香港 Xocat Forum 討論區 - Powered by Discuz! Board

標題: 無線勁歌金曲真係失敗到貼地！ [打印本頁]

作者: Doer 時間: 2007-1-13 21:13 標題: 無線勁歌金曲真係失敗到貼地！

1. 完全唔尊重歌手，當人地係馬騮，d歌手得獎連多謝說話都無興趣講

2. 死人曾志偉，低級趣味，仲以為好in，他的所為幽默風趣，out廿年啦！

3. 劉德華又拿創作金獎！！救命！！！！！真係唔知無線明白唔明白，咁樣做其實係串他啊！！！！

作者: Doer 時間: 2007-1-13 21:17

其實大家都明白，所謂獎項其實有好多商業因素，就算商台903頒獎禮都一樣係講關係，但起碼人地都算尊重歌手，上台歌手覺得感動係因為感到被欣賞被稱讚！頂你個肺，無線都唔知為乜？整到個show cheap曬！

無線那些廢物節目監製，以為自己係度做緊歡樂今宵！！！

作者: Doer 時間: 2007-1-13 21:32

香港樂壇要靠"大哥級人馬"先撐得住？所以要高舉劉德華？

香港樂壇變左黑社會？要靠關係靠疊馬？實力，與音樂的水平已經再無半點關係？

已故黃家駒說過：香港沒有樂壇，只有娛樂圈！

看來是真的！

今晚開場時，竟然係由曾志偉把口鼓勵歌手支持流行樂壇，搞好香港的音樂！真係笑爆嘴！！！

作者: ppp1123 時間: 2007-1-13 22:54

認同！

另，有咩理由TWINS個首咁唔HIT既歌都囉到架！！

作者: wallace2006 時間: 2007-1-13 23:09

the worst 勁歌金曲 in these 25 years.

作者: Doer 時間: 2007-1-13 23:19

睇左成晚，終於睇到唯一一樣合理的事情：陳奕迅得最受歡迎男歌星！！

好，就因為咁，我唔鬧啦！

作者: xteve 時間: 2007-1-14 00:53

Some surprises:

Twins record label managed to help them fight for a Top 10 song... That song should have been Miriam "大傻".

Twins and Joey company managed for fight 2 more awards for them in getting Mandarin Silver and Bronze award! By right we all know that nobody can win Jay in Chinese songs...

The duet songs are the most surprising awards. I thought the Kely and Linda song would surely get in, because Linda Wong is TVB's treasure, but they did not win! Surprised that Miriam and Edmund duet did not win. Instead,銀獎 - 愛與被愛主唱: 王浩信、梁晴晴 won silver award. I have hardly heard the song and I don't think it was even in Jade Solid Gold weekly Top 10 chart before

Kelly almost got nothing at all for the entire night but win a consolation prize for Asian Female, but I don't remember that she even release a Mandarin album in 2006 at all. How does she qualify?

Initially it was agreed that Jill will get Best Newcomer Silver and her boyfriend will get Bronze. Maybe last minute his recording label managed to fight a silver for him...

[ 本帖最後由 xteve 於 2007-1-13 05:22 PM 編輯 ]

作者: 網絡大貴賓 時間: 2007-1-14 01:14

一場遊戲,得得失失又何須介懷

作者: tonywong3838 時間: 2007-1-14 10:10

All the show is rubbish

作者: baby200 時間: 2007-1-14 11:23

無綫琴晚好似「滿清政府」甘。。向英皇「割地賠款」

我覺得琴晚成個show好似對英皇賠罪甘
曾生又彎腰
又低頭
又自貶
t.v.b又比好多獎英皇。。。好似滿清政府割地賠款甘

作者: Gackt 時間: 2007-1-15 02:48

所以咁多年黎我都係覺得叱吒最好睇(雖然叱吒都係談不上公平公正)但最起碼佢地d DJ都會表演下得獎既又有足夠時間講下感受個晚(張敬軒張繼聰王菀之方大同個段表演都幾好睇)一個頒獎禮好唔好睇氣氛同歌手投唔投入我覺得都幾緊要 tvb個所謂頒獎禮連我阿媽咁唔留意樂壇都話今年亞太區最受歡迎男/女歌手咪又係個2個

[ 本帖最後由 Gackt 於 2007-1-15 03:15 AM 編輯 ]

作者: xteve 時間: 2007-1-15 09:26 標題: 陳慧琳呻正東弱勢社群天后遭殃僅獲一獎

明報專訊】正東一姐陳慧琳專誠從上海趕返香港，扮得靚靚出席前晚舉行的「十大勁歌金曲頒獎典禮」。這是Kelly今年唯一出席的音樂頒獎禮，但她卻被安排在歌手席上坐至尾聲，才獲頒已連續6年奪得的「亞太區最受歡迎香港女歌星」，難怪她感到失望。Kelly完騷後忍不住開火，炮轟所屬的唱片公司是弱勢社群，未盡全力為她爭取獎項。

Kelly在「勁歌」中僅獲「亞太區最受歡迎香港女歌星」，她出席慶功宴時坦言感到失望，還力斥唱片公司未能配合她的努力。Kelly說：「幸好最後也得到大獎，很難得呀！我最初以為10首金曲中，我會得到一首，真的很失望！」

直斥公司欠努力

問到日後可會加倍努力？Kelly即語帶不滿說：「沒有用的！時勢已不同了，不是歌手努力就夠，公司也要努力，要一起努力才可！」言下之意，是否認為唱片公司不夠努力？「是！但我不認為公司將心機都放陳奕迅身上才忽略我，Eason一早就應該得到『男歌星』獎；其實Eason只得很少獎，不過都有大獎呀！」

據悉，原本Kelly有金曲入圍，但無綫為了安撫未能獲「最受歡迎男歌星」的古巨基所屬之金牌唱片，唯有犧牲天后，讓側田拉車邊入圍；Kelly甚至連與汪明荃合唱的《自由女神》，也敗於金牌旗下歌手方力申、鄧麗欣的《十分．愛》。以Kelly今天的樂壇地位，當然不能扮輸得心服口服了。

作者: kenny01 時間: 2007-1-15 10:07

引用:

原帖由 Doer 於 2007-1-13 09:13 PM 發表
1. 完全唔尊重歌手，當人地係馬騮，d歌手得獎連多謝說話都無興趣講

2. 死人曾志偉，低級趣味，仲以為好in，他的所為幽默風趣，out廿年啦！

3. 劉德華又拿創作金獎！！救命！！！！！真係唔知無線明白唔明白 ...

點解劉德華唔拿得創作金獎,唔係盲目支持,而係當今有幾多歌手
有膽好似佢咁,出張十首都係有意義既非情歌

重要自己寫半隻碟既歌詞喎......唔知點解,大家覺得作曲既係創作人
但永遠唔覺得填詞既係創作人

我覺得響香港成為金曲既歌,詞既重要性, 隨時比歌更高

作者: 天劍@office 時間: 2007-1-15 12:12

引用:

原帖由 kenny01 於 2007-1-15 02:07 AM 發表

點解劉德華唔拿得創作金獎,唔係盲目支持,而係當今有幾多歌手
有膽好似佢咁,出張十首都係有意義既非情歌

重要自己寫半隻碟既歌詞喎......唔知點解,大家覺得作曲既係創作人
但永遠唔覺得填詞既係創作人
...

同意

不過勁歌真係爛到
我睇左以為係一個搞笑show

我睇左商台的小小，但氣氛完全唔同

作者: Gackt 時間: 2007-1-15 16:33

引用:

原帖由 xteve 於 2007-1-15 09:26 AM 發表
明報專訊】正東一姐陳慧琳專誠從上海趕返香港，扮得靚靚出席前晚舉行的「十大勁歌金曲頒獎典禮」。這是Kelly今年唯一出席的音樂頒獎禮，但她卻被安排在歌手席上坐至尾聲，才獲頒已連續6年奪得的「亞太區最受歡迎香 ...

講真俾我係老闆都捧eason啦呢個世界好現實既

作者: 6769 時間: 2007-1-15 16:35

引用:

原帖由 Gackt 於 2007-1-15 02:48 AM 發表
所以咁多年黎我都係覺得叱吒最好睇(雖然叱吒都係談不上公平公正)但最起碼佢地d DJ都會表演下得獎既又有足夠時間講下感受個晚(張敬軒張繼聰王菀之方大同個段表演都幾好睇)一個頒獎禮好唔好睇氣氛同歌手投唔投 ...

話雖如此, 商台何況唔係年年都係軟硬天師 !

加埋俞x既les喜好, 何c都得金獎啦 !

天下烏鴉一樣黑 !

作者: 6769 時間: 2007-1-15 16:38

引用:

原帖由 Gackt 於 2007-1-15 02:48 AM 發表
所以咁多年黎我都係覺得叱吒最好睇(雖然叱吒都係談不上公平公正)但最起碼佢地d DJ都會表演下得獎既又有足夠時間講下感受個晚(張敬軒張繼聰王菀之方大同個段表演都幾好睇)一個頒獎禮好唔好睇氣氛同歌手投唔投 ...

話雖如此, 商台何況唔係都係軟硬天師 !

加埋俞x既les喜好, 何c都得金獎啦 !

睇下呢d似咩推介....
《好兄弟》軟硬天師
《光明會》何韻詩
《紅綠燈》鄭融
《大愛》許志安
《小峽谷之1234》薛凱琪
《愁人節》謝安琪

天下烏鴉一樣黑 !

[ 本帖最後由 6769 於 2007-1-15 04:40 PM 編輯 ]

作者: Gackt 時間: 2007-1-15 16:49

引用:

原帖由 6769 於 2007-1-15 04:38 PM 發表

話雖如此, 商台何況唔係都係軟硬天師 !

加埋俞x既les喜好, 何c都得金獎啦 !

睇下呢d似咩推介....
《好兄弟》軟硬天師
《光明會》何韻詩
《紅綠燈》鄭融
《大愛》許志安
《小峽谷之1234》薛凱 ...

作為觀眾我覺得叱吒比TVB可觀性依然為高 (我認同天下烏鴉一樣黑)

[ 本帖最後由 Gackt 於 2007-1-15 05:04 PM 編輯 ]

作者: sweeper 時間: 2007-1-16 05:00

最差的當然是矮仔司儀,語無倫次!

作者: 港奸剋星 時間: 2007-1-16 09:00

平心而論
Kelly有權,而且應該轟唱片公司的
不過,依家各傳媒似乎都爭新仔﹑二線
下年Kelly相信更難過

作者: 鴨頭 時間: 2007-1-16 09:48

引用:

原帖由 kenny01 於 2007-1-15 10:07 AM 發表

點解劉德華唔拿得創作金獎,唔係盲目支持,而係當今有幾多歌手
有膽好似佢咁,出張十首都係有意義既非情歌

重要自己寫半隻碟既歌詞喎......唔知點解,大家覺得作曲既係創作人
但永遠唔覺得填詞既係創作人
...

填詞絕對係創作人 , 劉德華係創作人 , 十幾年填詞超過 100 首

作者: 鴨頭 時間: 2007-1-16 10:25

引用:

原帖由 Doer 於 2007-1-13 09:17 PM 發表
其實大家都明白，所謂獎項其實有好多商業因素，就算商台903頒獎禮都一樣係講關係，但起碼人地都算尊重歌手，上台歌手覺得感動係因為感到被欣賞被稱讚！頂你個肺，無線都唔知為乜？整到個show cheap曬！

無線那 ...

無線那些廢物節目監製，以為自己係度做緊歡樂今宵！！！

問問閣下是否電視台 , 電台出身廢物節目監製是個人感受定係專業判段 , 兩個頒獎禮 , 用兩種媒體完全唔同電視睇實個show , 電台聽實個show , 兩者節目監製被閣下評為電視台廢物節目監製 , 電台節目監製

作者: oo123 時間: 2007-1-16 13:56

廢物節目 !!

作者: xteve 時間: 2007-1-16 21:18 標題: 志偉讚祖兒被指假到爐火純青

明報專訊】無綫《十大勁歌金曲頒獎典禮》賽果引起不少是非，昨日網上有人舉辦搞笑版《十大勁歌金曲頒獎金草莓提名》，側田、曾志偉、楊千嬅、劉德華、張敬軒、黃柏高及廖碧兒均榜上有名。

側田獲提名「最佳男主角」，被網友批評用幼嫩演技去演繹不志在的驚訝及無知表情；曾志偉亦獲「最佳男配角」提名，因多番讚容祖兒及幕幕化干戈為玉帛的演技，被指假到爐火純青。

廖碧兒攞獎最黑暗

「最佳女主角」及「最佳女配角」提名分別是楊千嬅及Mani（容祖兒經理人），千嬅坐前排笑與不笑都上雜誌，但被評強行狂笑略嫌浮誇；Mani則被指及時對鏡頭流淚，有實力當影后。相對黃柏高因見陳奕迅奪得「最受歡迎男歌星」即時黑面，自己歌手得獎則笑笑口，提名「最真表情獎」。至於「最得人心獎」提名是張敬軒，皆因資歷淺卻獲同行及Fans支持。

劉德華被提名「最厚面皮獎」，原因指他獲得「金曲獎」及「亞太區最受歡迎香港男歌星」還不夠，又爭廣告歌及唱作人獎。被指因是無綫人做馬得「新人薦場飈星獎」的廖碧兒，被提名「最鬼黑暗獎」。

記者：葉靜文

作者: 天劍@office 時間: 2007-1-17 09:20

引用:

原帖由 xteve 於 2007-1-16 01:18 PM 發表
明報專訊】無綫《十大勁歌金曲頒獎典禮》賽果引起不少是非，昨日網上有人舉辦搞笑版《十大勁歌金曲頒獎金草莓提名》，側田、曾志偉、楊千嬅、劉德華、張敬軒、黃柏高及廖碧兒均榜上有名。

側田獲提名「最佳男主 ...

十大勁歌金曲頒獎金草莓提名》，
終於等到啦
去睇睇先
但係邊度有得睇

[ 本帖最後由天劍@office 於 2007-1-17 01:24 AM 編輯 ]

作者: sheepstreet 時間: 2007-1-17 10:08

所謂金曲頒獎，只不過係流行曲市場的副產品。

就好似財經節目係股市/樓市的副產品。
電影頒獎係電影市場的副產品。

當個主要產品，流行曲市場不斷縮小的情況下，頒獎節目一開始就無咩吸引力。

作者: baby200 時間: 2007-1-17 15:00

亞洲時報

熱點新聞追蹤《勁歌金曲頒奬禮》怨氣繞樑
捧起陳奕迅　傷了陳慧琳周慧敏

撰文尚仲仁　　　Tungstar提供圖片 2007/01/17, 週三

港府推行藍天計劃，終於證實徹底失敗──一個樂壇，已經怨氣衝天，污染指數，爆燈！

Twins在港台十優不入，小怨；李克勤、陳奕迅在勁爆得獎不夠古巨基多，再怨；容祖兒在叱咤敗於何韻詩，英皇怨；陳慧琳在勁歌僅得一個奬，大怨……

難怪佛都有火！
連最熱衷出席頒獎禮的劉德華，也有點意興闌珊：“現在的頒獎禮，不夠開心。唱片公司與經理人太計較得失，用獎作為交換條件，一切變得商業化！”

姑且一問，如果無線不賜華哥（劉德華的戲稱）四個大獎，下年他還會不會抽空光臨呢？出席率，也是另一種交換。

陳慧琳的怨氣是一首金曲也分不到。所以，向來與世無爭的陳慧琳，也忍不住公開發炮，正因為今年四大頒獎禮，到目前為止，她獨獨出席《勁歌金曲頒奬禮》，很明顯，事前有人告知，Kelly（陳慧琳英文名）到場必有收獲；她甚至言明，以為必有一首金曲，可惜坐了整晚冷板，只得意料之內的“亞太區最受歡迎香港女歌星”，難怪佛都有火！

或者你會問，Kelly在2006年有甚麼金曲？派台歌《毫無保留》、《一刀兩斷》、《自由女神》（與汪明荃合唱），記得歌名如我，都應該得“最佳記憶獎”；但觀點與角度，劉德華的《張開眼晴》、Twins的《你不是好情人》，又何嘗是實至名歸的“勁歌金曲”？

江湖傳聞，Kelly的“犧牲方程式”是──正東（新藝寶）要全力打低金牌，替陳奕迅爭取“最受歡迎男歌星”，無線顧得了Eason（陳奕迅的英文名），又恐觸怒了Paco（黃柏高的英文名），於是將原屬Kelly的一首金曲分給側田，甚至連最受歡迎合唱歌，也一併落入方力申與鄧麗欣手上，終於不歡而散，勞氣收場。

深知老爺心意

司儀曾志偉在開場時，感歎今年星光黯淡，呼籲歌手“少計較，多出席”，楊千嬅便身體力行，結果得到甚麼下場？歌手不計較，經理人與唱片公司也會計較，不想旗下大牌重蹈千嬅覆轍。
四大電子傳媒，一樣跟你計到底。說甚麼觀眾投票、專業評審，其實“只限個人意見，與本節目立場無關”，真正計算的是唱片公司出了多少力、歌手做了幾多騷、拍了幾多劇……

陳慧琳還好，到最後也可出場拿獎，楊千嬅坐了一晚，只是陪人家高興。

打從2001年，不知那位大臣想出絕世好橋，將“最受歡迎男女歌星”，分別頒給許志安與鄭秀文，引發最經典的“廚房宣言”之後，無線更要計多一樣－－得獎宣言夠不夠爆？

去年，契仔李克勤深知老爺心意，忽然在台上自爆結婚，觸發今年盛傳古巨基與陳慧琳翻抄舊橋，向無線獻媚，事實證明不確－－不確是兩位歌手並無此意，如果他們點頭，我深信無線一定收貨！

沒有人肯自爆結婚、生仔，如何是好？無線改為玩嘉賓，刻意邀請周慧敏頒發最受歡迎男歌星，以為得主必是好友古巨基嗎？無線一於反高潮，由陳奕迅勝出！

但這招的成效，我很有保留。對經常跑新聞的記者來說，的確有一刻意外，但換上一般普羅大眾，娛樂新聞只是過眼雲煙，他們會在短短幾秒之內，即時記得周慧敏與古巨基是好朋友，以為大獎必屬基仔（古巨基的暱稱）囊中物，然然後會為Eason的“驚喜”而驚喜嗎？

無線得到了甚麼？

這個安排，也傷了兩顆心。看見Vivian（周慧敏的英文名）出場，跟她情同姊弟的基仔，心裡必定冒起“還不是我”的漣漪，結果卻讓他無癮兼無面；Vivian更“火”到出面，當司儀問她：“你喜歡那個男歌星？” Vivian不但拒絕交戲，吐出“古巨基”三個字，還要語帶雙關：“我喜不喜歡不打緊，最緊要無線高層喜歡！”一矢中的。

古巨基與周慧敏在李克勤婚宴當日結伴出席。假設，Vivian早知無線詭計，刻意“潤”（廣東俗語，意近挖苦）高層一句，那，為何要當別人的棋子，損人不利“基”，一舉兩失？

聽說，這次擔任《勁歌金曲頒奬禮》嘉賓，雙方拉鋸了很久，Vivian反反覆覆，就是要無線確保她親手頒給古巨基才肯應允；到開騷前一天，她終於點頭了，身邊的工作人員也說：“如無意外，古巨基應是最受歡迎男歌星了！”

一語成讖。就在最後24小時內，意外出現了，到底是無線臨時變卦，抑或一早設計的彈弓手？不得而知。我只知，到最後，Vivian還是兌現承諾，依約站在台上，然而，機關算盡，無線得到了甚麼？

得到平均收視26點，相比去年，急降6點。

作者: HJ2127_ATR1 時間: 2007-1-17 15:58 標題: 回復 #1 Doer 的帖子

最唔掂就係：同上年一樣，有ｄ歌因為季中歌手冇出席優秀選而冇入選到，到總選又出現番。都唔知攪季中ｄ優秀選黎做乜。

作者: jimmy1001 時間: 2007-1-17 17:18

我覺得今年商台個 show 好看邊無線個 show。

作者: xteve 時間: 2007-1-17 23:11

This part is funny:

"打從2001年，不知那位大臣想出絕世好橋，將“最受歡迎男女歌星”，分別頒給許志安與鄭秀文，引發最經典的“廚房宣言”之後，無線更要計多一樣－－得獎宣言夠不夠爆？

去年，契仔李克勤深知老爺心意，忽然在台上自爆結婚，觸發今年盛傳古巨基與陳慧琳翻抄舊橋，向無線獻媚，事實證明不確－－不確是兩位歌手並無此意，如果他們點頭，我深信無線一定收貨！"

作者: 天劍@office 時間: 2007-1-18 10:20

引用:

原帖由 baby200 於 2007-1-17 07:00 AM 發表
亞洲時報

熱點新聞追蹤《勁歌金曲頒奬禮》怨氣繞樑
捧起陳奕迅　傷了陳慧琳周慧敏

撰文尚仲仁　　　Tungstar提供圖片 2007/01/17, 週三

港府推行藍天計劃，終於證實徹底失敗──一 ...

寫得好，完全贊同
尤其是那句：個人意見，與本台立場無關

作者: V.V 時間: 2007-1-18 10:44

I had given up these songs ceremonies for 3 years.

No eye see.

作者: riverjojo 時間: 2007-1-18 11:59

引用:

原帖由 Doer 於 2007-1-13 09:13 PM 發表
1. 完全唔尊重歌手，當人地係馬騮，d歌手得獎連多謝說話都無興趣講

2. 死人曾志偉，低級趣味，仲以為好in，他的所為幽默風趣，out廿年啦！

3. 劉德華又拿創作金獎！！救命！！！！！真係唔知無線明白唔明白 ...

大哥

明白什麼是 , 商業因素 , 有市場價值 , 好似死人曾志偉，低級趣味，仲以為好in，他的所為幽默風趣，out廿年啦！觀點問題 , 請問曾志偉唔得無線仲有邊位阿叻 dodo 阿旦汪阿姐 , 當晚出席歌手都是天皇天后 , 唔通搵個2打6來做, 分分鐘比d歌手寸反轉頭 , d大牌歌手一Q樣好寸

仲有一點
完全唔尊重歌手，當人地係馬騮，d歌手得獎連多謝說話都無興趣講

d歌手經理人完全知道 , 點解仲要去商業因素 ,同市場價值 , 做得娛樂圈就是這樣的 , 好似千燁明知無都去第日個個讚佢有體育精神 , 做唔做馬騮係好現實

作者: 鴨頭 時間: 2007-1-18 15:03

引用:

原帖由 Gackt 於 2007-1-15 04:49 PM 發表
作為觀眾我覺得叱吒比TVB可觀性依然為高 (我認同天下烏鴉一樣黑)

會否因為無記播出時剪輯得好 , 好睇D

作者: Gackt 時間: 2007-1-18 15:31

引用:

原帖由鴨頭於 2007-1-18 03:03 PM 發表

會否因為無記播出時剪輯得好 , 好睇D

我睇完整版冇cut

作者: bob+hong+kong 時間: 2007-1-18 19:22

唔好咁認真, 無線當它是一門生意看待, 最重要係利益回報.

作者: xteve 時間: 2007-1-18 21:19

But the viewership is dropping every year. In the long run, it will affect their "business" too.

作者: jimmy1001 時間: 2007-1-20 12:40

引用:

原帖由 xteve 於 2007-1-18 01:19 PM 發表
But the viewership is dropping every year. In the long run, it will affect their "business" too.

做得唔好睇，收視當然會趺啦！
唔知佢地識唔識得檢討

作者: PaulTam 時間: 2007-1-20 15:24

引用:

原帖由 xteve 於 2007-1-14 12:53 AM 發表
Some surprises:

Twins record label managed to help them fight for a Top 10 song... That song should have been Miriam "大傻".

Twins and Joey company managed for fight 2 more awards f ...

Actually, it is not wrong to say that TVB's show is rubbish. Where's Hins, Khalil? Their Mandarin songs should be much better than some guys who don't know what is singing!

作者: fetishman170 時間: 2007-1-20 18:50

thank you very much ~~!

作者: cchide1234 時間: 2007-1-28 00:57

我都同意，只不過係小圈子遊戲，D歌其實真係新不如舊

作者: toomuchtoeat 時間: 2007-1-28 16:49

引用:

原帖由 Doer 於 2007-1-13 23:19 發表
睇左成晚，終於睇到唯一一樣合理的事情：陳奕迅得最受歡迎男歌星！！
好，就因為咁，我唔鬧啦！

yes i agree!!

作者: 小文 時間: 2007-2-8 03:28

我覺得d頒獎禮唔應該俾咁多獎出去, 搞到cheap晒, 連攞嗰個都唔care, 睇嗰個點會care?

近呢10年8年d頒獎禮, 似鬧劇多於一切喇.

歡迎光臨香港 Xocat Forum 討論區 (http://p.xocat.com/p/)