Board logo

標題: 一篇笑死人的文章 [打印本頁]
作者: lovelyrics    時間: 2006-12-21 20:56     標題: 一篇笑死人的文章

電視台爭霸戰激烈 硝煙瀰漫新聞部 女主播大執位

靚女主播，人氣難擋，經常成為各大機構的獵頭對象。繼人氣主播趙海珠被傳將過檔銀行界後，另一主播吳先瑩亦傳會轉投香港總商會，隨前輩魏綺珊及繆美詩等在公關界大展拳腳，新聞之花隨時青黃不接。加上近日NOW跟有線爭霸，新聞台鬥得火熱，各電視台也密謀洗牌執位，互相挖角補位，新一輪主播挖角潮正悄悄揭開序幕。本報記者

最近盛傳已請辭並轉投銀行界的無綫女主播趙海珠，據聞已離職，結束她兩年半的主播生涯。傳得最盛的是她將轉投滙豐，但該行發言人則回應指暫未有所聞。珠珠是近年人氣最盛的女主播，她的離去，在互聯網討論區掀起不少話題，除了fans心傷，不能再在電視屏幕見到珠珠報道新聞，也有不少網友討論誰是六點半新聞的女主播接班人，當中不少人都睇好現時幾位「小花」，包括周嘉儀、羅若安、黃珊、方健儀。

珠珠出走 周嘉儀坐正630

最近有不少花邊新聞都稱趙海珠「失勢」，才黯然離職。珠珠出道不久，已被冠為新聞之花，並擔任《六點半晚間新聞》主播，但近期她的出鏡率大減，部門內盛傳因她被周刊報道緋聞，指她跟前無綫節目行政總監李文祝(現轉往NOW財經台)和攝影師陳惠恩高調拍拖，有違新聞主播的「嚴肅」和專業形象，故被調離黃金時段，改當《晨早新聞》主播，以及被派出外採訪的工作；而極速上位的幾位小花周嘉儀和郭詠琴則獲高層委以重任，擔任《晚間新聞》及《十一時半新聞》的主播。

○三年畢業於浸大廣播新聞系的周嘉儀，翌年便加入無綫新聞部，被袁志偉發掘，安排到收費電視任新聞主播。現時兼任翡翠台六點半新聞及「二十四小時新聞台」主播。九九年中大畢業的方健儀，加入無綫前在港台任職記者；另一位主播羅若安，在中大完成新聞碩士課程，被指貌似藝人陳慧珊，別具「星味」，更有大將之風。

吳先瑩盛傳轉投公關界

至於樣貌標致、身材嬌小的黃珊，在NOW廿四小時新聞台做主播，負責晚間時段，二十七歲的她○一年畢業於浸大傳理系，曾任職港龍空姐，○四年加入有線新聞，被副總裁趙應春力捧，對撼無綫的「珠珠」，但出鏡未夠兩個月，即被NOW高薪挖角，當時NOW開出的條件優厚，除薪金增加三成至約兩萬元外，還只需她報讀下午和晚間時段新聞，最近盛傳她將加盟無綫，加入小花之列。

除趙海珠外，最近盛傳會離巢的尚有另一女主播吳先瑩，據說她將轉投公關界，到香港總商會出任公關。過往亦有不少人氣女主播轉投公關行列，如早年的「經典新聞之花」無綫的魏綺珊，轉職機管局任公關；同屬無綫的趙麗如，曾任職考評局，後考評局醜聞連連，意興闌珊下離職；至於亞視的繆美詩，就轉職到領匯做公關，經常奔走於各大記者會中。

新婚郭詠琴有新動向

另一位近期急速上位、二○○○年於樹仁學院新聞系畢業，從亞視過檔無綫的靚女主播郭詠琴，上月才跟有線攝影師李錦和結束六年愛情長跑，新婚之喜外，還有新動向，傳聞她亦將離開無綫，轉投亞視廿四小時新聞台做主播。

據說，跳槽的不僅女主播，還有男記者羅暉翔，傳聞他將跳槽有線新聞中國組。無綫新聞部短時間內失去幾位年輕記者和主播，更盛傳人事「地震」陸續有來。無綫外事部助理總監曾醒明否認新聞部有大量人手流失，只承認趙海珠和吳先瑩將離職，後者一月才離開，至於郭詠琴和羅暉翔是否離任，曾指「未聽過」。「每逢年尾都多人走，好正常，而且只是新聞部三百多人中的兩人，只因她們做幕前，大家才有興趣談論。」

NOW 搶攻 有線守新聞台

有人走，當然也有人加入。盛傳出身於無綫的女記者陳嘉怡將回巢，有線的黃凱迪亦將加盟，最近有線亦有傳主播張曉雯和記者黃潔慧將離職，前者加入政府做AO，後者則過檔NOW，但消息未獲證實。自從NOW從有線手上奪得英超及歐洲國家盃轉播權後，一直包攬所有重要足球賽事的有線「元氣大傷」，痛定思痛下，最近決定將宣傳重點放在一向視為「鎮台之寶」的新聞台，大家不難發現地鐵車廂中的主播大頭相，實行以靚女主播留客。

亞視亦邀請八十年代「新聞王子」梁家榮坐鎮，上月梁家榮進駐亞視新聞部任顧問，主要教導新晉記者，稍後更會坐上主播台，讀亞視六點新聞。

據悉，今次三大電視台新聞部人事「大洗牌」，跟NOW和有線欲爭新聞台之強勢有關，令無綫的人手被挖。事實上，去年類似的「大執位」亦曾發生。○五年初，NOW與亞視合作推出「亞視24小時新聞」，但效果未如理想，NOW欲自行製作新聞節目，遂於下半年積極籌辦財經台，並找來前無綫新聞部主管羅燦任新聞及財經資訊的首席副總裁，並從無綫挖走大量舊部，如跑財經新聞的羅志輝、馮淑媚及時事的「小飛俠」林燕玲、鄭麗矜及陳凱欣等，還有編採、攝影師連工程部等過百人。
作者: villarealfans    時間: 2006-12-21 21:01

提示: 作者被禁止或刪除 內容自動屏蔽
作者: johncage    時間: 2006-12-21 21:06     標題: 回復 #1 lovelyrics 的帖子




0.邊張新聞紙？
1.周嘉儀坐正630？
2.王珊加盟無記？
3.郭詠琴又轉投亞視廿四小時新聞台做主播？
4.羅暉翔，傳聞他將跳槽有線新聞中國組？
5.女記者陳嘉怡將回巢，有線的黃凱迪亦將加盟無記？
6.最近有線亦有傳主播張曉雯和記者黃潔慧將離職，前者加入政府做AO，後者則過檔NOW？

[ 本帖最後由 johncage 於 2006-12-21 09:07 PM 編輯 ]
作者: lovelyrics    時間: 2006-12-21 21:11

咁本全部料都係抄數字版，而且好多資料都係錯，周嘉儀幾時報過630?黃珊係NOW做咩?仲有無線幾時有「十一點半新聞」?就算有，佢同「晚間新聞」有分別咩?

文章來源：星島日報

[ 本帖最後由 lovelyrics 於 2006-12-21 09:13 PM 編輯 ]
作者: johncage    時間: 2006-12-21 21:18

黃珊真係一開台就係now24小時亞視新聞做，呢個真既！你可能誤會左係財經台！
佢都冇講周嘉儀報630，只係講呢句"擔任《晚間新聞》及《十一時半新聞》的主播"！
阿妹，睇下咪當真，你都話笑死人啦！
作者: lovelyrics    時間: 2006-12-21 21:20

○三年畢業於浸大廣播新聞系的周嘉儀，翌年便加入無綫新聞部，被袁志偉發掘，安排到收費電視任新聞主播。現時兼任翡翠台六點半新聞及「二十四小時新聞台」主播

作者: johncage    時間: 2006-12-21 21:23     標題: 回復 #6 lovelyrics 的帖子

sorry!自食一件！
作者: cy418721    時間: 2006-12-21 22:32

呢單都未算勁… 東方果群柚仔，可以將「郭詠琴由本港台過atv24」講做「由亞視過檔now」… hahahaha... 班友勁低能…

佢地仲要停留係舊代亞視o既時代，tvb o既gmhk可以講做「晨早新聞」，都算啦… 630竟然叫傍晚新聞，有次仲叫「六點半晚間新聞」… 咁… 真正o既晚間新聞又點呢？就係變做atv news o既「夜間新聞」或者「十一時半新聞」… 好心佢地啦！呢d野係舊代架啦，古董！

hahahaha... wakakakaka... 低能架！

[ 本帖最後由 cy418721 於 2006-12-22 01:56 AM 編輯 ]
作者: fredng    時間: 2006-12-21 23:05

引用:
原帖由 cy418721 於 2006-12-21 10:32 PM 發表
呢單都未算勁… 東方果群柚仔，可以將「郭詠琴由本港台過atv24」講做「由亞視過檔now」… hahahaha... 班友勁低能…

佢地仲要停留係舊代亞視o既時代，tvb o既gmhk可以講做「晨早新聞」，都算啦… 630竟 ...
係呀!
ATV24根本就係出自ATV之手,用ATVo既新聞片,加上d靚仔靚女做讀稿做包裝,跟住就成份賣畀NOWBROADBANDTV播!

有次見到now搵唔到人,都搵過梁靜雯做客串主播啦!
唔統佢又算過檔左now一日?

所以嚴格來說,郭詠琴,黃珊係now做主播時,都係ATVo既人.
直至郭詠琴過檔無線,先至係正式脫離atv轉工!
作者: johncage    時間: 2006-12-21 23:14

全名"now24小時亞視新聞"，相同內容有︰亞洲早晨(fred可能見到梁靜雯出鏡)
曾sir28show, 12點半新聞, 六點新聞,十一點新聞,金錢世界,時事追撃！
因為由亞視制作提供內容。
但無線收費電視因為有防火牆條例，就唔可以有同tvb相同內容(要一年後先可以播)
但無線投入tvb pay包括3億現金同內容制作，所以新聞部既資源係共用！
作者: weeewaaa    時間: 2006-12-21 23:24

引用:
原帖由 lovelyrics 於 2006-12-21 21:11 發表
咁本全部料都係抄數字版，而且好多資料都係錯，周嘉儀幾時報過630?黃珊係NOW做咩?仲有無線幾時有「十一點半新聞」?就算有，佢同「晚間新聞」有分別咩?

文章來源：星島日報
小妹子, 應該貼去笑話版!!!!!
作者: weeewaaa    時間: 2006-12-21 23:26

引用:
原帖由 cy418721 於 2006-12-21 22:32 發表
呢單都未算勁… 東方果群柚仔，可以將「郭詠琴由本港台過atv24」講做「由亞視過檔now」… hahahaha... 班友勁低能…
佢地仲要停留係舊代亞視o既時代，tvb o既gmhk可以講做「晨早新聞」，都算啦… 630竟 ...
真係唔想笑都唔得..........
作者: weeewaaa    時間: 2006-12-21 23:26

引用:
原帖由 fredng 於 2006-12-21 23:05 發表

係呀!
ATV24根本就係出自ATV之手,用ATVo既新聞片,斥?跟住就成份賣畀NOWBROADBANDTV播!

有次見到now搵唔到人,都搵過梁靜雯做客串主播啦!
唔統佢又算過檔左now一日?

所以嚴格來說,郭詠琴,黃 ...
冇錯, Fred 大哥!!!!
作者: cy418721    時間: 2006-12-22 01:58

引用:
原帖由 cy418721 於 2006-12-21 10:32 PM 發表
呢單都未算勁… 東方果群柚仔，可以將「郭詠琴由本港台過atv24」講做「由亞視過檔now」… hahahaha... 班友勁低能…

佢地仲要停留係舊代亞視o既時代，tvb o既gmhk可以講做「晨早新聞」，都算啦… 630竟 ...
好心佢地啦！呢d野係舊代架啦，古董！

抄又抄錯，料又收錯，搬字過字，老作又有… 東方蘋果正古董！
作者: Lisa    時間: 2006-12-22 22:23

老作呀,琴琴因為ATV24要輪班太辛苦,瘦咗十幾廿磅先跳槽,而家結埋婚正路都唔會返轉頭
作者: cy418721    時間: 2006-12-23 07:59

片頭都俾返佢，咁… 機會唔大喎… 都係老作架啦…
作者: weeewaaa    時間: 2006-12-23 20:21

引用:
原帖由 cy418721 於 2006-12-23 07:59 發表
片頭都俾返佢，咁… 機會唔大喎… 都係老作架啦…
直頭係啦!!!



歡迎光臨 香港 Xocat Forum 討論區 (http://p.xocat.com/p/) Powered by Discuz! 6.0.0