香港 Xocat Forum 討論區 - Powered by Discuz! Board

標題: 唔係好明點解美國要在G20前推出QEII [打印本頁]

作者: 無神論狂徒 時間: 2010-11-12 23:04 標題: 唔係好明點解美國要在G20前推出QEII

http://www.sinchew.com.my/node/183110?tid=2

佢之前日日嘈中國控制人仔匯價，使中對美出現巨額順差；日日吹風，又叫世界各國齊齊嘈中國迫佢自由浮動～
當時世界尤其歐洲都有反應要求人仔升；但中國只承諾增加彈性，唔會一下子自由浮動～
早排G20即張召開，好多評論都話人仔滙改係呢次會議焦點，到時應該好多西方國家會向中國施壓，要人仔升；但係好奇怪，美國在G20前突然推出QEII，咁做對佢冇好處吖～佢冇理由諗唔到佢呢一著一定會激起各國反感，佢早於G20前推出QEII，其實變相幫中國轉移視線，使各國把芧頭指向美國自己～對美國百害而無一利，如果佢在G20後推出QEII，佢可以一來避開G20各國施壓，亦可順便把人仔匯率問題成為G20焦點，令中國成為眾矢之的～

奇怪～百思不解？
究竟係咪中國在G20前的對歐外交成功，得到歐洲支持，使美國知道迫唔到人仔升，所以知道幾時推出QEII都唔會影響歐在人仔匯價的立場，所以就提前推出，以解決國家問題呢？而美國向印度印尼做訪問，其實係想盡最後努力，希望可以收買到幾個國家的支持，齊齊向中國施壓，順手圍堵中國～

作者: hkg123 時間: 2010-11-12 23:06

我都想知 lm

作者: 無神論狂徒 時間: 2010-11-12 23:11

仲有個可能性，係美國漏棍，冇諗到QEII會惹來惡評～

不過呢個機會細啲～
我估應該係中國銀彈外交有效的可能性高～又狂掃希臘國債，又同德國大嬸吹水；又比二百億法國佬洗；英國又派團到中國抽水；遲吓澳門又有溫總開中國與葡語系國家經濟合作會議，亦史無前例由溫總出面～
唔知我有冇估錯呢？

作者: 飛毛腿 時間: 2010-11-13 13:37

通常一個弱國最常見嘅情況就係 " 內外交困"
遠嘅有百九幾年前後中國 - 內有內戰﹐外有列強割肉
近嘅有蘇聯倒台之後嘅俄羅斯
內有自己 seafood 痕加上買辦治國搞個震盪治療法
治到自己幾乎休克暴斃﹐國有資產賤賣俾黑幫、前官僚
外有美國為首嘅北約趕盡殺絕﹐幾乎將導彈安裝到北極熊門口
美國佬將石油壓到十蚊美元一桶﹐黃金打到變成地板價
靠賣金賣油為生嘅北極熊淒慘過賣血為生

今日嘅日本佬亦係內外交困
四年換五個首相﹐政壇好似黑澤明套電影咁 - 亂
外交正如英國泰晤士報話齋 : 北極熊聯同中國龍在西太平洋圍捕日本蝦

日元俾黑道老大炒到上天價 - 先排日日都話創 15年嚟新高
老大滿面陰沉不懷好意﹐手拿利刀磨到寒光閃閃
日本仔睇到心驚肉跳

作者: 飛毛腿 時間: 2010-11-13 13:55

江湖黑老大自己其實都嘗緊內外交困滋味

雖然上兩個月有個乜叉機構自吹自擂話美國經濟已經踏出衰退
大唱明天會更好
可惜現實係失業率指向 10%
咁多人冇嘢撈仲消費條毛
開飯都成問題仲話買樓 ? 樓價點回升 ?
為免更多人因供唔起樓要瞓公園﹐導致大量銀主盤推出更打擊低樓價 - 更多人變負資產
於是就用司法名義調查銀行收樓程序去阻止更加多屋主被收樓
奧黑想推出嘅提高稅率﹐擴大稅基去增加收入 - 打劫財主佬同中產
但中期選舉失敗後﹐唔駛指意過到共和黨呢關
既然增加政府稅收呢招無望後﹐剩下只有印銀紙一招
要印就快 d 印﹐掟錢刺激經濟要時間擴散效果﹐要趕及 2012年大選前見到成效！
所以民主黨別無選擇﹐時間亦唔容許拖
有冇 G20 佢都要立即推出 QE2

作者: 飛毛腿 時間: 2010-11-13 14:19

外部阻力問題
先睇睇 G20有咩成員 :
原有 G7 成員 -- > 歐盟、法國、德國、英國、意大利、日本、加拿大
其他 -- > 阿根廷、澳洲、巴西、中國、印度、印尼、韓國、墨西哥、俄羅斯、沙特阿拉伯、南非、土耳其

除咗自己傳統馬仔外
要面對嘅最棘手對手只係中國、歐盟同新興國家聯成一線
對中國可以打人民幣匯率呢張牌應對
對歐盟可以炒作歐洲債務惡化轉移視線
對其他二打六可以扮聽唔到
再大不了﹐一於厚起面皮撕爛面惡人先告狀 - 黑老大最叻就呢招

總之﹐西方國家以利己為最高原則
損人利己就義不容辭去做
俾西方傳霉洗腦嘅含洋奴才先以為世界上真係有咩公平、公義

作者: KMY89 時間: 2010-11-14 10:20

I couldn't agree more - "西方國家以利己為最高原則"

人權公義和平都係揾笨X

有資源唔聽話就打個稀巴爛

日本首相有唔聽話就千方百計搞你落台

東盟關你美國事? 有著數就插一腳

希腊愛爾蘭破產就唔出聲

作者: 屍屠華 時間: 2010-11-14 19:42

豬20...........

作者: 無神論狂徒 時間: 2010-11-15 11:33

引用:

原帖由 飛毛腿 於 2010-11-13 13:55 發表
江湖黑老大自己其實都嘗緊內外交困滋味

雖然上兩個月有個乜叉機構自吹自擂話美國經濟已經踏出衰退
大唱明天會更好
可惜現實係失業率指向 10%
咁多人冇嘢撈仲消費條毛
開飯都成問題仲話買樓 ? 樓價點回升 ...

佢推出qe2時,係大約g20前個多兩周左右,唔係咁都等唔切卦?
好難明一個星期左右,真係幫到佢咁多?
好過在豬廿比全球圍攻老美?寧比人圍攻都要早一周左右推出qe2?
我好懷疑~

作者: 飛毛腿 時間: 2010-11-17 13:22

引用:

原帖由 無神論狂徒 於 2010-11-15 11:33 發表

佢推出qe2時,係大約g20前個多兩周左右,唔係咁都等唔切卦?
好難明一個星期左右,真係幫到佢咁多?
好過在豬廿比全球圍攻老美?寧比人圍攻都要早一周左右推出qe2?
我好懷疑~

造成既定事實後﹐其他豬19 國咬佢食 ?
咪當呢 d 國際會議咩一回事
所有決議有條毛法律約束力
就算有所謂法律效力﹐一句話我唔承認﹐吹咩 ? 打七佢 ?
更咪聽 d 口水佬狗噏咩國際法
國際事務用實力說話﹐財大氣粗 + 拳頭 = 法律
國際法只係用嚟恰狗 d 冇還手能力小國寡民
同北極熊、黑老大講吓國際法﹐睇吓點....

只要一日美元係國際儲備貨幣
大家就吹佢唔脹
國際貨幣最大支撐力來自石油美元
只要中東油國齊齊話石油唔用美元結算
美元就變成廢紙
所以當年薩達姆話唔用美元結算石油
即刻 "擁有" 大殺傷力武器﹐最後被送上絞刑架

作者: 飛毛腿 時間: 2010-11-17 17:34 標題: 回復 9# 的帖子

補一篇德國評論文章你睇吓 :

11月14日一期的德國《星期日世界報》的署名文章指出，二十國集團峰會表明，“如果這兩位全球最强有力的人物持同一看法，他們就可以確定世界的發展方向”：

“而美國總統奧巴馬不得不忍受這樣的痛苦，他想咬斷德國與中國的同盟，結果咬掉了自己的牙齒。他試圖先說服胡錦濤，與胡談了一個半小時，要求中國减小對美國的巨大貿易順差。胡保持彬彬有禮的姿態，但沒有做出任何承諾。

奧巴馬知道，他走後，接踵而來的是他的最重要盟友（默克爾）...奧巴馬奉承說，與德國人可以馬上埋頭工作，不必像與中國人那樣，浪費寶貴的時間先大談一通相互關係如何友好之類的話。默克爾總理不假辭色地回答說，‘今天我來本就是想聽聽這樣的話’。這樣，她一方面防止了對方在她本人與胡錦濤之間挑撥離間，另一方面也影射了柏林最近幾天聽到的來自華盛頓的强硬聲調。

“默克爾下令對此‘回擊’。她的部長朔伊布勒和布呂德勒表示，美國的貨幣政策 ‘前景黯淡’，是‘錯誤的’。長期持克制態度德默克爾還是在峰會前挑釁了美國人。她偏偏誇獎中國人是‘我們財政預算政策的良好夥伴’，隻字不提美國。她表達的意思是，中國節儉，而美國不肯這樣做。”

《星期日世界報》在談到德國與美國之間的 “這場不愉快” 的背景時說，這是因爲 “象中國一樣，德國向美國出售的商品多于從美國購買的商品。雖然 ‘德國製造’ 的不是廉價産品，而是高價值産品，但是德國的貿易盈餘與中國的順差一樣，使美國總統不悅。”

最後，文章談到德國、美國和中國在經濟上的三角關係：

“默克爾政府雖然總是首先尋求與大西洋彼岸的盟國協調一致，但如果這個超級大國過分霸道，那麽它就寄希望于其它國家、也包括中國的反抗。美國人提出今後應把出口順差降至4%，早在峰會開幕前，這一要求就已被德國和中國擊碎。德國說服了法國、中國把許多轉型國家拉上了船，孤立了美國。與共同價值觀相比，共同利益仍然是更爲强勢的貨幣。

“所以，峰會結束時，失望的奧巴馬從默克爾和其它十八位國家元首和政府首腦那裏得到的不過是含糊的許諾。雖然貿易應該走向平衡，並沒有設定某個百分比作爲標準。現在，先要找出導致貿易不平衡的 ‘因素’。說白了就是：工作小組可以存在下去，但中國和德國可以樂呵呵地繼續出口。”

作者: 飛毛腿 時間: 2010-11-17 17:42

補充一下

豬20 之前美國提出要求貿易夥伴將對美貿易順差限制在貿易額 4%之內
反對最激烈係德國同日本佬
因為佢地以出口為主﹐對美順差遠超過 4%以上
反而中國就不置可否﹐冇乜強烈反應
因為中國過去貿易數據顯示對美順差一向都係 4%上下浮動
所以對中國影響唔大
但接近豬 20開會之前
可能為拉攏德國企晌同一陣線
轉而加大反對聲調

作者: 無神論狂徒 時間: 2010-11-17 18:06

引用:

原帖由 飛毛腿 於 2010-11-17 17:34 發表
補一篇德國評論文章你睇吓 :

11月14日一期的德國《星期日世界報》的署名文章指出，二十國集團峰會表明，“如果這兩位全球最强有力的人物持同一看法，他們就可以確定世界的發展方向”：

“而美國總 ...

這篇文章看得很舒服~奇摩之~~
中國對歐洲的影響力日漸增強，而且大有超越美國的勢頭~這個是好現象～
不過西方肯和中國聯盟，係睇中中國人袋中的花碌碌銀紙～英法德希臘葡，全部都係～
呢種同盟唔會長久，中國人古遠文化告訴中國知，建立在利益上的朋友，不會是長久朋友～國與國之間的同盟以利益為主，冇利益就反轉豬肚，這種情況是因為西方文化係咁，而西方文亦是現在的主流文化～所以現在國與國間的同盟只有利益～
我祈望中國可以突破呢套西方文化，把中國以往的文化帶入世界，成為世界主流～以中國銀彈向西方及世界強灌中國文化，

作者: 飛毛腿 時間: 2010-11-19 13:51

引用:

原帖由 無神論狂徒 於 2010-11-17 18:06 發表

我祈望中國可以突破呢套西方文化，把中國以往的文化帶入世界，成為世界主流～以中國銀彈向西方及世界強灌中國文化，

西方社會奉行森林定律 - 弱肉強食
西方經濟文化建於掠奪﹐向外擴張
胡錦濤倡議平等互利﹐和諧社會
含洋腦殘對 "和諧" 兩字冷嘲熱諷
卻不知自己其實只係西方森林定律下要被淘汰宰殺嘅下等生物

歡迎光臨香港 Xocat Forum 討論區 (http://p.xocat.com/p/)