Board logo

標題: 五個海盜分寶石由 [打印本頁]
作者: 無神論狂徒    時間: 2010-10-1 16:14     標題: 五個海盜分寶石由

邏輯推理都係哲學一門，所以考吓大家∼

據統計，在美國，在20分鐘內能回答出這道題的人，平均年薪在8萬美金以上。

五個海盜搶到了100顆寶石，每一顆都一樣的大小和價值連城。 他們決定這麼分︰
1、抽簽決定自己的號碼（1，2，3，4，5）
2、首先，由1號提出分配方案，然後5人進行表決，若超過半數的人同意時，則按照他的提案進行分配，否則將被扔入大海餵鯊魚。
3、如果1號死後，再由2號提出分配方案，然後4人進行表決，若超過半數的人(>=3人)同意時，則按照他的提案進行分配，否則將被扔入大海餵鯊魚。
4、以此類推........

條件︰ 每個海盜都是很聰明的人，都能很理智的判斷得失，從而做出選擇。
問題︰ 第一個海盜提出怎樣的分配方案才能夠使自己的收益最大化？

我大約四年前接觸過呢條題，沒有去計用了多久去想出答案，但只記得好快想到答案，大約都係廿分鐘咁上下∼但係年薪就．．．．．好似唔係好啱∼ 不過我唔信IQ思考力高就一定會搵得多錢∼你講火星話，但大部份人講地球話，你只會被視為痴線或異類，或被排斥∼能否發達，要睇人的生活及對人態度∼還有更更更更重要的運氣∼∼

不過呢個題目，在我推論後得出的答案，我不能不承認∼我都覺得好神奇∼
作者: ali    時間: 2010-10-1 17:30

人做海盜，佢地做海盜，分贓都咁鬼煩，每人攞20粒跟住去攬女人HAPPY咪掂囉！
下次搶劫費鬼事同呢班笨賊合作。
作者: khadafy    時間: 2010-10-2 07:01

最後淨番4,5兩個一人一半囉...
我用左20秒估呢個答案..
唔知啱唔啱呢？
作者: 無神論狂徒    時間: 2010-10-2 11:17

引用:
原帖由 ali 於 2010-10-1 17:30 發表
人做海盜，佢地做海盜，分贓都咁鬼煩，每人攞20粒跟住去攬女人HAPPY咪掂囉！
下次搶劫費鬼事同呢班笨賊合作。
如果呢個世界啲人,個個好似你咁均真就好囉~
中國都唔會被列強欺凌~唉~
不過咁呢條係推敲題,如果果在現實,一係肉博一輪,死唔去的人全要,或者真係平均分~
邊會好似佢哋咁騎呢吖~
推敲題啫
作者: 無神論狂徒    時間: 2010-10-2 11:20

引用:
原帖由 khadafy 於 2010-10-2 07:01 發表
最後淨番4,5兩個一人一半囉...
我用左20秒估呢個答案..
唔知啱唔啱呢？
唔會~
所有生存者都要對新一輪提案進行公投
多於半數人贊成,法案才能通過;就算剛剛有一半人贊成,法案都不獲通過,提案者要死
作者: khadafy    時間: 2010-10-2 11:44

引用:
原帖由 無神論狂徒 於 2010-10-2 11:20 發表

唔會~
所有生存者都要對新一輪提案進行公投
多於半數人贊成,法案才能通過;就算剛剛有一半人贊成,法案都不獲通過,提案者要死
咪係 囉..
邏輯上到最後果兩個人,一定唔會提案..
因為一提就淨番一個人啦..
如果第5位要求第4位提..
即係想4位死啫..
咁第4位一定知架啦..
所以咪會出現兩條粉腸講數囉..
如果第5位唔肯講數,要提案..
咁第4位邊會咁苯七架...要自已死...無可能嘅..
最多咪一拍兩散...同第4位死過...呢 D 係人之常情呀嗎..
所以到最後果兩條粉腸平分就最為合邏輯喇！

[ 本帖最後由 khadafy 於 2010-10-2 11:46 編輯 ]
作者: 毛球    時間: 2010-10-2 14:27

引用:
原帖由 無神論狂徒 於 2010-10-1 04:14 PM 發表
問題︰ 第一個海盜提出怎樣的分配方案才能夠使自己的收益最大化？
1號海盜 - 提出98顆寶石歸自己, 剩餘1顆歸4號, 1顆歸5號, 估計4號為免最後要全部被3號或5號獨吞1顆都冇埋計, 而5號亦為免被3號獨吞1顆都冇埋, 只好同意.
2號海盜 - 提出98顆寶石歸自己, 剩餘1顆歸4號, 1顆歸5號, 估計4號為免最後要全部被3號或5號獨吞1顆都冇埋計, 而5號亦為免被3號獨吞1顆都冇埋, 只好同意.
3號海盜 - 提出99顆寶石歸自己, 估計4號為免最後要全部被5號獨吞1顆都冇埋計, 只好同意.
4號海盜 - 提出100顆寶石全歸5號, 這是唯一保命方法.
5號海盜 - 乜都唔駛提, 100顆寶石全歸自己.

諗左15分鐘(唔計打字), 唔知岩唔岩.
作者: 無神論狂徒    時間: 2010-10-2 15:51

引用:
原帖由 khadafy 於 2010-10-2 11:44 發表


咪係 囉..
邏輯上到最後果兩個人,一定唔會提案..
因為一提就淨番一個人啦..
如果第5位要求第4位提..
即係想4位死啫..
咁第4位一定知架啦..
所以咪會出現兩條粉腸講數囉..
如果第5位唔肯講數,要提案 ...
如果要考慮人性，唔守既定規矩∼咁就唔係推理題啦∼
如果按既定遊戲規則，尾二海盜會知，一到佢提案，佢就死硬，因為最尾一個海盜一定會Ban佢（除非佢把一百粒寶石比哂最後一個海盜以保命，但係尾二海盜全比寶石比最尾一個海盜，都好有風險），如此最尾海盜就可以全取一百顆寶石∼所以二號海盜會想法子自保，即係在未到尾二海盜自己提案前，要設法令之前的海盜的提案獲得通過∼
咁諗方向會正路啲∼

[ 本帖最後由 無神論狂徒 於 2010-10-2 16:29 編輯 ]
作者: 無神論狂徒    時間: 2010-10-2 16:28

引用:
原帖由 毛球 於 2010-10-2 14:27 發表

1號海盜 - 提出98顆寶石歸自己, 剩餘1顆歸4號, 1顆歸5號, 估計4號為免最後要全部被3號或5號獨吞1顆都冇埋計, 而5號亦為免被3號獨吞1顆都冇埋, 只好同意.
2號海盜 - 提出98顆寶石歸自己, 剩餘1顆歸4號, 1顆歸5號,  ...
勁∼！
雖然有問題∼但係諗啱方向，少見∼
個問題係二號海盜：
你講：”2號海盜 - 提出98顆寶石歸自己, 剩餘1顆歸4號, 1顆歸5號, 估計4號為免最後要全部被3號或5號獨吞1顆都冇埋計, 而5號亦為免被3號獨吞1顆都冇埋, 只好同意.”

二號海盜如果比一粒比四號，四號個角度會諗∼你二號死咗，由三號分，我都會有一粒吖∼你分比我係一粒，比三號分，我又係一粒∼如此去想∼二號投贊成票的可能性變得不確定∼所以要收賣四號，冇兩粒不成事∼

再講∼如果剩返四五號兩位海盜∼四號如果把一百顆全比五號以求自保∼都只係攞命博，因為五號角度會想：你比哂我，我有一百粒；如果我反對你四號，你四號都要死，我五號又係有一百粒∼如此去推想，五號投贊成票的機會也不能肯定，所以四號就算比哂所有寶石比五號，也可能招來殺身∼所以如果到三號提案∼要哂一百粒∼你都吹佢唔脹，因為四號要確保自己可以全身而退，會投贊成票∼

但係你離答案不遠矣∼你好勁∼

[ 本帖最後由 無神論狂徒 於 2010-10-2 16:50 編輯 ]
作者: 毛球    時間: 2010-10-2 16:55

引用:
原帖由 無神論狂徒 於 2010-10-2 04:28 PM 發表

二號海盜如果比一號比四號，四號個角度會諗∼你二號死咗，由三號分，我都會有一粒吖∼你分比我係一粒，比三號分，我又係一粒∼如此去想∼二號投贊成票的可能性變得不確定∼所以要收賣四號，冇兩粒不成事∼
都唔係架, 4號會驚3號太狼, 1粒都唔俾佢, 咁眼前1粒穩袋唔應該博囉.
引用:
原帖由 無神論狂徒 於 2010-10-2 04:28 PM 發表

再講∼如果剩返四五號兩位海盜∼四號如果把一百顆全比五號以求自保∼都只係攞命博，因為五號角度會想：你比哂我，我有一百粒；如果我反對你四號，你四號都要死，我五號又係有一百粒∼如此去推想，五號投贊成票的機會也不能肯定，所以四號就算比哂所有寶石比五號，也可能招來殺身∼所以如果到三號提案∼要哂一百粒∼你都吹佢唔脹，因為四號要確保自己可以全身而退，會投贊成票∼
係, 其實3號真係可以咁絕, 可憐的4號仔.

但係你咁講咪同上面你既說法有矛盾? 既然3號可以連1粒都唔俾4號, 2號俾1粒佢真係lur飯應啦. 另如果4號俾晒5號佢都仲反對咁無賴, 4號有權攬埋100粒石一齊跳海, 唔好益5號囉.

[ 本帖最後由 毛球 於 2010-10-2 17:02 編輯 ]
作者: 無神論狂徒    時間: 2010-10-2 18:04

引用:
原帖由 毛球 於 2010-10-2 16:55 發表

都唔係架, 4號會驚3號太狼, 1粒都唔俾佢, 咁眼前1粒穩袋唔應該博囉.

係, 其實3號真係可以咁絕, 可憐的4號仔.

但係你咁講咪同上面你既說法有矛盾? 既然3號可以連1粒都唔俾4號, 2號俾1粒佢真係lur飯應啦.  ...
如果按問題的假設：爭取最大利益以及個個海盜都係思考高手去分析∼
三號一定全取一百顆∼因為四號也是思考高手及爭取最大利益者，要保命才是利益最基本要求∼所以三號係必定會提出一百顆全取∼
在這個假設下，四號係唔會驚三號太狠，而係三號必定會咁狠∼
我只係想指出你由三號分配案推論去二號分配案中，出現了推論的漏洞啫∼但係你本身在推論三號分配案時已經出現漏洞∼我只係建基於你錯誤（三號分配案）的推論中，再指出由你錯誤的三號分配案推出的二號分配案是有問題的∼

[ 本帖最後由 無神論狂徒 於 2010-10-2 18:15 編輯 ]
作者: 毛球    時間: 2010-10-2 18:42

引用:
原帖由 無神論狂徒 於 2010-10-2 06:04 PM 發表


如果按問題的假設：爭取最大利益以及個個海盜都係思考高手去分析∼
三號一定全取一百顆∼因為四號也是思考高手及爭取最大利益者，要保命才是利益最基本要求∼所以三號係必定會提出一百顆全取∼
在這個假設下， ...
話說回來, 如果所有結果都係必然, 根本1號既方案必定通過, 其他2-3-4-5號方案係多餘.
作者: YU?    時間: 2010-10-2 19:08

按問題的假設，五個人實得兩個集團；

a.)５號仔實唔使餵鯊魚.
b.) ｌ、２、３和 4仔四位則分分鍾冇得分兼冇命.

所以1號仔的提意是.........寶石平均分四份，ｌ、２、３和 4仔每人一份，五號仔嗎...................叫佢.食自已喇。
作者: 全軍盡    時間: 2010-10-3 00:25

提示: 作者被禁止或刪除 內容自動屏蔽
作者: 毛球    時間: 2010-10-3 01:54

引用:
原帖由 全軍盡 於 2010-10-3 12:25 AM 發表

若果1同2提出條件係相同，咁呀1就要冒上性命危險黎搏....

所以，呀1要提出比呀2"優厚"既條件=4&5兩人各得兩粒，咁樣，先至符合4&5應得既最高利益.....

結論=1....96粒，4...2粒，5....2粒

又不 ...
題目係話-
條件︰ 每個海盜都是很聰明的人，都能很理智的判斷得失，從而做出選擇。
問題︰ 第一個海盜提出怎樣的分配方案才能夠使自己的收益最大化？
1號分98粒比96粒多, 符合自己收益最大化要求, 佢根本唔需要去滿足4號5號多1粒既要求, 因為4號同5號既選擇要以理智判斷得失, 1號開左呢個方案, 推翻佢2號亦唔會俾多d, 意氣用事不合乎理智條件.

另如果真係有呢個考慮, 仲可以改一改 ~
1號海盜 - 提出97顆寶石歸自己, 剩餘1顆歸3號, 2顆歸5號, 估計3號為免2號1顆都唔分俾佢後, 而5號亦為免被2號分少1粒或3號獨吞, 只好同意.
2號海盜 - 提出98顆寶石歸自己, 剩餘1顆歸4號, 1顆歸5號, 估計4號為免最後要全部被3號或5號獨吞1顆都冇埋計, 而5號亦為免被3號獨吞1顆都冇埋, 只好同意.
3號海盜 - 提出100顆寶石歸自己, 估計4號為免淨番佢同5號俾人夫掟落海, 只好同意.
4號海盜 - 提出100顆寶石全歸5號, 這是唯一保命方法.
5號海盜 - 乜都唔駛提, 100顆寶石全歸自己.

我個1號答案都係多你1粒.
作者: ali    時間: 2010-10-3 02:26

1號海盜提出33顆寶石歸自己，33顆寶石歸2號海盜，另33顆寶石歸3號海盜，4號海盜得一粒，5號海盜食自己。
3-2通過分贓方案
作者: 全軍盡    時間: 2010-10-3 02:31

提示: 作者被禁止或刪除 內容自動屏蔽
作者: 無神論狂徒    時間: 2010-10-3 09:02

引用:
原帖由 毛球 於 2010-10-2 18:42 發表

話說回來, 如果所有結果都係必然, 根本1號既方案必定通過, 其他2-3-4-5號方案係多餘.
係呀~所以我問:
"第一個海盜提出怎樣的分配方案才能夠使自己的收益最大化？"
如果班海盜係頂尖思考高手,又高度巨大化自己利益~
第一個海盜提出方案後,故事即完結~
作者: 無神論狂徒    時間: 2010-10-3 09:10

引用:
原帖由 YU? 於 2010-10-2 19:08 發表
按問題的假設，五個人實得兩個集團；

a.)５號仔實唔使餵鯊魚.
b.) ｌ、２、３和 4仔四位則分分鍾冇得分兼冇命.

所以1號仔的提意是.........寶石平均分四份，ｌ、２、３和 4仔每人一份，五號仔嗎............. ...
咁分法就一定冇死人，但係冇巨大化個人利益∼
都係有問題∼
作者: 無神論狂徒    時間: 2010-10-3 09:37

引用:
原帖由 全軍盡 於 2010-10-3 00:25 發表

若果1同2提出條件係相同，咁呀1就要冒上性命危險黎搏....

所以，呀1要提出比呀2"優厚"既條件=4&5兩人各得兩粒，咁樣，先至符合4&5應得既最高利益.....

結論=1....96粒，4...2粒，5....2粒

又不 ...
都唔係架∼
平均分都冇最大利益化，因為一號只需要收賣兩個人就可以達半數以上通過方案∼
不過均分唔係呢條題的正確方向∼
如果按均分方向去想，一號話均分，其他四人一定唔贊成，因為一號死，其他人會分多啲∼到二號提案均分，二號嘛．．．．（講埋出嚟個分析就觸動了答案核心啦∼問題會變唔好玩；我享受沉思，我估你哋都有人享受呢種樂趣，無謂打擾你哋雅興）
作者: 無神論狂徒    時間: 2010-10-3 09:45

引用:
原帖由 毛球 於 2010-10-3 01:54 發表

題目係話-
條件︰ 每個海盜都是很聰明的人，都能很理智的判斷得失，從而做出選擇。
問題︰ 第一個海盜提出怎樣的分配方案才能夠使自己的收益最大化？
1號分98粒比96粒多, 符合自己收益最大化要求, 佢根本唔需要 ...
勁揪∼∼中呀∼∼
一號方案全中呀∼
我post一篇講吓啦∼
作者: 無神論狂徒    時間: 2010-10-3 10:09     標題: 解答

如果四人死光，五號仔的分配方案係全取獨吞∼亦是全體贊成呢個投票方案∼（分配：5/100)

如果餘下四五仔，四仔一係比哂一百顆比五仔，以求保命，但係五仔角度會認為：”就算四仔比哂我，我有一百顆；但係我反對你比哂我，我都係一百顆∼”咁我鐘意點投票就點投∼還掂我獨吞硬一百顆囉∼所以四仔為求自保，會在三號仔提案時，唔理好醜，老虎蟹都投贊成票∼(冇分配方法，因為四仔唔到佢渣旗，四仔只會盲目投贊成票以自保）

如果餘下三個人，三號仔都知道佢有生殺大權∼所以佢會全取一百顆，你四仔為自保，一定要投贊成票∼最後三人中有兩人贊成∼所以分配方案通過∼（分配：5/0 ; 4/0 ; 3/100)

如果餘下四個人，四人都係絕頂聰明的人，每個人心裏都知道三號的野心，所以二號仔會想法子收買多兩票，而最低成本去收買多兩票的分配方案係一粒五仔；一粒四仔∼三仔就比條毛佢∼（分配：5/1 ; 4/1 ; 3/毛 ; 2/98)

如果一號提案，因為個個都係絕頂思考高手，個個人都知如果到二仔提案佢會點提案，所以一仔必定要提出比二號優厚的條件；好簡單，由二號方案中改少少，收買多兩票∼而二仔的方案中三仔得條毛，所以比一粒比三仔，佢都Lur飯認∼仲有一票要收買，有兩個方案，一係比兩粒五仔；一係比兩粒四仔∼（分配：5/2 ; 4/0 ; 3/1 ; 2/0 ; 1/97   or   5/0 ; 4/2 ; 3/1 ; 2/0 ; 1/97)
作者: YU?    時間: 2010-10-3 11:17

引用:
原帖由 無神論狂徒 於 2010-10-3 10:09 發表
如果餘下四五仔，四仔一係比哂一百顆比五仔，以求保命，但係五仔角度會認為：”就算四仔比哂我，我有一百顆；但係我反對你比哂我，我都係一百顆∼”咁我鐘意點投票就點投∼還掂我獨吞硬一百顆囉∼所以四仔為求自保，會在三號仔提案時，唔理好醜，老虎蟹都投贊成票∼(冇分配方法，因為四仔唔到佢渣旗，四仔只會盲目投贊成票以自保）
我不同意你對五仔的角度分析。
按你所提的規則，若五仔否決四仔的提意(100粒寶石全歸五仔所有)，則表示放棄了對寶石的擁有權，四仔就可以攬住D寶石跳落海，一去不回(遇唔遇到鯊魚就下回分解)。
作者: 毛球    時間: 2010-10-3 13:55

引用:
原帖由 無神論狂徒 於 2010-10-3 09:02 AM 發表


係呀~所以我問:
"第一個海盜提出怎樣的分配方案才能夠使自己的收益最大化？"
如果班海盜係頂尖思考高手,又高度巨大化自己利益~
第一個海盜提出方案後,故事即完結~
咦, 我尋日明明睇到係個"每"字, 點解會係個"第"字, 好彩你冇編輯既紀錄, 唔係我一定懷疑你改過.
作者: YU?    時間: 2010-10-3 14:44

引用:
原帖由 無神論狂徒 於 2010-10-3 10:09 發表
（分配：5/2 ; 4/0 ; 3/1 ; 2/0 ; 1/97   or   5/0 ; 4/2 ; 3/1 ; 2/0 ; 1/97)
按以下論線再分析一次:

五號仔.....反正實唔使死，收唔足100粒寶石就任何提意都 ban。

四號仔.....輪到我提意，就一定要全部寶石都俾晒五號仔，唔係命都冇。唉...邊個都好。俾D jetso 我，我就舉手舉腳支持。

三號仔.....輪到我提意，就俾四號仔一粒咁多啦，其餘99粒我自己袋晒。  吹咩~~五號仔

二號仔.....嘩！亞三號仔都幾毒喎，不過冇法喇，唯有按三號仔的方案提前提出，望佢唔好 ban，留番條命仔先。亞一號哥哥、一號大大、大哥大大，你俾少少好處我，我一定撐你。

一號仔.....二號仔同四號仔咁可憐，每人一粒喇。三號仔同五號仔咁大想頭？一粒都冇，食自己喇。其餘98粒我要晒。

                   (分配：5/0 ; 4/1 ; 3/0 ; 2/1 ; 1/98 )
作者: 毛球    時間: 2010-10-3 15:18

引用:
原帖由 YU? 於 2010-10-3 02:44 PM 發表
二號仔.....嘩！亞三號仔都幾毒喎，不過冇法喇，唯有按三號仔的方案提前提出，望佢唔好 ban，留番條命仔先。亞一號哥哥、一號大大、大哥大大，你俾少少好處我，我一定撐你。
2號點解要怕3號? 佢要2票唔一定from3號, 依家2號咁樣自己1粒都冇, 但如果佢俾1粒4號, 1粒5號, 自己有98粒, 4同5號撐佢, 一樣唔駛死.
引用:
原帖由 YU? 於 2010-10-3 02:44 PM 發表
一號仔.....二號仔同四號仔咁可憐，每人一粒喇。三號仔同五號仔咁大想頭？一粒都冇，食自己喇。其餘98粒我要晒。
2號知道ban左1號到自己提案可以攞98粒, 點會同意1號分1粒俾佢? 結果最多得4號接受, 1號死梗.
作者: YU?    時間: 2010-10-3 16:13     標題: 回復 26# 的帖子

問題1  :  因為 ban 左一和二號仔至輪到三號仔提意見............................A
              因為五號仔要收足100粒至會投支持票......................................B
              因為如果得不到三號仔的支持，就會出現兩票對兩票之局面，未能超過半數，後果就是俾人掟落海.........................................................................................  C

問題2. : ban 左一號仔之後，就只會餘下四張有效票，二號仔亦知道如果滿足五號仔的條件(100粒)則會失去三號仔和四號仔的支持，結果還是要餵鯊魚。So  輪到二號仔提意見的時候，還是要順著三號仔的意思以求保命。

在那條論線之中的爭議點是你可否接受三號仔(99粒)和五號仔(100粒)的立論而已。

[ 本帖最後由 YU? 於 2010-10-3 16:17 編輯 ]
作者: 毛球    時間: 2010-10-3 16:55

引用:
原帖由 YU? 於 2010-10-3 04:13 PM 發表
問題1  :  因為 ban 左一和二號仔至輪到三號仔提意見............................A
              因為五號仔要收足100粒至會投支持票......................................B
              因為如果得不到三號 ...
A - 既然未到3號話事, 2號係唔需要理3號想點, 只需要2票+自己1票.
B - 未到5號話事, 唔到佢想唔想要100粒, 因為3號話事先過佢, 佢已經冇機會得到100粒. 所以2號俾1粒佢都要支持.
結論, 2號唔需要3號既支持, 只要分1粒俾4號同5號佢2個已經會支持佢, 有98粒兼唔駛餵鯊魚, 所以佢唔會接受1號俾1粒佢, 所以1號唔係要2號既票.

呢個遊戲最重要既地方係有d唔會發生既事係不切現實(如3號根本冇機會得到99粒同5號根本冇機會得到100粒), 反對只會錯過眼前最好機會, 即係不智, 而當自己有話事權, 要攞最多野同時保命, 係唔需要俾多1粒其他人(2號唔需要俾3號), 相反落錯注只會招致殺身之禍(1號俾1粒2號而唔俾3號同5號).
作者: YU?    時間: 2010-10-3 17:57

引用:
原帖由 毛球 於 2010-10-3 16:55 發表

A - 既然未到3號話事, 2號係唔需要理3號想點, 只需要2票+自己1票.
B - 未到5號話事, 唔到佢想唔想要100粒, 因為3號話事先過佢, 佢已經冇機會得到100粒. 所以2號俾1粒佢都要支持.
結論, 2號唔需要3號既支持, 只要 ...
遊戲自有遊戲的羅輯、準則。如果三號仔或五號仔用一粒寶石也可以得到他們一票，一號仔大可用二粒寶石任意的俾二、三、四、五中的兩個就可輕易過骨了~~遊戲也結束了。   
引用:
呢個遊戲最重要既地方係有d唔會發生既事係不切現實(如3號根本冇機會得到99粒同5號根本冇機會得到100粒), 反對只會錯過眼前最好機會, 即係不智, 而當自己有話事權, 要攞最多野同時保命, 係唔需要俾多1粒其他人(2號唔需要俾3號), 相反落錯注只會招致殺身之禍(1號俾1粒2號而唔俾3號同5號).
難得一遇的提問。我亦借此機會發下up 風
回到現實生活中，今日的「正苦」就是在〝民主〞、〝法治〞精神之下去維護51％的人(有投票權的)的利益而得以存活。
至於要拉攏那51％的人，我與大姐你都几難有個共識吧。

[ 本帖最後由 YU? 於 2010-10-3 17:59 編輯 ]
作者: 全軍盡    時間: 2010-10-3 18:28

提示: 作者被禁止或刪除 內容自動屏蔽
作者: 全軍盡    時間: 2010-10-3 18:37

提示: 作者被禁止或刪除 內容自動屏蔽
作者: 全軍盡    時間: 2010-10-3 18:47

提示: 作者被禁止或刪除 內容自動屏蔽
作者: 毛球    時間: 2010-10-3 22:25

引用:
原帖由 YU? 於 2010-10-3 05:57 PM 發表
遊戲自有遊戲的羅輯、準則。如果三號仔或五號仔用一粒寶石也可以得到他們一票，一號仔大可用二粒寶石任意的俾二、三、四、五中的兩個就可輕易過骨了~~遊戲也結束了。   
如果我係1號, 你係2號, 你"否"左我你可以攞98粒, 我依家俾2粒你, 你同唔同意? 如果你堅持揀同意我冇意見. 不過我都係唔會俾2粒你.
引用:
原帖由 YU? 於 2010-10-3 05:57 PM 發表
難得一遇的提問。我亦借此機會發下up 風
回到現實生活中，今日的「正苦」就是在〝民主〞、〝法治〞精神之下去維護51％的人(有投票權的)的利益而得以存活。
至於要拉攏那51％的人，我與大姐你都几難有個共識吧。
事實係我唔需要同你有共識, 首先我同你都唔係1號, 而係2,3,4,5號 ...... (按錯掣之前打左d野冇左, 算!)

[ 本帖最後由 毛球 於 2010-10-4 20:51 編輯 ]
作者: 無神論狂徒    時間: 2010-10-3 23:47

引用:
原帖由 YU? 於 2010-10-3 11:17 發表


我不同意你對五仔的角度分析。
按你所提的規則，若五仔否決四仔的提意(100粒寶石全歸五仔所有)，則表示放棄了對寶石的擁有權，四仔就可以攬住D寶石跳落海，一去不回(遇唔遇到鯊魚就下回分解)。
攬著寶石落海，唔係唔得，只係冇按遊戲規則玩啫∼其實如果唔按規則玩，在第一個提按要哂一百顆而不被接受後，一號可以攞支砲仔出嚟殺光佢哋∼

只要按規矩玩，四仔你提案比哂一百粒五號仔∼五號就算投反對票，按規矩，四號都係要死∼四號死後∼餘下的一百粒也是由五號仔自動取得∼就算五號在四號提案後反對，放棄寶石的擁有權，在四號仔死後，寶石也是一粒冇少自動歸五號∼就算五號前後矛盾，你都吹佢唔脹∼就算佢先放棄所有寶石擁有權，佢最後都係全數獲得一百粒寶石∼
作者: YU?    時間: 2010-10-4 12:19

引用:
原帖由 無神論狂徒 於 2010-10-3 23:47 發表

攬著寶石落海，唔係唔得，只係冇按遊戲規則玩啫∼其實如果唔按規則玩，在第一個提按要哂一百顆而不被接受後，一號可以攞支砲仔出嚟殺光佢哋∼
只要按規矩玩，四仔你提案比哂一百粒五號
五號仔穩袋100粒寶石之後，再擲毫決定四號仔的生死..........果然好有娛樂性，不過我就認為冇呢個必要。
引用:
條件︰ 每個海盜都是很聰明的人，都能很理智的判斷得失，從而做出選擇。
問題︰ 第一個海盜提出怎樣的分配方案才能夠使自己的收益最大化？
引用:
事實係我唔需要同你有共識, 首先我同你都唔係1號, 而係2,3,4,5號,
大姐，還是先以一號仔的角度去檢視2、3、4、5號的處境，才決定花多少資源於某兩位身上才吻合問題的要求。


引用:
如果我係1號, 你係2號, 你"否"左我你可以攞98粒, 我依家俾2粒你, 你同唔同意? 如果你堅持揀同意我冇意見. 不過我都係唔會俾2粒你

二號仔須然投反對票，但亦不表示一號仔就實俾人掟落海，因為他可以改為拉攏三或五號仔支持便可過關..............唉！可憐的四號仔。
寫到呢度，再修訂下一號仔的方案:
一號仔自己袋99粒，一粒俾三(或五)號仔。搞掂，收工。

再嘆多句...........可憐的四號仔


[ 本帖最後由 YU? 於 2010-10-4 12:38 編輯 ]
作者: 無神論狂徒    時間: 2010-10-4 14:21

引用:
原帖由 ali 於 2010-10-3 02:26 發表
1號海盜提出33顆寶石歸自己，33顆寶石歸2號海盜，另33顆寶石歸3號海盜，4號海盜得一粒，5號海盜食自己。
3-2通過分贓方案
二仔必定會投反對，因為一仔死後，佢可以提案為自己爭取最多，三十三粒對佢來說太少∼
作者: 無神論狂徒    時間: 2010-10-4 14:24

引用:
原帖由 毛球 於 2010-10-3 13:55 發表

咦, 我尋日明明睇到係個"每"字, 點解會係個"第"字, 好彩你冇編輯既紀錄, 唔係我一定懷疑你改過.
我改過啲乜就唔記∼但我係有改過∼因為我習慣出咗街先複睇內容，有錯再改∼你可能係我出咗街，睇咗個錯的版本∼唔出奇∼
作者: 無神論狂徒    時間: 2010-10-4 14:41

有討論∼非常好∼　　　　　　　　　　　
作者: 無神論狂徒    時間: 2010-10-4 15:20

引用:
原帖由 YU? 於 2010-10-4 12:19 發表


五號仔穩袋100粒寶石之後，再擲毫決定四號仔的生死..........果然好有娛樂性，不過我就認為冇呢個必要。




大姐，還是先以一號仔的角度去檢視2、3、4、5號的處境，才決定花多少資源於某兩位身上才吻合問題 ...
你能否把你的答案的成個推論，再一五一拾講一次∼因為好亂∼我好想知你係咪睇到啲我睇唔到的嘢，定係你推論中有出錯的地方∼
你上一個推論話三號分配的話會比一粒四仔，二號要買賬比三號，把三號的分配方案一成不變照抄，以求自保∼呢度我唔贊同，但係你依家又過了自己個答案∼
好想知邊度出現問題∼我番睇了好多次都捉不到你的推論∼
我捉不到你的推論內容∼
作者: YU?    時間: 2010-10-4 20:18

引用:
原帖由 無神論狂徒 於 2010-10-4 15:20 發表

你能否把你的答案的成個推論，再一五一拾講一次∼因為好亂∼我好想知你係咪睇到啲我睇唔到的嘢，定係你推論中有出錯的地方∼
你上一個推論話三號分配的話會比一粒四仔，二號要買賬比三號，把三號的分 ...
讓我用另一個形式表述一下我最後的修訂方案：1仔/99粒; 3仔/1粒



A~~一號仔必須要在2、3、4和5號仔之間拉攏到二位支持方可以順利過關。至於邊兩個就得看看下面的檢視了。



B~~五號仔梗係想得返佢同四號仔玩喇，四號仔實俾晒100粒佢，重
要求佢俾條生路添。不過佢都知無可能個提意權會留到四號仔處，因為要過三號仔果關。如果三號仔得到提意權就一定提出100粒全部自己袋晒，而四號仔則為免接那燙手山芋而投下同意票，結果五號仔還是一無所得。如果我俾一粒佢，佢實支持我；不過我俾或唔俾，到二號仔有提意權在手的話，二號仔都會俾一粒黎拉攏佢。唔…..
俾粒寶石佢，佢投贊成票的機會都係得一半一半咋。



C~~四號仔自己知自已事，佢都知個提意權在手是禍不是福，不但分不到寶石重要俾五號仔玩。所以四號仔為求個提意權唔好留到落自己度，會對之前的任何提意都投下贊成票、不論有冇寶石分。哈！哈！好一張鐵票，連一粒寶石都不用花。




D~~三號仔有提意權在手的話，佢都知四號仔會無條件的支持任何提案，佢實提意自己袋晒100粒。不過……佢都知過唔到二號仔果關，二號仔有提意權的話，二號仔只會拉攏五號仔而唔會係三號仔，so 三號仔一粒都冇得分。咁…….
我俾一粒過佢，三號仔實會舉手舉腳支持我。掂晒！！



E~~二號仔……. 超！我都夠票過關，啋佢都有味喇。

一號仔最終提案是：一號可得99粒；三號仔可得1粒，其餘幾位…零

[ 本帖最後由 YU? 於 2010-10-4 20:22 編輯 ]
作者: 毛球    時間: 2010-10-4 20:42

引用:
原帖由 YU? 於 2010-10-3 05:57 PM 發表
遊戲自有遊戲的羅輯、準則。如果三號仔或五號仔用一粒寶石也可以得到他們一票，一號仔大可用二粒寶石任意的俾二、三、四、五中的兩個就可輕易過骨了~~遊戲也結束了。   
引用:
原帖由 毛球 於 2010-10-3 10:25 PM 發表
如果我係1號, 你係2號, 你"否"左我你可以攞98粒, 我依家俾2粒你, 你同唔同意? 如果你堅持揀同意我冇意見. 不過我都係唔會俾2粒你.
引用:
原帖由 YU? 於 2010-10-4 12:19 PM 發表
二號仔須然投反對票，但亦不表示一號仔就實俾人掟落海，因為他可以改為拉攏三或五號仔支持便可過關..............唉！可憐的四號仔。
咁即係唔係用二粒寶石任意的俾二、三、四、五中的兩個啦.

[ 本帖最後由 毛球 於 2010-10-4 20:44 編輯 ]
作者: 毛球    時間: 2010-10-4 20:52

引用:
原帖由 無神論狂徒 於 2010-10-4 02:24 PM 發表

我改過啲乜就唔記∼但我係有改過∼因為我習慣出咗街先複睇內容，有錯再改∼你可能係我出咗街，睇咗個錯的版本∼唔出奇∼
我估係我睇錯.
作者: 毛球    時間: 2010-10-4 20:58

引用:
原帖由 YU? 於 2010-10-4 08:18 PM 發表


讓我用另一個形式表述一下我最後的修訂方案：1仔/99粒; 3仔/1粒



A~~一號仔必須要在2、3、4和5號仔之間拉攏到二位支持方可以順利過關。至於邊兩個就得看看下面的檢視了。



B~~五號仔梗係想得返佢同 ...
1號搵命搏1粒都唔益4,5號, 4,5號梗係先反對1號再睇下2號仲敢唔敢唔分俾佢地啦, 1號仔最後順利跳海囉.
作者: 無神論狂徒    時間: 2010-10-4 23:15

引用:
原帖由 YU? 於 2010-10-4 20:18 發表


讓我用另一個形式表述一下我最後的修訂方案：1仔/99粒; 3仔/1粒



A~~一號仔必須要在2、3、4和5號仔之間拉攏到二位支持方可以順利過關。至於邊兩個就得看看下面的檢視了。



B~~五號仔梗係想得返佢同 ...
有一個失誤，建基於呢個推論另一個失誤∼
所以成個結論出問題∼
仲有冇失誤我唔敢肯定∼
四號係”鐵票”，呢個一定係推論失誤∼
四號的生死或有冇得執，有一個分界線：三仔，三仔無論點分法，四仔都可以投贊成票，四仔最多乜都冇，但係可以保命∼但係對於四仔而言，一及二仔的分配方案，佢仍有權投贊成或反對票∼只要一或二都有著數比佢∼佢都有機會優勝過三仔的分配方案∼如果你係四仔，你點會唔巨大化自己利益呢？何不等一下，看看一仔及二仔有乜著數比自己呢？

你個思路唔係咁走法∼一仔出乜條件要人贊成佢，好視乎二仔出乜條件，所以要分析二仔的條件，而二仔的條件也是要取決於三仔的方案，你一層一層去推敲，才會知個結論∼你的想法是直接以一仔的角度去睇哂所有人∼個人感覺推論較鬆散∼但無論如何，四號一定唔係鐵票∼
作者: YU?    時間: 2010-10-5 13:51     標題: 回復 44# 的帖子

是的！閣下的結論是對的。多謝指教   

往前再檢視自己發的帖子，發現自己的失誤是過度的追求"利益巨大化"的原則上。~~ali 兄的33粒比我原提意多8粒； 毛球大姐的97粒又比全軍盡兄的96粒多了一粒； 於是我就向98粒、進而向99粒的方向發展，結果........就是俾人掟落海囉。~~  

唉！自己行左拾幾年船，今日落得如斯下場   
作者: 無神論狂徒    時間: 2010-10-5 16:23

引用:
原帖由 YU? 於 2010-10-5 13:51 發表
是的！閣下的結論是對的。多謝指教   

往前再檢視自己發的帖子，發現自己的失誤是過度的追求"利益巨大化"的原則上。~~ali 兄的33粒比我原提意多8粒； 毛球大姐的97粒又比全軍盡兄的96粒多了一粒； 於是 ...
放心啦∼其實個海冇鯊魚∼我一早落咗防鯊網∼因為我都驚被人丟落水∼所以我至係呢度最奸果個∼騎∼騎∼騎∼



歡迎光臨 香港 Xocat Forum 討論區 (http://p.xocat.com/p/) Powered by Discuz! 6.0.0