香港 Xocat Forum 討論區 - Powered by Discuz! Board

標題: [灌水] 自說自話 - 以前的香港女子 [打印本頁]

作者: suewong 時間: 2010-9-19 17:46 標題: 自說自話 - 以前的香港女子

先前何老大提過他的小輩，到國內工作的，很多的配偶，都是國內人。令我不禁想起港女的演變。

小時住的地方，鄰居都打開門。媽媽由得我在大廈內遊蕩。

有數次，我蕩到 1 個親戚家，見到她家中，有 1 個白髮滄滄的阿婆，滿面堆笑，坐在她的床邊。親戚對她不瞅不睬。回家後，又見到個婆婆，亞媽熱情招待，又細語安慰。

到 11 / 12 歲時，亞媽帶我去阿婆既喪禮，原來阿婆係親戚既母親。而親戚無出席。

聽到亞媽同亞爸講，親戚是阿婆的獨生女，因為家貧，細細個，就賣左佢被人做妹仔。親戚 1 路都唔肯原諒阿婆婆。

親戚嫁左亞爸個同鄉。佢話亞爸個同鄉欺騙 (原來 1 把年紀 + 周身無蚊)，所以夫妻關係惡劣。唔會同台吃飯，親戚又把食物鎖起，以防老公 / 子女偷吃，食就要比錢。

12 歲時，我在中學就讀，親戚其中 1個女 (同我差不多年紀)，番工廠。

有 1 次我喉嚨痛，亞媽煲莧茜魚片湯，我詐嬌，唔肯飲。亞媽話我身在福中不知福，親戚個女喉嚨痛，要相金先惠，親戚先會去買。

親戚有個仔，成年後，有次來拜年。家姐話他用好羨慕妒忌既眼光，看著我們。後來他入了青山，直到現在，還未放出來。

親戚的女兒，嫁入夫家，當時是 70 / 80 年代，番工廠；放工後，要照顧家翁 / 家姑，叔仔 / 嬸母，小姑，起居飲食，做到氣 cut。

我烈女上身，不平則鳴。尤其是眼見我 d 家姐，嫁後惡side.

家姐叫我唔好害人，點解佢地可以咁惡，是因為她們有娘家可依靠，有事亞哥會出頭。親戚d女，又點得？

[ 本帖最後由 suewong 於 2010-9-19 23:25 編輯 ]

作者: dynmv 時間: 2010-9-20 06:31

家家有本難唸的經,

宜家d小朋友正是身在福中不知福.

作者: 老何 時間: 2010-9-20 10:15

引用:

原帖由 suewong 於 2010-9-19 17:46 發表
先前何老大提過他的小輩，到國內工作的，很多的配偶，都是國內人。令我不禁想起港女的演變。
小時住的地方，鄰居都打開門。媽媽由得我在大廈內遊蕩。
有數次，我蕩到 1 個親戚家，見到她家中，有 1 個白髮滄滄 ...

佛家三業如輪轉, 因果纏身不由人。

落地喊三聲, 命運早已定！
我媽咪話唔好唔信, 顺逆隨之, 樂得泰然。

作者: 老何 時間: 2010-9-20 10:23

引用:

原帖由 dynmv 於 2010-9-20 06:31 發表
家家有本難唸的經,
宜家d小朋友正是身在福中不知福.

咁, 養育有度需從嚴, 愛在心內口莫張, 以身作則是首要, 擇友選鄰要留神。

作者: suewong 時間: 2010-9-20 16:50

引用:

原帖由老何於 2010-9-20 10:15 發表

佛家三業如輪轉, 因果纏身不由人。

落地喊三聲, 命運早已定！
我媽咪話唔好唔信, 顺逆隨之, 樂得泰然。

agree...

我知何老大估到，我唔覺親戚是壞人，只是可憐 / 可恨。

而且我同親戚 d 仔女，其實同 1 個太公，同一所宗。

因為先母娘家的唯一親人，e-媽，在彌留狀態。近來不時想起童年時遇到的女性，百感交集。發而為文，以抒感懷。

作者: mygo 時間: 2010-9-20 17:46

引用:

原帖由 suewong 於 2010-9-19 17:46 發表先前何老大提過他的小輩，到國內工作的，很多的配偶，都是國內人。令我不禁想起港女的演變。小時住的地方，鄰居都打開門。媽媽由得我在大廈內遊蕩。有數次，我蕩到 1 個親戚家，見到她家中，有 1 個白髮滄滄 ...

唉，唔識點講。

又有好多野想講。

但都係選擇路過。

作者: suewong 時間: 2010-9-20 18:38

引用:

原帖由 suewong 於 2010-9-20 16:50 發表

因為先母娘家的唯一親人，e-媽，在彌留狀態。近來不時想起童年時遇到的女性，百感交集。...

另一個老人家，我全不熟悉。但年長後，越來越佩服她。

小時住的屋，單邊位有 1 家 3 口，3 代同堂，遠不如其他鄰居熱鬧. 婆婆早上擺檔賣芝麻糊，但門可羅雀，因為小朋友不喜歡黑黝黝的食物。

先母 part-time 早放工回家，1 定拖住我去幫襯，幫手收檔 (因婆婆是駝背的)。我就極不樂意，覺得唔好食。尤其是我成日 cut, 婆婆教阿媽燉川貝，苦到死。

搬家後，聽到阿媽對家姐講，婆婆個女，以前打住家工，比老闆呃, 大左肚。老闆娘唔比入宮。婆婆同個女，唔肯將個孫送比人，1 手1 腳，湊大佢。要家姐帶眼識人。

當時我聽到，好驚問阿哥，阿媽成日咁惡對我，會唔會我係人地既女，送左比亞媽。

成長後深思反省，當時社會風氣保守，生活艱難，婆婆對她女兒，仍然不離不棄。婆婆沒受過教育，見識又不會多，實在難得。

作者: 理魯竇 時間: 2010-9-20 19:08

引用:

原帖由 suewong 於 2010-9-19 17:46 發表
先前何老大提過他的小輩，到國內工作的，很多的配偶，都是國內人。令我不禁想起港女的演變。

小時住的地方，鄰居都打開門。媽媽由得我在大廈內遊蕩。

有數次，我蕩到 1 個親戚家，見到她家中，有 1 個白髮滄滄 ...

如有雷同，實屬巧合。

我有一個至親，家裏有一個哥哥，兩個妹妹，佢老豆好勤力，一年生一個。

佢亞媽重男輕女，生完仔後生一個女，就即刻交被人養，點知繼續都係女，唯有自己湊番。

至親十歲左右至重返母家，佢亞媽唔係好鐘意佢，十三歲就唔俾佢讀書，話學費貴，至親

有個伯娘好好人，又有些錢，應承可以負責所有學費，但佢亞媽都係唔制，係都要至親做

妹仔，僱主並非別人，正是一個剛剛中了頭獎馬票的親戚，至親細細個有要孭仔又要買餸

煮飯，攪到有少少寒背。

到大個左又試返回母家，沒有文化唯有做工廠，件工計唯有搏命做，出糧個日要將個糧袋

完整奉獻俾亞碼，亞媽執起幾十蚊俾個女後就全部收歸國有。

但至親雖然讀書不多，但讀書人亦未必有如此美德，她侍母至孝，縱使亞媽對她不好，例

如想係雪櫃攞支汽水飲都要相金先惠。她從不計較，交家用從不間斷，現在佢亞媽80歲，

入住老人院，至親差不多每天都煮餸煲湯帶去老人院，洗完碗先至走。

至親在自己生日那天買了最靚的海蝦煎俾亞媽食，有人問點解你亞媽咁對你，你都對佢咁

好，佢話因為亞媽生佢出來好辛苦。

所以話佢亞媽真係好好彩有個咁孝順嘅女。

作者: mygo 時間: 2010-9-20 19:51

引用:

原帖由 suewong 於 2010-9-20 18:38 發表另一個老人家，我全不熟悉。但年長後，越來越佩服她。小時住的屋，單邊位有 1 家 3 口，3 代同堂，遠不如其他鄰居熱鬧. 婆婆早上擺檔賣芝麻糊，但門可羅雀，因為小朋友不喜歡黑黝黝的食物。先母 ...

以前香港女人，秉承中國女子的傳統，嫁雞隨雞，只知相夫教子，兩情相悅，自由戀愛者甚少，一般都係人地介紹或媒人之類而結識，跟住就結婚，感情都係結婚後先培養，母親如何教自己，自己就如何教仔女。
加上搵食艱難，而且一生十個八個，那來時間照顧，那時在街上見到大既(先大個三幾年)就要咩細既出街凑仔了。那時做母親的，唔嚴點得？一不小心，就會學壞，細路仔個個在街上做人，就如我等，一放學就響街玩。
七八十年代，經濟起飛，女子受教育機會多左，自然搵錢亦相對增多，加上七十年代大陸偷渡潮，在八十年代末，造成男女兩性的失衡，要搵個老婆，實是艱難。由於經濟好轉、女性矜貴，造成係女都有幾個人追，僧多粥少情況下，自然吃香。加上女性受育機會增多，收入增加，跟以往倚賴男性生活的習慣改變，久而久之，造成公主病。
公主所生公主，更公主，漸漸形成今日的港女....

作者: suewong 時間: 2010-9-20 20:13

引用:

原帖由 理魯竇 於 2010-9-20 19:08 發表

如有雷同，實屬巧合。

我有一個至親，家裏有一個哥哥，兩個妹妹，佢老豆好勤力，一年生一個。

佢亞媽重男輕女，生完仔後生一個女，就即刻交被人養，點知繼續都係女，唯有自己湊番。

至親十歲左右至 ...

理兄，你懂得欣賞佢，其實都好難得。

我有 1 個親戚，有類似遭遇。我識得既人，個個 now 佢死蠢。

作者: suewong 時間: 2010-9-20 20:26

引用:

原帖由 mygo 於 2010-9-20 19:51 發表

以前香港女人，秉承中國女子的傳統，嫁雞隨雞，只知相夫教子，兩情相悅，自由戀愛者甚少，一般都係人地介紹或媒人之類而結識，跟住就結婚，感情都係結婚後先培養，母親如何教自己，自己就如何教仔女。
加上搵食 ...

其實我百感交集，就是覺得，以前的香港女子 ，命苦

作者: mygo 時間: 2010-9-20 20:50

引用:

原帖由 suewong 於 2010-9-20 20:26 發表其實我百感交集，就是覺得，以前的香港女子，命苦

我覺得香港人以前都命苦。
而家睇見D人就幸福得多。日昨新聞，話綜援戶，租金津貼超出10-20%。又有人出頭耳。但竟然有人話買八十蚊對鞋只可著三個月，買三百幾就唔同喎。
唔怕講句，追女仔時代成千銀對波鞋都買過，而家我都係著百零蚊對波鞋而已，一般都著到十個月至一年。呢個已經唔知係乜野世界了。

講番，香港最幸福的並不是90後及80後，佢地成長時，已經好多機會俾人晒。只係依靠父母餘蔭而已。我等算是先苦後甜輩，最幸福者，莫如70後出生的這批人。

作者: suewong 時間: 2010-9-20 21:51

引用:

原帖由 suewong 於 2010-9-20 20:13 發表

理兄，你懂得欣賞佢，其實都好難得。

我有 1 個親戚，有類似遭遇。我識得既人，個個 now 佢死蠢。

我的親戚，是男性。我 d 家姐，就算唔覺得佢娘親是壞人，都是衰人。

這位婆婆，抗日時，父親早死，淪為孤兒；沿途行乞。當時做乞兒，點搵到食？佢話試過，同其他乞兒，爭地下既包紙，打架。

到婆婆年青時，嫁夫又早死。1 家 7 口 (1 個遺腹子)，靠婆婆洗公廁+搭木屋賣比人，擔負起。1 個女人仔，要同三山五惡打交道。

到我親戚中三時，婆婆唔肯再供佢讀書。親戚半工讀，婆婆剪爛佢既校服 / 書。其他家姐 / 妹，都有類似遭遇。結果只有親戚可以堅持下去。

親戚事業初有成，唔想婆婆再住公廁，買樓比佢。婆婆話，如果不是 1 筆過比 side 屋價，寧願仍然住公廁 (因為婆婆驚 2 頭唔到岸)。結果親戚負重債 (personal loan), 比高息。

婆婆同親戚住得好近，婆婆成日同 d 街販講，無兒無女。叫d 街販將賣淨既食物，平價比佢。又去 d 廟拾祭品。親戚話偏僻，驚治安唔好。但婆婆依然故我。

終於，1 個星期日早上，親戚和太太，由家中散步去山頂，發覺婆婆在山澗洗衣 (慳水電)。親戚終於失控，當場狂 now。我話佢太太，點解唔勸阻。她答：山澗咁滑, 其實是好危險；而且，she deserves that.

家姐都話親戚死蠢。但我好欣賞佢。

我覺得婆婆只是可憐人，生活磨折，令她沒有安全感。

作者: suewong 時間: 2010-9-20 22:01

引用:

原帖由 mygo 於 2010-9-20 20:50 發表

我覺得香港人以前都命苦。
而家睇見D人就幸福得多。日昨新聞，話綜援戶，租金津貼超出10-20%。又有人出頭耳。但竟然有人話買八十蚊對鞋只可著三個月，買三百幾就唔同喎。
...

真是好 lau 哩 d 人，連累有需要的人。

300 幾文，唔算狼啦。有人要求買 Gucci 眼鏡框 (千多 2 千元), 不成功，投訴到申訴專員 / 審計署。

作者: suewong 時間: 2010-9-21 18:28

引用:

原帖由 理魯竇 於 2010-9-20 19:08 發表

如想係雪櫃攞支汽水飲都要相金先惠。她從不計較，交家用從不間斷，現在佢亞媽80歲，

入住老人院，至親差不多每天都煮餸煲湯帶去老人院，洗完碗先至走。
...

理兄，請替我 kiss / hug 你至親 1 下。

ah Sue 自問重情義，但都好怕去老人院探 e-媽。

老人院的氣氛/環境，我去親，都感覺難受。

作者: lwzy 時間: 2010-9-22 00:16 標題: 好

还说的有一定的道理

作者: lwzy 時間: 2010-9-22 00:17 標題: /

说的非常好，呵呵

歡迎光臨香港 Xocat Forum 討論區 (http://p.xocat.com/p/)