香港 Xocat Forum 討論區 - Powered by Discuz! Board

標題: [原創] 活動公仔書 [打印本頁]

作者: mygo 時間: 2010-11-27 00:39 標題: 活動公仔書

記得細個時屋企仍未有電視，放學後走去廣智戲院(現甘肅街政府停車場附近)，那裡有公仔書檔，一毫子有幾個牌仔，一個牌仔可以租一本公仔書，又或者可以換一包陳皮梅或者一包欖，一毫子可以消費幾日。但有時睇得公仔書多，就想搵新野，那時有一檔湩動公仔書，斗零可以睇三本，小販用一個木箱，整幾個小圓孔(附放大鏡)，放一本好細公仔書入去，我就用一個木箱墊高先夠高睇到，然後由一個摩打不停的翻頁，公仔書好細本，大約現今一張廿蚊紙的四分一。可以一次過同時播三本左右。裡面的圖畫其實是印著不停的動作，在快速捲頁下，就成了活動模式。
其實十分無聊，又冇聲，又唔知故事講乜，只係見到一個或兩個公仔響度郁，而且仲要黑白。但當時唔睇呢D，又有乜野睇呢？

作者: suewong 時間: 2010-11-27 17:08

引用:

原帖由 mygo 於 2010-11-27 00:39 發表
記得細個時屋企仍未有電視，放學後走去廣智戲院(現甘肅街政府停車場附近)，那裡有公仔書檔，一毫子有幾個牌仔，一個牌仔可以租一本公仔書，又或者可以換一包陳皮梅或者一包欖，一毫子可以消費幾日。但有時睇得公仔書 ...

MYGO 只是大我幾年, 點解我未見過活動公仔書既 ?

作者: mygo 時間: 2010-11-27 17:30

引用:

原帖由 suewong 於 2010-11-27 17:08 發表 MYGO 只是大我幾年, 點解我未見過活動公仔書既 ?

呵呵，黃小妹，呢D野一定要響小販集中地區才有。而且係走鬼檔。用一個紅色木箱，一個木腳架就開檔了。
但其實真係冇野好睇，非常搵笨，一本公仔書，仲要掀得咁快，一陣就睇完，絕對不符合小童那時的「消費原則」。

講番起小販，細個時番學每天幫襯大叔買燒賣粉果做早餐，大叔心情好時不時「省多粒」，且態度友善，對大叔好感油然而生。
一日，聞母曰，大叔被小販管理隊抓去，打至遍體鱗傷，那時義憤填膺，竟跑去街市的販管隊辦事處門口查看，並心想年長後當警察抓販管隊，自此大叔再無擺賣，也不知去向，為此事居然不開心成個月。

作者: suewong 時間: 2010-11-27 21:17

引用:

原帖由 mygo 於 2010-11-27 17:30 發表

一日，聞母曰，大叔被小販管理隊抓去，打至遍體鱗傷，那時義憤填膺，竟跑去街市的販管隊辦事處門口查看，並心想年長後當警察抓販管隊，自此大叔再無擺賣，也不知去向，為此事居然不開心成個月。 ...

發覺 MYGO 好感性, 應該好多女性好友, 同你傾心事...

今非昔比, 香港是進步很多, 而加咁做, 未死過.

只是相差幾年, Ah Sue 細個見既小販, 是好阻街; 亞哥仲話我知, 街口買白粥/腸粉既牌檔, 有幾袈小巴. 其實好有錢...

作者: mygo 時間: 2010-11-28 01:39

引用:

原帖由 suewong 於 2010-11-27 21:17 發表發覺 MYGO 好感性, 應該好多女性好友, 同你傾心事... 今非昔比, 香港是進步很多, 而加咁做, 未死過. 只是相差幾年, Ah Sue 細個見既小販, 是好阻街; 亞哥仲話我知, 街口買白粥/腸粉既牌檔, 有 ...

呵呵，的確，女性朋友做野如是、讀書如是，都比較易傾心事，就算幫我搞保險的靚女Sales，也經常和我說起她的私人事，有時，我覺得佢地有D唔當我係男人。

相差幾年，就係幾年，也係完全變化的幾年，就係暴動之後，港府對港施政已經係完全唔同了。

作者: suewong 時間: 2010-11-28 18:22

引用:

原帖由 mygo 於 2010-11-28 01:39 發表

呵呵，的確，女性朋友做野如是、讀書如是，都比較易傾心事，就算幫我搞保險的靚女Sales，也經常和我說起她的私人事，有時，我覺得佢地有D唔當我係男人。

相差幾年，就係幾年，也係完全變化的幾年，就係暴動之後 ...

我都係同男性好傾 d, 不過佢地當我係兄弟. 當時亞哥 / 家姐成日長嗟短嘆...

好彩都標到尾會.

感想:
左派暴動, 普羅大眾都有 d 得益.
港英政府, 其實好有統治智慧. 唔同而家, 屢試屢敗.

[ 本帖最後由 suewong 於 2010-11-28 18:24 編輯 ]

作者: mygo 時間: 2010-11-29 12:39

引用:

原帖由 suewong 於 2010-11-28 18:22 發表我都係同男性好傾 d, 不過佢地當我係兄弟. 當時亞哥 / 家姐成日長嗟短嘆... 好彩都標到尾會. 感想:左派暴動, 普羅大眾都有 d 得益.港英政府, 其實好有統治智慧. 唔同而家, 屢試屢敗.

講番而家既管治班子，十日十夜都講唔完。

歡迎光臨香港 Xocat Forum 討論區 (http://p.xocat.com/p/)