香港 Xocat Forum 討論區 - Powered by Discuz! Board

標題: Justic for All - 堅信司法公正公義 [打印本頁]

作者: 飛毛腿 時間: 2011-6-25 20:08 標題: Justic for All - 堅信司法公正公義

有個豬西大陸佬﹐名叫 SunnySheu
佢認為西方國家嘅司法係公義嘅
你如果揭發政府某 d 黑幕
俾著晌中國大陸﹐你會俾政府逮捕甚至做瓜你
呢嗱﹐美國呢種民主自由人權至上司法獨立國家就唔同
追求正義嘅人最後會得勝….

呢個大陸佬家山有福
終於俾佢移民去咗民主自由人權至上司法獨立嘅人間天堂 – 美國
以上嘅說話係佢晌美國時時同佢d 同事講嘅
爛果報、恐共植物人、民主紅衛兵之流嘅含洋七奴才聽到呢種說話
會興奮到扯哂旗流哂口水
睇吓班港燦大律師
簡直係上帝嘅使者﹐守護人間公平公義...... 咁款

作者: 飛毛腿 時間: 2011-6-25 20:16

十年前﹐呢條 Sunny Sheu 好衰唔衰賴嘢
據講佢自己間屋俾人用詐騙手法將佢間屋賣咗
間屋無厘頭俾人冒認屋主一狗賣咗
佢當然去報警﹐跟銀行交涉….
最後都俾佢勝訴 - 美國司法真係公正公義

點知﹐過咗一陣 ( 2001年 12月)
有間銀行就話佢間屋個新買家冇供款﹐所以要向法院申請收樓
所謂新買家就係被人用假文件冒充屋主賣間屋俾佢
呢個新買家就向銀行借按揭﹐按揭錢就去咗假冒屋主度
後來假冒屋主被擒仲要踎監
大概假冒屋主橫掂都要踎監﹐老虎蟹都唔肯嘔番筆錢出嚟
銀行賴嘢又唔服輸﹐就向法庭申請強制收樓

單 case 晌皇后區高等法院開審
法官 Judge Golia 一九就判銀行勝訴
Sunny Sheu 當然死人都上訴
法官將單案一拖就拖足十年 – 無數次延期﹐無了期嘅法庭文件傳來傳去...
呢十年內 Sunny Sheu 俾律師費俾到窮﹐終於頂唔順俾唔起律師費﹐好多時要自己上庭答辯同遞交文件
呢十年內﹐佢向紐市議員、司法部官員投訴過
亦要求撤換法官….
最後無計可施﹐佢話俾個法官知佢要將單 case 前因後果爆俾傳媒
指控法官偏幫銀行…
呢個時候﹐當年檢控假屋主嘅檢察官搵Sunny Sheu
勸佢無謂堅持搞落去﹐更冇必要將件事爆俾傳媒知
( 2009年1月14日) Sunny Sheu去法院遞交有關文件時
有兩個自稱警探 (露枝槍俾同警章佢睇) 押佢上一架車並駛到檢察官辦事處
( 由後門進入去檢察官辦公室 )
兩個警察話Sunny Sheu 不斷滋擾法官﹐有條警探拍檯吊佢 “ 間屋唔再係你嘅”
最恐佈係兩條警探警告佢 :
如果你夠膽去傳媒度亂噏﹐你住嘅係危險社區又賊黨橫行﹐咩事都可能發生晌你身上….
兩個鐘後﹐警探放佢走 – 佢好清晰明白人哋係威脅佢嘅生命
不過呢﹐人哋 Sunny Sheu 堅信晌一個民主人權嘅國家
公義係最終得勝 – 唔通人哋堂堂紐約警察會做瓜佢咩？

作者: 飛毛腿 時間: 2011-6-25 20:20

佢一路跟傳媒接觸
為以防萬一﹐佢亦向紐約 FBI 要求介入並保護
FBI 只係勸佢自己事事小心 D - 即係食自己
到呢度﹐大陸佬察覺到呢件事唔似係法官偏見咁簡單
極可能係牽涉到銀行同司法界甚至執法部門之間唔見得光嘅利益問題
於是佢針對個法官做目標﹐由公開資料入手 – 法官申報財產同個人財務狀況
Office of Court Administration’s (OCA) Ethics Committee
加上Sunny Sheu 自己係電腦專業﹐由網上各方面尋找有用資料
有冇利用黑客手段就唔知嘞
總之俾佢搵到唔少法官Judge Golia 擁有物業嘅資料
佢去OCA 攞法官申報嘅財務資料對照
佢對照後列出法官漏報嘅物業資料﹐同埋由銀行攞到比市場利率低嘅貸款
2009年11月29日佢將呢 D 漏洞報告俾 OCA Ethics Department
而法律上係容許官員有一次機會用amended disclosure form 修改漏報或者錯報嘅個人資產同財務狀況
2010年6月23日﹐Ethics Committee office 寄一份Judge Golia已修改嘅報表 copy 俾佢
但Sunny Sheu 發覺法官 Golia 冇將自己名下一個物業填報在內
Sunny Sheu 興奮咁對佢同事話 : 呢次條官死硬﹐仲唔攞住呢 D證據鋤死佢….

終於﹐三日後…..

[ 本帖最後由飛毛腿於 2011-6-25 20:36 編輯 ]

作者: 飛毛腿 時間: 2011-6-25 20:24

Sunny Sheu 被發現頭部受傷倒斃
佢被送到醫院證實死亡後幾個鐘頭
紐約警方將條屍移交法醫官﹐並附隨信件證明 “ 冇刑事成份” - no criminality
醫學上解剖死因同刑事案鑑證解剖死因程序差好遠
總之﹐Sunny Sheu 就係糊里糊塗歸西 – 去上帝度尋求佢堅持嘅公義

其實話佢糊里糊塗瓜咗又唔係好準確
早晌佢死期三個月前 ( 2010年4月9日)
佢錄低一段短片 (後來被 -可能係朋友- 放上 YOUTUBE )
佢話 : 我錄呢段片係為咗自己安全﹐如果我有乜冬瓜豆腐﹐就係法官 Judge Golia 同佢 D 同黨做嘅

[youtube]3Tr3QChAy4Y[/youtube]

作者: 飛毛腿 時間: 2011-6-25 20:28

不過咁又點？
佢終於晌錄低短片後三個月真係冬瓜豆腐
而紐約警方認為 “ 冇刑事成份” 嘅冬瓜豆腐
最搞笑係最後佢條屍俾人攞去火葬 – 授權火葬者竟然係唔識佢嘅人
( 詳情係點我都唔知﹐係幫佢放短片上 YOUTUBE 嘅朋友講嘅 ) – 睇 youtube comments

爆料傳媒原文 :

http://blackstarnews.com/news/135/ARTICLE/7472/2011-06-20.html

作者: KMY89 時間: 2011-6-27 00:35

有D野係用黎呃細路既，唔好當真
咁公義太平，又咁多人陀槍？
公義公平係講既 ... 有乜依郁有支炮保護，唔係法律

作者: Rainybreeze 時間: 2011-6-27 02:43

有位綱友同小弟講開 Sunny Sheu 事件既真假可信性情度.

綱上既野, 大家都唔知, 不過當中上utube牽涉既法官同 FBI執法人員都有名有姓, 如果係假, 就睇下可以留晌utube幾耐.

公義嘛, 美國佬d公義真係好精彩，坎貝爾講到美國在南海問題的立場, "美國無意在南海問題上煽風點火，我們很大的利益在於維護和平與穩定"　好笑到不得了．

不過, 都唔夠那22間名牌中學反對推行德育及國民教育科好笑.

美國佬 sell 偽善公義既甜言蜜語係一回事, 而天真無邪,　無知可愛, 充滿幻想既福祿壽 buy 係比人笑到甩牙既事.

作者: masuk 時間: 2011-6-27 11:05

引用:

原帖由 Rainybreeze 於 2011-6-27 02:43 發表
有位綱友同小弟講開 Sunny Sheu 事件既真假可信性情度.

綱上既野, 大家都唔知, 不過當中上utube牽涉既法官同 FBI執法人員都有名有姓, 如果係假, 就睇下可以留晌utube幾耐.

公義嘛, 美國佬d公義真係好精彩，坎貝 ...

睇怕，时代前进了，传统智慧渐不合时宜，
光“勤”同“俭”，只能沦为「耕田的牛」。
「与时俱进」必须急起直追补「厚脸皮」和「薄嘴皮」。
前者助壮胆雄起，悭番唔少面懵膏，符合节流；
後者可天花龙凤，正歪皆成理，开源有道。
两皮合壁，天下无敌，唔发几难。
纵观当今，上至总统议员，下至贩夫行街，
真才实学都唔系至关重要，哗众取宠，改善生活，两皮厚薄更紧要。

作者: Rainybreeze 時間: 2011-6-27 19:43

不如咁講喇, 每一個遊戲, 都有佢既遊戲規則. 如果唔接受個遊戲規則既話, 有本事既話, 可以唔玩, 更有本事既話, 仲可以更改個遊戲規則.

但對於絕大部分要參與既人來講, 要响個遊戲勝出, 洞悉到遊戲規則係一個開始. 雖然話係好無奈, 要隨波逐流, 適時務宜. 但係其實去到咁上下, 心裡會好清楚, 响玩遊戲之餘, 點样去做人, 有d野係有得揀.

對或者錯既重點唔係在於人地點睇, 係自己點睇. 如果要執著响殺人放火金腰帶, ok, 接受到遊戲規則既後果咪去做. 就當生死有命. 求仁得仁.

諸葛亮家書八十六字,
夫君子之行，靜以修身，儉以養德；非澹泊無以明志，非寧靜無以致遠。夫學須靜也，才須學也；非學無以廣才，非志無以成學。怠慢則不能勵精，險躁則不能冶性。年與時馳，意與歲去，遂成枯落，多不接世。悲守窮廬，將復何及！

勤儉也好, 傳統智慧也好, 合唔合時宜係人地既睇法. 做人或多或少都會有自己既睇法.

作者: 毛球 時間: 2011-6-27 22:55

引用:

原帖由 Rainybreeze 於 2011-6-27 07:43 PM 發表
但對於絕大部分要參與既人來講, 要响個遊戲勝出, 洞悉到遊戲規則係一個開始. 雖然話係好無奈, 要隨波逐流, 適時務宜. 但係其實去到咁上下, 心裡會好清楚, 响玩遊戲之餘, 點样去做人, 有d野係有得揀.

作為一個普通市民, 如果係晌佢唔相信但較熟識既祖國發生, 多數只會啞忍自嘆倒楣, 即係唔滿意遊戲玩法同結果但係無奈接受. 但佢去左以為有公義既國家, 誤解遊戲規則, 以為自己仲有籌碼, 結果賠上性命, 唔係因為佢有咩自己既睇法, 只係未清楚人家的遊戲.

作者: 飛毛腿 時間: 2011-6-28 13:32

引用:

原帖由 Rainybreeze 於 2011-6-27 02:43 發表
有位綱友同小弟講開 Sunny Sheu 事件既真假可信性情度.

綱上既野, 大家都唔知, 不過當中上utube牽涉既法官同 FBI執法人員都有名有姓, 如果係假, 就睇下可以留晌utube幾耐.

公義嘛, 美國佬d公義真係好精彩，坎貝 ...

Sunny Sheu 唔係自己晌網上寫內幕
係向呢間報社 - Black Star News 自稱為 New York's leading investigative newspaper
我估佢都係一間地方小報﹐不過就以爆黑幕為賣點
Sunny Sheu 唔想向紐約時報、華盛頓郵報呢種全國性大報爆料咩
人哋啋佢都傻
呢 d 大報有自己嘅傳媒大亨後台﹐爆咩料係有特定政治目的
點會為一條無權無勢無政治背景乜叉都冇嘅黃面佬出頭挑戰既得利益
Sunny Sheu 條想大衛挑戰哥利亞 - 即係我哋中國佬話齋 "螳臂擋車"
就係自尋死路
當年嘅李文和就骨聲吞咗佢保住條命仔

作者: 飛毛腿 時間: 2011-6-28 13:46

西方國家嘅所謂遊戲規則
就係規則由我定﹐但當遊戲玩玩吓形勢轉為對自己不利的話
就立即改規則﹐以前 d 規則當放屁

比如家陣利比亞
明明聯合國通過嘅決議只限於設立禁飛區
佢哋就轟炸卡達菲嘅政府軍、所謂軍事目標同卡達菲藏身地方
其實家下根本就係以國家力量向卡達菲進行謀殺
正如拉登單 case 就係徹頭徹尾嘅謀殺或者類似黑社會仇殺
以前送納粹頭子同東條英機之流嘅戰犯上絞刑架前
做好做醜都經過軍事法庭審判
點知踏入 21世紀今日竟然以國家力量去做黑社會式街頭斬人
規則 ?

作者: KMY89 時間: 2011-7-1 09:53

引用:

原帖由 飛毛腿 於 2011-6-28 13:46 發表
西方國家嘅所謂遊戲規則
就係規則由我定﹐但當遊戲玩玩吓形勢轉為對自己不利的話
就立即改規則﹐以前 d 規則當放屁

比如家陣利比亞
明明聯合國通過嘅決議只限於設立禁飛區
佢哋就轟炸 ...

100% Agreed

作者: 無神論狂徒 時間: 2011-7-1 18:42

係程度問題,公義去到邊都冇,但係有程度之分~在透明度高的地方,因為較多眼晴望著,可能會好少少~
你不會祈望北韓會有公義~美國都唔會有,但應該會好少少
但係美國在世界上是強姦公義的大鱷

作者: masuk 時間: 2011-7-1 21:50

引用:

原帖由 無神論狂徒 於 2011-7-1 18:42 發表
係程度問題,公義去到邊都冇,但係有程度之分~在透明度高的地方,因為較多眼晴望著,可能會好少少~
你不會祈望北韓會有公義~美國都唔會有,但應該會好少少
但係美國在世界上是強姦公義的大鱷

強姦公義的大鱷應該會好少少？
呢句说话如果不是一厢情愿的想法，
至少已经在迷信美国代表光明正义，
并以此做标准，把不认同的都视作黑暗邪魔。
于是无视美国到处轰炸，任意通缉人的事实.....
竟同情地认为在程度上“可能会好少少”。
实际上，无论从哪个程度看：大鱷始终都系大鱷。
本质决定本性，不可能有“好少少”的大鱷。

作者: Rainybreeze 時間: 2011-7-2 13:04

引用:

原帖由 無神論狂徒 於 2011-7-1 18:42 發表
係程度問題,公義去到邊都冇,但係有程度之分~在透明度高的地方,因為較多眼晴望著,可能會好少少~
你不會祈望北韓會有公義~美國都唔會有,但應該會好少少
但係美國在世界上是強姦公義的大鱷

如果了解下西方既公義, 會留意到, 由聖經既道德, 至行為既經濟哲學, 去到尾都係個錢字.

有錢既時候, 可以玩d漂亮既公義, 發財立品嘛. 無錢?! 咁...., 公義係會難睇d.

當香港都在討論 Sunny Sheu 既時候, 咁..., 美國本土既當權者, 傳媒, 同國民有會討論d咩? 咁世界其他滿口仁義道德既福祿壽呢?

強姦公義既係美國政客, 定係美國國民?

艾未未如何, 如何..., 中國人權如何, 如何...., 公義應該係點? 最基本應該係可以回家生存下去, 相信 suuny sheu 會同意.

作者: 無神論狂徒 時間: 2011-7-2 15:18

引用:

原帖由 Rainybreeze 於 2011-7-2 13:04 發表

如果了解下西方既公義, 會留意到, 由聖經既道德, 至行為既經濟哲學, 去到尾都係個錢字.

有錢既時候, 可以玩d漂亮既公義, 發財立品嘛. 無錢?! 咁...., 公義係會難睇d.

當香港都在討論 Sunny Sheu 既時候, 咁 ...

我唔反對你個睇法～我都係咁認為。
有錢就更有能力去掙取公義，或者扭曲公義。

透明度高，多人望著，比較難玩弄公義，但係都有好多暗招去玩公義～
有啲國家，透明度低，冇人睇到，要玩弄公義要摘日乎？玩你咪玩你囉～

你諗吓如果曾特首在市民面前殺咗人，你估佢會點吖？又再諗吓金正日在國民面前殺人，又會點呢？
其實冇得好拗～～太明顯。

作者: 飛毛腿 時間: 2011-7-2 21:57 標題: 回復 17# 的帖子

>>>透明度高，多人望著，比較難玩弄公義，但係都有好多暗招去玩公義～

如果你用香港做例子仲有少少說服力
香港回歸後冇所謂統治者
個個都係打份工搲糧心態﹐冇必要做到絕去犯眾憎
坐到夠鐘攞份退休金﹐印印腳食長糧
高官就食尾糊﹐一係去私人企業﹐一係等派餅仔 - 委任去做咩半官方機構主席
冇咩公義唔公義﹐總之按 "機制" 辦事﹐用百九幾年嚟嘅官僚程序遊花園過日神

但講話美國乜叉 " 透明度高，多人望著，比較難玩弄公義 " 就係得啖笑
俾香港濕九傳霉洗腦嘅結果

>>> 又再諗吓金正日在國民面前殺人，又會點呢？

你成日攞北韓做例子
你對北韓瞭解有幾多？你去過北韓？你晌北韓住過？
香港濕九傳霉有邊個入過北韓採訪？傳霉對北韓嘅認識比你深幾多？
咪又係轉載咩美聯社、韓國通訊、日本共同社之類
金日成晌韓國通訊社、日本共同社嘅報導中早就死完又死幾次

作者: 無神論狂徒 時間: 2011-7-2 23:34

引用:

原帖由 飛毛腿 於 2011-7-2 21:57 發表
>>>透明度高，多人望著，比較難玩弄公義，但係都有好多暗招去玩公義～

如果你用香港做例子仲有少少說服力
香港回歸後冇所謂統治者
個個都係打份工搲糧心態﹐冇必要做到絕去犯眾憎
坐到夠鐘攞份退休 ...

咁不如咁講～
在大庭廣眾殺人，同在暗室殺人；邊個容易吟得甩呢～～其實冇乜好拗～呢啲係常理推敲～

作者: 飛毛腿 時間: 2011-7-3 17:05

後續發展 ....

報導 Sunny Sheu 呢單嘢嘅作者 William Galison
發覺屋企外有架銀色貨 van 非法停泊晌街上
佢諗起 Sunny Sheu 死前亦係有架銀色貨 van　監視佢
佢於是影低個車牌﹐行埋架車度．．．
見到車頭玻璃放咗一塊布林克林區警署泊車証
其時有條友行埋嚟問佢 : " 你有咩事？"
佢就話呢架車非法泊車
條友指指另一邊話 : 同條差佬講啦
作者問 : 差佬晌邊？
條友 : 晌你老母 x
" 乜話？"
" 你老母 x "
作者攞部電話想影低佢...
條友撲向作者箍住佢條頸推佢埋牆大吼 " 你影我相﹐我就頭都打爆你"
有女人同細路經過﹐大驚叫 " 報警啦 "
條友話 " 係囉﹐快報警囉 "
報條毛咩﹐架車車頭都貼住警署泊車証...
呢件事發生晌前幾日 - 6月29日

作者知道自己俾紐約警方昅實
佢去報警冇用﹐去搵 FBI 冇用﹐去搵咩議員都冇卵用....
不過佢自我安慰﹐佢同 Sunny Sheu 唔同 ( 起碼作者唔係黃面佬 )
佢識得有 D 政府高官 ( 甚至紐約警界內都識人 )
做低佢會付出高昂代價.... 佢自己咁認為
佢家下要好似 Sunny Sheu 咁拍低段 video
要將 Sunny Sheu 單嘢及所有文件發散去俾其他傳媒同佢朋友
造成一個現象就係再做瓜佢一個人都唔可以滅口

陰功！

家下係唯一呢個做法有希望保住佢條命... 佢自己認為

呢個就係所謂講人權嘅民主法治社會嘞

http://www.zerohedge.com/article/william-galison-author-article-murder-sunny-sheu-assaulted-and-threatened-undercover-cop

[ 本帖最後由飛毛腿於 2011-7-3 17:07 編輯 ]

作者: Rainybreeze 時間: 2011-7-3 18:50

William Galison 有d 誤會, 响下面個blog 做咗澄清.

http://sunnysheu.blogspot.com/

作者: 飛毛腿 時間: 2011-7-20 14:22

爆料丫嗱
終於  " 離奇死亡"

【本報綜合報道】英國《世界新聞報》前娛樂新聞記者霍爾（Sean Hoare），去年站出來指控《世》報前總編輯庫爾森在幕後主使竊聽，揭開竊聽風暴的序幕。但他日前離奇死亡，終年四十七歲。警方初步認為死因無可疑，不排除為自殺。但友人透露，霍爾最近變得孤僻和疑神疑鬼，更聲稱怕被政府捉走，情緒大受困擾。

曾稱「政府內有人要搞掂我」    當地時間前日早上，赫特福德郡警方在霍爾住所發現其屍體，暫未確定死因，疑是自殺。但其好友指霍爾聲稱惹上麻煩，說「政府內有人要搞掂我」，又常躲在家中、拉下窗簾，求別人幫忙隱瞞行蹤。

唔知佢點死 - 未確定死因
但認為死因無可疑  - 死因係乜都未知就覺得冇可疑？

作者: 志專 時間: 2011-7-21 18:30

引用:

原帖由 飛毛腿 於 2011-6-25 20:28 發表
不過咁又點？
佢終於晌錄低短片後三個月真係冬瓜豆腐
而紐約警方認為 “ 冇刑事成份” 嘅冬瓜豆腐
最搞笑係最後佢條屍俾人攞去火葬 – 授權火葬者竟然係唔識佢嘅人
( 詳情係點我都唔知﹐係幫佢 ...

傻仔,美國講公平係同自己國民講,唔係同你遠東地區講.你睇下如果當事人係條白鬼(強調係白鬼,黑鬼都唔得),睇下會唔會有人夠膽(旭)佢,你條遠東佬7下7下去到美國當正自己係白鬼,死十次都唔夠啦.

作者: 維圓阿伯 時間: 2011-7-22 15:25

陀地亦不見好得幾多
土豪劣紳為保僭建聲聲[起革命]
圍正苦
於是正義司法就頻頻執法
好戲連場
老廉原來是東廠
土佬地保陸續上法庭
政府狼牙棒就是司法

[ 本帖最後由維圓阿伯於 2011-7-22 15:40 編輯 ]

歡迎光臨香港 Xocat Forum 討論區 (http://p.xocat.com/p/)