香港 Xocat Forum 討論區 - Powered by Discuz! Board

標題: 心口碎大石 [打印本頁]

作者: dynmv 時間: 2010-11-21 05:22 標題: 心口碎大石

心口碎大石　唱懷舊金曲廟街時光倒流五十年
【本報訊】無論是「 Ja Ja Jumbo」抑或是「當年相戀意中人」，如果你聽一句便可以接住唱下去，證明你未忘記老香港風情。昨晚廟街榕樹頭聚集了 200名熱愛六、七十年代大笪地情懷的香港人，一邊聽懷舊金曲，一邊欣賞心口碎大石。有多年前移民的回流港人，專程到場緬懷追憶，睇到拍爛手掌。
放大圖片

大會安排了占卜算命攤位供市民問前程。
放大圖片

有演員扮成「小鳳姐」和「肥肥」大唱金曲。
勾起老香港回憶年過 60的孔太 30多年前移民加拿大，最近回港探親，得知昨晚榕樹頭公園舉行「油麻地懷舊風情同樂日」，早早到場霸位。她說：「雖然我以前住港島，但都鍾意去廟街，今晚節目勾起我好多回憶，睇得好開心。」另一位 43歲的何先生是油麻地「原居民」，「我係水上人，細個阿爸成日帶我行廟街同食喳喳，當年仲有水上雲吞麪，𠵱家已經食唔到」。
放大圖片

心口碎大石深入民心，當年電視台也仿效。　黑白圖片
放大圖片

小朋友表演叠羅漢。
放大圖片

70年代的廟街算命師。
放大圖片

廟街聞名的煲仔飯。
放大圖片

榕樹頭公園懷舊風情表演吸引近二百人到場觀看。
昨晚大會在敲響一聲銅鑼聲，邀請春風劇團演出多齣懷舊劇，當中一幕是心口碎大石，不過是搞笑版。何先生說：「呢啲得啖笑啦，當年我細個睇過真正心口碎大石，感覺震撼好多。」大會還有「肥婆蘭」和「筷子姊妹花」等人物，以喜劇形式表演纓槍，又有老夫子在榕樹頭勇救陳小姐，上演一幕英雄救美，其餘角色造型還包括「林亞珍」、「肥肥」和「小鳳姐」，齊齊搞笑，現場觀眾都大讚夠氣氛。大會在台下設置了多個攤位，包括麪粉公仔、叮叮糖和占卜算命等，重現、六七十年代情景。 70年代在廟街賣檸檬乾和飛機欖的 Raymond表示，過去廟街地攤還有一項特色，如今已不復見，「以前邊有電燈，人人都係用氣燈，冇𠵱家咁光。」兒時經常到廟街的陳小姐說，如今廟街雖然有很多不同款式的煲仔飯，但就沒有從前流行的「田螺煲仔飯」。油尖旺區節統籌委員會主席高寶齡表示：「廟街是油尖旺區最旺地方，展現咗五六十年代港人拼搏特色，希望透過今次活動可以加強市民對呢區認識。」除昨日晚會外，還會舉辦文化導賞團，參觀果欄、街市和玉器市場。

搞笑版「心口碎大石」演員表情十足，台下則睇得過癮。　黎樹雄攝

作者: dynmv 時間: 2010-11-21 05:29

當年行榕樹頭你最難忘係乜野呢?

作者: hkgalbert 時間: 2010-11-21 08:19

引用:

原帖由 dynmv 於 2010-11-20 09:29 PM 發表
當年行榕樹頭你最難忘係乜野呢?

當然星花姑娘、廟街皇后啦！

作者: mygo 時間: 2010-11-21 10:31

東施效顰而已。廟街一向都唔唱當年相戀意中人呢種粵語流行曲，更何況Ja Ja Jumbo？唱曲大都集中在現今政府合署一帶(廣智戲院後面至現今的天后廟左近)，而都只是唱粵曲而已，那時唱完戲，姐姐仔欏住個托盤賣陳皮梅、話梅等零食，可以俾一毫，可以兩俾毫，有錢可以俾一蚊。至於當年相戀意中人(舊歡如夢、相思淚等)，係唔會有真人唱，那時廟街大大小小的攤檔，擺賣的是盒式錄音帶，每至黃昏，就播唱聲帶，吸引遊人光顧，時賣10元三盒，十分熱鬧。至於黑膠唱片，多不擺於路中心，而是擺放靠於行人路內側，分得十分清楚。所謂有人唱舊歡如夢，係受電影影響而已。

[ 本帖最後由 mygo 於 2010-11-21 10:43 編輯 ]

作者: tiutiu111 時間: 2010-11-21 12:02 標題: 回復 1# 的帖子

哎也, 走雞添 ! 幾時舉辦架 ? 好似無乜大事宣傳。少年時都係廟街常客黎架 ! 乜都有, 五光十色, 又勝在夠經濟。下次幾時有 ?

作者: suewong 時間: 2010-11-21 16:44