香港 Xocat Forum 討論區 - Powered by Discuz! Board

標題: 示威群眾變質　混雜「有底」人士 [打印本頁]

作者: lollypod 時間: 2011-9-7 19:19 標題: 示威群眾變質　混雜「有底」人士

記者跟住隊人馬操到中環，亦觀察到一個現象，同過往示威唔同，就係群眾中出現一批紋咗身嘅人士，嗰種紋身係「老式」，好有江湖味，同o靚仔玩嘅新潮紋身好唔同，佢哋嘅談吐舉止亦同近年搞社會行動嗰班八十後激進青年有明顯分別。

記者目擊呢班友在現場兜口兜面指住警員「XYZ」鬧人哋娘親，個樣兇神惡煞，滿口街頭式粗言穢語，似足砵蘭街開拖互兇嘅場面。其中有個長髮金毛（似足「後生版長毛」）就行到最前「炒蝦拆蟹」，聲聲「死差佬」撩交打，完全唔似班學生哥。

到差人準備拉人，群眾中有人高叫「有家爺仔乸嘅，要返工嘅，先離場，差佬要拉人啦」，究竟講畀乜人知，只有佢哋自己知道。

兩個月前七．一遊行散隊後，有過千人強佔中環幾條主要馬路，其後警方拉人清場，拘捕咗二百幾人，帶返差館查問。據小弟得知，其中一批人曾涉及其他刑事案件被拘捕過，部分仍接受緊調查，個底唔多乾淨。

http://eastweek.com.hk/?aid=14913

呢個咪就係佢地要戴「V煞」面具既原因囉

歡迎光臨香港 Xocat Forum 討論區 (http://p.xocat.com/p/)