香港 Xocat Forum 討論區 - Powered by Discuz! Board

標題: 二戰德國履帶反坦克戰車 "吃沙" Hetzer [打印本頁]

作者: jj2jr 時間: 2011-2-28 15:54 標題: 二戰德國履帶反坦克戰車 "吃沙" Hetzer

個人認為這是德國在二戰時期生產所有戰車,當中最為型仔如在下者的一款反坦克履帶戰車 ----- Jadgpanzer ,別號 Hetzer / 吃沙,番號是 Sdkfz 138/2 .

希先生親身視察一輛簇新的吃沙.時地不詳,但日期當會在 1944 年 3 月之後,因為吃沙是在該日期之後才得以面世,另外由車子尾轆的孔數可以得知這是一台第一期產品.

[ 本帖最後由 jj2jr 於 2011-2-28 15:56 編輯 ]

作者: jj2jr 時間: 2011-2-28 16:03

吃沙一共做了 2,827 架,分有早晚期型號,分別主要表現在車子的配件改良,而由外觀可以由它的尾輪孔數來辨識產品型號,因為早期產品的尾轆有 12 個孔,而以後的產品尾輪就變為 8 ; 6 及 4 孔,原因是後期產品要遷就人手和時間的迫切.

早期車.

晚期車.

[ 本帖最後由 jj2jr 於 2011-3-1 16:44 編輯 ]

作者: jj2jr 時間: 2011-2-28 17:15

德國佬打開二戰大門之後只打西線,因為所有對手軍力和戰意都不如納粹,所以開頭係威係勢打倒七彩.希特拉就兩次信錯佢老友兼死黨哥林,成日話一出空軍就咩都掂過碌蔗,結果首先响鄧苟克俾 32 萬英法聯軍施施然過左海,然後打大不列顛空戰又衰埋.鄧苟克一役之後基本上只得英國佬可以隔住個海重吹得漲希特拉,我就好唔明點解希先生仍然重可以咁信佢?唯一解釋就係呢個係天意,如果唔係搵條二五仔幫手敗緊 d 身家,大家而家睇怕要講私は、日本でアバディーンされた至得勒!

言歸正傳講番吃沙呢壇野先.打從希先生所托非人失意於西線之後,佢老人家就一日冇交打就身痕,於是就諗到搵大鼻佬黎搞.因為大鼻佬岩岩衰左一鑊俾全世界睇,就係出左成百萬人去打芬蘭,結果以三打一兵力都死傷成 30 萬人至叫做得個慘勝,而芬蘭就因為反蘇而認左希先生做大佬.咁由枱面睇希特拉直情係形勢大好,大鼻佬唔打得又有芬佬幫拖,呢鑊重唔一野打巢你露眉阿史太林?

點知一開波又發現原來唔係果件事,而亦都因為過早搞著呢個東線火頭,德國軍事形勢就由從此走下坡.為左戰場上的需要,坦克之神古德理安要搵 d 反坦克戰車打老毛子,於是就參考左羅馬尼亞既反坦戰車 "冇路數 Mareşal" 既外形,再拎捷克佬既 38 式坦克底盤加條 75mm Pak-40 L/39 反坦炮上去,就整件價廉物美既好野出黎勒.

吃沙.

羅記既 "冇路數" 履帶反坦戰車.

作者: jj2jr 時間: 2011-2-28 17:32

由吃沙的配件可以見到德國人做事嚴謹的一面,現在找來一套吃沙模型照片作為介紹.

大家有留意最喇士張相嗎?吃沙右面車身的前後分別裝有一件厚墊和牙積嗎?後面支牙積係用來升起台車整車,而前便件野就係用黎墊積底,等佢响泥地都唔會因為地林而做唔到野.

作者: jj2jr 時間: 2011-2-28 17:49

吃沙全身由一個金字塔形的作戰部組成,裝甲向上傾斜 60 度,乘員四人.它配備的 75 炮放在車軸中線偏右位置,我對此就想不通.因為 75 炮是由炮膛右側裝彈,偏右擺放只會增加裝填手的不便,那又為何不裝偏左位置呢?暫時仍未找到答案,或者請各位高人指教.

吃沙 75 炮備彈 41 發,車頂裝有一支 7.92mm MG-34 機槍,備彈 1,200 發,機槍每次可裝彈 50 發,由作戰部里面的士兵透過一組機械把手遙控操作,可以作 360 度轉動發射.但換裝子彈就要在車外進行了.

作者: jj2jr 時間: 2011-2-28 17:56

吃沙車頂支機槍有個 V 形保護檔板.

作者: jj2jr 時間: 2011-2-28 18:03

有幾張遙控機槍架既黑白相,大家睇睇自行發揮想像一下.

透視.

由車頂望下.

得個吉架.

遙控把手和潛望鏡.

[ 本帖最後由 jj2jr 於 2011-3-1 16:16 編輯 ]

作者: jj2jr 時間: 2011-2-28 18:06

這兩張吃沙內部相可以見到遙控把手同 75 炮炮膛.

作者: jj2jr 時間: 2011-3-1 16:29

打完二戰之後捷克再度獨立,吃沙仍在生產,而且受到不少外國採購,其中在兩次大戰中都保持所謂中立的瑞士更是一口氣買了 158 架,這批出口吃沙改叫 G-13 .而現時仍留存在世的吃沙當中,大部份都是 G-13 .

下面有幾架現存在瑞士的 G-13,由於圖片大可能會出得較慢,大家耐心點.

作者: jj2jr 時間: 2011-3-1 16:41

留意一下上第 4 張照片,可以見到這架 G-13 的左尾轆是有 8 個圓孔,而第 5 和 6 兩張照片就見到右尾轆有 4 隻圓孔.我相信這架 G-13 可能做個一些維修換了尾轆.而以我所知,瑞士版的吃沙 G-13 尾轆只有 4 隻圓孔,轉動機槍炮位則改為車長的潛望鏡.

G-13 .