Board logo

標題: [灌水] 消失的香港精神 [打印本頁]
作者: suewong    時間: 2010-10-27 23:51     標題: 消失的香港精神

http://hk.news.yahoo.com/article/101026/23/kxbr.html

八十後湧向公屋 要標本兼治
(經濟日報)2010年10月27日 星期三 06:00

【經濟日報專訊】單身八十後年輕人近月申請公屋大增，當中逾四成更具大學學歷，有違公屋幫助基層市民的原意，此風漸盛亦礙年輕人培養莊敬自強之心，港府要研堵塞申請漏洞，但更須治理現象背後的高樓價、社會低流動性問題，才能治本。
擠佔公屋資源 更礙莊敬自強
[url=]運輸及房屋局
[/url]長上周六與四百名學生對話，有十九歲的大學生訴心聲指「女友話無樓就唔嫁」，贏得全場年輕人熱烈鼓掌。事件激起社會討論政府是否有責任助年輕人上車首次置業。
不少年輕人對政府的房屋要求，亦體現在公屋上。據本報報道，十八至二十九歲單身申請公屋的年輕人，在八月底比五月底急增百分之九，逼近二萬四千個，當中逾四成具大學學歷，即屬社會上較有能力一群。可見大學生或具大學學歷的年輕人申請公屋漸已成風。
此對大學生、對本港社會都非好事。
年輕人朝氣勃發，加上具大學學歷，正應是奮發打拼的朝陽歲月，但若他們未自強，卻先思鑽政策空子，競相申請公屋，此見縫插針心態已不健康，更可能養成依賴政府的習慣，疏於進取。
為符合公屋單身申請人月入不逾七千四百四十元的規定，畢業大學生更可能荒廢工作時間，只打散工、補習、低薪工作，甚至遊閒在家，此對年輕人本身長遠發展有害無益。
若愈來愈多年輕人如此，對社會整體當然是損失，尤其失去自強不息的香港精神。此外，對基層亦不公平，因公屋是要幫助謀生能力偏低的市民安居，大學生申請公屋將擠佔公屋資源，令基層輪候時間更長；政府亦要向公屋投入更多資源，浪費公帑。
因此，港府需要檢討公屋申請情況，修補缺陷。但港府亦必須明白，八十後申請公屋只是病徵，真正病因有二：其一，本港樓價太高，即使具大學學歷亦望樓價而生畏；其二，社會流動性減慢，不少年輕人感到上位無望，遑論加薪幅度可以追上樓價，年輕人置業機會既渺茫，惟轉向要求港府助置業，又或搶住公屋，以至借公屋作踏腳石，可免補地價買二手居屋。
社會流動性減 望高樓價生畏
港府治標更要治本，要堵塞公屋漏洞，更要認真處理樓價太高、社會流動性減慢的深層次問題，否則縱可阻遏八十後申請公屋，亦難解年輕人怨氣日增、上進心降低的問題，那對社會穩定、對長遠經濟發展都有損無益

自強不息的香港精神- 去o左邊 ?
作者: mtpen    時間: 2010-10-28 20:31

引用:
原帖由 suewong 於 2010-10-27 23:51 發表
港府治標更要治本，.. ...
唔好剩係要求港府做乜做物，呢啲 80 後、90 後嘅父母，即係我哋呢啲老鬼，都要自我檢討一吓，點解教到佢哋有咁嘅 too simple, sometimes naive想法。
作者: suewong    時間: 2010-10-28 21:00

引用:
原帖由 mtpen 於 2010-10-28 20:31 發表

唔好剩係要求港府做乜做物，呢啲 80 後、90 後嘅父母，即係我哋呢啲老鬼，都要自我檢討一吓，點解教到佢哋有咁嘅 too simple, sometimes naive想法。
看到政府屈服, 無良政棍, Ah Sue 對人性, 更加絕望; 對香港的將來, 更加悲觀...

03 年, Ah Sue 已經有許多學生, 申請公屋. 無抵押低息貸款, 借盡. 同我說, 不借白不借...
作者: mtpen    時間: 2010-10-28 22:33

引用:
原帖由 suewong 於 2010-10-28 21:00 發表

看到政府屈服, 無良政棍, Ah Sue 對人性, 更加絕望; ...
點止無良政棍呀，好似呢個報紙佬咁，响度騸風點火，話社會低流動性問題，冇腦兼誤導。  

乜嘢叫做流動性低呀？囫嘅！

哦！讀完大學就一定要做番份相關兼要有大學資格先做得嘅工呀？讀完engine 就要做工程師、讀完 accounts 就要做 accountant？呢啲係乜鬼邏輯呀？轉做第二行犯法㗎？乜嘢叫做馬死落地行呀？

我响英國工作時，見盡幾許大學生响公司做個文員仔或 sales 仔，連我呢啲異族都高級過佢，死咗佢呀，笨！

曾工作於一公司，有個 Workshop Manager，大學讀 engine，有日無喇喇劈砲唔捞，話 I had enough，再受唔住 endless office wars，去做揸巴士咁話，我當佢講笑。某日，我响倒後鏡真係見到佢揸住架巴士跟住我尾，我閃壞車燈同佢 say hello，佢挮晒手兼閃大燈回應，狀甚 enjoy。嗱！呢啲先至叫做瀟灑呀！學嘢喇！
作者: suewong    時間: 2010-10-28 23:44

引用:
原帖由 mtpen 於 2010-10-28 22:33 發表


點止無良政棍呀，好似呢個報紙佬咁，响度騸風點火，話社會低流動性問題，冇腦兼誤導。  

乜嘢叫做流動性低呀？囫嘅！

哦！讀完大學就一定要做番份相關兼要有大學資格先 ...
香港傳媒質素低, 但流動性低真是低過以前...

揸巴士, 成拾年揸車經驗,入職 2 年, working hour + stand by, 拾幾個鐘, 仲要成日俾人問候娘親, 都月入唔夠 一萬, 家姐今日話, 100 呎套房, 月租 $4000 大洋!

識有人 70 年代揸的士, 現在有 2 個的士牌, 有樓收租...

升斗小民, 搵食 / upward mobility, 係難過以前, 馬死落地都無得行....
作者: mtpen    時間: 2010-10-29 11:31

引用:
原帖由 suewong 於 2010-10-28 23:44 發表

香港傳媒質素低, 但流動性低真是低過以前......
Upward mobility 係社會流動其中之一種。

講真，黃小妹以妳同輩嚟講，我敢相信學歷是極之高一個，所以妳揾工易，冇徬徨過。

我有理由相信，响呢個 forum 吹水之兄弟姊妹，大部份都曾捱過做 cheap 工之日子。

成日話𠵱家揾食艱難，事實揾食從來都咁艱難，否則我不會日頭响北角返工，做嘢做到死吓死吓，晚上仲去新蒲崗文理讀預科希望考到 GCE 2個A 3個O。妳估40年前有地鐵及咁多條隧巴呀？要由北角搭船過觀塘再搭巴士往新蒲崗。晚上9:30放學烏吓烏吓返到屋企成11:00。若然當日多嘢做冇得準時放工，放咗學先有時間食晚飯。後期去紅磡理工讀 Diploma Course 就好啲嘞，有船去紅磡。


我唔知亞媽係女人呀？放咗工去wet去睇戲又或返歸睇電視幾嗰制呀！咁辛苦為乜啫？咪就係為咗 upward mobility 囉！你唔鍾意咪唔好讀囉，不過第日冇級升又或揾唔到第二份好工，到時唔夠錢使，就咪怨人呀！

Upward mobility 唔係坐响度等政府安排㗎！係要自己爭取及作出犧牲㗎！
作者: 理魯竇    時間: 2010-10-29 13:15

筆兄，當年我應該比你更淒涼，在筲箕灣東大街尾工廠返工，
放工後趕去電車站去北角，仆去北角碼頭坐船去九龍城，再
坐6c巴士去長沙灣，去茶餐廳食幾個字飯就去上課，放學就
行去深水埔碼頭坐船返西環，而家回想起都喊三聲。
作者: mtpen    時間: 2010-10-29 14:55

引用:
原帖由 理魯竇 於 2010-10-29 13:15 發表

去茶餐廳食幾個字飯就去上課，放學就行去深水埔碼頭坐船返西環，而家回想起 ...
理兄梗係去長沙灣工業學院返學了？讀邊科咁呢？

咁睇嚟小弟真個冇你咁慘矣。
作者: YU?    時間: 2010-10-29 16:28

引用:
原帖由 mtpen 於 2010-10-29 14:55 發表


理兄梗係去長沙灣工業學院返學了？讀邊科咁呢？

咁睇嚟小弟真個冇你咁慘矣。  
唉！大家都係難兄難弟也，我都唔係好得幾多咋。先是灣仔收工、長沙灣返學，后來就油麻地收工返新蒲崗。
作者: suewong    時間: 2010-10-29 17:14

引用:
原帖由 mtpen 於 2010-10-29 11:31 發表


Upward mobility 係社會流動其中之一種。

講真，黃小妹以妳同輩嚟講，我敢相信學歷是極之高一個，所以妳揾工易，冇徬徨過。

Upward mobility 唔係坐响度等政府安排㗎！係要自己爭取及作出犧牲㗎！ ...
we speak the same language...

年輕人成長時的處境, 與前輩你們相比, 其實已經是天堂. 起碼不會食不飽/衣不蔽體...

但他們面對的經濟大氣候, 是一路向下, 貧富懸殊. 可悲的是全無危機感, 靠人打救. 香港政府的質素, 點帶領我們出紅海 ?

80 年代後期是, 因為食正移民潮. 到 95 年回來, 就面對回流 / 海歸的競爭. 而且行頭窄...
作者: suewong    時間: 2010-10-29 17:19

引用:
原帖由 理魯竇 於 2010-10-29 13:15 發表
筆兄，當年我應該比你更淒涼，在筲箕灣東大街尾工廠返工，
放工後趕去電車站去北角，仆去北角碼頭坐船去九龍城，再
坐6c巴士去長沙灣，去茶餐廳食幾個字飯就去上課，放學就
行去深水埔碼頭坐船返西環，而家回想起 ...
聽到你們的當年, 慶幸出世遲....

尤其聽到學生話: 唔想返工/ 阿媽逼佢返學, 真是想喊...
作者: 理魯竇    時間: 2010-10-29 19:36

引用:
原帖由 suewong 於 2010-10-29 17:19 發表


聽到你們的當年, 慶幸出世遲....

尤其聽到學生話: 唔想返工/ 阿媽逼佢返學, 真是想喊...
書到用時方恨少，
所以我後來好珍惜學習機會，
參加公司和中大合辦的diploma 課程，
歷時兩年，我的出席率是100%。
作者: mygo    時間: 2010-10-29 21:55

引用:
原帖由 suewong 於 2010-10-28 23:44 發表 香港傳媒質素低, 但流動性低真是低過以前...揸巴士, 成拾年揸車經驗,入職 2 年, working hour + stand by, 拾幾個鐘, 仲要成日俾人問候娘親, 都月入唔夠 一萬, 家姐今日話, 100 呎套房, 月租 $4 ...
呵呵，港人整體質素下降。度度都出問題。、
前幾日，港鐵油麻地站電纜問題，居然都會搞成咁，到底係香港人腦殘、腳殘、口殘定係另有問題？

首先：港鐵問題，指示及廣播不清，其次，響呢D咁既繁忙時間，仲要往中環方向出現問題，最理想方法係廣播叫乘客步行一個站，接駁巴士，只接載老弱傷殘，因為油地站搞接駁巴士已係死症，除左兩大路，根本所有都係細路，好似咸美頓街、碧街、永星里、文明里，全部停一兩架巴士都打晒困籠，一，班地鐵，動輒幾千人，那時兩分鐘一班，你要幾多架巴士先接駁到？

其次，乘客問題，由油麻地站行去佐，頂多十至十五分鐘，但居然有咁多人要去搭接駁巴士，到底係D人腦殘、腳殘定口殘？
我雖然年紀老邁，好多時在佐敦搭車，如果去官塘那邊，都會行去油麻地站，一來，可免去轉車，行一陣就到。何況，八點左右，大部分都係中環白領？
事後各大論壇仲有人死撐，話唔係住九龍，唔識得點行喎？哈哈，你話幾好笑？
唔使住九龍係咪呀？只要上到地面，一定跟最多人方既向行都唔會有錯啦，就算唔識，咁可唔乭以問下人向邊度行呢？所以話佢地口殘就係咁解，我最唔明，仲要死拗，咁先至係香港精神？
作者: suewong    時間: 2010-10-29 22:37

引用:
原帖由 mygo 於 2010-10-29 21:55 發表


呵呵，港人整體質素下降。度度都出問題。、
前幾日，港鐵油麻地站電纜問題，居然都會搞成咁，到底係香港人腦殘、腳殘、口殘定係另有問題？

首先：港鐵問題，指示及廣播不清，其次，響呢D咁既繁忙時間，仲要往 ...
聽到此消息, 當時我的想法:
地鐵發言人, 未嘗在油麻地演習過 --- o下!!!
乘客: 地鐵無職員教 / 安排 --- 屋企壞電梯, 都會諗下點解決掛....
作者: liao_marco    時間: 2010-10-30 00:25

代代既環境不同, 現在都係捱緊, 而家返學返工返屋企係三角長傳,新界東->新界西->香港島. 都係揾一個有PROSPECT既行業, 個人自身努力係一件事,世界大圍經濟,行業興衰又已經係另一大因素, 有時1+1唔等於2, 我見我啲年青同學都係HEA住讀,你又好難怪佢哋, 現在玩咗,總算叫玩咗, 要再諗啲未知加唔知既嘢, 壓力何等既大, 人生有機會做吓傻仔都唔錯呀, 唔通十幾歲就要憂柴憂米就叫生性, 响呢度都要為學校賣吓廣告, http://news.hkheadline.com/daily ... E%FA%A5%7C%2E%2E%2E   青年當海員 夢想「航」行 可隨船遊歷四方 月薪連津貼達萬元
PS 呢一科係VTC唔重視既科目, 但係個別收生既質素一定係全VTC之冠

[ 本帖最後由 liao_marco 於 2010-10-30 00:26 編輯 ]
作者: mtpen    時間: 2010-10-30 09:17

引用:
原帖由 mygo 於 2010-10-29 21:55 發表

呵呵，港人整體質素下降。度度都出問題。 ...
鬧得好！  

我用两驕一刁嚟形容佢哋:

驕生慣養兼未富先驕嘅刁民是也！

邊個教成佢哋咁？咪佢哋老豆老母，即係我哋呢啲老鬼囉！該死！
作者: mygo    時間: 2010-10-30 19:27

引用:
原帖由 suewong 於 2010-10-28 23:44 發表 香港傳媒質素低, 但流動性低真是低過以前...揸巴士, 成拾年揸車經驗,入職 2 年, working hour + stand by, 拾幾個鐘, 仲要成日俾人問候娘親, 都月入唔夠 一萬, 家姐今日話, 100 呎套房, 月租 $4 ...
97後香港Office文化漸變，成個社會氣變晒，朝早番工，10個有八個響Canteen吹水，吹到咁上下，先至開始番寫字間，唔使一陣就話食飯，到五點零六點，先至黎真料，Call meeting，開會開到七點幾，一個係咁，個個就唔執輸，冇野做都扮有野做，踖咪只有坐響房上網，反正冇人知，唔到七八點都行番出黎。
到底係咪真係所有公司都咁多野做？我估就唔係，晒電晒冷氣，不知所謂，話就做十幾個鐘，其打番條數咪又咁？
唯一真係多野做左一D基層，好似侍應呀咁，以前有點心阿嬸，執碗碟有見習生，侍應只負責擺位沖茶埋單，而家仲要賣埋點心，執埋碗碟。以前酒樓分得好清楚，侍應接觸客人，一般唔會碗碟用過紙巾，因為要沖茶那茶葉沖茶俾客，而家？執完包雲吞紙巾，順手就就欏茶葉沖茶俾你飲，你飲唔飲？

香港，已經一日不如一日又一例證。
作者: mygo    時間: 2010-10-30 19:28

引用:
原帖由 suewong 於 2010-10-29 22:37 發表 聽到此消息, 當時我的想法:地鐵發言人, 未嘗在油麻地演習過 --- o下!!!乘客: 地鐵無職員教 / 安排 --- 屋企壞電梯, 都會諗下點解決掛....
最離奇係好多人話唔住九龍，唔識點行？
硬拗就係香港精神。
作者: mygo    時間: 2010-10-30 19:29

引用:
原帖由 mtpen 於 2010-10-30 09:17 發表 鬧得好！   我用两驕一刁嚟形容佢哋: 驕生慣養兼未富先驕嘅刁民是也！  邊個教成佢哋咁？咪佢哋老豆老母，即係我哋呢啲老鬼囉！該 ...
咁又係。

咁又係。
作者: mygo    時間: 2010-10-30 19:36

最記得十年前，千年蟲大騙局，一早都知冇問題，但開會開左成年，個個咁緊張，你會唔會話包冇事？咪參加埋一份囉。
1999年12月31日，成班人響度癲，全公司既IT、Manager、董事局主席圍住響Server Room、部部　Work Station都有人，到左12點零一分，個拍手掌，自己都迫住拍埋一份。
作者: suewong    時間: 2010-10-31 00:50

引用:
原帖由 liao_marco 於 2010-10-30 00:25 發表
代代既環境不同, 現在都係捱緊, 而家返學返工返屋企係三角長傳,新界東->新界西->香港島. 都係揾一個有PROSPECT既行業, 個人自身努力係一件事,世界大圍經濟,行業興衰又已經係另一大因素, 有時1+1唔等於2, 我見我 ...
都明現今年輕人的困境, 經濟週期短, 現在有 PROSPECT ,  幾年後是另一番境像. 好彩既, 轉到型, 否則....

[ 本帖最後由 suewong 於 2010-10-31 01:13 編輯 ]
作者: suewong    時間: 2010-10-31 00:57

引用:
原帖由 mygo 於 2010-10-30 19:27 發表

唯一真係多野做左一D基層，好似侍應呀咁，以前有點心阿嬸，執碗碟有見習生，侍應只負責擺位沖茶埋單，而家仲要賣埋點心，執埋碗碟。以前酒樓分得好清楚，侍應接觸客人，一般唔會碗碟用過紙巾，因為要沖茶那茶葉沖茶俾客，而家？執完包雲吞紙巾，順手就就欏茶葉沖茶俾你飲，你飲唔飲？

...
睇數據, 話在快餐店做一個鐘, 唔夠食 一個午餐. 對有心靠自己, 唔欏綜援的基層，真是....
作者: suewong    時間: 2010-10-31 01:01

引用:
原帖由 理魯竇 於 2010-10-29 19:36 發表


書到用時方恨少，
所以我後來好珍惜學習機會，
參加公司和中大合辦的diploma 課程，
歷時兩年，我的出席率是100%。
教過碩士班, 發覺 mature student (無大學學位的), 反而出席率高, drop-out rate 低. 而且成績都好 d...

自己都教得開心 d...
作者: suewong    時間: 2010-10-31 01:11

引用:
原帖由 mygo 於 2010-10-30 19:28 發表


最離奇係好多人話唔住九龍，唔識點行？
硬拗就係香港精神。
香港人以前最自傲的, 就是靈活變通, 靠自己; e+乜都衣來張口....

唔係講笑, 試過 一次考試, 學生問我, 佢既 student-id, 我叫佢睇 學生証, 佢話: 點解開學無人話佢知...

[ 本帖最後由 suewong 於 2010-10-31 01:15 編輯 ]
作者: suewong    時間: 2010-10-31 01:15

引用:
原帖由 liao_marco 於 2010-10-30 00:25 發表
http://news.hkheadline.com/daily ... E%FA%A5%7C%2E%2E%2E ...
睇唔到!!!
作者: mtpen    時間: 2010-10-31 10:04

引用:
原帖由 mygo 於 2010-10-30 19:27 發表

97後香港Office文化漸變，成個社會氣變晒，..
mygo兄對事物可謂觀察入微，佩服！小弟亦有同感。

香港之可以有咁興旺，簡直係奇蹟。我夠膽用「混吉之城」去形容之。揾食之易，可以話係一啲競爭都無。市面所銷售之產品及服務，巧取豪奪，大有大呃，小有小呃。根本冇用個心去 run 個 business，一隻貳隻好似做緊走鬼生意咁，有今天冇明天，絕不顧商譽。

至於服務態度，上市公司組織太龐大，管理上出現偏差以至員工服務態度未如理想，可以理解。可是連環頭環尾做 local 街坊生意之藥房仔及街邊自己生意賣報紙之老闆，對顧客之態度亦惡形惡相，擺出唔買過主之款，簡直令人匪夷所思。


唔通佢哋正職係炒股炒樓，抑或要賣嘢皆因被判社會服務令？

[ 本帖最後由 mtpen 於 2010-10-31 10:09 編輯 ]
作者: liao_marco    時間: 2010-10-31 12:54

引用:
原帖由 suewong 於 2010-10-31 01:01 發表 教過碩士班, 發覺 mature student (無大學學位的), 反而出席率高, drop-out rate 低. 而且成績都好 d...自己都教得開心 d...
   連大學都係咁, 我嗰班都係"全職兼職學生"同老嘢既成績係好啲
青年當海員 夢想「航」行 可隨船遊歷四方 月薪連津貼達萬元
周遊列國，是不少年輕人的夢想。除了當飛機師外，「行船」其實亦是一個可以遊歷四方的選擇。可惜，海員給外界的印象，是既辛苦又收入微薄，令不少年輕人卻步。本周（二十五至三十日）是「香港航運周」，有多項活動，鼓勵年輕人投身海員行列，當一名實習海員，月薪連政府津貼，可得逾一萬元，甚為吸引，又可隨船到訪海外國家，適合愛體驗新事物的年輕人考慮。記者方家愉

        聯合國國際海事組織將今年定為「海員年」，香港政府亦把握機會和業界組成「香港航運周」，在活動期間，將推出多項活動，冀提高市民對航運業的關注，並鼓勵年輕人投身航運業。其中一所培訓本地海員的學院位於屯門大欖，海事訓練學院早在八十年代成立，前身為海員訓練中心。

        職訓局供兩年制訓練

        海事訓練學院經理楊沛強表示，隨着職業訓練局和業界的推廣，愈來愈多人了解「行船」這個行業。去年報讀課程的學生人數是更歷來最高，一年班共有六十二人。而今年亦有四十一人，三十八名男生，三名女生。過往大眾對「行船」存有誤解，認為只有低學歷的人才會做，但楊沛強指出，過往有四分一學員擁有中五學歷、四分一學員有中七學歷，更有大學生、碩士生和博士生報讀課程，而大部份年齡介乎二十至二十五歲的年輕人，並不是外界所想般龍蛇混雜的行業。

        楊沛強指「行船」最講求團隊精神和臨危不亂，有色弱和色盲和身體有殘障的人亦不能成為海員。

        除了體能上的要求外，要成為合資格的海員，必須「過五關，斬六將」。現時職訓局有提供兩年制的海事訓練高級文憑課程，學員須學習一些天文航海、地文航海航海、航泊結構等知識，而課程亦包括基本的急救、個人求生等技巧。

        實習18月再考證書

        當完成課程後，學員須到船公司當見習生，大多在遠洋船上實習，為期十八個月。實習後要再考取遠洋甲板考試證書才能晉升三副、繼而二副、大副，至少要花上五至六年才能當上船長。他特別提醒有意「行船」的年輕人，切忌急功近利，不能一味向錢看，因為當船員是一項長遠投資，需要多年時間累積經驗。

        船上生活像一個小社區，有健身等設立供船員公餘時間享用。而工種多年來基本沒有太大變化，分兩大種︰一類是負責船上的水電、能源和航行等；一類是負責當船停泊港口後，上落和搬運貨物等。

        薪酬方面，實習生一般是四百美金（約三千一百二十元）至八百美金（約六千二百四十元）；而船長月薪更達五千美金（三萬九千元）至八千美金（六萬二千四百元），視乎船公司而定。為鼓勵更多人投身航運業，政府還推出了航海訓練獎勵計劃。不論薪酬，每名實習生每月可獲得五千元的獎勵金，直至實習期完結。

        七十年代的香港，曾是「行船」行業輝煌時期。但經歷了香港經濟轉型，八、九十年代是航運業的「黑暗時代」。楊坦言訓練學院在八八年剛成立時，像活在谷底一樣，直至近年才慢慢有好轉。




註:特區政府口口聲聲要發展航運業,但又唔夠胆好似外國政規定每隻船要優先請本國海員, 如果係先香港人先, 只係香港既船公司, 都可以吸納晒我哋既學生, 今年反而係一間加拿大公司請最多我哋既學生, 嗰個姓鄭既真係一啲嘢都無做過

[ 本帖最後由 liao_marco 於 2010-10-31 13:01 編輯 ]
作者: YU?    時間: 2010-10-31 14:21

引用:
原帖由 liao_marco 於 2010-10-31 12:54 發表
本周（二十五至三十日）是「香港航運周」...
請問是否指今年十一月。
作者: liao_marco    時間: 2010-10-31 15:05

今年航運週是十月最後的一個星期, 都係每年都搞吓咁, 問題係政府唔注重航運事業, 自古以來,所有強國都注重航海事業, 就連強國政府都要建立遠洋艦隊,要打仗,除有軍艦還要商船支援,近者入侵伊拉克, 遠者看看一二次世界大戰,多少香港海員為英國而葬身大海者不計其者, 只是香港高官一味以坐冷氣辦公室為上等, 真係越講越激氣
作者: mtpen    時間: 2010-10-31 16:41

引用:
原帖由 YU? 於 2010-10-29 16:28 發表

唉！大家都係難兄難弟也，我都唔係好得幾多咋。
從Yu兄及理兄所述，其實我哋大家後生時都幾長進。如果當日大家唔努力，相信今日未必得閒响呢度吹水，怕要做到死嗰日至得，所以當年咁捱法係值得嘅！

以我嚟講，冇當日肯犧牲去wet嘅時間用於放工後進修，我肯定冇今日。我認我讀書渣，但我中學畢業後未停過進修，乜都讀一餐，一如理兄咁，好珍惜學習機會。

1972至 1974年間，我放工後除咗去中環聯邦大廈德國文化協會讀德文之外，我更去讀摩利臣山工業學院舉辦之電腦初階班（見附證書）。當年PC（Personal Computer）尚未面世，個電腦大到好似座山咁，只有大公司或銀行先有。  

所謂爛棉衲唔怕多件，卒之俾我利用佢响英國時羸到份工。見工時，佢哋問我對電腦認識有多深。我答叻唔叻好主觀，做落先知。我 show 摩記張cert 佢哋睇，話我N年前已對電腦有興趣、熱誠及認識，其中一個 in 我嘅好坦白仲講話佢1973都未見過電腦係乜樣。我深信我打低其它鬼子佬就係靠呢件爛棉衲。

杜友明兄及蕉園仔兄响九龍仔嗰 forum 話細個時日日响老何兄個豪宅隔離間香島中學處學識毛語錄。而我係响南九龍裁判署對面之拔萃女書院會考試塲，一路答試題一路聽班反英抗暴嘅愛國叔叔學番嚟，其中一句乜鬼嘢「唯有犧牲者多壯志，敢教日月换新天」。我因太專心答試題，錯誤理解為只係犧牲去wet。好彩，如果我正確理解犧牲為去掟菠蘿，俾港英打瓜咗亞爺先至話我歸入黑五類唔 qualify 為烈士就寃鬼枉矣。
作者: mygo    時間: 2010-10-31 16:58

引用:
原帖由 理魯竇 於 2010-10-29 13:15 發表 筆兄，當年我應該比你更淒涼，在筲箕灣東大街尾工廠返工，放工後趕去電車站去北角，仆去北角碼頭坐船去九龍城，再坐6c巴士去長沙灣，去茶餐廳食幾個字飯就去上課，放學就行去深水埔碼頭坐船返西環，而家回想起 ...
我好多時由旺角行路去九龍塘返學。
作者: suewong    時間: 2010-10-31 16:59

引用:
原帖由 liao_marco 於 2010-10-31 12:54 發表

青年當海員 夢想「航」行 可隨船遊歷四方 月薪連津貼達萬元
周遊列國，是不少年輕人的夢想。除了當飛機師外，「行船」其實 ...
Liao 真是與眾不同,

今時今日, 大多數年輕人的夢想, 是豪華周遊列國, d 錢從天而降, 行船咁辛苦...
作者: mygo    時間: 2010-10-31 17:12

引用:
原帖由 mtpen 於 2010-10-31 10:04 發表 mygo兄對事物可謂觀察入微，佩服！小弟亦有同感。 香港之可以有咁興旺，簡直係奇蹟。我夠膽用「混吉之城」去形容之。揾食之易，可以話係一啲競爭都無。市面所銷售之產品及服務，巧取豪 ...
係呀，完全同意。
香港，我真係寫個左個服字，呢幾年體會至深。
自問一介書生，手無縳雞之力，至今垂垂老耳，才去學十八般武藝：

香港好似個個唔憂做，唔好講後生既，六十後學似我地年紀咁上下既一樣係咁。

某日坐廁出問題，落街請水電師傳上黎整，都預左最少五六百，搵左成個區，居然冇人願意整，有D檔口冇人，要Call，Call完又話唔即時做得，有D就話師傳唔響度，留低電話。有D話唔做。搵左個幾鐘，最後，由一間鎖店老板介紹左一個講上海話既阿伯幫手整，不用一時，收費六百大元，佢肯整，已感恩。

老媽住處天線出問題，去水電舖求助，一樣預五百至七百元元維修費，居然話唔整，一間小小樓弟舖，我估一日賣下電芯、插蘇都賺唔到五六百元係咪呢？佢然話唔得閒做。（都唔知開間舖做乜？）有D又話，整，五至蚊，不過唔買機頂盒我地唔整既噃。
好，自己上網爬下文，去鴨寮街買支天線番黎，原來兩口螺絲搞掂，使半個鐘，費用$120。求人不如求己。香港人而家越黎越唔知自己做緊乜。
作者: suewong    時間: 2010-10-31 17:27

引用:
原帖由 mygo 於 2010-10-31 17:12 發表

某日坐廁出問題，落街請水電師傳上黎整，都預左最少五六百，搵左成個區，居然冇人願意整，有D檔口冇人，要Call，Call完又話唔即時做得，有D就話師傳唔響度，留低電話。有D話唔做。搵左個幾鐘，最後，由一間鎖店老板介紹左一個講上海話既阿伯幫手整，不用一時，收費六百大元，佢肯整，已感恩。

老媽住處天線出問題，去水電舖求助，一樣預五百至七百元元維修費，居然話唔整，一間小小樓弟舖，我估一日賣下電芯、插蘇都賺唔到五六百元係咪呢？佢然話唔得閒做。（都唔知開間舖做乜？）有D又話，整，五至蚊，不過唔買機頂盒我地唔整既噃。
好，自己上網爬下文，去鴨寮街買支天線番黎，原來兩口螺絲搞掂，使半個鐘，費用$120。求人不如求己。香港人而家越黎越唔知自己做緊乜。...
哩個是一個我租屋住的原因. 近 10 年所住的區域,   請水電師傅, 通常要跨區, 仲慘過年輕時約會男生!!!!
作者: 理魯竇    時間: 2010-10-31 18:21

講起整水電，我就火都起。

早前我姨仔話家裏門鐘壞了，他買了一個無線門鐘，但無辨法將它黐在牆上，要求我帶把電鑽
到她家裏安裝，我說你家中有兩個男人，一個你老公(60)，一個你個仔(27)，無理由攪唔掂。

姨仔依依哦哦，我勉為其難，帶埋把電鑽，撐幾條斜路上到佢屋企，見到有一個門鐘制，只不過
無左個蓋，原來只需要用二蚊買個膠蓋，上好鑼絲後便可將輕易將門鐘黐上去，無需勞師動眾。

當時佢個仔嚮度，我便話俾佢聽應該咁做，點知俾佢潤我一句，「我係做software 喎、呢d 野
我點知」，我真係扯晒火，大聲同佢講這不過是「普通常識」而已。

事後我拿住姨仔饒以大義，但諗落佢都幾慘，縱壞晒自己的男人，驚做親佢地，唯有低聲下氣去
求人。
作者: suewong    時間: 2010-10-31 19:29

引用:
原帖由 理魯竇 於 2010-10-31 18:21 發表
講起整水電，我就火都起。

早前我姨仔話家裏門鐘壞了，他買了一個無線門鐘，但無辨法將它黐在牆上，要求我帶把電鑽
到她家裏安裝，我說你家中有兩個男人，一個你老公(60)，一個你個仔(27)，無理由攪唔掂。

姨 ...
我覺得理兄好 let...

我都覺得縱壞. 好像飯票, 永遠唔知電視總制係邊; 把洗頭水 / 沖涼液撈亂, 唔睇住, 永遠錯!!!

但是, 佢話不記得, what can I do ? 唔通為哩 d 小事, 常哦 ???
作者: mtpen    時間: 2010-10-31 20:03

引用:
原帖由 理魯竇 於 2010-10-31 18:21 發表

講起整水電，我就火都起。 ...
理兄之激氣嘢，小弟亦有遇過。

某日，往老妻外家做節，外母見我識DIY，事先叫我帶齊架生、電鑽等幫手安番好個厠所鏡箱。

我見與我同齡之大舅在場，着他幫手托住。點知外母即時阻止，話等佢嚟喎。我點敢揾外母大人托呢，咪叫老妻囉。

可能我有妄想症啦，總之令我感到呢啲粗工只係適合我呢亭粗人做。  

而事實，因重男輕女關係，我大舅自少也不用做家務。掃地、洗碗、抹窗等，皆由老妻及姨仔做晒，唉！
作者: mygo    時間: 2010-11-1 14:32

引用:
原帖由 suewong 於 2010-10-31 17:27 發表 哩個是一個我租屋住的原因. 近 10 年所住的區域,   請水電師傅, 通常要跨區, 仲慘過年輕時約會男生!!!!
而家係有錢都搵唔到人做。只有自己郁手。
作者: suewong    時間: 2010-11-1 17:18

引用:
原帖由 mtpen 於 2010-10-31 20:03 發表


我大舅自少也不用做家務。掃地、洗碗、抹窗等，皆由老妻及姨仔做晒，唉！ ...
阿哥自少都不用做家務, 但當時已經要做水電/搬運工人, 賣街邊, 幫手睇住 d 家姐..

10 幾年前, 攞 到housing 搬屋, 我又未釣到水魚, 阿哥要幫手睇頭睇尾, 喊咁口. 我叫佢去同爸媽個靈位呻, 即刻收聲...

你外母, 好像 going too far. (Ah Sue 挑撥離間)...
作者: mtpen    時間: 2010-11-11 16:28

引用:
原帖由 suewong 於 2010-11-1 17:18 發表


阿哥自少都不用做家務, 但當時已經要做水電/搬運工人, 賣街邊, 幫手睇住 d 家姐..... ...
最近新聞報導，話菲律賓政府要求國民到海外工作前，僱主需代為購買共值一千一百港元的勞工保險。  

其實呢個係港人精神重建之好消息，係時候自我檢討吓我們港人有否濫用工人代自己做家務呢？

港人刻苦精神那裡去了？

好吖，橫惦請外傭一濶三大，咪慳番囉！
作者: 36D    時間: 2010-11-11 17:08

唉！以前個個都捱到眼光光架啦！小弟出黎做第一份工先至七百蚊一個月，朝九晚六。收工仲耍由灣仔搭船去理工返學，六點半到九點半，放學先食D野，返到屋企都成十一點，重要做功課。晚晚两三點先至訓覺
作者: av8s    時間: 2010-11-11 17:30     標題: 回復 41# 的帖子

Good work, tough guy!
作者: 老何    時間: 2010-11-11 19:29

50前後的罪過。

講過n次, 香江問题, 源自中共, 不多說了；技安則話是制度。這是時代因由, 大氣侯。
小氣候是.......50前後的罪過。
50前後, 捱完世界, 揾得兩餐溫飽後, 教導子女, 總是功能主義, 實用主義控制腦袋, 從來沒有灌輸
獨立思考, 而對孩子們的性格, 潛能, 不花點心力, 加以引導, 而人生價值觀更無從說起,
凡此種種, 做成多教揾食, 少教做人, 以至思想空白。
溫飽後, 多忘艱辛歲月, 給子女自己當年所缺, 什至更好, 更多！
這樣做, 子女將來追求什麼呢？
而這只是物質。而思想培育, 是零。
50前後, 都有中小學歷, 識字不是問題。
老何偉大的母親, 只認得自己的名字；小時家境雖好, 但母親教導子女就是要子女明白,
盤中餐, 粒粒皆辛苦, 我們兄弟姊妹, 年年都要回鄉耕田, 暑假, 插秧季節。
一個不識字的女性之教育方法。
50前後是識字的, 有文化的, 不愁兩餐了,  可惜沒有遠見。
老何方開腦時, 家道中落, 兄弟姊妹, 明白因由, 插秧精神下, 個個發奮向前。
稻米成熟時, 金黄一片。

50前後更大的罪過是社會歪風的鼓動者, 支持者, 大眾流行文化的毒害, 是誰造成的？
而反智行為如替孫兒得進名校, 攪盡腦汁, 在種種似是而非的理由下忘乎所以,
世界又多了一個什麼樣的人呢？

香江.....痿頓之城； 負資產危機, 去得太快了, 若持續至今, 下代有望。
作者: suewong    時間: 2010-11-11 19:58

引用:
原帖由 老何 於 2010-11-11 19:29 發表
50前後的罪過。

講過n次, 香江問题, 源自中共, 不多說了；技安則話是制度。這是時代因由, 大氣侯。
小氣候是.......50前後的罪過。
50前後, 捱完世界, 揾得兩餐溫飽後, 教導子女, 總是功能主義, 實用主義 ...
Ah Sue 都講過, 人人有份, 永不落空.

天時 / 地理 / 人和, 令香港此不毛之地, 成為東方明珠. 同樣, 各樣因緣, 使香港急速敗落...

父母 / 學校 / 老師 / 傳媒 / 政府, 都有原罪....
作者: 理魯竇    時間: 2010-11-11 20:59

無須自責，
個個都係咁做，
可以唔跟咩？
作者: mtpen    時間: 2010-11-11 21:18

引用:
原帖由 36D 於 2010-11-11 17:08 發表
唉！以前個個都捱到眼光光架啦！小弟去理工返學，..晚晚两三點先至訓覺
其實乜嘢係香港精神？

我相信就係老何兄剛巧响佢另題提及林家聲寄語來者務需刻苦。

對！就係「刻苦」此二字矣！

黃小妹開此forum未滿两頁，除了小弟外，已見理兄、Yu兄、Mygo兄及D兄申報放工後要山長水遠返夜校進修。

𠵱家？啲後生仔女放工後响老蘭就揾到佢哋！
作者: suewong    時間: 2010-11-11 23:34

引用:
原帖由 mtpen 於 2010-11-11 21:18 發表


其實乜嘢係香港精神？

我相信就係老何兄剛巧响佢另題提及林家聲寄語來者務需刻苦。

對！就係「刻苦」此二字矣！

黃小妹開此forum未滿两頁，除了小弟外 ...
現代的年輕人不像前人, 流汗水才有所得 (e.g. 溫飽, 學位), 所以不會珍惜. 我的年代, 入大學比率 < 5%, 現在 > 75% (包括 self-finance, bridging courses),

以前中學畢業, 到今朝 已是小康 / 中產; 現代的年輕人, 大多數一生都達不到, 所以沒向上的動力. 而他們對物資要求, 遠超前人; 弱勢政府, 又任他們 / 政棍如取如攜....
作者: 劉乳d    時間: 2010-11-11 23:38

提示: 作者被禁止或刪除 內容自動屏蔽
作者: 老何    時間: 2010-11-13 10:06

引用:
原帖由 理魯竇 於 2010-11-11 20:59 發表
無須自責，個個都係咁做，可以唔跟咩？
隨波逐流, 人之常情。90%物種群體(包括人類)皆遵此而行。
以人類而言, 興衰每由對立各5%的人主導, 兩方共10%。
而90%的選擇定方向。
5%之輩, 皆出類拔萃, 人中精英, 與生俱來的欲求...必推動此輩帶領潮流,
無奈地此輩亦需爭取90%支持。
而90%的獨立思考能力, 所建立的價值觀, 便決定潮流方向。
而這二主導因素, 往往培育於少時的環境；當世而言, 這就是50前後的責任。
逃避責任, 後果於今可見。故50前後, 沒有批評X世代的資格！
若然90%擁有獨立思考能力, 價值理念判斷成熟, 所作出的選擇, 必不會陷群體於困境；
因此90%能創造潮流, 與那10%的影響力絕緣, 便不會有「 可以唔跟咩？」之嘆！

收拾心情, 挽救21世紀這一代吧。
把獨立思考, 價值觀這二主導因素, 往培養一個就一個, 功德無量！
作者: mtpen    時間: 2010-11-13 10:20

引用:
原帖由 老何 於 2010-11-13 10:06 發表

收拾心情, 挽救21世紀這一代吧。
把獨立思考, 價值觀這二主導因素, 往培養一個就一個, 功德無量！...
Damn right!
作者: dirtyoldman    時間: 2010-11-13 15:37

引用:
原帖由 老何 於 2010-11-13 10:06 發表 隨波逐流, 人之常情。90%物種群體(包括人類)皆遵此而行。以人類而言, 興衰每由對立各5%的人主導, 兩方共10%。而90%的選擇定方向。5%之輩, 皆出類拔萃, 人中精英, 與生俱來的欲求...必推動此輩帶領潮流,  ...
Herd instinct 之謂也！
作者: suewong    時間: 2010-11-13 17:23

引用:
原帖由 老何 於 2010-11-13 10:06 發表


隨波逐流, 人之常情。90%物種群體(包括人類)皆遵此而行。
以人類而言, 興衰每由對立各5%的人主導, 兩方共10%。
而90%的選擇定方向。
5%之輩, 皆出類拔萃, 人中精英, 與生俱來的欲求...必推動此輩帶領潮流,
...
couldn't agree anymore...

所以我好敬佩一 d 盡職的舊同事, 他們受盡冷嘲熱諷. 亦好詫異, 每次開大會, 都有其他人圍剿 / 砲轟 他們, 好像錯失的是 盡職同事. ...
作者: 西南風    時間: 2010-11-13 18:24

http://forum.timway.com/f/thread-413303-1-1.html


老何，sue 姐點睇哩？
作者: suewong    時間: 2010-11-13 20:27

引用:
原帖由 西南風 於 2010-11-13 18:24 發表
http://forum.timway.com/f/thread-413303-1-1.html


老何，sue 姐點睇哩？
1st  instinct - 反省何為教育 / trainning...

2nd thought - 滿腹牢騷

Ah Sue 初教 Enginnering Maths, 因為課程枯燥, 用比賽形式 , 希望學生投入. 輸左既, 投訴到高層, 點解贏左先有禮品, 唔公道. (no kidding)...

又有不少學生話我煩,  資深同事 (何老大故人之後)提點: Ah Sue, 你唔好阻住d 客傾計 / 溝女先得o家, 而且獎品要人人有份, 年輕人慣左不勞而獲o袈.  

自問無能力春風化雨, 但要學生留心都難...

p.s. 為免投訴, 我唔再阻住d 客傾計 / 溝女. 2 年後, 入選最受歡迎講師.

香港唔執, 天冇眼...

3rd thought - 教學雙長, 點解 影片又唔講學生責任 ?

[ 本帖最後由 suewong 於 2010-11-13 20:36 編輯 ]
作者: 老何    時間: 2010-11-13 22:08

引用:
原帖由 西南風 於 2010-11-13 18:24 發表
http://forum.timway.com/f/thread-413303-1-1.html


老何，sue 姐點睇哩？
在POST 43, 老何已將重點說了。
短片中學生主角所問........怎樣教書？倒鈎起老何嚮往的學習形式 : 藏傳佛教的問難, 希臘師生的爭論。
現代教育, 百孔千瘡, 老何都不想講了；然而, 人若有後代, 總得施教, 老何認為.......身教第一。

老何教仔, 非常異類, 孩子做功課, 可做可不做, 不上學就不上學, 不施壓力, 老何認為小朋友階段何其短促,
應讓孩子在沒有壓力下活潑地成長, 小朋友總有好奇心, 具探索能力, 如見車拆車, 見鐘拆鐘, 父輩掌握這些
心與力, 加以引導, 知識比在學堂裡吸收得更完滿.

舉一例, 孩子母親也話老何神經； 家傭熨衣, 小兒奇怪何以有蒸氣, 望著熨斗, 老何見他滿臉疑惑,
示意他輕觸, 哇的一聲大叫。很多事, 需要體驗才領會, 學堂內所得往往難以傳內, 知而不知之謂也。
作者: suewong    時間: 2010-11-13 23:00

引用:
原帖由 老何 於 2010-11-13 22:08 發表


在POST 43, 老何已將重點說了。
短片中學生主角所問........怎樣教書？倒鈎起老何嚮往的學習形式 : 藏傳佛教的問難, 希臘師生的爭論。
現代教育, 百孔千瘡, 老何都不想講了；然而, 人若有後代, 總得施教, 老何認為.......身教第一。
...
couldn't agree any more...

成本貴, 而且師生的質素都要好 , 否則 side gas...
作者: mtpen    時間: 2010-11-14 14:36

引用:
原帖由 老何 於 2010-11-11 19:29 發表

講過n次, 香江問题, 源自中共, 不多說了；...
我唔知呢個forum嘅兄弟姊妹有幾多係香港原居民，但我相信好多，包括小弟我，都係因逃避共產黨而從大陸走難落嚟，以致形成老何兄所說之香江問题矣。

其實中共是果，國民黨才是因。

追源禍始，能令共產黨乘時而起，皆由於國民黨貪汚腐敗所致。

嗰個姓宋嘅穿晒櫃通，又金元券銀元券，通脹惡化，激起民憤。人民唔係鍾意老八，否則唔會有咁多人走難避佢，而係憎恨老蔣而矣。至於其後之事，乃所托非人罷了。

我時有迷惑，通脹有乜唔好啫？好似香港及大陸𠵱家咁，幾好吖！層樓琴日值500萬，聽日瞓醒變一仟萬，成家富貴，大家happy，有乜唔好啫？求人得仁，怕甚麼？

又係嗰句: We learn from history that we learn nothing from history. Tragedy!
作者: mygo    時間: 2010-11-14 16:00

引用:
原帖由 mtpen 於 2010-11-14 14:36 發表 我唔知呢個forum嘅兄弟姊妹有幾多係香港原居民，但我相信好多，包括小弟我，都係因逃避共產黨而從大陸走難落嚟，以致形成老何兄所說之香江問题矣。  其實中共是果，國民黨才是因。: ...
同意，物先腐而後蟲生，實不虛也。小弟生斯長斯。祖輩陷共前乃大地主，良田百頃，父竟親共而母仇共，少時負笈台灣，思維複雜，每晨必誦：「三民主義，吾黨所宗，以建民國...」、「山川壯麗，物產豐隆，炎黃世冑，東亞稱雄....」然年漸長，思維亦變，變化之大，恍如兩人。至今已全然中立耳。國民黨不腐，共產黨焉生？思之。惟兄之「通脹論」，弟不全然否定，但亦未盡然苟同也。

[ 本帖最後由 mygo 於 2010-11-14 23:24 編輯 ]
作者: mtpen    時間: 2010-11-14 16:37

引用:
原帖由 mygo 於 2010-11-14 16:00 發表

惟兄之「通脹論」，弟不全然否定，但亦未盡然苟同也。 ...
此乃小弟隨口嗡之論說，萬望mygo兄不慳賜教，道出未盡然之處，以廣見識。
作者: dirtyoldman    時間: 2010-11-14 17:47

引用:
原帖由 mtpen 於 2010-11-14 14:36 發表 我唔知呢個forum嘅兄弟姊妹有幾多係香港原居民，但我相信好多，包括小弟我，都係因逃避共產黨而從大陸走難落嚟，以致形成老何兄所說之香江問题矣。  其實中共是果，國民黨才是因。: ...
參透“紙上富貴，心理安慰”的能有幾人？
作者: mtpen    時間: 2010-11-14 18:13

引用:
原帖由 dirtyoldman 於 2010-11-14 17:47 發表

參透“紙上富貴，心理安慰”的能有幾人？
應該不多，否則隨街高人矣！
作者: suewong    時間: 2010-11-14 21:18

引用:
原帖由 mtpen 於 2010-11-14 14:36 發表


其實中共是果，國民黨才是因。: ...
源禍始，能令共產黨乘時而起，皆由於國民黨貪汚腐敗所致。

嗰個姓宋嘅穿晒櫃通，又金元券銀元券，通脹惡化，激起民憤。人民唔係鍾意老八，否則唔會有咁多人走難避佢，而係憎恨老蔣而矣。至於其後之事，乃所托非人罷了
相信何老大痛恨的, 是共產黨摧毀了中國人的人倫, 道德觀.

國民黨腐敗 / 貪瀆 / 主權淪落, 但知識份子仍敢站出來, 發而為聲; 現在噤若寒蟬.

當時民不聊生, 男盜女娼, 仍為社會所不齒 ; 而今國內有基本溫飽的北方佳麗, 自願上路...
作者: 老何    時間: 2010-11-14 21:27

引用:
原帖由 suewong 於 2010-11-13 23:00 發表


成本貴, 而且師生的質素都要好 , 否則 side gas...
忽發奇想。

問難, 爭論.........是求學問, 非器學。

古人云 : 師也者，師其道與德也。道之高，德之至，從而師之。

香江, 若有師者, 開壇論道於維園, 求者必眾。(耶穌重臨乎！？)

冇成本, 質素不是問題.

(Ah Sue 於社區中心免費開壇, 不是補習班, 講求學與做人, 版友負責雜項租金等支出, 我諗, 呢個都係好主意)
作者: 老何    時間: 2010-11-14 21:33

引用:
原帖由 suewong 於 2010-11-14 21:18 發表


相信何老大痛恨的, 是共產黨摧毀了中國人的人倫, 道德觀.  
一語中的。老何關壞的是老百性, 政權---歷史上的名詞而矣。
作者: suewong    時間: 2010-11-14 21:37

引用:
原帖由 mtpen 於 2010-11-14 14:36 發表


我時有迷惑，通脹有乜唔好啫？好似香港及大陸𠵱家咁，幾好吖！層樓琴日值500萬，聽日瞓醒變一仟萬，成家富貴，...
Pen 哥扮傻...

金圓券只使用了十個月左右，貶值卻超過二萬倍。

鈔票面額不斷升高，最終出現面值一百萬元的大鈔，但仍不足以應付交易之需。至1949年5月，一石大米的價格要4億多金圓券。各式買賣經常要以大捆鈔票進行。由於貶值太快，早上的物價到了晚上就已大幅改變。市民及商人為避免損失都不想持有鈔票（金圓券），交易後或發薪後所取得的金圓券，皆儘快將其換成外幣或實物，或乾脆拒收金圓券。
作者: suewong    時間: 2010-11-14 21:41

引用:
原帖由 mygo 於 2010-11-14 16:00 發表


同意，物先腐而後蟲生，實不虛也。

小弟生斯長斯。祖輩陷共前為乃大地主，良田百頃，父竟親共而母仇共，兒時負笈台灣，思維複雜，每晨必誦：「三主義，吾黨所宗，以建民國...」、「山川壯麗，物產豐隆，炎黃世 ...
與君殊途同歸,

先父親共, 所以小時受其影響...
作者: suewong    時間: 2010-11-14 21:53

引用:
原帖由 老何 於 2010-11-14 21:27 發表


香江, 若有師者, 開壇論道於維園, 求者必眾。(耶穌重臨乎！？)

Ah Sue 於社區中心免費開壇, 不是補習班, 講求學與做人, 版友負責雜項租金等支出, 我諗, 呢個都係好主意...
輸賭半島下午茶一頓, 拍蒼蠅 / 後勁不繼 (e.g. 64 /71 遊行)...

Ah Sue 除了學歷可以嚇o下人, 求學與做人之技 / 道, 與不少網友比 (敬請對號入座), 可謂小巫見大巫.

始終生長於小康之家, 成長於經濟起飛, 逆境求生之道, 紙上談兵...
作者: mtpen    時間: 2010-11-14 21:59

引用:
原帖由 suewong 於 2010-11-14 21:37 發表

Pen 哥扮傻...金圓券只使用了十個月左右，貶值卻超過二萬倍。  ...
黃小妹冰雪聰明，識穿小弟乃意氣之說。

不竟惹來mygo兄對之誤解，還請mygo兄恕罪。

而我想講之通脹禍害，一一由黃小妹概述了，在此謝過。
作者: mtpen    時間: 2010-11-14 22:03

引用:
原帖由 老何 於 2010-11-14 21:27 發表

Ah Sue 於社區中心免費開壇,  講求學與做人, 版友負責雜項租金等支出, ...
小弟第一個十扑！
作者: mtpen    時間: 2010-11-14 22:16

引用:
原帖由 老何 於 2010-11-14 21:33 發表

一語中的。老何關壞的是老百性, 政權---歷史上的名詞而矣。
咁易俾人摧毀人倫，道德觀嘅老百性，我諗老何兄亦不必費心去關壞矣！

與其賴共產黨，不如叫呢啲老百性直認係自己鍾意道德淪亡，襯勢胡作非為仲好！
作者: suewong    時間: 2010-11-14 22:22

引用:
原帖由 mtpen 於 2010-11-14 22:16 發表


咁易俾人摧毀人倫，道德觀嘅老百性，我諗老何兄亦不必費心去關壞矣！

與其賴共產黨，不如叫呢啲老百性直認係自己鍾意道德淪亡，襯勢胡作非為仲好！  
鬼叫我同佢地同根源咩....

唔好話我地, 就算亞洲精英 (日本), 與德國同為軸心國, 戰敗後的反應, (1 個認錯, 1 個死口唔認) 都不同...
作者: mtpen    時間: 2010-11-14 22:37

引用:
原帖由 suewong 於 2010-11-14 22:22 發表

就算亞洲精英 (日本), 與德國同為軸心國, 戰敗後的反應, (1 個認錯, 1 個死口唔認) 都不同...
此乃小弟起心去讀德文、了解德國文化之其中一個原因。
作者: suewong    時間: 2010-11-14 23:01

引用:
原帖由 mtpen 於 2010-11-14 22:37 發表


此乃小弟起心去讀德文、了解德國文化之其中一個原因。  
希特勒焚書, 德國永誌為記, 以防重蹈覆轍; 文革...
作者: mygo    時間: 2010-11-14 23:42

引用:
原帖由 mtpen 於 2010-11-14 16:37 發表 此乃小弟隨口嗡之論說，萬望mygo兄不慳賜教，道出未盡然之處，以廣見識。  
mtpen兄，適度通脹，乃屬好事。然通脹亦可猛於虎，香港於今見耳。兄言：房產五十萬，一覺醒來已是百萬耳，雖屬侃語，惟體現今香之亂象。現今香港樓價已嚴重脫節，三百呎樓房竟敢號稱豪宅，敢如是稱者，實拜地產商所賜也，地產商心思，謀取暴利，搞個雲石大堂，弄水晶燈，整個會所，起個靚名，X龍居、御X園、X景豪庭，帝X苑，看名字，真的了不起，錢也真了不起，可是居住質素，並不怎了不起，可能隻腳要伸出窗台訓，此之謂豪宅也。萬元薪資，想買樓，難耳。住為民之本，點解香港這十年這麼多劏房？諗一下就知一二。實在太多野要寫想寫，但又不知從何起，惟有空時再續了。哈哈。

看義海豪情，劉醒話；最惡既人，就係就黎死既人，而我就話：最懶既人，就係冇明天既人。係現今香港青年人寫照。

[ 本帖最後由 mygo 於 2010-11-14 23:45 編輯 ]
作者: liao_marco    時間: 2010-11-15 03:36

總體社會氣氛唔好, 你可以要求年青人怎樣做, 仲有父母依賴,為什麼不賴? 我返學既地方, 己知有三個係要返住長工去做full-time student, 試問有幾多同學有能力同決心咁做? 趁年青,及時行樂是正常不過的事, 想起人工低, 無前途,高樓價,高物價, 多數人都灰心呀, 點解唔去LKF, 玩ON-LINE GAME 去RELAX 吓., 我打呢篇文既時候係返緊工, 一本SHIP STABILITY既書响面前, 仲要返多四晚先有假放呀, 要改變是要付出代價,人人都知, 但每個人都肯付出嗎? 就算付出也不保証回報,分分鐘連老本及時間賠上, 沒有FOREESABLE FUTURE, 過得一日得一日方為皇道
作者: 老何    時間: 2010-11-15 10:35

引用:
原帖由 suewong 於 2010-11-14 21:53 發表


輸賭半島下午茶一頓, 拍蒼蠅 / 後勁不繼 (e.g. 64 /71 遊行)...
都話係忽發奇想lor；半島就冇嘞, 檀島就有妳份
作者: 西南風    時間: 2010-11-15 11:09     標題: 回復 56# 的帖子

Hi，
兩位好，難得兩位都有所回應，在此先說聲多謝。
就我而言，香港精神並沒有消失。只是變了，變得不為我們所可以接受而矣。講真喇，我們這本老皇曆之於今時今日，就未必恰當可行了。
就 五十多年來的 「我」、「學生」、「老師」二三事與各位分享下：
小學五年班~班主任教學生講大話
是日也，全班欠交家課者達26人(過半數有多) ，老師先陰聲細氣的叫欠交家課的用紙仔寫上理由呈上，稍作檢視之後再叫其中的21人起立(我當然有份) ，繼而罵曰(真係可以用 〝破口大罵 〞 來形容): 你地班人做錯野，搵個籍口要人接受同原諒都係咁唔用腦，乜野係「忙」、係「唔夠時間」。
「忙」？ah A、B、C、D、E你地五個卽刻寫昨日下課后做了於什麼俾我。
「唔夠時間」？「時間」ne樣野個天就最公平，每個人都係一日得24小時，1小時得60分鐘，「唔夠時間」ne 個藉口只表示了兩樣野、一~就是你承認你不識善用時間，二~就是你承認別的人比你強。今日你地大不了係俾我罰留堂，第二日係社會做事，你地將會喪失了机會、甚至工作。………….仲有冇野講？…全部罰抄 ﹝我以後不再用 ‘忙’ 和 ‘唔夠時間’ 做籍口﹞50次、毛筆、大格原稿紙、聽日交。
So, ne50幾年來我都冇用 ‘忙’ 或 ‘唔夠/冇時間’ 做籍口去掩飾自己的任何過失(不是否定任何過失) 。

中四輟學~大考前的總測驗
派成績時，班主任專豋的叫了我入教員室，先俾張英文卷我睇(唉！40分及格而張卷30分都唔夠) ，之後對我話〝ah乜乜，你都睇到 la，你ge水平有几多你自已知，今年俾你升到班你都過唔到會考個關喇。不如早D出去搵門手藝學下, 晚上就返夜學再進修喇。你D數、理咁好，唔好再係話文上花時間喇，就去學整機器，跟住報讀夜工專喇。夜工專果度如果搵唔到鋪保(在職証明書) ，你可以返嚟搵我幫手。記住ne幾個字丫∼安全第一∼只要你保得條命、四肢齊全，將來個世界都係你ge。 〞
今時今日我行到嚟ne度，就是跟住那位老師所指的路行過來的。唔知道今日D老師會唔會為一個成績平平的學生，度身訂造的贈返兩句呢？
作者: 老何    時間: 2010-11-15 12:05

引用:
原帖由 suewong 於 2010-11-14 22:22 發表


1.鬼叫我同佢地同根源咩....
2.唔好話我地, 就算亞洲精英 (日本), 與德國同為軸心國, 戰敗後的反應, (1 個認錯, 1 個死口唔認) 都不同...
1. 心痛
2. 要動物人類反省, 是違背物競天擇這規律。
德國自70年總理布蘭特Willy Brandt, (其人事跡,有興趣的, 請自Google)
向世人示範,在波蘭作出THE WARSAW GENUFECTION後,


世人對德印象大變, 曾幾何時, 這20年來, 德國已回復右派當道, 最受擁戴傳媒,
SPIEGEL的右派言論, 廣受歡迎, 受其影響, 北歐極右份子, 已明目張胆了。


小故事 : 前因亞黃問, 說及66年, 老爹眼見老毛發神經, 安排哥赴德, 姊赴台, 老何赴美。
阿哥赴德後, 歷盡辛酸, 最後畢業於RWTH AACHEN UNIVERSITY, 德國首屈一指的工科大學。
數十年來, 老何每年赴歐, 兩兄弟沒有什麼不談的, 20多年前某日, 因哥所工作的企業有某項目與大學合作,
帶老何至其實驗室, 嚇老何一跳, 設備的先進程度, 非大學所能購備, 問阿哥, 答, 是企業送贈的。
什麼性質企業, 右派企業, SPIEGEL 幕後金源。


反省..............老何悲觀中抱樂觀, 希望反省能存在於人類中。


SPIEGEL係乜傢伙 ,請自看: http://www.spiegel.de/international/
現其能量, 推倒政府都得 !

[ 本帖最後由 老何 於 2010-11-15 12:10 編輯 ]
作者: suewong    時間: 2010-11-15 17:20

引用:
原帖由 mygo 於 2010-11-14 23:42 發表
看義海豪情，劉醒話；最惡既人，就係就黎死既人，而我就話：最懶既人，就係冇明天既人。係現今香港青年人寫照 ...
我都有追, 冇睇劇集好耐啦, but it worths...

不過預收視率唔會大高, 因為唔合 c9 口味, 而且佢地看不明...
作者: suewong    時間: 2010-11-15 17:28

引用:
原帖由 liao_marco 於 2010-11-15 03:36 發表
總體社會氣氛唔好, 你可以要求年青人怎樣做, 仲有父母依賴,為什麼不賴? 我返學既地方, 己知有三個係要返住長工去做full-time student, 試問有幾多同學有能力同決心咁做? 趁年青,及時行樂是正常不過的事, 想起人工低, ...
己知有三個係要返住長工去做full-time student,

父母可以依賴幾多年 ? 家有一千, 每日 2 錢. 而且對物質要求高...

總體社會氣氛唔好+人工低, 年輕人仲要求政府幫佢地買樓 / 置業 ? 當然 支持的政黨, 都冇良...
作者: 老何    時間: 2010-11-15 17:54

引用:
原帖由 西南風 於 2010-11-15 11:09 發表

唔知道今日D老師會唔會為一個成績平平的學生，度身訂造的贈返兩句呢？
我有两個小輩做老師的, 教中學, 两個都做到垂頭喪氣, 唔係唔負責, 佢地都想春風化雨,
佢地話, 係教育制度害死D學生, 尤其是個校長好重要, 好校長有好老師便有好同學。
最尾嗰句由AH SUE評論了！

老何中學時, 班主任對老何說：你日後上大學, 記得自己不是物理料子。故此老何去左讀耕田。
後來有個學兄, 攞左個物理諾獎。直至今日, 老何還是想讀物理, 大一統理論, 真迷人！
作者: suewong    時間: 2010-11-15 18:03

引用:
原帖由 西南風 於 2010-11-15 11:09 發表
今時今日我行到嚟ne度，就是跟住那位老師所指的路行過來的。唔知道今日D老師會唔會為一個成績平平的學生，度身訂造的贈返兩句呢？...
西兄懂得感恩, 反思, 是有慧根之人, 亦應是成功人士.

曾對飯票說: 害怕 10 年後, 學生會話我累 / 害左佢. 結果發覺,  學生踏入社會碰壁, 永遠是老板 / 同事 / 社會既錯...

可能因為自己成績好, 唔覺得稀奇. 教書反而著重學生能學 EQ / AQ; 基層 / 草根 學生的成長. 但我只是一個普通人, 1 路的 feedback 都是 negative...

曾經有舊同事唔改功課, 平時分位位 85. 我搵人打聽, 如果他的子女, 遇到此等老師, 又會如何. 他的回應 - 請參考何老大50前後的罪過帖...

所以我話學校 / 老師, 都有原罪; 學生 (>18 歲.)要負責任; 父母..

[ 本帖最後由 suewong 於 2010-11-15 18:27 編輯 ]
作者: suewong    時間: 2010-11-15 18:19

引用:
原帖由 老何 於 2010-11-15 17:54 發表



我有两個小輩做老師的, 教中學, 两個都做到垂頭喪氣, 唔係唔負責, 佢地都想春風化雨,
佢地話, 係教育制度害死D學生, 尤其是個校長好重要, 好校長有好老師便有好同學。
最尾嗰句由AH SUE評論了！

老何中學 ...
AH SUE 成日返娘家呻,  亞哥肉都痛埋. 再加枕頭狀.  終於上訪到校長,  結果 keep 住罪魁禍首, 炒代罪羔羊.  

罪魁禍首盆數掂...

[ 本帖最後由 suewong 於 2010-11-15 18:28 編輯 ]
作者: suewong    時間: 2010-11-15 18:21

引用:
原帖由 老何 於 2010-11-15 17:54 發表



老何中學時, 班主任對老何說：你日後上大學, 記得自己不是物理料子。故此老何去左讀耕田。
...
除非好 clear cut, 否則 Ah Sue 唔敢鐵口直批, 因為人會變...
作者: 老何    時間: 2010-11-15 18:47

引用:
原帖由 liao_marco 於 2010-11-15 03:36 發表

我打呢篇文既時候係返緊工, 一本SHIP STABILITY既書响面前...
倚老賣老。

Marco你有上進心, 讀你d post, 知你對航海有祈望。
但最好以求學問態度處理, 與為揾食而讀, 動力方面分別極大, 僅記。
作者: 老何    時間: 2010-11-15 19:35

引用:
原帖由 suewong 於 2010-11-15 18:21 發表


除非好 clear cut, 否則 Ah Sue 唔敢鐵口直批, 因為人會變...
班主任慧眼是其一, 老何自知是其二。

在校時, 有條幾何, 於上堂時求證, 夠鐘前, 只得三個同學證得結果, 老何是其一,
下堂後, 老師著我們三個在課室外侯著, 後逐一叫進室內, 老何是第三個,
老師把前兩同學作卷示老何眼前, 並解釋其證取思路, 比老何簡捷得多；
老師教導,啟導方法, 難得之至, 永記心中。

但從該日始, 便知自己非數學料子, 雖有興趣, 想拿 Fields Medal 肯定無望了, 故選耕田, 世人冇得食仲大wok。
後來, 眞係有個學弟, 抬左 Fields Medal 回家。
作者: 36D    時間: 2010-11-15 20:22

初中時的我，頑劣得很，科科肥佬，中三時，個班主任叫我留低同我講：XXX，你是聰明人，應該想下。若繼續咁樣落去，第日點揾食，不如早D出去學門手藝啦，但係我同你講真心話，若你放棄升學，我將會失去一個有潛質的好學生。聽完這番話，我很感動，之後博命讀書，追番上去。
幾十年後，有一和尚同我講：你拼命揾錢，到最後你有何得著？聽完這番話，我很感動，之後我開始學佛。
作者: suewong    時間: 2010-11-15 20:30

引用:
原帖由 老何 於 2010-11-15 10:35 發表


都話係忽發奇想lor；半島就冇嘞, 檀島就有妳份
半島中心既茶餐廳....
作者: suewong    時間: 2010-11-15 20:49

引用:
原帖由 36D 於 2010-11-15 20:22 發表
初中時的我，頑劣得很，科科肥佬，中三時，個班主任叫我留低同我講：XXX，你是聰明人，應該想下。若繼續咁樣落去，第日點揾食，不如早D出去學門手藝啦，但係我同你講真心話，若你放棄升學，我將會失去一個有潛 ...
如果學生好像你和南兄, 香港仲有曙光...

Ah Sue 係 tutorial 講過, 無反應. 跟住當選最似亞媽講師...

最無辜有個男同事, 結果全班學生投訴, 好 now / 嚇 佢地, 高層在 員工大會, 點名批判冇愛心... .  

我問學生, 點解會全班投訴? 答案: 人投訴, 我咪又投訴...
作者: mtpen    時間: 2010-11-15 21:36

引用:
原帖由 老何 於 2010-11-15 12:05 發表

SPIEGEL係乜傢伙 ,請自看其能量, 推倒政府都得 ! ...
老何兄所見及所言非虚。

小弟35年前往奧地利進修，已留意其隣邦西德之政治及經濟情况，因這二國，一脈相承，西德衰，奧地利實衰。

當時西德何止官商勾結呀，直情係商人治國添。

啲商人聯手恐嚇選民，話我要你哋冇飯食，若果SDP（社會民主黨）得勝，佢哋會axe jobs，axe investments，axe everything，大家攬住死。
作者: mtpen    時間: 2010-11-15 22:20

引用:
原帖由 西南風 於 2010-11-15 11:09 發表

今時今日我行到嚟ne度，就是跟住那位老師所指的路行過來的。唔知道今日D老師會唔會為...
西兄好嘢！

俾老師摑完，唔係懷恨在心，而係銘記於心，仲50多年都記得，抵你發達！

小弟Form 1時亦跟老兄一樣遇到恩師摑醒。

某日遲到，老師問何解？答曰：塞車！

再問搭此路線巴士多久及曾否塞車？答曰：多月並時有之。

老師怒叱no excuse，明知常會塞車，因何不提早出門？罰抄「我以後不再遲到」100次。

自始至今40多年，任何場合，有早冇遲，多謝恩師教悔！
作者: suewong    時間: 2010-11-15 23:26

引用:
原帖由 mtpen 於 2010-11-15 22:20 發表


西兄好嘢！

俾老師摑完，唔係懷恨在心，而係銘記於心，仲50多年都記得，抵你發達！

小弟Form 1時亦跟老兄一樣遇到恩師摑醒。

某日遲到，老師問何解？答曰：塞車 ...
似乎當時 d 人, 質素真是高 d.

係大學教書時, 邊個 now 學生, 就衰邊個. 有個攞優秀教學獎既舊同事, 開 talk 分享心得, 15 分鐘講 1 次笑...

[ 本帖最後由 suewong 於 2010-11-16 17:26 編輯 ]
作者: 西南風    時間: 2010-11-17 08:42

Sue 姐、pen兄，兩位言重了。
還不是溫飽兩餐，有片瓦遮頭而矣。
作者: suewong    時間: 2010-11-17 17:39

引用:
原帖由 mtpen 於 2010-11-15 22:20 發表


西兄好嘢！

俾老師摑完，唔係懷恨在心，而係銘記於心，仲50多年都記得，抵你發達！

小弟Form 1時亦跟老兄一樣遇到恩師摑醒。

某日遲到，老師問何解？答曰：塞車 ...
如果我 d 學生, 好像你咁, 我唔使唔撈..

佢地遲到是 1 個 norm...

試過測驗, 15 分鐘後, 都有 1/3 未到...

有個鬼子佬教授, 講紀律, 學生遲到, 鎖門. 結果學生大模 c 樣, 要保安開門, 仲同鬼子佬講, you blow blow...
作者: mtpen    時間: 2010-11-23 15:21

引用:
原帖由 suewong 於 2010-11-17 17:39 發表


有個鬼子佬教授, 講紀律, 學生遲到, 鎖門. 結果學生大模 c 樣, 要保安開門, 仲同鬼子佬講, yo ...
睇見黃小妹講班學生之德行，我懷疑佢哋肯嚟上課皆因被判咗社會服務令，唔嚟唔得。

香港現今教育經費之充裕，由可以天一半地一半，兼任人上下其手而唔至在，連end-user - 學生亦唔盛惠，亦唔珍惜，可見一斑。

報應呀！可能因為啲公帑係寃枉嚟，所以咪瘟疫去囉！

比起我哋嗰個年代教育資源之貧乏，可由小弟附上之一張攝於1961年大坑東官立小學運動日之類場合之相片可反影出來。

小學生正在玩障碍賽，而障碍物竟然是就地取材之書桌。若以現今尊貴嘅下一代睇到，會笑到扒晒地。咁簡陋落後嘅體育設備都可玩餐懵，簡直低B兼無聊。

但各位看官可有留意到各小朋友正聚精會神及很投入地enjoy緊個活動呢。

以此為證，知足就乜都開心、好玩矣！What else you want ?
作者: suewong    時間: 2010-11-23 17:32

引用:
原帖由 mtpen 於 2010-11-23 15:21 發表


睇見黃小妹講班學生之德行，我懷疑佢哋肯嚟上課皆因被判咗社會服務令，唔嚟唔得。

香港現今教育經費之充裕，由可以天一半地一半，兼任人上下其手而唔至在，連end-user - 學生亦唔 ...
難得 筆兄 so 我. 除左舊同事大家同病相憐, d 家姐直情話我老餅. Ah Sue 冇想過做萬世師表, 只想學生做 1 個有用既人...

當事人心聲: 好似食餐咁, 我俾左錢, 鍾意食幾多,  食唔食, 都有自由. 班 waiter 冇權話我地....

個次測驗, 15 分鐘後, 都有 1/3 未到, Ah Sue 決定開考, 有學生問: o下, 唔等人呀 ?

你估遲到學生, 有冇投訴Ah Sue  ?

p.s. Ah Sue 最擔心 / 唔開心 係 貴族國際學校既中學生, 竟然比基層出身既大學生 好品行 / 對知識渴求 / 長進.... 咁我 d 學生點脫貧 ?  
作者: 36D    時間: 2010-11-24 09:29

知足者，貧亦樂。
不知足者，富亦憂。
作者: dirtyoldman    時間: 2010-11-24 12:20

引用:
原帖由 suewong 於 2010-11-23 17:32 發表 難得 筆兄 so 我. 除左舊同事大家同病相憐, d 家姐直情話我老餅. Ah Sue 冇想過做萬世師表, 只想學生做 1 個有用既人...當事人心聲: 好似食餐咁, 我俾左錢, 鍾意食幾多,  食唔食, 都有自由. 班 waiter 冇權話 ...
好一群不守規矩，沒有table manner的食客！
作者: suewong    時間: 2010-11-24 17:45

引用:
原帖由 dirtyoldman 於 2010-11-24 12:20 發表


好一群不守規矩，沒有table manner的食客！
笑 c 我...
作者: iqe39    時間: 2010-12-6 12:25

提示: 作者被禁止或刪除 內容自動屏蔽



歡迎光臨 香港 Xocat Forum 討論區 (http://p.xocat.com/p/) Powered by Discuz! 6.0.0