香港 Xocat Forum 討論區 - Powered by Discuz! Board

標題: 昔日名香菸 [打印本頁]

作者: hkgalbert 時間: 2011-6-25 01:34 標題: 昔日名香菸

三炮臺、鴨都拿、……，俱往矣！昔日抽洋香菸是身份地位，上流社會的像徵。

[ 本帖最後由 hkgalbert 於 2011-6-25 04:39 編輯 ]

作者: 牛奶蛇 時間: 2011-6-25 03:08

老人所受, 深感同情. 鄙人也是資深烟民, 三十年烟齡, 每日两包, 有時連刷牙也担住枝烟. 來到美國後, 發覺d烟比香港同牌子更好味香純, 於是吸個不亦樂乎, 可惜好景不常, 不久市政府狂加烟稅, 害我要像走私客般跑去鄰洲買烟, 再加上烟民被極度抹黑及破懷形象, 烟民像過街老鼠, 受盡歧視, 終於在2001年６月戒烟, 從此未嘗過一口烟.

我不會叫人戒烟, 尤其是對上年紀的, 但如果年青, 還是不吸為妙.

[ 本帖最後由牛奶蛇於 2011-6-25 03:09 編輯 ]

作者: hkgalbert 時間: 2011-6-25 04:23

小坡大馬路（North Bridge Road 橋北律）有光華戲院（光藝公司的粵語片）與奧迪安戲院（Odeon Theatre 石叻第一大戲院，專映國泰公司），沿路有很多中文書店；
小坡二馬路（Victoria Street 維多利亞街）有皇后酒樓、再發餐室與百年老教堂（Chijmes）改成的『贊美坊』（Shopping Mall）、石叻國家圖書館；
小坡三馬路（Queen Street 奎因街）有名校公教華英中學（Sino-English Catholic School）；
小坡四馬路（Waterloo Street 滑鐵盧街）有香火鼎盛的『觀音佛祖堂堂』、吉寧鬼的『Sri Krishnan Temple 克里斯南興都廟』；
小坡五馬路（Bencoolen Street 明古連街）有『萬興米窖』、南華分校，角落頭有間兩層樓：樓下是『重興園』（咖啡店）；樓上是『東英酒樓』；
小坡六馬路（Prinsep Street 布連拾街）有石叻車牌局、育四學校；
小坡七馬路（Selegie Road 實利基路）有華人青年會（Y.M.C.A.）。

光華戲院的大佬，大坡的「金華大戲院 Metropole Theatre」，現在變成『花菲衛理公會 Fairfield Methodist Church』
[youtube]PgXTNl57v7o[/youtube]

[ 本帖最後由 hkgalbert 於 2011-6-24 20:24 編輯 ]

作者: 牛奶蛇 時間: 2011-6-25 07:37

’以為老人開此題會談吸烟的欒趣, 怎么又是南洋街道地理, 與題無關. 還是由小弟撥亂返正, 談談吧,
首先聲明本人並無提倡吸烟之意, 只是不值吸烟者被完全抹黑, 以增加公共医療負担為籍口而被剝削.

飯後烟勝神仙.
烟酒烟酒, 有酒無烟, 慘過..
朋友聚會, 吞云吐霧, 增加談興.
挨更低夜, 揸長途車必備
幫助思考及集中精神

[ 本帖最後由牛奶蛇於 2011-6-25 07:52 編輯 ]

作者: mtpen 時間: 2011-6-25 09:12

引用:

原帖由 牛奶蛇 於 2011-6-25 03:08 發表

終於在2001年６月戒烟, 從此未嘗過一口烟. ...

既然吸煙有咁多好處，請教牛Sir老兄又因何戒咗佢咁大損失呢？

作者: mtpen 時間: 2011-6-25 09:41

引用:

原帖由 hkgalbert 於 2011-6-25 01:34 發表

老人的老父是每天啃兩包煙的超級煙民，以84歲逝世..老母是現年103歲的人瑞，.

明知山有虎，偏向虎山行，勇士！好嘢！

好多掌聲等緊你，如果落得山／又或冇損傷嘅話！

記得將「後悔」二字徹底地忘記，直至永遠、永遠，阿門！

作者: suewong 時間: 2011-6-25 18:29

引用:

原帖由 牛奶蛇 於 2011-6-25 03:08 發表
再加上烟民被極度抹黑及破懷形象, 烟民像過街老鼠, 受盡歧視,

終於在2001年６月戒烟, 從此未嘗過一口烟.

...

我不吸煙, 但覺得 going too far, 攪到吸煙人士, 好像吸毒道友...

牛 sir 好好定力.

我叫飯票食健康食品...

作者: suewong 時間: 2011-6-25 18:33

引用:

原帖由 牛奶蛇 於 2011-6-25 07:37 發表
首先聲明本人並無提倡吸烟之意, 只是不值吸烟者被完全抹黑, 以增加公共医療負担為 ...

exactly.

如果真是咁多害處, 點解唔禁煙 ? 點解又唔提紅酒的壞處 ?針對 !!!

對基層, 吸煙是他們唯一負擔到的嗜好...

[ 本帖最後由 suewong 於 2011-6-27 15:19 編輯 ]

作者: 理魯竇 時間: 2011-6-25 19:52

引用:

原帖由 suewong 於 2011-6-25 18:33 發表

exactly.

如果真是咁多害處, 點解唔禁煙 ? 點解又唔提紅酒的壞處 ? 計對 !!!

對基層, 吸煙是他們唯一負擔到的嗜好...

道理好簡單，噴出來的二手煙又臭，又會影響他人(包括親人)健康。

斷估唔會有二手紅酒吧？

[ 本帖最後由理魯竇於 2011-6-25 21:14 編輯 ]

作者: 牛奶蛇 時間: 2011-6-25 20:25

引用:

原帖由 mtpen 於 2011-6-25 09:12 發表

既然吸煙有咁多好處，請教牛Sir老兄又因何戒咗佢咁大損失呢？

其實答案已在前文提過.
1. 不想像走私客揸两個鐘車到鄰洲買便宜烟,
2. 吸烟環境愈來愈惡劣

終於有日突然覺得自己可憐樣衰, 為何要受烟仔擺佈, 立時叫我老婆搜我衫袋褲袋大褸袋公事袋, 把所有烟仔,烟灰江, 烟斗, 打火機, 統统拋掉, 從此與烟 say good bye.

不知還有沒有, 東京成田機塲有一間細少的玻璃室, 專供人吸烟, 外面的人望內裹的人, 好像看動物, 對烟民極盡侮辱.

作者: 牛奶蛇 時間: 2011-6-25 20:38

談過吸烟樂趣, 跟着是其禍害,

1. 無烟吸吊引, 做事無勁, 談話乏味
2. 滿面, 滿手烟油, 討人厭
3. 無件好衫, 件件衫被烟灰燒燶
4, 沒有一個完整气車座位
5. 遇着非烟民, 常遭白眼

至於健康, 見人見智, 双方都能舉出反例, 不作討論, 不過以我為例, 戒烟後百病叢生, 可能是湊巧, 也可能是原因.

作者: mtpen 時間: 2011-6-26 10:06

引用:

原帖由 牛奶蛇 於 2011-6-25 20:38 發表

...不過以我為例, 戒烟後百病叢生, 可能是湊巧, 也可能是原因. ...

唔介意嘅話，我想訪問吓牛Sir你，若然當年老兄冇食煙呢個意圖及企圖享盡極樂嘅高尚浪漫有型嗜好，縱使今日一樣患同樣嘅病，你會否感覺良好一些，較少罪惡感，及減輕受到look after你嘅羣眾壓力咁呢？

多口再問多一個stupid question，有得take two，老兄會否同樣選擇食煙呢家嘢呢？

[ 本帖最後由 mtpen 於 2011-6-26 10:07 編輯 ]

作者: 西南風 時間: 2011-6-26 10:38 標題: 吸烟與柏金遜症

據一位內地胸肺科医生(教授級)披露:-
就統計數字(僅江、浙、徽和滬之省及一級市医院)所得

“患柏金遜症者並無吸烟人仕”

祈望海外網友就現居地印証一下上述的數據。
’

作者: mtpen 時間: 2011-6-26 10:56

引用:

原帖由 西南風 於 2011-6-26 10:38 發表

“患柏金遜症者並無吸烟人仕”祈望海外網友就現居地印証一下上述的數據。

西南風兄要收集數據，小弟豈敢唔報！

我外父患有栢金遜症，乃老槍一名！巧合啫！

作者: 西南風 時間: 2011-6-26 12:21

引用:

原帖由 mtpen 於 2011-6-26 10:56 發表

西南風兄要收集數據，小弟豈敢唔報！

我外父患有栢金遜症，乃老槍一名！巧合啫！

pen 兄,
多謝報料

其他海外網友請繼續，先謝

作者: mtpen 時間: 2011-6-26 14:15

引用:

原帖由 suewong 於 2011-6-25 18:33 發表

如果真是咁多害處, 點解唔禁煙 ? 點解又唔提紅酒的壞處 ?...

就當我put words into your mouth好了，黃小妹其實是明白吸煙有害，並贊成凸府之勸人戒煙行動，只不過佢大細超唔勸人戒埋酒而已！

作者: 理魯竇 時間: 2011-6-26 14:38

引用:

原帖由 西南風 於 2011-6-26 10:38 發表
據一位內地胸肺科医生(教授級)披露:-
就統計數字(僅江、浙、徽和滬之省及一級市医院)所得

“患柏金遜症者並無吸烟人仕”

祈望海外網友就現居地印証一下上述的數據。
’

中國人平均壽命72歲左右，如果吸煙人士平均又早走些，
咁樣即係好多時候未到有柏金遜就唔見左，咁咪無囉。

作者: mtpen 時間: 2011-6-26 16:05

引用:

原帖由 理魯竇 於 2011-6-26 14:38 發表

....咁樣即係好多時候未到有柏金遜就唔見左，咁咪無囉。

Absolutely!

作者: mtpen 時間: 2011-6-26 16:53

引用:

原帖由 suewong 於 2011-6-25 18:33 發表

如果真是咁多害處, 點解唔禁煙 ? 點解又唔提紅酒的壞處 ? 計對基層, 吸煙是他們唯一負擔到的嗜好

妳就當我係凸府走狗好了，我並非歧視基層，妳都知我之出身乃地底泥，比基層仲低一層！

就係凸府見盡好多基層，連養妻活兒之糧都唔夠，佢哋仲自私到攞既有限，又寶貴嘅資源去花响吸煙呢亭傷身傷財，只適合有餘錢嘅人才去做之死亡嗜好嗰度，唯有希望加稅後賣貴啲，令佢哋有所猷疑又食少支，呢個良好願望，我睇唔到會被人無限上綱上線地被曲解引伸為針對基層，並視為剝奪他們唯一負擔到的嗜好！

我仲要問，凸府加咗稅，是否各高官自己袋咗落袋度？妳又信唔信凸府要加咗煙稅才夠開支運營呢？

至於話有錢佬飲酒又唔見凸府加酒稅，好使佢哋飲少啲？都話明有錢佬咯，don’t you worry 啦！

作者: 理魯竇 時間: 2011-6-26 17:15

其實小弟完全不反對人吸煙，只不過是反對人隨處噴煙，如果 d 煙民能妥善處理好 d 廢氣問題，你鐘意話消愁解悶也好，改善健康也好，甚至好似傳遞奧運聖火一支接一支也好，悉隨尊便，條命係你自己嘅，旁人無權干涉，唔好累人累物就得嘞。

作者: mtpen 時間: 2011-6-26 18:38

引用:

原帖由 理魯竇 於 2011-6-26 17:15 發表

小弟完全不反對人吸煙，只不過是反對人隨處噴煙，如果 d 煙民能妥善處理好 d 廢氣問題，...

理兄講起廢氣問題，唔怕得罪講句，食煙嘅人若果講要環保，似乎funny咗啲！

除咗噴廢氣，各位有吸煙嘅兄弟，若果冇試過隨地丟煙頭同dun煙灰，請舉手，我欠你一個崇高嘅敬禮！

呢個缺得行為，非華人專享，响英國揸車，往往見到啲鬼佬，口就仁義道德，又環保又剩，咪又係一手將煙頭拋出車外！

唔信？你得閒check吓啲煙剷朋友架車上個煙灰盅，打開睇吓，新嘅一樣，幾咁乾淨！你咪同我講冇响車上食過煙呀！

作者: 牛奶蛇 時間: 2011-6-27 02:01

引用:

原帖由 mtpen 於 2011-6-26 10:06 發表

唔介意嘅話，我想訪問吓牛Sir你，若然當年老兄冇食煙呢個意圖及企圖享盡極樂嘅高尚浪漫有型嗜好，縱使今日一樣患同樣嘅病，你會否感覺良好一些，較少罪惡感，及減輕受到look after你&#2 ...

汝非魚不知魚之樂, 汝不吸烟甚至反吸烟, 自然不知其樂趣. 天下超過十億人吸烟, 自有其樂趣, 至於是否高尚浪漫有型, 相信是閣下看得香烟廣告, 自以為是. 汝可問問其他老槍, 自覺高尚浪漫有型否 ? 我前文已述戒烟其中原因是自覺可憐, 不欲受香烟擺佈.

如果再回到幾十年前, 社會大眾對吸烟沒有抗拒, 烟稅不貴, 吸烟不失為一种普羅大眾的享受, 今天吸烟的客觀環境惡劣, 反吸烟是世界潮流, 則可戒則戒矣.

作者: suewong 時間: 2011-6-27 15:24

引用:

原帖由 理魯竇 於 2011-6-25 19:52 發表

道理好簡單，噴出來的二手煙又臭，又會影響他人(包括親人)健康。

斷估唔會有二手紅酒吧？

for argument sake -

有酒後駕駛, 冇煙後駕駛...

作者: suewong 時間: 2011-6-27 15:30

引用:

原帖由 mtpen 於 2011-6-26 10:06 發表

唔介意嘅話，我想訪問吓牛Sir你，若然當年老兄冇食煙呢個意圖及企圖享盡極樂嘅高尚浪漫有型嗜好，縱使今日一樣患同樣嘅病，你會否感覺良好一些，較少罪惡感，及減輕受到look after你嘅羣眾壓力咁呢 ...

先父死於肺氣腫, 起因是吸煙. 但我們 look after 先父, 並冇怨言. 始終, 這是他的唯一嗜好...

作者: suewong 時間: 2011-6-27 15:33

引用:

原帖由 mtpen 於 2011-6-26 14:15 發表

就當我put words into your mouth好了，黃小妹其實是明白吸煙有害，並贊成凸府之勸人戒煙行動，只不過佢大細超唔勸人戒埋酒而已！

黃小妹是明白吸煙有害，並不贊成凸府之勸人戒煙行動，going too far...

作者: suewong 時間: 2011-6-27 16:06

引用:

原帖由 mtpen 於 2011-6-26 16:53 發表

妳就當我係凸府走狗好了，我並非歧視基層，妳都知我之出身乃地底泥，比基層仲低一層！

就係凸府見盡好多基層，連養妻活兒之糧都唔夠，佢哋仲自私到攞既有限，又寶貴嘅資源去花 ...

引用:

原帖由 牛奶蛇 於 2011-6-27 02:01 發表

如果再回到幾十年前, 社會大眾對吸烟沒有抗拒, 烟稅不貴, 吸烟不失為一种普羅大眾的享受, 今天吸烟的客觀環境惡劣, ...

牛 sir has answered your concern/query, 當時是一种普羅大眾的享受, 因為不停加稅, 如今變成寶貴嘅資源...

始終自由社會, 合法理的嗜好, 變成現今環境惡劣.

[ 本帖最後由 suewong 於 2011-6-28 16:50 編輯 ]

作者: mtpen 時間: 2011-6-27 18:26

引用:

原帖由 牛奶蛇 於 2011-6-27 02:01 發表

汝非魚不知魚之樂, 汝不吸烟甚至反吸烟, 自然不知其樂趣. 天下超過十億人吸烟, 自有其樂趣,...

你就當我係夏蟲，不知冰為何物好了！

不過拍風塵女子戲，唔使一定要下海體驗一吓做雞生涯，才拍得好個角色，除非嗰個係姣婆，自己根本係雞或恨做雞又另議！

食煙是否欲仙欲死我就冇咁體驗。不過我親眼見到我老豆晚年患上肺氣腫嗰種唔生唔死嘅苦况，對我嚟講真係一個絕好嘅反面教材！

作者: 牛奶蛇 時間: 2011-6-27 22:21

引用:

原帖由 mtpen 於 2011-6-27 18:26 發表

你就當我係夏蟲，不知冰為何物好了！

不過拍風塵女子戲，唔使一定要下海體驗一吓做雞生涯，才拍得好個角色，除非嗰個係姣婆，自己根本係雞或恨做雞又另議！

食煙是否欲仙欲死我就冇咁 ...

拿拍戲來作比喻有點不妥, 拍戲乃天馬行空, 本身就是假東西, 什么「體驗」也能拍出來, 作不得準也. 俗語話, 真的假不了, 未賞過香烟, 那知吸烟樂趣.

天下不良嗜好多得很, 賭波, 賭馬, 打啤牌, 打麻雀, 番攤十五糊, 輕者滋擾四鄰, 重者家破人亡, 何獨烟仔呢. 還是那句, 我不鼓勵青年人吸烟, 但對己上癮幾十年的老槍, 不要窮追猛打, 不要太過苛克.

作者: mtpen 時間: 2011-6-28 08:06

引用:

原帖由 牛奶蛇 於 2011-6-27 22:21 發表

...但對己上癮幾十年的老槍, 不要窮追猛打, 不要太過苛克. ...

我哋何必要用患有被加害妄想症病人嘅心態去睇凸府（以致各國政府）勸／禁人食煙，話佢哋迫害／侮辱一貫正確嘅煙民呢？

點解唔用正常人之自然反應想法，一如乍見儒子將入於井，引手扶他一把，免其墮於深淵呢？

作者: suewong 時間: 2011-6-28 16:44

引用:

原帖由 牛奶蛇 於 2011-6-27 22:21 發表

天下不良嗜好多得很, 賭波, 賭馬, 打啤牌, 打麻雀, 番攤十五糊, 輕者滋擾四鄰, 重者家破人亡, 何獨烟仔呢. 還是那句, 我不鼓勵青年人吸烟, 但對己上癮幾十年的老槍, 不要窮追猛打, 不要太過苛克.

...

couldn't agree any more...

作者: suewong 時間: 2011-6-28 16:49

引用:

原帖由 mtpen 於 2011-6-28 08:06 發表

點解唔用正常人之自然反應想法，一如乍見儒子將入於井，引 ...

why just apply to smoking ?

正常人之自然反應想法 - 針對 !!!

作者: mtpen 時間: 2011-6-28 20:49

引用:

原帖由 suewong 於 2011-6-28 16:49 發表

正常人之自然反應想法 - 針對 !!!

教授即是教授，我隱藏於文中之曲線潤人字句，都逃唔過黃小妹妳法眼，俾妳spot到，服！

請恕我一時手痕之過，切勿扣我分喔！

作者: mtpen 時間: 2011-6-28 20:53

引用:

原帖由 suewong 於 2011-6-28 16:49 發表

why just apply to smoking ?

此乃愛之愈深、責之愈切也！

作者: 大隻西 時間: 2011-6-29 02:46

不知誰個廢柴想出來的，把二手煙的禍害吹大十倍，馬上令吸煙者與非吸煙者起了分化，非煙民用嚴厲的眼神看吸煙民眾，甚至在非影響範圍用身體語言作出鄙視，煙民的身份被降了級，這兩極人士發生不必要的衝突顯然比往時多了。
早前有比廢柴更廢柴的又發表了三手煙的理論，在電視裡教化，多種分析數據肯定連霍金都不明解，那些此廢柴更廢的為了提高自已各方面的水平，投買油畫在家亂掛，讓大宅增添氣派，也不知到上年代的油畫，色料要用鉛粉來固定，白色更是鉛基本材料，這些藝術品釋放大量毒物飄浮於空氣中，嚴重影響人的神經中樞，久而久之便腦部受損，思維錯亂.....覆電郵去，不說了！

作者: 牛奶蛇 時間: 2011-6-29 05:31

幾十年前, 吸烟不只是時尚, 還是社會接訥的成人行為, 朋友見面例必敬煙, 壽宴喜酌, 麻雀耍欒, 同事大食會, 那處不是烟霧迷漫, 銀幕中的張活游, 張英, 謝賢, 呂奇胡楓到電視中的周潤發任達華, 那個不是人手一技, 就是學校老師, 下課後, 也担住支烟, 高談濶論. 那時社會沒有吸烟危害健康的意識, 更無設禁烟區的措施, 少年人在此大環境下墮烟网, 應怪誰 ?

用今日的標準量度已上癮幾十年的老槍, 有如関公戰秦凉, 犯了時差毛病. 若要那班老槍戒烟, 不如攞佢老命. 以過來人言, 我希望社會在反烟之餘, 留下些少空間, 讓烟隡有個卑微享受.

[ 本帖最後由牛奶蛇於 2011-6-29 22:58 編輯 ]

作者: 36D 時間: 2011-6-29 09:14

我太婆鐘意食罐裝黑貓。

作者: suewong 時間: 2011-6-29 21:58

引用:

原帖由 牛奶蛇 於 2011-6-29 05:31 發表
幾十年前, 吸烟下只是時尚, 還是社會接訥的成人行為, 朋友見面例必敬煙, 壽宴喜酌, 麻雀耍欒, 同事大食會, 那處不是烟霧迷漫, 銀幕中的張活游, 張英, 謝賢, 呂奇胡楓到電視中的周潤發任達華, 那個不是人 ...

couldn't agree with u anymore...

作者: flowingwater 時間: 2011-6-29 22:35 標題: 回復 34# 的帖子

b哥..冇法啦.
呢個世界一定係追d小數弱勢又係道德高地上輸既人打.
睇開d.

作者: 牛奶蛇 時間: 2011-6-29 22:51

講吸烟不能不講戒烟, 我幾十年中戒過幾次烟, 原因無非是被老婆閙得緊, 學時氅跟人戒烟, 不久又重墮羅网, 還阿 Q 地為自已度出讓自己可繼續吸烟的對策,

1. 老婆閙仔女嘈, 當唱歌, 途人白眼當無到.
2. 医生話, 換医生
3. 牙齒發黄, 勤洗牙
4. 衣衫燙燶, 換些便宜衣物
5. 只坐駁脚短途機, 可以轉機上電.
6. 烟稅貴, 跑去鄰埠入貨
.
.

幾十年的烟癮終於弄到不能自拔, 一刻無烟就會心神恍怱, 做事無勁, 言語無味. 每早返工可以不帶個頭 (brain), 不能不帶烟, 清緒的起落, 完全被烟仔操控, 一個人吸烟吸到這個地步, 還有什么人生樂趣.

戒烟已十年, 算是成功了. 耳根清靜了些, 医生也少了囉唆. 算算我已慳了36500 U.S $烟錢, 夠買一部宝馬三系或同老婆去環遊世界.

作者: hkgalbert 時間: 2011-6-30 01:11 標題: 煙債票償！以選票轟走鼓吹禁煙的政棍！

最近一少撮壞分子在中華民國復興基地臺灣省鬧著要香菸稅新臺幣20元，香港的壞分子更把煙價推高至每包20枝庄萬寶路（Marlboro）黑冰（Ice Blast）為50鹹龍（新臺幣185元；4英鎊；4.5歐羅；美金6.4元）。人民叫苦連天，原來南洋石叻的零售價更高達叻幣11元（新臺幣258元；69鹹龍； 5.5英鎊；6.2歐羅；美金9元）！？機場免稅店200枝標價叻幣30元。炎夏的天氣，抽煙者像罪人一般，被罰到室外？！推高煙價被美化成保障健康？！老人的老父是超級煙民，在上世紀80年代時以84歲逝世；老母是現年103歲的人瑞，......。此外飲酒同樣傷身，為何反而要減紅酒稅？食紅肉無益，又為何沒有徵收『食肉稅』？草根階層到匪區買妻生子亦危害社會，為何不設『聚大陸老婆人頭稅』？......珍惜我們的自由，請以『選票』把法西斯政棍全轟下臺。

[youtube]IQ58-dlVosk[/youtube]

作者: mtpen 時間: 2011-7-4 16:18

引用:

原帖由 flowingwater 於 2011-6-29 22:35 發表

b哥..冇法啦...呢個世界一定係追d小數弱勢又係道德高地上輸既人打.睇開d.

水哥言重了，响禁煙呢個大是大非問題上，對與錯早有定案，而將來歷史亦有公論，希望老兄不要先將煙民自貶為弱勢社羣，跟着無限上綱上線，作出嚴重指控，訴說被理直一方進佔道德高地，肆意將煙民打壓、欺凌，使之被歧視及淪為二等公民！

呢個世界講民主，你哋啲煙民都一貫嚮往𠺝，係冇？

家陣主流共識話吸煙不受歡迎，而講民主就要少數服從多數，不可咁賴猫輸打羸要𠺝！

希特拉千錯萬錯，有句嘢就冇講錯，佢話呢個世界只有集體自由，冇個人自由！

舉例响非洲啲食人族，鄉下興唔着褲打出個pat pat四圍行係共識兼合法，但响香港就唔興，若佢哋嚟香港旅遊，就要揾嘢冚住嗰度，唔可以引用個人自由或者人權，就打大赤肋去彌敦道shopping㗎，係冇？

作者: 理魯竇 時間: 2011-7-6 19:02

啱啱睇完新聞，
冰島禁煙措施重勁，
現在正審議一法案，
將來可能要醫生處方才可以買煙，
問你服未？

作者: mtpen 時間: 2011-7-6 21:23

引用:

原帖由 理魯竇 於 2011-7-6 19:02 發表
啱啱睇完新聞，
冰島禁煙措施重勁，
現在正審議一法案，
將來可能要醫生處方才可以買煙，
問你服未？

咁睇嚟，共和祖家同凸府都唔及冰島呢亭民主自由國家咁霸道採用家長政制呀！

聽講唔知花旗邊個州仲勁，立例嚴禁公民一路行一路聽 i 乜 i 物添呀！

請問牛Sir是否確有其事？

乜冰島同花旗人民咁沌唔識上街示威除惡法嘅？

作者: 大隻西 時間: 2011-7-7 01:21

引用:

原帖由 flowingwater 於 2011-6-29 22:35 發表
b哥..冇法啦.
呢個世界一定係追d小數弱勢又係道德高地上輸既人打.
睇開d.

水哥有心，我以前從沒一日內超過十支，現在一日三、四支，永遠不帶煙火出街，沒大的影響

作者: 大隻西 時間: 2011-7-7 01:34

引用:

原帖由 mtpen 於 2011-7-6 21:23 發表

咁睇嚟，共和祖家同凸府都唔及冰島呢亭民主自由國家咁霸道採用家長政制呀！

聽講唔知花旗邊個州仲勁，立例嚴禁公民一路行一路聽 i 乜 i 物添呀！

請問牛Sir是否確有其事？

...

夠膽就索性禁煙，冇稅收，煙精冇得莊香就隨街放火，大家一鑊熟

[attach]1735350[/attach]

一鑊熟

作者: 牛奶蛇 時間: 2011-7-7 03:34

引用:

原帖由 mtpen 於 2011-7-6 21:23 發表

咁睇嚟，共和祖家同凸府都唔及冰島呢亭民主自由國家咁霸道採用家長政制呀！

聽講唔知花旗邊個州仲勁，立例嚴禁公民一路行一路聽 i 乜 i 物添呀！

請問牛Sir是否確有其事？

...

既是人民作主, 那來家長專制. 中國有胡xx及八人幫做家長, 美國沒有, obama只是公僕.

[ 本帖最後由牛奶蛇於 2011-7-7 03:36 編輯 ]

作者: mtpen 時間: 2011-7-7 16:42

引用:

原帖由 牛奶蛇 於 2011-7-7 03:34 發表

既是人民作主, 那來家長專制. 中國有胡xx及八人幫做家長, 美國沒有, obama只是公僕.

哦！咁牛Sir只不過唔順超阿爺／凸府唔係經西方式民主產生咁啫！

若果共和祖家／凸府抄足花旗體制咁產生，政府通過禁煙，咁老兄就同意吸煙有害並贊成禁煙，係冇？

換句話說，禁煙有理，所argue嘅只不過係政制問題啫，多謝老兄卒之都明白事理，歸隊企番我哋反吸煙嗰邊！呵呵呵！

作者: mtpen 時間: 2011-7-7 16:49

引用:

原帖由 大隻西 於 2011-7-7 01:34 發表

夠膽就索性禁煙，冇稅收，煙精冇得莊香就隨街放火，大家一鑊熟

咁講法，即係只准花旗放火，不許阿爺點燈啫，似乎惡咗啲噃，老兄！

作者: suewong 時間: 2011-7-7 18:00

引用:

原帖由 大隻西 於 2011-7-7 01:34 發表

夠膽就索性禁煙，冇稅收，煙精冇得莊香就隨街放火，大家一鑊熟

1735350

一鑊熟

作者: suewong 時間: 2011-7-7 18:09

引用:

原帖由 mtpen 於 2011-7-7 16:42 發表

哦！咁牛Sir只不過唔順超阿爺／凸府唔係經西方式民主產生咁啫！

若果共和祖家／凸府抄足花旗體制咁產生，政府通過禁煙，咁老兄就同意吸煙有害並贊成禁煙，係冇？

換句話說，禁煙有理，所ar ...

在此命題, 非關政治體制, 我和牛Sir 都同意吸煙有害, 只是不滿把吸煙者當成過街老鼠.

就算共和祖家／凸府抄足花旗體制咁產生，政府通過買賣奴隸合法化，相信大家都不會同意, 對不對 ?

作者: mtpen 時間: 2011-7-7 20:42

引用:

原帖由 suewong 於 2011-7-7 18:09 發表

... 我和牛Sir 都同意吸煙有害, 只是不滿把吸煙者當成過街老鼠

喂大嫂，依家將吸煙者打成過街老鼠唔係阿爺／凸府首創，都俾妳哋啲聲稱民主人士剷到飛起，若果今次唔係花旗而係阿爺／凸府首先立例嚴禁人民一路行一路聽 i 乜 i 物，我諗又要公民抗命又要人頭落地都似！

作者: 牛奶蛇 時間: 2011-7-7 21:11

引用:

原帖由 suewong 於 2011-7-7 18:09 發表

在此命題, 非關政治體制, 我和牛Sir 都同意吸煙有害, 只是不滿把吸煙者當成過街老鼠.

就算共和祖家／凸府抄足花旗體制咁產生，政府通過買賣奴隸合法化，相信大家都不會同意, 對不對 ?

100% right. Smoking ban has nothing to do democracy or not. It's absurd to put them together. period.

作者: mtpen 時間: 2011-7-7 21:31

引用:

原帖由 牛奶蛇 於 2011-7-7 21:11 發表

100% right. Smoking ban has nothing to do democracy or not. It's absurd to put them together. period.

Yes, it does involve the issue of democracy in this instance, unless you don’t make any queries as to whether the government of China/SAR has got the mandate from the people, like what the American and/or Western countries do!

作者: suewong 時間: 2011-7-7 21:37

引用:

原帖由 mtpen 於 2011-7-7 20:42 發表

喂大嫂，依家將吸煙者打成過街老鼠唔係阿爺／凸府首創，都俾妳哋啲聲稱民主人士剷到飛起， ...

可見我地對事不對人, 客觀公正...

作者: 牛奶蛇 時間: 2011-7-7 22:01

引用:

原帖由 大隻西 於 2011-7-7 01:21 發表

水哥有心，我以前從沒一日內超過十支，現在一日三、四支，永遠不帶煙火出街，沒大的影響

照我這個老槍看, 西兄還是相當「業餘」, 烟癮不深. 作為一種個人亨受, 在不防礙他人的情况下,吸烟沒有什么大不了, 社會是 overreacting. 吸烟者已付了重稅, 算對社会有了交代, 不用過度自責.

論對人有害, 打麻雀應也上榜. 家中有一抬麻雀, 除那四人外, 其他看書, 看電視, 休息, 瞓覺, 發夢, 發吽逗的人, 被麻雀碰撞聲, 呼喝聲嚇到魂魄唔齊, 有心臟病的要叫白車, 冇心臟病的眼光光. 細佬仔交不出功課, 大人做事無心, 楂車出事, .....等等( you name it). 為害不比吸烟少, 何不也立例禁止, 抽重稅 ?

作者: 理魯竇 時間: 2011-7-8 18:48

香港政府唔係唔俾人吸煙，只不過唔俾人因吸／噴煙而影響／妨礙他人，措施相當恰當，絕對不是什麼overreacting。交左煙稅唔係大晒。

在家裡有台麻雀為害家人，只不過是個人管理問題，攪到家嘈屋閉，關政府乜事，政府點管得到？

政府管打麻雀管得仲嚴，若果打得嘈，十一點鐘差人就拍你門，但如在家中吞雲吐霧廿四小時不停都無人干涉你。

作者: 大隻西 時間: 2011-7-8 23:32

[quote]原帖由 牛奶蛇 於 2011-7-7 22:01 發表

牛Sir所說確實真人版，話說外母喜歡捽嘢，她有三個半邊仔，每逢假日前夕，我們便要上去吃晚飯，飯後便要和外母共度四人世界，那裡有個念大學的女孩，經常都要在這種環境下溫習，早前的重要考試，我乾脆就不上去，不能成局我可能遭人埋怨，但女孩心裡知道我是關心的，那家族最疼是小姨的兒子，他要去外國讀書，就賣樓供給，像西藏活佛的迎送場面，讀了一年多花光那筆錢便回來閒晃，這小姨是唯一的無煙家庭，今年她患上了癌。

還有！我絕對不讚成吸煙，你拿起第一支還沒點著時，先要好好想清楚！

作者: flowingwater 時間: 2011-7-8 23:52 標題: 回復 57# 的帖子

咁慘....

作者: tiutiu111 時間: 2011-7-8 23:58

引用:

原帖由 大隻西 於 2011-7-8 23:32 發表

牛Sir所說確實真人版，話說外母喜歡捽嘢，她有三個半邊仔，每逢假日前夕，我們便要上去吃晚飯，飯後便要 .........

小女孩的情況真令人心痛, 一定可以醫好的 !

那麼請問 B哥, 要吸的話, 吸甚麼好 ? 雪茄如何 ?

作者: 大隻西 時間: 2011-7-9 01:20

引用:

原帖由 tiutiu111 於 2011-7-8 23:58 發表

小女孩的情況真令人心痛, 一定可以醫好的 !

那麼請問 B哥, 要吸的話, 吸甚麼好 ? 雪茄如何 ?

誤解了！患病的是我小姨，活佛的母親，可能是為兒子過度操勞，雖是無煙家庭，但是個忠實的超市擁躉，喜歡化學用品及食物。

一哥可嘗試Cocaine，這玩意比較高向，很多名人用作身份像徵

作者: tiutiu111 時間: 2011-7-9 01:38

引用:

原帖由 大隻西 於 2011-7-9 01:20 發表

誤解了！患病的是我小姨，活佛的母親，可能是為兒子過度操勞，雖是無煙家庭，但是個忠實的超市擁躉，喜歡化學用品及食物。
一哥可嘗試Cocaine，這玩意比較高向，很多名人用作身份像徵

仲以為你會提議小弟食草, 自己天棚種, 慳好多

作者: flowingwater 時間: 2011-7-9 02:15 標題: 回復 60# 的帖子

一哥都係咩都唔好試.
吸財吧.

作者: mtpen 時間: 2011-7-9 10:06

引用:

原帖由 大隻西 於 2011-7-9 01:20 發表

一哥可嘗試Cocaine，這玩意比較高向，很多名人用作身份像徵

B哥真係好介紹！

呢亭第一代仙丹，仲有隻嘢叫白粉，我細細個住九龍仔大坑東就知係好嘢，聽講食咗會升仙，可惜家貧，冇資格做神仙！

作者: 理魯竇 時間: 2011-7-9 12:09

講返入正題

六十年代初，老豆開士多，仲賣埋煙仔，發覺來買煙的都是普羅大眾，並非甚麼抽洋香菸是身份地位，上流社會的象徵。

那是候上價煙買個一，例如總督 Viceroy，好彩Lucky Strike，雲絲頓Winston ，沙龍 Salem，吉士 Chesterfield（老何至愛）................

另外其他無咁貴的有紅金龍、白金龍、麼利士、555（State Express），孖寶等等，記都記唔到咁多。

最有印象一隻叫良友（Good Companion），一味夠平，只買六毫，好多人叫佢做道友煙。

點解咁有印象？因為當時賣煙都管得好嚴，每日都要做銷售及庫存記錄，老豆唔識字，更唔識英文，將個波推比我，我都係讀緊四、五年級，啱啱學英文，都要頂硬上，唯有靠死記，都做得頭頭是道。

但始終係細佬仔，做做下無心機就唔做，點知有政府部門來查，仲告上法庭，罰左老豆50蚊，被老豆鬧到黐肺。

[ 本帖最後由理魯竇於 2011-7-9 12:36 編輯 ]

作者: mtpen 時間: 2011-7-9 13:13

引用:

原帖由 理魯竇 於 2011-7-9 12:09 發表
講返入正題

最有印象一隻叫良友（Good Companion），一味夠平，只買六毫，好多人叫佢做道友煙 ...

我老母食良友，為咗慳皮兼開吓，久唔久跟阿婆食紙捲煙，煙絲牌子唔記得咗，只記得有條龍，有紅色及綠色包裝！

作者: suewong 時間: 2011-7-9 15:21

引用:

原帖由 大隻西 於 2011-7-9 01:20 發表

誤解了！患病的是我小姨，活佛的母親，可能是為兒子過度操勞，雖是無煙家庭，但是個忠實的超市擁躉，喜歡化學用品及食物。

一哥可嘗試Cocaine，這玩意比較高向，很多名人用作身份像徵

笑 4...

避冇可避...

作者: suewong 時間: 2011-7-9 15:23

引用:

原帖由 理魯竇 於 2011-7-9 12:09 發表
講返入正題

六十年代初，老豆開士多，仲賣埋煙仔，發覺來買煙的都是普羅大眾，並非甚麼抽洋香菸是身份地位，上流社會的象徵。

那是候上價煙買個一，例如總督 Viceroy，好彩Lucky Strike，雲絲頓Winston ，沙龍 ...

亞爸食紅雙喜...

作者: tiutiu111 時間: 2011-7-9 22:56

引用:

原帖由 suewong 於 2011-7-9 15:23 發表

亞爸食紅雙喜...

依家上面身份象徵係食中華牌, sue 姐整番口丫　

作者: 理魯竇 時間: 2011-7-9 23:12

引用:

原帖由 tiutiu111 於 2011-7-9 22:56 發表

依家上面身份象徵係食中華牌, sue 姐整番口丫　

據聞最靚最貴嘅中華牌要賣成400幾蚊一包，係真唔係？

作者: tiutiu111 時間: 2011-7-9 23:27

引用:

原帖由 理魯竇 於 2011-7-9 23:12 發表

據聞最靚最貴嘅中華牌要賣成400幾蚊一包，係真唔係？

魯兄 : 路邊者消息, 好似話過年過節仲買唔到添

作者: 大隻西 時間: 2011-7-10 22:26

引用:

原帖由 mtpen 於 2011-7-9 10:06 發表

B哥真係好介紹！

呢亭第一代仙丹，仲有隻嘢叫白粉，我細細個住九龍仔大坑東就知係好嘢，聽講食咗會升仙，可惜家貧，冇資格做神仙！

我謝果隻貨係直接索人鼻，即刻上腦

作者: 大隻西 時間: 2011-7-10 22:32

引用:

原帖由 tiutiu111 於 2011-7-9 22:56 發表

依家上面身份象徵係食中華牌, sue 姐整番口丫　

一哥出到聲，我就識做，下次靚女出來，我就會袋定

作者: mtpen 時間: 2011-7-11 09:17

引用:

原帖由 大隻西 於 2011-7-10 22:26 發表

我謝果隻貨係直接索人鼻，即刻上腦

嘩！B哥講到現場一樣咁神韻，莫非你曾係一手用家？

想請教一吓老兄你，我細個响九龍仔見啲道友追龍，好興用煙仔包裝嗰張錫紙摺長嚟啤，因乜解究呢？好味啲？

作者: suewong 時間: 2011-7-11 16:37

引用:

原帖由 tiutiu111 於 2011-7-9 22:56 發表

依家上面身份象徵係食中華牌, sue 姐整番口丫　

唔識...

作者: taihingtaihing 時間: 2011-7-29 13:48

吸烟容易,戒煙難'不是有大病,很難戒煙.

歡迎光臨香港 Xocat Forum 討論區 (http://p.xocat.com/p/)