回歸前後都有官商勾結，不過當時資訊不發達，红毛又食得住 D 資產階段，唔似而家失控。

而且红毛的最高目的仍然是維繫對香港的統治，以大局為重；唔似香港 / 中國官，自己荷包 / 利益行先。

作者: suewong 時間: 2010-8-10 17:16

引用:

原帖由 36D 於 2010-8-10 17:09 發表
小時跟老媽去鹽業銀行，個個白衫藍褲，有個街坊好愛國，下班後帶我去盬業打乒乓球。佢話祖國做靠山，成副身家做人民幣定期，當時100蚊港銀換人民幣五十幾蚊，點知人仔一下子變成100蚊港銀換人民幣一百零幾、、、、、 ...

請老顧客茶會既，就是鹽業銀行啦。

細個記得亞媽寄錢返鄉下，100蚊港銀換人民幣30 幾蚊

作者: 老何 時間: 2010-8-10 17:29

引用:

原帖由 suewong 於 2010-8-10 17:13 發表

红毛是偽君子，中國人是真小人。
家人是文官，都話，回歸前後都有官商勾結，不過當時資訊不發達，红毛又食得住 D 資產階段，唔似而家失控。

偽君子, 真小人, 二者不幸地要擇一, 妳點算呢

信不信由妳了, d資产階級冇運行了, 鼻孔冇塞應已嗅度了

作者: mygo 時間: 2010-8-10 19:12

引用:

原帖由 suewong 於 2010-8-10 17:16 發表請老顧客茶會既，就是鹽業銀行啦。細個記得亞媽寄錢返鄉下，100蚊港銀換人民幣30 幾蚊

我記得係一百蚊換二十七個幾，細時唔知，寄錢聽講唔可以用信封寄，要去銀行寄。第一間去唔知間銀行，佢話冇得寄，第二間去恒生，個職員話：細路，寄錢番大陸要去大陸銀行架，才恍然大悟。
出黎做事時，因事回大陸，十分驚，要填回鄉介紹書，又話唔准人影相，影完相要晒晒佢出黎先至得，讀書時，番北京，覺得十分恐怖，飯店過左鐘居然冇飯食。過夜要去公安局報戶口。恐怖。

作者: suewong 時間: 2010-8-10 21:54

引用:

原帖由老何於 2010-8-10 17:29 發表

偽君子, 真小人, 二者不幸地要擇一, 妳點算呢
信不信由妳了, d資产階級冇運行了, 鼻孔冇塞應已嗅度了

偽君子，起碼受得舒服 d+可能比佢呃都唔知，咪唔會 lau 囉。

作者: suewong 時間: 2010-8-10 21:59

引用:

原帖由老何於 2010-8-10 17:29 發表

信不信由妳了, d資产階級冇運行了, 鼻孔冇塞應已嗅度了

1 日 d 官退休後要搵真眼，1 日資产階級都風光。

如果你見過 d 高官同小超開會，個種徨恐法。你就會明白，點解我咁佩服理兄。

[ 本帖最後由 suewong 於 2010-8-10 22:03 編輯 ]

作者: suewong 時間: 2010-8-10 22:02

引用:

原帖由 mygo 於 2010-8-10 19:12 發表

我記得係一百蚊換二十七個幾，細時唔知，寄錢聽講唔可以用信封寄，要去銀行寄。第一間去唔知間銀行，佢話冇得寄，第二間去恒生，個職員話：細路，寄錢番大陸要去大陸銀行架，才恍然大悟。
出黎做事時，因事回大陸 ...

細個返過大陸 1 次，亞爸驚我亂講野，大陸人又好想我講香港 d 野比佢地聽。

作者: mygo 時間: 2010-8-10 22:08

引用:

原帖由 suewong 於 2010-8-10 22:02 發表細個返過大陸 1 次，亞爸驚我亂講野，大陸人又好想我講香港 d 野比佢地聽。

那年仲讀緊書，香港做緊林青霞、柯俊雄的「八百壯士」。我當時在廣州街頭跟同學談話時叫了一聲，哇，八百壯士好好睇呀～！冇人應，有D人望住我，嚇到走都走唔切！

作者: 36D 時間: 2010-8-12 19:09

引用:

原帖由老何於 2010-8-10 17:29 發表

偽君子, 真小人, 二者不幸地要擇一, 妳點算呢
信不信由妳了, d資产階級冇運行了, 鼻孔冇塞應已嗅度了

好快有好戲睇，但香港特區政府D高官好似未感覺到D law味。

作者: manxcat 時間: 2010-8-14 04:21

兒時對銀行印像只限於屋企幾個舊獅子銀行錢箱，
家人一直用獅子銀行，讀書時亦經獅子交學費，
獅子口碑亦不是最好，所以一直以為其他銀行服務應該差不多，
到出來打第一份工，公司用海外信託銀行，
所以員工亦要開一個戶口出糧，好記得當年於灣仔分行，
第一次出糧日去排隊，四個櫃檯月頭也只開一個，
十多人一條隊排極都咁多人，終於排到，
埋到去放低簿仔，見櫃檯個職員慢條斯理拎個萬字夾夾前一位的文件，
無意中碰低個萬字夾篋，倒瀉了十零粒，
繼續以慢動作逐粒逐粒執好放回，之後才取我本簿仔....
我睇到眼都凸，排我後面位人兄....感覺似想噴火....

所以之後當海外信託清盤...我完全唔覺得奇...

作者: 老何 時間: 2010-8-14 08:58

引用:

原帖由 suewong 於 2010-8-10 21:59 發表

1 日 d 官退休後要搵真眼，1 日資产階級都風光。
如果你見過 d 高官同小超開會，個種徨恐法。你就會明白，點解我咁佩服理兄。

再看撫今追昔100帖.

相對於過去, 再不能隻手遮天。
港府無能根由是政費, 75%以上收入來自地產業, 而政費支出80%是公務員的薪金及福利,
這惡果是基本法所種下, 在此現實情況下, 官商鈎結這說法已是卑足面給公務員了, 地產商要
港府跪下, 絕無問題；何况是投懷送抱。只因香港中產麻木不仁, 至令豪門更增囂張。
但此種情況及風氣, 危及神州政權基礎, 際此全球開始的調整期, 收拾香港歪局正是時候,
西環约見泛民只是此中一環而矣, 全國重拾群眾路線掛在牆上。

[ 本帖最後由老何於 2010-8-14 09:49 編輯 ]

作者: suewong 時間: 2010-8-15 00:09

引用:

原帖由老何於 2010-8-14 08:58 發表

收拾香港歪局正是時候,
...

希望唔好迎來更差的局面。

推翻滿清--->建立民國，軍閥割據--->共產黨，

中國人的苦難，何時才了。

作者: suewong 時間: 2010-8-15 00:11

引用:

原帖由 manxcat 於 2010-8-14 04:21 發表
兒時對銀行印像只限於屋企幾個舊獅子銀行錢箱，
家人一直用獅子銀行，讀書時亦經獅子交學費，
獅子口碑亦不是最好，所以一直以為其他銀行服務應該差不多，
到出來打第一份工，公司用海外信託銀行，
所以員工亦要 ...

匪夷所思 !!!

作者: 大隻西 時間: 2010-8-15 01:21

細個根本未入過銀行～......

作者: mygo 時間: 2010-8-15 17:13

引用:

原帖由 suewong 於 2010-8-15 00:09 發表希望唔好迎來更差的局面。推翻滿清--->建立民國，軍閥割據--->共產黨，中國人的苦難，何時才了。

一定會痛，但仍不醫，後果的確堪虞！其實97年已係一個大好時機，可惜...之後幾年，比之前更甚。~@

歡迎光臨香港 Xocat Forum 討論區 (http://p.xocat.com/p/)