香港 Xocat Forum 討論區 - Powered by Discuz! Board

標題: 日本同南韓憂心中國肌肉愈嚟愈勁 [打印本頁]

作者: 無神論狂徒 時間: 2010-12-6 11:47 標題: 日本同南韓憂心中國肌肉愈嚟愈勁

http://news.rti.org.tw/index_newsContent.aspx?nid=270835&id=1&id2=2

其實中國按人口土地尺寸去睇，中國軍費唔算多～再講中國軍事科技未算勁，仲有大把地方要開發

其實日本呢個憂心，唔可以話冇道理，但又唔係好合理，如果怕中國，早年就唔好同中國靠，又講乜脫歐入亞～

對中國而言，擴大軍事實力係勢在必行，一個國家要自保，尤其中國比人欺負過百年，唔發展軍力唔得～
個人認為，中國最重要係忍～除了有人入侵中國（除邊界糾紛的地方），否則一律不出兵，因為一出兵，中國就正中美國佬下懷，美國可以出兵打你，而美國係一個要打杖的民族，中國唔係一個要打杖的民族，此刻打杖對中國只有壞沒有利，忍到中國凌駕美國啦～唔洗打，冇人敢搞中國啦～

美日韓軍事挑釁，係做比中國睇，如果北韓忍唔著手，中國更易走火，所以中國唔好理呢啲風風雨雨，美國連日搞軍演，係存心揪北韓，好肯定呀～佢係想你北韓出兵揪過，順手建立南北韓統一，在亞洲插多支旗，等佢在亞洲的話事權加大～

Anyway中國夠勁，話事權自然落到中國身上，到時仲怕你班冇牙老虎？

作者: 飛毛腿 時間: 2010-12-6 14:10 標題: 回復 1# 的帖子

話要 " 脫歐入亞" 係鳩山由紀夫
融合東亞 - 即係冇美國佬嘅事
又話要收回沖繩美軍基地
佢唔神秘自殺都算佢好彩
就算美國佬唔出手﹐日本國內敵對政治勢力亦會推佢落台

>>>美國可以出兵打你
你到家下都改變唔到呢個思維

年初韓艦天安號沉沒
美韓話係北韓做嘅﹐北韓死都唔認
你以為北韓怕被美韓打所以唔認 ?
嗱﹐今次就明發 200炮轟你南韓延平島
炸死你軍人連平民
呢種係赤裸裸軍事攻擊﹐係戰爭行為
預咗你軍事反擊﹐放馬過嚟 .....

按美韓聯防協訂﹐家陣南韓遭受北韓攻擊係咪要啟動軍事行動 ?
起碼都射十隻廿隻巡航導彈去還擊北韓軍事設施啦 ?
點知.....

美韓兩主僕怒氣沖沖 - 仲開埋隻航空母艦...
遠離延平島 200公里處﹐兩主僕玩心口碎大石

美國佬 " 嚴厲" 警告北韓 : 你夠膽再攻擊我地就打殘你

同時就對中國話 : 我地係 "防禦" 演習﹐唔係針對你呀

你成日話美國想出兵打 ?
今次咁好理由﹐直頭出兵打到鴨綠江都得啦

作者: Manics 時間: 2010-12-6 14:58

飛哥, 請繼續拆局。
家吓南韓仔唔敢開拖但又繼續係人地門口軍事演習，意欲何為？唔通真係犯賤嫌二百發未夠堅想食多幾野？

作者: 無神論狂徒 時間: 2010-12-6 15:30

引用:

原帖由 飛毛腿 於 2010-12-6 14:10 發表
話要 " 脫歐入亞" 係鳩山由紀夫
融合東亞 - 即係冇美國佬嘅事
又話要收回沖繩美軍基地
佢唔神秘自殺都算佢好彩
就算美國佬唔出手﹐日本國內敵對政治勢力亦會推佢落台

>>>美國可以出兵打你
你到家下都改 ...

美國佬有出兵打北韓的嫌疑～
如果佢唔想北韓動真格，美國佬可以唔理，係咁耍吓咀炮～事情自然不了了之～佢出兵軍演，係要局勢升級～如果有人抵唔著頸，打起嚟都出師有名吖～
如果北韓真係抵得頸，我好懷疑美國佬會在南韓國土內靜雞雞搞吓恐怖活動，再屈北韓，為出兵做藉口～
美國軍演，連環上演，我睇似揪北韓咯～中國都已經表態要六方會談，你都迫唔到乜嘢出啦～
不過有可能美國佬睇到平壤唔出手，又唔想作個藉口出兵，最後冇杖打～

作者: 飛毛腿 時間: 2010-12-7 09:34

今朝慣例望吓信報股票資訊
- 只係望吓標題﹐我冇付費訂閱睇唔到內容 ( 就算免費我都唔願花時間篇篇睇)
見到佢地舊老細又寫一篇腦殘文
此人見識淺薄﹐恐共又腦殘
歷來只識抄歐美學者文章執人口水尾去吹捧歐美政經觀點
歐美經濟好景果時﹐你吹捧佢地就好難反駁你
正如 2005 年果時﹐聯合國話冰島係人類發展嘅典範
又如 2008年之前﹐含洋奴最喜歡吹話歐美經濟穩建﹐法規完善﹐金融監管嚴密﹐市場運作成熟....
政府廉潔﹐國富民強...blablabla﹐所以吸引全球資金聚集 - 安全有保障嘛
林某呢種典型含洋奴就鸚鵡學舌﹐日吹夜吹歐美洋主子英明神武
好喇﹐睇吓佢篇腦殘文先 ( 部份) : -

2010年12月07日 03:48
林行止：北韓步向解體中日危機重重

《信報》林行止專欄：當今年三月間北韓涉嫌擊沉南韓巡邏艦「天安號」時，舉世指斥，何以中國不發一聲？復旦大學國際事務研究所副所長沈丁立認為是「北韓命不久矣」（North Korea is dying），即指斥聲討已沒意義沒必要。事實上，北韓已陷入內部政爭白熱化（金正恩及其叔父與姑母各據山頭），而由於走私猖獗（官員貪污有以致之），北韓精英分子了解南韓、中國、日本以及西方國家的情況，早已不相信政府「北韓世界第一」的宣傳；一般人則因糧食配給不足而令「金正日政府成為世上最少同情者的政權」。美國《國家評論》（《The National Review》，網址同名）十月四日有長文〈邪惡遁世矮人國的黃昏〉，作者根據學術機構的北韓研究，加上對逃進南韓的北韓難民的採訪，對北韓現況有相當詳細的分析。事實顯示今年洪水成災，不僅令農田失收，煤礦亦停產，北韓又出現十年未遇的饑荒，「有病容的農婦拔草餵牲口但她已絕糧」，今年缺糧的數目起碼五十萬噸，其對延坪島開炮，是過往亦曾用過的無賴手法︰「你不給糧食我們便開槍」，過去求和心切的南韓政府，遇此情況，都以糧食援助解決「危機」，但右傾的李明博政府顯然另有計謀。

多年前筆者曾在這裏引述一項消息，指北韓降低入伍條件，四呎九吋高便算合格；如今情況顯然進一步惡化，在營養不足的條件下，北韓人體高日矮，「北韓軍人的平均高度比南韓的低十一吋……」。電視上所見參與閱兵儀式的軍人，都是千挑萬揀的「高大威」，絕對不能反映實際情況。去年的貨幣改革導致大貶值，一窮二白的普通百姓根本一無所有，幣值升降對無幣的人，沒有影響，但包括秘密警察在內有儲蓄的精英階層，則損失甚大，他們因而對金正日政權大有微詞。這真是「意想不到的結果」。

北韓發窮惡，擊沉「天安號」又炮轟延坪島，可能導致其覆亡。今天六方會談的三方美日韓在華盛頓開會商討如何回應中國提出的六方團長會議。以肯開會不會開火的設想，筆者當然希望三國能達成同意開會的決議，這雖縱容北韓，卻是避免大打出手的先兆；不過，即使拒絕北京的提議，料亦不會爆發戰爭，以有關各方—起碼是美日韓和中國—都在靜待北韓「和平」解體！

以筆者之見，目前亞洲最危險的反而是中日關係。美日的軍演精銳盡出，人所共見，但由於政治制度不同，其「假想敵」中國的軍事實力則高度保密。這即是說，美日的軍事實力及未來部署都「眾所周知」，比如日本如何增加飛機大炮而不增加軍人數目以至國防開支多寡等，均公諸於世，但對中國的有關情況則一無所知，在這種「不知彼」的情形下，領土主權紛爭若不降溫，軍事意外便很易闖出大禍！
（節錄）

[ 本帖最後由飛毛腿於 2010-12-7 09:37 編輯 ]

作者: 無神論狂徒 時間: 2010-12-8 16:54

中國就醒爬嘞～
老虎蟹都唔出聲要打～兩面都唔幫，你又可以耐我乜嘢何～吹咩～
六方唔成～今日戴秉國巽文中國崛起永不稱霸，內容明衝著美國搞的小動作，一方面挑撥深化國家之間的對立，一方面以軍事力量脅迫～
但係中國對於呢啲小動作，一路都只是不動聲色，既不硬也不軟，你又奈我老娘何呢？中國咪一樣發展，總去到一天超過美國；美國佬賤九格，世界公認，偽君子人格更係街知巷聞～中國根本冇嘢好做～一於軟皮蛇，你又可以如何呢？站在中間，你有膽就揪北韓～中國出唔出兵就後話
但係中國唔出兵撐北韓會好啲，可以賣軍火比北韓，又可以比情報佢，中國可以獨善其身，等自己再長大；到時同美國佬計清賬單～

歡迎光臨香港 Xocat Forum 討論區 (http://p.xocat.com/p/)