香港 Xocat Forum 討論區 - Powered by Discuz! Board

標題: [檔案] 樓盤名 [打印本頁]

作者: suewong 時間: 2011-7-10 16:07 標題: 樓盤名

惡俗的樓盤名

http://hk.apple.nextmedia.com/template/apple_sub/art_main.php?&iss_id=20110710&sec_id=12187389&art_id=15417062&cat_id=14345084&coln_id=6257110

說香港有地產霸權，廣告人確有助紂為虐，推波助瀾，責無旁貸。樓盤廣告越豪越好，已由浮誇走向惡俗， filthy rich腥臭沖天，炫富暴發萬佛朝宗，驕妄奢華萬劫不復。失心瘋得失去知覺味覺醒覺。

看香港的樓盤名字已可知。《君臨天下》！霸氣露骨，拍檯拍凳，大概是全港最核突的樓盤名， chok到冇朋友，遠勝十個林峯廿個霆鋒。後來居上奮不顧身勢者甚眾，詰屈聱牙如《盈峰翠邸》有之，大款劣俗如《富甲半山》有之，騎呢畸怪如《現崇山》有之。近來代表作首推令一眾矯揉造作樓盤名靠邊站、個人認為屬頂極驚慄的是：《盛薈》。命名很難，我自己的其中一個樓盤命名守則已說過很多次，是「經得起乘的士的考驗」：去盛薈吖唔該！你不臉紅難為情我都吐血噴飯。廣告文字，說人話是基本。

今非昔比。我在 DDB第一個參與創作的樓盤企劃，是《駿景園》，望沙田馬場，算豪宅了，名字還容許紮紮實實的，時為 97前。同期我寫過《雅典居》的樓書，客戶是新鴻基，當時的客戶主腦是 Alfred So（蘇生也曾被封樓神），寫一兩句「鍾靈毓秀」，「碧波雪海極目收」，他會欣賞。現在的樓盤一味「豪」「御」「皇」「貴」， 25小時財大氣粗。那時其他樓盤好像還有《鹿茵山莊》，不誇張不囂張的，武俠小說的人物還可以住進去，更早期的逸廬、曉廬之類，西門吹雪文人雅士還勉強可以走出來。那時，曾有一個超貴的樓盤要推，好像是在《陽明山莊》還是淺水灣那類地段那級數的真正豪宅，根本不會做大型廣告推廣，祇會做一本精緻有格調高品味的簡雅樓書，以 direct mail形式送到真正的 privileged few手上，這才是真正的罕貴"exclusive"。

多年後我成了 ECD，遇上一個非常尊貴的樓盤，共十間獨立屋，每間過億，實地考察，屋內有電梯，我們笑說中幾千萬六合彩都要中幾次才買得起，可惜是之後莫財交幾十萬一個月的管理費。同事與客戶開會回來，提到也要替客戶的樓盤命個厲害的名，否則只用他們的 working name，好像「沒做嘢」，我建議不必，什麼豪御皇貴，都及不上門牌曰：《香島道 33號》。那個樓盤廣告，沒有洋人俊男美女飛機大炮，只銷「將罕有變成擁有」，因為 old rich是深居幽靜，不尚奢華，發財立品，免沾土豪暴發腐朽之氣。客戶即場 buy之。

幾時，我已不知香江如此多嬌，左連愛琴海，右逢法國南部，處處不是山明水秀，就是貴胄風流到你嘔為止，千篇一律。
北水南調之後是水土不服。出賣了價值觀和品味。

擺闊擺大款宣示國力軍力的國家，人民以買豪宅為宣示財富的捷徑。

曾經，香港人北上買別墅式住宅不過叫碧桂園五星級的家，歡天喜地貪價格廉宜；如今，大陸人南下擲金買帝王式豪邸盡是「御」、「殿」、「璽」，最緊要貴。曾經我們住的是××「大廈」、中半山東半山有的是「台」和「園」，老派如《瑞士花園》、《松柏新村》，中產如《太古城》、《黃埔花園》，幾時全都自我諸侯化割地封疆，不是稱皇就是住殿。

豪門名門，都是朱門，酒肉惡臭。

作者: suewong 時間: 2011-7-10 16:10 標題: 回復 1# 的帖子

個人對於天比高, 君臨天下等名稱, 覺得真是擔當不起...

作者: 大隻西 時間: 2011-7-10 22:19

引用:

原帖由 suewong 於 2011-7-10 16:10 發表
個人對於天比高, 君臨天下等名稱, 覺得真是擔當不起...

有電視流盤廣告，背景係打馬球，九唔搭七，睇到我講粗口，句句Duty free

作者: flowingwater 時間: 2011-7-10 22:30 標題: 回復 3# 的帖子

DUTY FREE..!!!

第一次聽.
國內有高尚住宅發展商.
喜歡叫旗下物業XX一品.

作者: 大隻西 時間: 2011-7-10 22:57

引用:

原帖由 flowingwater 於 2011-7-10 22:30 發表
DUTY FREE..!!!
第一次聽.
國內有高尚住宅發展商.
喜歡叫旗下物業XX一品.

我介紹水哥，窩打老道8號，油麻地果欄公廁對面

作者: flowingwater 時間: 2011-7-10 23:21 標題: 回復 5# 的帖子

聽過.係油MA地戲院邊.
都係住隱形山莊先..

作者: mtpen 時間: 2011-7-11 19:16

引用:

原帖由 flowingwater 於 2011-7-10 23:21 發表

都係住隱形山莊先..

橫惦香港啲樓都係起嚟俾燦佬炒嘅，佢哋又咁鍾意乜山物山，不如投其所好，叫「井崗山」、「威虎山」，又或者「八寶山」咁咪幾好！

甚至為啲貪官起座叫「恩重如山」嘅樓盤，專供啲穿櫃樋、吃裡爬外嘅共產黨員炒賣套現，等所有飲黨嘅奶長大嘅黨員幹部掘完第一桶金之後都對國家有所表示！

作者: fkc123321 時間: 2011-7-26 22:47

引用:

原帖由 mtpen 於 2011-7-11 19:16 發表

橫惦香港啲樓都係起嚟俾燦佬炒嘅，佢哋又咁鍾意乜山物山，不如投其所好，叫「井崗山」、「威虎山」，又或者「八寶山」咁咪幾好！

甚至為啲貪官起座叫「恩重如山」嘅 ...

http://www.hkej.com/template/blog/images/blog_index/c823207_1.jpg

作者: dw194711 時間: 2011-8-12 15:44

唔好out住，遲D講少少嘢。

作者: dw194711 時間: 2011-8-15 16:23

冇錯，香港的樓盤命名真的越來越過份，都不知是自卑、自大還是無知?我覺得係典型的暴發戶心態。一個1000方呎（實用面積）不到的單位，都可以叫做豪宅?香港豪宅的定義就係咁咋?
在我這裡，沒有5000方呎以上（在這裡買賣房屋一定是計實用面積，冇人會計建築面積）加上過萬方呎前後花園的獨立屋都唔敢叫豪宅。
以上都係順口up下。
其實我係想講下香港最近十多年來既地方命名（尤其是公共屋邨），真係不知所謂，尤其是我哋呢D離開咗香港廿年，但每年都返來一、兩次探親的人，真係俾佢搞到唔知訂，好似去咗一個陌生地方。以前香港的地方名，係非常之有特色及極有指導性，容易記住，好似：北角、石塘咀、鑽石山、老虎岩、牛頭角、西貢、何文田、土瓜灣、大坑、大角咀、葵涌、西營盤...一聽見就知道在那裡，在那一個方向，根本唔使諗。
但最近十多年來，新市鎮、新屋邨如雨後春筍，但命名卻全無特色，甚至九唔搭八，令人難以記憶。例如：興東邨、利東邨、富東邨、愛東邨、康東邨、耀東邨...，相信問番D香港人以上呢D乜乜東東邨在那裡，好多都未必答到。又如：澤安邨、麗安邨、利安邨、長安邨...好多都係一樣，睇黎好似有D關連，原來全無關係。所以我每次回港，都係去自己熟悉的老區，一來可以懷下舊、又唔會蕩失路

。至於果Ｄ新市鎮、新屋邨，除非有人帶路，否則一概太極推手了。

作者: suewong 時間: 2011-8-15 17:33

引用:

原帖由 dw194711 於 2011-8-15 16:23 發表
冇錯，香港的樓盤命名真的越來越過份，都不知是自卑、自大還是無知?我覺得係典型的暴發戶心態。一個1000方呎（實用面積）不到的單位，都可以叫做豪宅?香港豪宅的定義就係咁咋?....

但最近十多年來，新市鎮、新屋邨如雨後春筍，但命名卻全無特色，甚至九唔搭八，令人難以記憶。例如：興東邨、利東邨、富東邨、愛東邨、康東邨、耀東邨...，相信問番D香港人以上呢D乜乜東東邨在那裡...

我見過有建築面積 400 多呎, 實用 200 多的新樓, claim 係豪宅...

最攞命係同一區既公屋/居屋, 一模一樣, 名又相近. 所以我覺得香港的士司機好 let...

作者: dw194711 時間: 2011-8-16 10:04

引用:

原帖由 suewong 於 2011-8-15 17:33 發表

我見過有建築面積 400 多呎, 實用 200 多的新樓, claim 係豪宅...

咁就真係搞笑。

作者: suewong 時間: 2011-8-16 13:48

引用:

原帖由 dw194711 於 2011-8-16 10:04 發表

咁就真係搞笑。

因為賣萬多元一呎...

歡迎光臨香港 Xocat Forum 討論區 (http://p.xocat.com/p/)