香港 Xocat Forum 討論區 - Powered by Discuz! Board

標題: 旺角天虹娛樂場 [打印本頁]

作者: hkgalbert 時間: 2011-4-19 03:24 標題: 旺角天虹娛樂場

以下文字及圖片完全抄襲自「維基百科全書」的「天虹娛樂場」條目：
All From "Wiki"
維基百科，自由的百科全書

天虹娛樂場位於九龍旺角彌敦道與荔枝角道交界的主題公園遊樂場，1950年2月17日（農曆庚寅虎年正月初一，星期五）上午10時開始營業，場主是張惠霞（司徒氏），委託金融商人胡鎏及龍文康主持，當天由香港滅火局（消防局的前身）總監Simon及九龍旺角滅火局局長Franklin兩人剪綵。設施有歌舞劇場、由美國進口的木馬及「原子遊藝機」（彈珠機）、「紫光美人」、各種機械遊藝、獎品遊藝。由於香港政府對於該地段只是批出一年堆柴合約，因此該遊樂場屬於違章建築、遂於1950年5月停止營業，場主張惠霞亦因為誤導投資者引致[損失]]而被起訴。

票價
入場卷：港幣兩毫；
歐美『嘉年華歌舞團』艷舞表演票價：港幣七毫至二元四毫。

作者: 老搜 時間: 2011-4-19 12:17

引用:

原帖由 hkgalbert 於 2011-4-19 03:24 發表
以下文字及圖片完全抄襲自「維基百科全書」的「天虹娛樂場」條目：
All From "Wiki"
維基百科，自由的百科全書

天虹娛樂場位於九龍旺角彌敦道與荔枝角道交界的主題公園遊樂場，1950年2月17日（農曆庚寅虎年正月 ...

昔日嘅天虹娛樂場位置, 現况是住宅和學校, 地下有連接大坑東之水渠 !

[ 本帖最後由老搜於 2011-4-19 22:03 編輯 ]

作者: hkgalbert 時間: 2011-4-19 13:02

引用:

原帖由老搜於 2011-4-19 04:17 AM 發表

惜日嘅天虹娛樂場位置, 現况是住宅和學校, 地下有連接大坑東之水渠 !

高空拍攝。有沒有那些「紫光美人」的高空拍攝呀？

那位老闆娘張惠霞的老公（老契）是美國鬼佬史釗域（Stewart），她因此有個鬼名叫「李梨史釗域」，不知她是否做交際花起家的！不過非常冇陰功，此姝明明向政府申請天虹娛樂場的礦地來堆放「坡柴」，短期合約只有一年貨仔。誰知此老千違反土地用途，快速建成天虹娛樂場並趕在1950年春節大年初一開張，期間騙一大群剛逃避共匪南下的大財主佬投資，有人在此開餐館。誰知政府喝停，此短命遊樂場只能敖過兩個半月，1950年5月已關門大吉！

有沒有老友記能分享它的兩毫「入場卷」、「紫光美人」等照片及經歷呢？

作者: 老搜 時間: 2011-4-19 14:28

引用:

原帖由 hkgalbert 於 2011-4-19 13:02 發表

高空拍攝。有沒有那些「紫光美人」的高空拍攝呀？

「紫光美人」就沒有嘞.
為了高空拍攝現况位置, 老搜要變成「蜘蛛人」就有.

作者: mtpen 時間: 2011-4-19 15:36

引用:

原帖由老搜於 2011-4-19 12:17 發表

惜日嘅天虹娛樂場位置, 現况是住宅和學校, 地下有連接大坑東之水渠 !

請問老搜兄,是否在昔日大世界戲院舊址？

作者: 老搜 時間: 2011-4-19 18:17

引用:

原帖由 mtpen 於 2011-4-19 15:36 發表

請問老搜兄,是否在昔日大世界戲院舊址？

筆兄你說得對, 天虹娛樂場的位置, 後期是大世界戲院, 約在70年中改建為鍾意商場. 現時再重建為百匯軒.

作者: mtpen 時間: 2011-4-20 15:45

引用:

原帖由老搜於 2011-4-19 18:17 發表

筆兄你說得對, 天虹娛樂場的位置, 後期是大世界戲院, 約在70年中改建為鍾意商場.

多謝老搜兄不辭勞苦替小弟搜查，証實此乃大世界戲院舊址。

Albert兄講天虹娛樂場位置，勾起我對大世界戲院之無限回憶，因我在此戲院找到我中學會考後之第一份工，在全港各區一片紅之年代，即1967年，能於未放榜前响嗰度揾到份帶位做，實屬萬幸！有戲睇又有人工收，好棧鬼！

除咗開場要用電筒照田雞外，散場後要掃地、清潔及洗厠所。

若然有新戲要換畫，我要負責攞住桶漿糊、一個掃及一張約五呎乘五呎手繪即日放映廣告紙步行去佐敦道與彌敦道交界之一座古老大屋，赤手爬上約六呎高通花石屎圍牆，將新戲廣告貼於豎立於圍牆內面向大街之特定廣告木板上。而該古老大屋三層高，通花石屎圍牆後是小花園，大屋建於小花園後，雖位處大街，印象陰森恐佈。此大屋之現址為前裕華國貨公司。

作者: hkgalbert 時間: 2011-4-21 01:15

引用:

原帖由老搜於 2011-4-19 06:28 AM 發表

「紫光美人」就沒有嘞.
為了高空拍攝現况位置, 老搜要變成「蜘蛛人」就有.

蜘蛛陣

[youtube]I6oL995BmIU[/youtube]

作者: 老搜 時間: 2011-4-21 23:49

引用:

原帖由 mtpen 於 2011-4-20 15:45 發表

多謝老搜兄不辭勞苦替小弟搜查，証實此乃大世界戲院舊址。

Albert兄講天虹娛樂場位置，勾起我對大世界戲院之無限回憶，因我在此戲院找到我中學會考後之第一份工，在全港各區一片紅之年代，即1967年， ...

筆兄唔講唔知, 當年在大世界戲院任職帶位, 除了在塲內工作外, 亦要到佐敦道鬼屋貼六開廣告畫 , 筆兄實是對電影界貢獻良多. 話時話, 聽講在院內散場後照田鷄, 很多時都會執到錢, 尤其是在下雨天 , 時常都會拾到觀眾遺留下來的雨傘.
曾有某戲院机房師父營業時在放映机房內烹煑香肉,

而香肉滚出之肉味被吸入了通風系统之風櫃房內, 致使全院場肉充斥了香肉味, 變成了有味電影, 使觀眾嘩然, 幾乎攪到要報警, 確實又是幾攪笑呢. 而場內班帶位員, 搣飛及領班等都習慣性知道發生了何事, 在入場帶位期間, 靜悄悄地在場內逐個人無故失踪, 溜進了放映机房內作分一美羹, 而當年除有男帶位員外, 很多戲院亦聘有女帶位員任職.
60年代流行亷價工餘場, 放映時间是下午5:30-7:30. 每逢月初, 那最欣賞的是新世界戲院會發行一張每月份之工餘場片名表, 給觀眾預先作選擇.
當年能觀賞到很多喜愛之名片, 大部份都是在大世界戲院睇工餘場來的.
印象深刻的影片有 龍城殲覇戰, 紅粉忠魂未了情, 美人如玉劍如虹, 魂斷藍橋, 六壯士, 七俠蕩寇誌, 以及貓王與傻大姐莎莉麥蓮的影片, 那時真是抵死極了, 因當年就讀下午班, 要下午6:15才放學, 如果要睇工餘場, 那就得要較腳尾堂才剛好趕及.

以下是借用友網一幅大世界戲院之舊圖片

[ 本帖最後由老搜於 2011-4-22 09:05 編輯 ]

作者: comm 時間: 2011-4-22 01:18

後期在大世界及新世界看差利默片

作者: 老搜 時間: 2011-4-22 08:31

引用:

原帖由 comm 於 2011-4-22 01:18 發表
後期在大世界及新世界看差利默片

是呀 ! 曾在大世界戲院看差利默片 滑稽春秋, 而 摩登時代 亦在凱聲戲院放映過.
當年 大世界戲院, 新世界戲院 和 好世界戲院 之院名較接近, 间中會混淆咗. 好在未試過去錯戲院.

[ 本帖最後由老搜於 2011-4-22 10:48 編輯 ]

作者: mtpen 時間: 2011-4-22 20:27

引用:

原帖由老搜於 2011-4-21 23:49 發表

筆兄唔講唔知, 當年在大世界戲院任職帶位 , 筆兄實是對電影界貢獻良多. 很多時都會執到錢, 尤其是在下雨天 , 時 ...

老搜兄果然名不虛傳，咁都俾你揾到一張大世界戲院陳年舊照，多謝！

錢及遮我都未執過，狗肉亦未嘗食過，因為就算有都未輪到我也。

我叫自己做帶位，其實係作大而已。應該叫boy或雜工比較貼切些。你知喇，十七八歲花𡃁猄，烏吓烏吓咁，人哋叫我去食屎都會say yes喇。

散咗場我首先要去所有男女厠洗厠所，每日又要去三樓司理（佢哋叫經理做司理，何解？作大？）個office打掃、倒垃圾及洗痰罐。久唔久大家一齊要响戲院洗太平地，之後要將所有門都打開通風吹乾，個個收哂工唔知去咗邊，留低我負責看門口。

正場除咗放影西片外，我記得當時亦會放影㗎仔片。

人工幾多就唔記得，但好肯定少於五蚊一日，因為我响佢度做咗两三個月到放榜後，我憑英文中學會考五科梳仔（E）pass，即光頭，有幸响尖沙咀北京道一間阿差行揾到份五蚊一日嘅馬辰（messenger）做。

老搜兄話我對電影界有貢獻，實在不敢當，除非連戲院洗厠所都算係嘅話。

之不過我一生的確做過接觸電影行業嘅工两次。大世界是其一，其二是於阿差行後，及做過售貨打雜後，大約响1968-1969年間，即入電話公司做安裝技工前，曾於清水灣邵氏片場做過服裝管理，負責幫狄龍呀、李菁呀等準備啲連戲衫拍戲。

老搜兄，你有否記得大世界戲院傍邊向美孚方向有個好細個嘅三角花園仔咁呢？

[ 本帖最後由 mtpen 於 2011-4-22 20:44 編輯 ]

作者: hkgalbert 時間: 2011-4-22 21:19

引用:

原帖由老搜於 2011-4-22 12:31 AM 發表

是呀 ! 曾在大世界戲院看差利默片滑稽春秋, 而摩登時代亦在凱聲戲院放映過.
當年大世界戲院, 新世界戲院和好世界戲院之院名較接近, 间中會混淆咗. 好在未試過去錯戲院.

那些西片《肉陣飛龍》、《七彩肉屏封》、《小樓一夜春意濃》呢？

送上土炮熱褲小背心的辣妹艷照。

[ 本帖最後由 hkgalbert 於 2011-4-22 13:22 編輯 ]

作者: suewong 時間: 2011-4-22 22:12

引用:

原帖由 mtpen 於 2011-4-22 20:27 發表

散咗場我首先要去所有男女厠洗厠所，每日又要去三樓司理（佢哋叫經理做司理，何解？作大？）個office 打掃、倒垃圾及洗痰罐。久唔久大家一齊要响戲院洗太平地，之後要將所有門都打開通風吹乾，個個收哂工唔知去咗邊，留低我負責看門口 ...

以前 d 年輕人, 抵得 lum D.

有上市公司財務總監話我知, 佢初出茅廬, 比班老臣子 (低級過佢) 指佢農曆年假期, 日日返銀行, 看門口...

抑或當時 d 人蠢 d, 唔識反抗 ?

[ 本帖最後由 suewong 於 2011-4-22 22:39 編輯 ]

作者: suewong 時間: 2011-4-22 22:14

引用:

原帖由老搜於 2011-4-21 23:49 發表

話時話, 聽講在院內散場後照田鷄, 很多時都會執到錢, 尤其是在下雨天 , 時 ...

so interesting...

作者: suewong 時間: 2011-4-22 22:16

引用:

原帖由 mtpen 於 2011-4-20 15:45 發表

若然有新戲要換畫，我要負責攞住桶漿糊、一個掃及一張約五呎乘五呎手繪即日放映廣告紙步行去佐敦道與彌敦道交界之一座古老大屋，赤手爬上約六呎高通花石屎圍牆將新戲廣告貼於豎立於圍牆內面向大街之特定廣告木板上。而該古老大屋三層高，通花石屎圍牆後是小花園，大屋建於小花園後，雖位處大街，印象陰森恐佈。此大屋之現址為前裕華國貨公司， ...

just for curiosity sake, why the landlord has no objection ? connected ?

作者: suewong 時間: 2011-4-22 22:17

引用:

原帖由 mtpen 於 2011-4-20 15:45 發表

多謝老搜兄不辭勞苦替小弟搜查，証實此乃大世界戲院舊址。

Albert兄講天虹娛樂場位置，勾起我對大世界戲院之無限回憶，因我在此戲院找到我中學會考後之第一份工，在全港各區一片紅之年代，即1967年， ...

another question -

當時中學畢業, 應該幾好咖 ? 點解...

作者: suewong 時間: 2011-4-22 22:23

引用:

原帖由 mtpen 於 2011-4-22 20:27 發表

曾於清水灣邵氏片場做過服裝管理，負責幫狄龍呀、李菁呀等準備啲連戲衫拍戲...

聽說服裝管理主管, 因為懶, 借衫拍戲, 諸多阻攔; 她是何莉莉姑媽/姐, 邵太睇住, 所以 d 導演無可奈何...

又有人說, 李菁理財不善, 流落廟街...

作者: mtpen 時間: 2011-4-22 22:37

引用:

原帖由 suewong 於 2011-4-22 22:16 發表

just for curiosity sake, why the landlord has no objection ? connected ?

You’ve asked me a good question!

Yes, I’ve sufficient reason to believe that the landlord must have got some connections with 大世界戲院, otherwise he wouldn’t allow the erection of such an advertisement board in their garden like that.

Or, it’d be the case that the landlord actually owned the theatre as well.

作者: mtpen 時間: 2011-4-22 22:43

引用:

原帖由 suewong 於 2011-4-22 22:17 發表

another question -

當時中學畢業, 應該幾好咖 ? 點解...

Don't forget that it was in the year 1967 that people would have no tomorrow, who would like to run a business and offer you a job?

作者: dirtyoldman 時間: 2011-4-23 10:20

引用:

原帖由 mtpen 於 2011-4-20 15:45 發表多謝老搜兄不辭勞苦替小弟搜查，証實此乃大世界戲院舊址。 Albert兄講天虹娛樂場位置，勾起我對大世界戲院之無限回憶，因我在此戲院找到我中學會考後之第一份工，在全港各區一片紅之年代，即1967年， ...

何其巧合，小弟的第一份暑期工就是在上址的鐘意商場做Sales（同學的兄長是鐘意恤的高層所以安插在商場內的Join-in Shirt做）。放工後一班男女同事去食消夜（當然不用我出錢，窮學生嘛！）很開心。

作者: mtpen 時間: 2011-4-23 11:32

引用:

原帖由 dirtyoldman 於 2011-4-23 10:20 發表

何其巧合，小弟的第一份暑期工就是在上址的鐘意商場做Sales...很開心。

我諗𠵱家啲公子哥兒，放暑假係頭痛揾邊度未去玩過嘅地方，而唔係好似oldman兄與小弟當年咁，連揾雞碎咁多嘅cheap工都搶住去做，成世未見過錢咁！

作者: dirtyoldman 時間: 2011-4-23 13:11

引用:

原帖由 mtpen 於 2011-4-20 15:45 發表多謝老搜兄不辭勞苦替小弟搜查，証實此乃大世界戲院舊址。 Albert兄講天虹娛樂場位置，勾起我對大世界戲院之無限回憶，因我在此戲院找到我中學會考後之第一份工，在全港各區一片紅之年代，即1967年， ...

網上鬼屋照片，請驚住笑納！

作者: mtpen 時間: 2011-4-23 13:26

引用:

原帖由 dirtyoldman 於 2011-4-23 13:11 發表

網上鬼屋照片，請驚住笑納！

Oh, wonderful!

Oldman兄簡直將我回到未來！

Many many thanks!

作者: 老搜 時間: 2011-4-23 21:27

引用:

原帖由 mtpen 於 2011-4-22 20:27 發表於
老搜兄，你有否記得大世界戲院傍邊向美孚方向有個好細個嘅三角花園仔咁呢？

睇完鬼屋, 似回到未來, 再睇睇三角花園仔幅相, 又似重回現况. 該三角花園仔現正被政府開始裝修, 改善市容.
當年旺角道/砵蘭街口之吉祥酒樓门口, 每天清早, 都雲集有卅餘個年青力壯之三行散工於此備聘, 當年地盤工程蓬勃, 只要是地盤工頭在清早停車於此, 稍事高叫幾句, 如要揾电工5個, 扎铁2亇, 釘板2亇, 那哪哪聲啲散工就上車唔見哂人. 每天習以為常, 那些工頭唔識學老何當年在南非用麵包車裝麵包引啲散工追車來揀卒呢條橋咁醒.
但自從吉祥酒樓結業後, 果班散工嘅聚脚點移師到兄台所述之三角花園仔備聘, 部份當年熟口熟面之伙子, 如今部份巳是老態龍鍾, 每早在此被工頭淘汰後, 仍半睡半醒地盤臥於此三角花園仔裡, 無奈地等候, 總希望着奇蹟的出現, 這是老搜對該三角花園仔近數年之印象.
有請筆兄講述當年大世界戲院時代之三角花園仔情况 !

𤦤㺨
[/quote]

[ 本帖最後由老搜於 2011-4-24 09:53 編輯 ]

作者: mtpen 時間: 2011-4-23 22:19

引用:

原帖由老搜於 2011-4-23 21:27 發表

有請筆兄講述當年大世界戲院時代之三角花園仔情况 ! ...

多謝老搜兄搜來三角花園仔之相片。

當年小弟可能每次出現大世界戲院附近時已太晏，故未察覺有判頭佬揾工人之場面。

我可能記錯，但我依稀記得當年三角花園仔與大世界戲院之間連成一體，並冇車路。

三角花園仔並冇樹木，甚至連花草也沒有，四週衹是用一些矮鐵鏈與行人路作分隔就算，有否凳亦成疑問。

作者: 老搜 時間: 2011-4-23 23:57

引用:

原帖由 mtpen 於 2011-4-23 22:19 發表

多謝老搜兄搜來三角花園仔之相片。

當年小弟可能每次出現大世界戲院附近時已太晏，故未察覺有判頭佬揾工人之場面。

我可能記錯，但我依稀記得當年三角花園仔與大世界戲院之間連成一體， ...

筆兄:
那三角花園仔相片剛是今日下午拍攝的, 而那些散工聚集的情况也是後期的, 倉海桑田, 相信你沒有記錯.
抱歉打亂了你那昔日腦海中的花園仔印象.

作者: hkgalbert 時間: 2011-4-24 00:23

引用:

原帖由老搜於 2011-4-23 03:57 PM 發表

筆兄:
那三角花園仔相片剛是今日下午拍攝的, 而那些散工聚集的情况也是後期的, 倉海桑田, 相信你沒有記錯.
抱歉打亂了你那昔日腦海中的花園仔印象.

老友記：知道牛池灣老人院（小梅村）後的小墳場仍能有路入嗎？想找出諧星楊君俠的墳墓。

[youtube]H7WdXKv_Y7s[/youtube]

[ 本帖最後由 hkgalbert 於 2011-4-23 16:28 編輯 ]

作者: mtpen 時間: 2011-4-24 10:03

引用:

原帖由老搜於 2011-4-23 23:57 發表

那三角花園仔相片剛是今日下午拍攝的, .. 相信你沒有記錯.抱歉打亂了你那昔日腦海中...

用不辭勞苦、盡心盡力去形容老搜兄為此forum網友努力搜圖，絕無恭維或言過其辭矣！

我在看見老兄於post #2 之高空相已覺奇怪，因何google之衛星相會咁清晰？而Post #25 之多角度相亦以為乃於網上咁啱俾你刮到而已，誰不知乃老兄之親手傑作，佩服！

老兄熱切探究事物之drive仍非常旺盛，單憑呢點，我有理由相信老兄一定會好長命，carry on, mate!

作者: comm 時間: 2011-4-24 13:32

老人肉google搜尋

作者: suewong 時間: 2011-4-24 14:09

引用:

原帖由 mtpen 於 2011-4-24 10:03 發表

用不辭勞苦、盡心盡力去形容老搜兄為此forum網友努力搜圖，絕無恭維或言過其辭矣！

我在看見老兄於post #2 之高空相已覺奇怪，因何google之衛星相會咁清晰？而Post #25 之多角度相亦以為乃於網上 ...

me too...

作者: mtpen 時間: 2011-4-24 15:56

引用:

原帖由 suewong 於 2011-4-22 22:23 發表

又有人說, 李菁理財不善, 流落廟街...

黃小妹提到傳聞中有關李菁晚年坎坷境况，真是令人不勝唏噓。

以我在邵氏片場內見咁多女星中，我可用驚為天人去形容李菁。

人靚乃不爭事實，否則不會在1965-1966年間，十個年尾米舖送嘅鐵底板日曆，九個係李菁。

佢除咗省鏡之外，我最鍾意佢活潑開朗、待人有禮、親切、冇架子。就算對住我哋啲下人，亦冇呼呼喝喝。當時佢拍緊鷹王，我叫佢影幾幅相留念，擺甫士一樣咁俾面（見附圖）。當然，張徹大導及狄龍哥哥都一樣咁俾面。

其實李菁晚年搞成咁，除咗遇人不淑外，我都要付上部份責任。若然我當年大富大貴，我一定同邵老闆斟斟，將佢割愛and/or轉讓給我，佢一定安享晚年。

佢尤其初出道時非常清秀有氣質，不太濃妝。To be honest, I did fancy her very much at that time!

[ 本帖最後由 mtpen 於 2011-4-24 22:42 編輯 ]

作者: suewong 時間: 2011-4-24 18:13

引用:

原帖由 mtpen 於 2011-4-24 15:56 發表

黃小妹提到傳聞中有關李菁晚年坎坷境况，真是令人不勝唏噓。

以我在邵氏片場內見咁多女星中，我可用驚為天人去形容李菁。

人靚乃不爭事實，否則不會在1965-1966年間，十個年尾米舖 ...

聽聞衰爛賭 - 未婚夫早逝, 又不能面對年華老去...

btw, 我覺得李菁同雪妮好似樣...

曾同姜氏兄弟做過鄰居, 爾生中年後樣貌越來越似佢大哥, d 家姐好失望...

李琳琳就好 aging gracefully, 有禮貌. 同而家 d 女同胞鄰居相比...

現居間歇都有 d 明星出沒 (e.g. Ah Sa), 印證左點解化妝品咁貴.

男明星/歌星, 反而分別不大.

又印證了, 同性相拒...

[ 本帖最後由 suewong 於 2011-4-24 18:15 編輯 ]

作者: mtpen 時間: 2011-4-24 18:39

引用:

原帖由 suewong 於 2011-4-24 18:13 發表

聽聞衰爛賭 - 未婚夫早逝, 又不能面對年華老去....

其實李菁响1968要拍鷹王呢亭武打片，同狄龍呢啲花𡃁猄新仔開戲已呈敗局，兼且佢根本唔係似得鄭佩佩之類適合做打女！

年華已逝，時不與我，唉！

呢方面其實我可幫吓佢嘅，可惜我當時大約仲係揾緊相信衹有七八蚊一日嘅工吖！It’s all my fault!

若然佢真的一如傳聞般衰爛賭，就真係太不自愛了！

[ 本帖最後由 mtpen 於 2011-4-25 08:35 編輯 ]

作者: 老搜 時間: 2011-4-24 22:59

各位師兄師姐言重嘞 !
老搜只是盡點綿力矣 !

作者: mtpen 時間: 2011-4-25 09:14

引用:

原帖由老搜於 2011-4-24 22:59 發表

各位師兄師姐言重嘞 !
老搜只是盡點綿力矣 !

請恕我年紀老邁，記憶力開始嚴重衰退，老搜兄做蜘蛛俠從高空影鐘意商場之建築物是否乃Albert兄前宗主國駐港政經特務機構，台灣土產（生？）文物百貨公司舊址？

作者: antoine90 時間: 2011-4-25 10:00

係台灣民生物產百貨有限公司！

作者: mtpen 時間: 2011-4-25 10:10

引用:

原帖由 antoine90 於 2011-4-25 10:00 發表
係台灣民生物產百貨有限公司！

多謝老兄指正！

作者: comm 時間: 2011-4-25 14:20

兩位討論此位邵氏女星樣貌真甜美可愛

可惜她下圍在歌舞片着裙時有問題!

現送上菁菁電影內MTV一首給黃小妹聽,等妳順番條氣.
http://www.youtube.com/watch?v=NTCYkuEdYgY

[ 本帖最後由 comm 於 2011-4-28 20:11 編輯 ]

作者: mtpen 時間: 2011-4-25 16:28

引用:

原帖由 comm 於 2011-4-25 14:20 發表
兩位討論此位邵氏女星樣貌真甜美可愛可惜她下圉在歌舞片着裙時有問題!

多謝comm兄送上我當年夢中情人靚片！

李菁呢個村姑look真煞食。此戲應屬佢早期黃金歲月，夠清秀，不濃妝，近真人。

至於個躉係大咗些少，算喇，can’t complain㗎喇！

其實我早已叫揸機條死仔就一就位，佢駁我咀話山坡太斜，轆咗部機落山為我事問！

comm兄仲有佢乜好片，請推介！

唱嗰把聲係靜婷，一流！

[ 本帖最後由 mtpen 於 2011-4-25 18:32 編輯 ]

作者: suewong 時間: 2011-4-25 19:05

引用:

原帖由 antoine90 於 2011-4-25 10:00 發表
係台灣民生物產百貨有限公司！

long time no see...

作者: suewong 時間: 2011-4-25 19:16

引用:

原帖由 mtpen 於 2011-4-25 16:28 發表

多謝comm兄送上我當年夢中情人靚片！

李菁呢個村姑look真煞食。此戲應屬佢早期黃金歲月，夠清秀，不濃妝，近真人。

...

btw, how about Lily Ho ?

懂事時, Lily 已經是中年. 氣質/樣貌

但 d 家姐話, 佢唔同左樣...

作者: mtpen 時間: 2011-4-25 19:25

引用:

原帖由 suewong 於 2011-4-25 19:16 發表

.. how about Lily Ho ? 懂事時, Lily 已經是中年. 氣質/樣貌

我嫌何莉莉撈味重一啲，我唔LIKE!

再講番comm兄放上嚟條片，其實套戲都拍得幾靚吓，肯用實景，成棚人拉大隊帶埋竇羊咩去山上拍，以成50年前嚟講，叫做落重本㗎喇！

不過呢亭戲拍成music video/MTV咁款，節奏又慢，今時今日若果响戲院上畫實死硬，出銀開戲嗰個一定血本無歸！

除非叫揸刀郁佢個木咀（當時佢係好紅嘅甘草，乜水話？）改用猛男如林峯之類，詐假意嚟真，郁手郁脚响山上打真軍就實收旺場嘅！

戲名亦要改改，叫乜鬼嘢「青山3D狂野弄羊春」之類會in啲！

作者: comm 時間: 2011-4-25 20:37

哎原來小妹鍾意Lily姐, 送多首由Ho莉莉 演譯KaraOKe版MTV,你可以跟住啲歌詞大聲唱架!Ho莉莉 在此片完全無撈味.
http://www.youtube.com/watch?v=vq1QqkDyVJU

[ 本帖最後由 comm 於 2011-4-25 20:41 編輯 ]

作者: 老搜 時間: 2011-4-26 00:07

引用:

原帖由 mtpen 於 2011-4-25 09:14 發表

老搜兄做蜘蛛俠從高空影鐘意商場之建築物是否乃Albert兄前宗主國駐港政經特務機構，台灣土產（生？）文物百貨公司舊址？

哈 ! 講到特務機構, 老搜豈敢踏足於此. 那幅新世界戲院現址相片是從始創中心頂樓攝下來的.
見到筆兄當年拍攝菁姐之相片, 確是傳神, 表情掌握恰到好處. 難得 !
60年初, 老搜有位初中同學仔, 每天上午, 在介乎碧街/咸美頓街之彌敦道現九龍行位置, 當年是古老舊樓之梯口, 擺賣明星相片如陳寳珠,蕭芳芳等, 在檔口上一面賣相片, 同時温習功課, 風雨唔改.
相片來源是翻攝雜誌,月曆等, 所以翻攝得的人像質素很硬, 但畢竟, 生意不俗, 收入都足夠其交付每月60多元之學費. 該檔專售賣明星相片之檔口經營至67年, 當年可說是該區的地標.

作者: mtpen 時間: 2011-4-26 12:42

引用:

原帖由老搜於 2011-4-26 00:07 發表

見到筆兄當年拍攝菁姐之相片, 確是傳神, 表情掌握恰到好處. 難得 !

老搜兄兜把星咁醒過嚟打到小弟暈咗！

相對老兄撚機之心得，拍馬都追唔上喇！不過話時話，我真係好鍾意影相嘅。

其實我當時乃一窮二白，絕對冇資格玩啲咁嘅小資產階級玩意。部相機係借未來姊夫部西德Rollei仔影嘅。該機特色乃比一般機細少一半。

我第一部用自己錢買嘅乃1978年之Nikon FE。我知FM更好，但懶較機，冇計！

至於老兄之初中同學仔咁有商業頭腦，抵讚！相信其日後必成商界翹楚矣！

作者: 老搜 時間: 2011-4-27 10:15

引用:

原帖由 mtpen 於 2011-4-26 12:42 發表

老搜兄兜把星咁醒過嚟打到小弟暈咗！

不過話時話，我真係好鍾意影相嘅。

筆兄咁早期已使用Rollie仔, 難怪哋相影得咁細緻, 當年部Rollie仔如果已配搭埋部閃燈仔, 那仲更方便拍人像補光呢.
無獨有偶, 老搜於78年間亦擁有部FE及FM相機, 當時Nikkomat双K為行貨, 而Nikormat單K 為水貨.
當年老搜對相機亦十分愛好, 同時學吓人擁有幾部相机, 為了分別菲林屬那一部相機所拍攝出來以及乎合當時一些攝影團体需證明參賽相片來源的要求, 老搜在各相機內之方型晝格邊用小銼銼上了唔同形狀及數目之微細凹位, 而當菲林被冲晒出來時, 那於菲林方格边會出現之凹位便可印證其出處.

筆兄當年在邵氏拼勁, 有否認識攝影部領班董伯伯, 專責保養維修攝影机, 是份優差, 廾年來其有空便習慣剪報作儲存, 其有兩兒董紹詠及董紹良於66年間為邵氏首席攝影師.
當時因開拍何莉莉一套文藝片名 "船", 老搜為董氏兄弟裝造了一部机械 "多利" , 用來昇高攝影機, 攝影師及助手拍攝高空鏡頭. 故何莉莉 "船" 這套電影特多高角度拍攝. 這部機械 "多利" 當年於閒時擺放在邵氏 work shop後側. 下圖為當年類似之 "多利" 裝置.

作者: mtpen 時間: 2011-4-27 14:00

引用:

原帖由老搜於 2011-4-27 10:15 發表

筆兄咁早期已使用Rollie仔, 難怪哋相影得咁細緻, 當年部Rollie仔如果...

正所謂唔睇白鴿都睇篤屎，看來老搜兄必是高幹子弟（我哋要跟共和祖家接軌，用字都儘量要大陸化喔！），居然响當年當日afford得起撚幾部相機，仲件件好嘢嚟添，你都得嘞！

我都記得當時Nikkomat雙K行貨及Nikormat單K水貨一事，如冇記錯，此乃Nikon FE/FM上一generation之model。

睇嚟老兄唔單只係攝影發燒友，仲係攝影名家大師添。拎得作品去參賽，一定唔講得笑矣！好欣賞老兄竟然會搞咁多符拂去印證各相出處，好認真！以今時今日科技，咁搞作真係得啖笑矣！

我年少無知，烏吓烏吓咁兼低級員工，可能有見過董伯伯，祇是有眼不識泰山而已。

照咁睇，係老兄對電影界有貢獻就真，連"多利"部機都造得出。呢，comm兄响樓上post #44何莉莉部...處啊何處…咪係「船」囉，你都有功勞㗎，係冇？然則老兄亦應是邵氏員工，經常出入清水灣邵氏片場了罷？

再者，若老兄得閒，不妨放幾幅傑作上嚟俾大家欣賞吓吖？

作者: suewong 時間: 2011-4-27 20:16

引用:

原帖由 comm 於 2011-4-25 14:20 發表
現送上菁菁電影內MTV一首給黃小妹聽,等妳順番條氣.

1

如果係 comm 唱, 條氣會即刻順哂...

作者: suewong 時間: 2011-4-27 20:25

引用:

原帖由 comm 於 2011-4-25 20:37 發表
哎原來小妹鍾意Lily姐, 送多首由Ho莉莉演譯KaraOKe版MTV,你可以跟住啲歌詞大聲唱架!Ho莉莉在此片完全無撈味.
http://www.youtube.com/watch?v=vq1QqkDyVJU

thanks. btw, the resolution is really high...

不過, 真是唔同左樣...

作者: suewong 時間: 2011-4-27 20:30

引用:

原帖由老搜於 2011-4-26 00:07 發表

60年初, 老搜有位初中同學仔, 每天上午, 在介乎碧 ...
收入都足夠其交付每月60多元之學費.

咁貴?! 印象中, 70 年代, 我既中學學費只是 40 多元( 仲係貴族學校o窩)...

作者: suewong 時間: 2011-4-27 20:35

引用:

原帖由老搜於 2011-4-27 10:15 發表

當年老搜對相機亦十分愛好, 同時學吓人擁有幾部相机, 為了分別菲林屬那一部相機所拍攝出來以及乎合當時一些攝影團体需證明參賽相片來源的要求, 老搜在各相機內之方型晝格邊用小銼銼上了唔同形狀及數目之微細凹位, 而當菲林被冲晒出來時, 那於菲林方格边會出現之凹位便可印證其出處.
當時因開拍何莉莉一套文藝片名 "船", 老搜為董氏兄弟裝造了一部机械 "多利" , 用來昇高攝影機, 攝影師及助手拍攝高空鏡頭. 故何莉莉 "船" 這套電影特多高角度拍攝. 這部機械 "多利" 當年於閒時擺放在邵氏 work shop後側. 下圖為當年類似之 "多利" 裝置...

好細心

(我諗我會整壞相機)...

u get a magic hand, 多才多藝...

作者: suewong 時間: 2011-4-27 20:40

引用:

原帖由 mtpen 於 2011-4-27 14:00 發表

照咁睇，係老兄對電影界有貢獻就真，連"多利"部機都造得出呢然則老兄亦應是邵氏員工，經常出入清水灣邵氏片場了罷？
再者，若老兄得閒不妨放幾幅傑作上嚟俾大家欣賞吓吖...

講埋見聞呀...

作者: comm 時間: 2011-4-27 23:20

5月3日各大收費媒體天映頻道重播何莉莉經典之作 "船",
http://www.youtube.com/watch?v=oHl-dpBA7AU

[ 本帖最後由 comm 於 2011-4-28 20:01 編輯 ]

作者: 老搜 時間: 2011-4-28 00:46

回覆黄小妹及筆兄:

先前老搜所講嘅, 乃當年一些懷舊笑談, 希望不要見怪.
老搜並不是邵氏的員工, 60年中卻時常在假期天溜進了片場內.
記得當年片場內有間飯堂, 其在圍牆邊有间專為員工售賣汽水及餅乾的合作社, 不知何時, 附近之圍牆腳被人鑒開了一個小洞, 合作社的人說該是狗窿, 方便合作社飼養之狗隻進出, 其後該狗窿再被人愈鑿愈大, 足夠一個孩童俯身進出, 那合作社後期索性利用該狗窿向外開放營業, 目標是外圍員工宿舍之家屬. 而廠方亦容忍該警衛漏洞之存在,
而老搜因此時常爬該狗窿進入了片場. 日子久了, 與場內部份工作人員熟念, 在運氣好之時, 老搜可找到份臨時外景雜工做吓, 揾番十元八塊零用錢.

作者: 老搜 時間: 2011-4-28 00:55

引用:

原帖由 comm 於 2011-4-27 23:20 發表
5月3日各大收費媒體天映頻重播何莉莉經典之作 "船",
http://www.youtube.com/watch?v=oHl-dpBA7AU

有謝兄台 " 通告", 届時会細味重温.

作者: 老搜 時間: 2011-4-28 01:13

引用:

原帖由 suewong 於 2011-4-24 18:13 發表
曾同姜氏兄弟做過鄰居, 爾生中年後樣貌越來越似佢大哥,

黄小妹所言, 姜氏兄弟仍同住時, 会是在60年中期之讀書時代. 紅薇與嚴化亦一起.
當時他們住在九龍城獅子石道龍城戲院側現仍存在之四層高洋房,

作者: 老搜 時間: 2011-4-28 01:17

引用:

原帖由 suewong 於 2011-4-24 18:13 發表

聽聞衰爛賭 - 未婚夫早逝, 又不能面對年華老去...

未婚夫. ...
雷覺w ?

作者: 老搜 時間: 2011-4-28 02:07

引用:

原帖由 suewong 於 2011-4-27 20:30 發表

咁貴?! 印象中, 70 年代, 我既中學學費只是 40 多元( 仲係貴族學校o窩)...

當時係60年中, 學費有覺幾貴, 當年在界限街/金巴倫道口有間 X華酒樓, 其斜對面有間諾貝爾學校(現址是油站} 舉辦了助學金申請, 當時老父靜悄悄地為我入紙申請.
不久, 在一天的早上起來, 發覺郵差派了一封信在家門口, 拆開看後, 原來校方已批准了申情, 可將整年之學費全免, 然後按期續批, 但附帶條件是需轉校到該諾貝爾學校修讀.
其實在當時經济環境而言, 真是個天大喜訊, 可是在我而言, 因當時在原校初交上了個要好的女同學, 一時難以捨棄, 結果, 做了個決擇, 亦靜悄悄地將通知信收起來, 沒有轉校, 而老父一直都蒙在鼓裡, 此事講來, 一直耿耿於懷.

[ 本帖最後由老搜於 2011-4-28 11:13 編輯 ]

作者: mtpen 時間: 2011-4-28 08:06

引用:

原帖由 comm 於 2011-4-25 14:20 發表

可惜她下圉在歌舞片着裙時有問題! 現送上菁菁電影內MTV一首

老搜兄提及佢個十巴後人fiance雷乜鬼嘢我亦有所聞。

我之所以對李菁嘅狀況深感興趣，皆因心靈上，我對佢仍然有責任！

至於comm兄投訴李菁個躉碍眼，老兄有所不知矣，此乃職業病也！

要知佢每日等埋位，除咗坐，又有乜好做？日久咪搞到嗰度大哂囉！

若遇上百慢大導仲大鑊，做咗大婆，等餐懵！

作者: 老搜 時間: 2011-4-28 11:26

引用:

原帖由 mtpen 於 2011-4-28 08:06 發表

老搜兄提及佢個十巴後人fiance雷乜鬼嘢我亦有所聞。

我之所以對李菁嘅狀況深感興趣，皆因心靈上，我對佢仍然有責任！

至於comm兄投訴李菁個躉碍眼，老兄有所不知矣， ...

筆兄對菁姐在心靈上仍有未盡責任, 安慰兄台無需內疚, 一切俱去矣 !

作者: mtpen 時間: 2011-4-28 14:47

引用:

原帖由老搜於 2011-4-28 11:26 發表

筆兄對菁姐在心靈上仍有未盡責任, 安慰兄台無需內疚, 一切俱去矣 !

對呀！此情只待成追憶！喊亦無謂矣！

I blame comm兄，正一冇好！無端端提話李菁個躉大做乜呢？破壞哂我心目中對佢嘅無限完美形像！

我人冇乜點，硬係諸事八掛兼鍾意打爛沙盆問到篤。

敢問老搜兄嗰段犧牲甚大（甚至壯烈）兼可歌可泣嘅puppy love結局是比翼雙飛吖抑或勞燕分飛咁呢？

當然，若果我無端勾起老兄傷痛嘅話，then just ignore this silly question, okay?

作者: mtpen 時間: 2011-4-28 15:37

引用:

原帖由 suewong 於 2011-4-27 20:30 發表

咁貴?! 印象中, 70 年代, 我既中學學費只是 40 多元( 仲係貴族學校o窩)...

貴？妳鋪話法要戒喇！

黃小妹妳讀書叻，可以考到貴族學校所以先至有40蚊咁平學費咋！

妳真係不知民間疾苦矣！

老搜兄間名校我不敢評論，但以我1963-1967讀嗰間响太子道西對正啟德機場，飛機起飛鬼殺咁嘈，又冇操場兼樓下地鋪係賣建築材料（火燭一定燒死幾十個學生）嘅band 9學校聖若望（啲死仔叫佢做〝性慾望〞）英文書院都要成50蚊一個月喇！

I blame myself，鬼叫你讀書渣呀！有學校肯收都執到喇！

作者: hkgalbert 時間: 2011-4-28 16:39

引用:

原帖由 mtpen 於 2011-4-28 07:37 AM 發表

貴？妳鋪話法要戒喇！

黃小妹妳讀書叻，可以考到貴族學校所以先至有40蚊咁平學費咋！

妳真係不知民間疾苦矣！

老搜兄間名校我不敢評論，但以我1963-1967讀嗰間响太 ...

各有前因莫羨人也。

作者: suewong 時間: 2011-4-28 19:13

引用:

原帖由老搜於 2011-4-28 01:13 發表

黄小妹所言, 姜氏兄弟仍同住時, 会是在60年中期之讀書時代. 紅薇與嚴化亦一起.
當時他們住在九龍城獅子石道龍城戲院側現仍存在之四層高洋房,

no la...

姜大衛剛移民後回香港時, 與其他兄弟為鄰...

btw, 你係追星族, 咁熟行縱 ?

p.s. 以前所住, 因為行人少, 常有拍片. d C9/ 年輕人 fans, 由朝企到晚. 我同飯票講, d 人唔使做野/讀書咖.

作者: suewong 時間: 2011-4-28 19:14

引用:

原帖由老搜於 2011-4-28 00:46 發表
回覆黄小妹及筆兄:

先前老搜所講嘅, 乃當年一些懷舊笑談, 希望不要見怪.
...

o下, 我當真咖...

作者: suewong 時間: 2011-4-28 19:16

引用:

原帖由老搜於 2011-4-28 02:07 發表

其實在當時經济環境而言, 真是個天大喜訊, 可是在我而言, 因當時在原校初交上了個要好的女同學, 一時難以捨棄, ...

happy ending???

作者: suewong 時間: 2011-4-28 19:23

引用:

原帖由老搜於 2011-4-28 01:17 發表

未婚夫. ...
雷覺w ?

should be...

I was told he was the son of the boss of KMB...

其實如果肯歸于平淡, 李小姐當時咁紅, 所蓄應該夠過世咖 ?

但有人亦講過, 臨老過到世既藝人 (e.g. 任白), 是因為買磚頭+ 無不良嗜好...

作者: suewong 時間: 2011-4-28 19:31

引用:

原帖由 mtpen 於 2011-4-28 15:37 發表

貴？妳鋪話法要戒喇！

黃小妹妳讀書叻，可以考到貴族學校所以先至有40蚊咁平學費咋！

妳真係不知民間疾苦矣！

老搜兄間名校我不敢評論，但以我1963-1967讀嗰間响太 ...

其實當時 c-校係咪好好賺 ? 多唔多學生咖 ? 學費基層應該負擔唔起咖 ?

d 父母真偉大...

各網友可否分享當時 c-校既情況...

作者: mtpen 時間: 2011-4-28 21:42

引用:

原帖由 hkgalbert 於 2011-4-28 16:39 發表

各有前因莫羨人也。

Albert兄講前因，我絕對認同！

換句話說，一個小朋友之所以冇心機讀書and/or怕讀書，乃事出有因。

一個不負責任嘅父母只需說:「佢曳囉！」，就可推得一乾二淨矣！

我哋响英國識得一個friend仲叻，見两個仔成績唔好，同我哋講: 「佢哋唔係讀書嘅材料！」。

其實我哋唔係好朋友，唔敢指正佢疏於管教至真。我曾想出聲，奈何老妻阻止，話人家唔使你教喇係嘛？

查實個男嘅，攞居英權响英國做太空人帶住两個仔，自己响倫敦唐人街同人夾份開餐舘，朝六晚十二。個女嘅，响香港醫管局度做高官唔捨得份工而留港。两個小朋友十一、二歲响屋企自生自滅，英文又追唔上啲鬼仔，唉！好可憐的小朋友啊！你哋第日仲要孝順嗰啲聲稱係偉大的好爸爸、好媽媽啊！

咁at the end of the day呢两個小朋友會點呢？賭chance囉！龍就上天、蛇就落地！But, take my advice, I’m serious, don’t take a chance, make a choice, please!

我自己都做過小朋友，我好怕返學，尤其是數學堂，I did once hate myself very much，皆因我1949年响廣州出生，落到嚟超齡入學，於是攞宣誓紙時父母監生同我報細两歲，以便就番讀培立小一，仲係學期尾先至入讀嗰隻，到1957年大坑東官立小學起好，即入讀二年班。年紀大兼腦閉塞，foundaton唔好，上堂根本唔知先生噏乜，最慘老豆得閒亦唔會教吓功課。

我𠵱家响度咁樣批判父母，大逆不道，必遭天譴！

我祇係想講出事實啫，天譴？好吖，絕子絕孫吖，橫掂我哋俩老無論响學識及金錢方面都冇資格成為好爸爸、好媽媽的了！更無謂連累無辜的下一代吖！

[ 本帖最後由 mtpen 於 2011-4-28 21:53 編輯 ]

作者: 牛奶蛇 時間: 2011-4-28 23:32

老搜兄多才多藝人所共知, 只是想不到連「船」的拍攝, 老搜兄也有一功. 「船」乃小弟年青時最喜愛电影之一, 何莉莉在片中清麗脫俗, 一反平時的妖媚, 是巔峯之作. 說來不要見笑, 小弟看此片已不下五,六次.

除「船」外, 「寒烟翠」也是小弟之至愛, 方盈的純真乃當時一絕, 迷倒不少青年男女, 小弟也算一個.

[ 本帖最後由牛奶蛇於 2011-4-29 07:05 編輯 ]

作者: 老搜 時間: 2011-4-29 00:46

引用:

原帖由 牛奶蛇 於 2011-4-28 23:32 發表
「船」乃小弟年青時最喜愛电影之一, 何莉莉在片中清麗脫俗, 一返平時的妖俗, 是巔峯之作. 說來不要見笑, 小弟看此片已不下五,六次. ...

牛Sir, 你好 ! 近期少了上來, 忙嗎?
說來慚愧, 老搜未正式看畢 "船" 這套電影.

作者: 牛奶蛇 時間: 2011-4-29 07:09

引用:

原帖由老搜於 2011-4-29 00:46 發表

牛Sir, 你好 ! 近期少了上來, 忙嗎?
說來慚愧, 老搜未正式看畢 "船" 這套電影.

唉, 近半年來, 進出医院多過進出茶樓, 還能夠在此與諸君神聚, 已幸甚矣.

作者: 老搜 時間: 2011-4-29 09:14

引用:

原帖由 牛奶蛇 於 2011-4-29 07:09 發表

唉, 近半年來, 進出医院多過進出茶樓, 還能夠在此與諸君神聚, 已幸甚矣.

那牛Sir得多保重身體 ! 並代問候府上各人安好 !

作者: mtpen 時間: 2011-4-29 10:09

引用:

原帖由 牛奶蛇 於 2011-4-29 07:09 發表

唉, 近半年來, 進出医院多過進出茶樓, 還能夠在此與諸君神聚, 已幸甚矣.

唉！年紀大、機器壞。萬望牛sir多多保重呀！

聽家弟說，如果响佢佛羅里達州冇買醫療保險，有病死咗好過做人矣！

相信老兄住緊嗰州會好些吧，對嗎？

老兄提及方盈，乃小弟當年在邵氏時所見除李菁外之另一絕色美人。此姝美豔不可方物。而此豔並非冶豔，而係發自內裡。其性格温純內斂，文靜典雅，做戲如做人。雖然給人憂鬱感覺，然對人和藹可親，揾人做嘢，常面帶笑容，唔該前唔該後。雖無何莉莉之驚豔，勝在襟睇，夠古典美。

「寒烟翠」當然係一絕，「西廂記」之崔鶯鶯更是令人百看不厭。小弟跟老兄一樣，佢當然亦是响我飛佛女星榜上喇！佢跟李菁性格迥異，一動一靜，俱絕色美人，好！

作者: suewong 時間: 2011-4-29 17:54

引用:

原帖由 mtpen 於 2011-4-28 21:42 發表

換句話說，一個小朋友之所以冇心機讀書and/or怕讀書，乃事出有因。

一個不負責任嘅父母只需說:「佢曳囉！」，就可推得一乾二淨矣！

...

都 arm 既...

小時經過生果檔, 有 1 個小朋友幫手看檔, 用紙皮盒做書檯. 亞哥話: 如果 ah Sue 易地而處, 成績 1 定冇咁好...

但有朋友, 父母是老師, 自小有補習 ( 1 對 1), 父母貼身溫書, 牽牛上樹...

亞哥/家姐小時食唔飽, 父母為口奔馳, 要幫手看檔, 都考 3 名以內...

所以我信天賦/遺傳...

作者: suewong 時間: 2011-4-29 17:56

引用:

原帖由 牛奶蛇 於 2011-4-28 23:32 發表
老搜兄多才多藝人所共知, 只是想不到連「船」的拍攝, 老搜兄也有一功. 「船」乃小弟年青時最喜愛电影之一, 何莉莉在片中清麗脫俗, 一反平時的妖媚, 是巔峯之作. 說來不要見笑, 小弟看此片已不下五,六次. ...

long time no see.

How do u do ?

作者: suewong 時間: 2011-4-29 17:58

引用:

原帖由 牛奶蛇 於 2011-4-28 23:32 發表
老搜兄多才多藝人所共知, 只是想不到連「船」的拍攝, 老搜兄也有一功. 「船」乃小弟年青時最喜愛电影之一, 何莉莉在片中清麗脫俗, 一反平時的妖媚, 是巔峯之作. 說來不要見笑, 小弟看此片已不下五,六次. ...

good taste...

我覺得多數男性 (特別是年輕人) d taste...

作者: suewong 時間: 2011-4-29 18:01

引用:

原帖由 牛奶蛇 於 2011-4-29 07:09 發表

唉, 近半年來, 進出医院多過進出茶樓, 還能夠在此與諸君神聚, 已幸甚矣.

so sad to hear about that, esp. u are still in middle-age.

Do take good care of yourself.

How is your grand-daughter ? I expect she grows up nice (internal & external).

作者: mtpen 時間: 2011-4-29 19:42

引用:

原帖由 suewong 於 2011-4-29 17:54 發表

亞哥/家姐小時食唔飽, 父母為口奔馳,要幫手看檔, 都考 3 名以內.....: ...

Sure, my dear little Sister Sue, you may pick the rare cases of your elder brother and sister as samples in arguing that it’s not necessarily in getting close and/or intensive parental care.

However, you shouldn't forget that these are only regarded as extreme cases when using statistical methods in explaining the outcome. Unfortunately, in reality you may have got a very good chance in finding that the norm is quite different from these samples you picked.

Thanks to the evening Diploma Course ran by the then HK Polytechnic, I’d get a chance to learn from one of the subjects, Statistics, where I’d know the principle of which, especially about the probability of the outcome of things. And the famous saying “Don’t take a chance, make a choice” derives from it.

I’d like to use my determination in getting zero chance on bad lucks; and I’m the person looking for zero tolerance in making mistakes, as far as possible, particularly on those mistakes I’ve made/seen/heard before.

I’d prefer to apply this golden principle in bringing up my children as well, thereby trying to strike out the probability of seeing them getting an unfavourable chance and falling into the other extreme opposite from that of your elder brother and sister.

[ 本帖最後由 mtpen 於 2011-4-29 22:36 編輯 ]

作者: comm 時間: 2011-4-29 22:10

筆兄今天你個處首都多唔多人呀!
呀爺人不到派了全國代表祝賀一對新人

http://www.youtube.com/watch?v=uc3C2fjPfGs

作者: mtpen 時間: 2011-4-29 22:29

引用:

原帖由 comm 於 2011-4-29 22:10 發表

筆兄今天你個處首都多唔多人呀!
呀爺人不到派了全國代表祝賀一對新人

多呀！簡直people mountain people sea喇！

我知你阿爺呢排有個特立獨行怪人搞佢，要响屋企鎮住個局冇嚟坎。

下次吖！快㗎喇，嚟食碗猪脚薑吖！

作者: 牛奶蛇 時間: 2011-4-30 06:36

首先多謝各位的問侯, 病魔要向我招手, 躲也躲不了.

答筆兄, 美國的医療制度碓有很大問題, 但情形未至絕望. 一般老弱窮人都可領到政府的医療保險, 就算沒有, 也可先医病後找數, 到時医院會酌量收費, 收 10%或全免. 医院為補收費不足, 向有保險的病人開刀, 此乃美國医療保險費用高踞不下的其中因素. 美國有例不准医院拒收病人, 引致很多外來人, 包括大陸同胞, 借探親觀光為名, 入境医病, 医完後拍拍手走人, 医院唯有徒嘆奈何.

作者: mtpen 時間: 2011-4-30 09:51

引用:

原帖由 牛奶蛇 於 2011-4-30 06:36 發表

首先多謝各位的問侯, 病魔要向我招手, 躲也躲不了...

雖然未知牛SIR所患何病，但營養好對復完一定有幫助。

無須食啲乜鬼矜貴嘢如鮑參翅肚，只需去一般supermarket買啲新鮮蔬菜生菓加魚及少量肉已是極佳之維生素矣！

我哋呢啲老鬼，少啲食白飯（米）為佳。我與老妻自2004回流香江至今約七年，未嘗因傷風感冒需看醫生，只是老妻因有hay fever病，但亦只需拍粒Piriton就搞掂矣。

我有理由相信其中一大原因乃我哋棄食白飯，改為將紅米、糙（玄）米加red kidney bean混為一煲當飯食，日子有功而已！Try, no harm啊！

作者: tiutiu111 時間: 2011-4-30 21:43

引用:

原帖由 牛奶蛇 於 2011-4-30 06:36 發表
首先多謝各位的問侯, ...

牛奶兄, 久未請益, 喜見兄台現東山復出, 可喜可賀。身體一事, 只有平常心處之, 現醫學倡明, 總能渡過。

有空多在此緬懷交流一番, 不亦樂乎 !

作者: comm 時間: 2011-4-30 22:55

你地飛佛女星,方盈主演七仙女,睇完乜病都好返!
http://www.youtube.com/watch?v=kHzodTvZH7s

作者: 老搜 時間: 2011-5-1 00:02

引用:

原帖由 suewong 於 2011-4-24 18:13 發表

聽聞衰爛賭 - 未婚夫早逝, 又不能面對年華老去...

btw, 我覺得李菁同雪妮好似樣...

附上幾幅菁姐於1976年出席其 LKW所屬之凱聲餐廳開幕典禮. !

[ 本帖最後由老搜於 2011-5-1 00:05 編輯 ]

作者: 牛奶蛇 時間: 2011-5-1 01:09

再次多謝各位関心, 可能因為出入医院得多, 對生死已看得很淡, 只要做人心安理得, 無愧於天, 則安樂矣.

答sue姐, 小孫女現時两歲半, 正学習拉小提琴, 前一排學玩 gymnastics, 行平衡木, 吊双環, 翻跟斗, 玩單摃, 头头是道. 她現在學緊三种語言, 分別是英語, 廣東話及波蘭話, 因她的保母是波蘭人, 不耍少窺她头仔細細, 學東西異常敏捷, 三种話也不会撈亂. 她現在己不肖玩玩具, 要玩ipad及iphone, 一笑.

作者: mtpen 時間: 2011-5-1 10:36

引用:

原帖由老搜於 2011-5-1 00:02 發表

附上幾幅菁姐於1976年出席其 LKW所屬之凱聲餐廳開幕典禮. !

好高興老搜兄搜到我飛佛女星一些舊照！

呢幾幅相比起我樓上嗰幾幅，相距八載，幸見李菁風韻猶存，看似生活康泰，稍感安心！

從個面嚟睇，係肥咗少少。因角度問題，不知其它部位情况如何，於此，還望comm兄跟進，看看有否碍眼！

作者: suewong 時間: 2011-5-1 18:39

引用:

原帖由 mtpen 於 2011-4-30 09:51 發表

雖然未知牛SIR所患何病，但營養好對復完一定有幫助。

無須食啲乜鬼矜貴嘢如鮑參翅肚，只需去一般supermarket買啲新鮮蔬菜生菓加魚及少量肉已是極佳之維生素矣！ ...

還有適量運動

作者: suewong 時間: 2011-5-1 18:41

引用:

原帖由 tiutiu111 於 2011-4-30 21:43 發表

牛奶兄, 久未請益, 喜見兄台現東山復出, 可喜可賀。身體一事, 只有平常心處之, 現醫學倡明, 總能渡過。

agree...

作者: suewong 時間: 2011-5-1 18:48

引用:

原帖由 牛奶蛇 於 2011-5-1 01:09 發表
再次多謝各位関心, 可能因為出入医院得多, 對生死已看得很淡, 只要做人心安理得, 無愧於天, 則安樂矣.

答sue姐, 小孫女現時两歲半, 正学習拉小提琴, 前一排學玩 gymnastics, 行平衡木, 吊 ...

me too. 吉人天相...

btw, 我相信動作會好可愛...

千金都好大膽o窩, 比女女學體操...

作者: suewong 時間: 2011-5-1 18:51

引用:

原帖由 牛奶蛇 於 2011-4-30 06:36 發表
首先多謝各位的問侯, 病魔要向我招手, 躲也躲不了.

答筆兄, 美國的医療制度碓有很大問題, 但情形未至絕望. 一般老弱窮人都可領到政府的医療保險, 就算沒有, 也可先医病後找數, 到時医院會 ...

美國有例不准医院拒收病人, 引致很多外來人, 包括大陸同胞, 借探親觀光為名, 入境医病, 医完後拍拍手走人, 医院唯有徒嘆奈何

good...

it also happens in HK. Some vietnamese also conduct similarly...

作者: 老搜 時間: 2011-5-1 21:47

引用:

原帖由 suewong 於 2011-4-28 19:13 發表

no la...

姜大衛剛移民後回香港時, 與其他兄弟為鄰...

btw, 你係追星族, 咁熟行縱 ?
左
p.s. 以前所住, 因為行人少, 常有拍片. d C9/ 年輕人 fans, 由朝企到晚. 我同飯票講, d 人唔使做野/讀書咖.

哈 ! 老搜非追星一族, 而是在中學時有些同學後期進了電影界, 其中秦萍 (陳小萍)與邢慧双双進入了邵氏. 姜氏兄弟秦沛(姜昌年)恰好同班, 而姜大衛(姜偉年)亦是同校. 在校期間, 他們已非常有表演慾. 經常參加校內之假期節日表演.
其後的電影如 "垂死天鵝" "聖保羅炮艇" "十三太保" 等是他們就業後之初期的傑作. 其中"聖保羅炮艇"是秦沛與史提夫麥昆合演的.
那話來巳是四十多年前了!

下圖左一為1963年中學運動會時秦沛, 左三為修哥弟胡瑞華.

[ 本帖最後由老搜於 2011-5-1 21:52 編輯 ]

作者: mtpen 時間: 2011-5-1 22:29

引用:

原帖由老搜於 2011-5-1 21:47 發表

...下圖左一為1963年中學運動會時秦沛, 左三為修哥弟胡瑞華. ...

那老搜兄是否在相內呢？

相信老兄比我早三數年接觸邵氏片場之人與事，能否將見聞（又或其它相片）於此與大家分享呢？

作者: mtpen 時間: 2011-5-1 22:38

引用:

原帖由 suewong 於 2011-5-1 18:39 發表

還有適量運動

黃小妹妳用「適量」呢两個字相當好！

好多人本末倒置，尤其响减肥方面，不從口着手，迷信運動萬能，忘記了何謂運動創傷、勞損，以至後患無窮！

除咗創傷，我有幾個朋友，行山、打波、游水、喪跑樣樣做足，好奇怪，皆患有高血壓。

究其原因，因運動量大，例如原本食两碗飯，自然有需要食double即四碗。米飯乃澱粉質，炭水化合物，好快在運動時消耗，問題不大。反而係你運動後胃口奇佳，送嗰四碗飯要食多double嘅餸。白飯冇好味嘅餸去送，冇人鍾意食，而好味餸必多是香濃，即多油、多鹽、多醬，日復一日，積聚而成三高禍患矣！大家小心！

作者: suewong 時間: 2011-5-2 21:35

引用:

原帖由老搜於 2011-5-1 21:47 發表

哈 ! 老搜非追星一族, 而是在中學時有些同學後期進了電影界, 其中秦萍 (陳小萍)與邢慧双双進入了邵氏. 姜氏兄弟秦沛(姜昌年)恰好同班, 而姜大衛(姜偉年)亦是同校. 在校期間, 他們已非常有表演慾 ...

秦沛 - around 70 !

老搜, 感覺 around 50, how come ?

作者: 牛奶蛇 時間: 2011-5-3 04:06

引用:

原帖由老搜於 2011-5-1 21:47 發表

哈 ! 老搜非追星一族, 而是在中學時有些同學後期進了電影界, 其中秦萍 (陳小萍)與邢慧双双進入了邵氏. 姜氏兄弟秦沛(姜昌年)恰好同班, 而姜大衛(姜偉年)亦是同校. 在校期間, 他們已非常有表演慾 ...

在那輩邵氏女明星中, 秦萍亦是吾愛, 可惜很少看到她的戲, 亦很久不聞她的消息, 她應該也有甲子之齡, 正享緊兒孫福.

作者: 老搜 時間: 2011-5-3 08:49

引用:

原帖由 suewong 於 2011-5-2 21:35 發表

秦沛 - around 70 !

老搜, 感覺 around 50, how come ?

哈 ! 黃小妹又愛說笑了, 老搜巳年逾花甲, 秦沛年齡約在65上下.

作者: 老何 時間: 2011-5-3 10:28

呀搜哥,

幫眼睇吓條天梯係bin？

歡迎光臨香港 Xocat Forum 討論區 (http://p.xocat.com/p/)