香港 Xocat Forum 討論區 - Powered by Discuz! Board

標題: 大家好, 我出書啦, 多多支持呀 [打印本頁]

作者: 167friday 時間: 2007-1-16 20:39 標題: 大家好, 我出書啦, 多多支持呀

近期小女子出左本新書, 就係講我響北京留學讀碩士的有趣生活架
有興趣去國內讀書, 或者鐘意睇攪攪地笑的散文,都唔好錯過呀

我本書叫做<留學記趣．北京＞
有關呢本書的資料
http://www.cp1897.com.hk/BookInf ... 19&SectionId=10

多多支持呀！請請

作者: 網絡大貴賓 時間: 2007-1-16 22:02

唔知我做野嗰度有冇得賣呢?
有既話,我會捧場

作者: kenny01 時間: 2007-1-17 09:28

難得來到timway留言
我都會支持下既.....呢兩日收工睇下有冇得買先....

但係會唔會有親筆簽名架

作者: bshing88 時間: 2007-1-17 13:38

想問下要出本書...要幾多$...有無推介丫..
MSN: [email protected]

作者: annieacc 時間: 2007-1-18 02:08

加油

作者: howard_1977 時間: 2007-1-20 00:07

樓主加油，支持！　　　　　　　　　　　　　　　　　

作者: ken-man 時間: 2007-1-20 13:55

有機會一定看看！　　　　　　　　　　

作者: 平淡生活 時間: 2007-1-24 01:38

也没有介绍一下。怎么知道好不好

作者: matata 時間: 2007-1-25 10:16

这年头出书那是巨难又巨容易。就像冯小刚说的那样，“我为什么说普通话，那是因为我只会说普通话。”这恐怕就是这年头出版界的真实写照。
还是要衷心的祝贺楼主，希望能够越写越好，讲白话人地也不会觉得辛苦。

作者: ray195719572 時間: 2007-1-26 11:34

support u ga!
thanks!

作者: ivan2 時間: 2007-1-26 14:51

加油，支持！祝贺楼主,有機會看看

作者: billchan 時間: 2007-1-26 15:22 標題: 支持

引用:

原帖由 167friday 於 2007-1-16 08:39 PM 發表
近期小女子出左本新書, 就係講我響北京留學讀碩士的有趣生活架
有興趣去國內讀書, 或者鐘意睇攪攪地笑的散文,都唔好錯過呀

我本書叫做<留學記趣．北京＞
有關呢本書的資料
http://www.cp1897.com.hk/Boo ...

不知可否請 167friday妹妹貼篇序文上來先睹為快呢？

( 嘻，阿標衹是隨意提出，不知版規淮許否？

)

作者: 167friday 時間: 2007-2-4 16:29

我唔係自費出書架, 有稿費的呢
正如樓上朋友講, 出書話難唔難話易唔易了

引用:

原帖由 bshing88 於 2007-1-17 13:38 發表
想問下要出本書...要幾多$...有無推介丫..
MSN: [email protected]

作者: 167friday 時間: 2007-2-4 16:44 標題: 作者簡介及序

to 阿標及所有有興趣的朋友
因為日前出門半月, 唔可以及時回大家, 貼一篇兩篇應該唔會有問題吧, 記得多多支持啊, 呵呵呵

<作者簡介>

七十年代生於香港，嗜好：吃東西、上網、看書以及偷懶。曾創下不眠不休連看七本小說餓至頭暈眼花心率不正常的記錄。因不懂得讀出賽馬馬匹的正確名稱，被家母謔稱為「文盲」。

文科理科樣樣都讀但無所精通，會考創出十分的「佳績」。早年混得工業學院電腦（商業應用）文憑一紙，但並不懂得編寫程式以及維修自己的電腦。一邊上班一邊完成香港公開大學人文社會學科文學士，現於北京師範大學攻讀漢語言文字學碩士學位，是為書蟲奇遇記。

<寫在前面>
收到取錄通知書那一刻，誇張點說，我知道自己往後的生命軌跡就會因此而改變。

離開香港，遠一點去看事情，才發覺原來幸福不是必然的。國內的人從小離家讀書以及生活，即使在困難之中仍然堅持不懈。「決心」就是香港新一代或者如我者半老不年輕的一代所最缺乏的品質，或許因為一切來得太容易，或許就是變成一條廢柴還有爸媽供養著。

留學的生活的確能改變一個人，在陌生的語言、遠離家人和朋友的陌生城巿中，就會有很多獨處的時間可以審視自己。不是活在日復一日的辦公室文件夾中時，有更多的想像空間，究竟未來要走一條怎麼樣的路？

老土說一句，在北京的三年學習和生活，帶給我很多在香港一輩子都不可能碰見的體驗。雖然書中好像寫了很多不滿的地方，其實這也只是為了攪笑而寫的；雖然偶然也有碰到令人不快的人，但這在任何地方都一樣。北京的三年生活讓我收穫了很多經驗和朋友，這是最重要和寶貴的。

達明一派的歌詞：「偶爾有個壯志未酬不必驚詫。」在這個有理想反而會被嘲笑的社會裏面，實現自己有理想是需要勇氣的。讀碩士雖然不算什麼壯志，但在一般人概念中要結婚生子的時間裏，卻跑去讀什麼碩士，這怎麼說也有點自討苦吃和有違常規的。在最初家人反對我去北京時，也感到很大的壓力，但是反正辭職了也就堅持自己想要做的吧。

在三年級的寒假回家度歲時，爸爸在某酒樓神秘兮兮的說：「或許是上天注定，那個傳說中的文人要生在我們家了。」爸才說起來祖先墳墓朝向一個筆架狀的山，後代必有文人出的說法。我不是迷信的人，也不在乎要不要成為一個文人，但聽到爸爸的一席話還是很高興的，高興在於到北京讀書這件事，在過了二年之後，終於得到爸爸的認同。在他的概念裏，讀中文系就是文人，他認同了讀書的是才會覺得這一切一切都是命中注定。

不知道未來的路向會怎麼樣流轉，不知道會不會賺很多錢，不知道會不會找到理想的工作，但是沒有後悔用三年的時間去北京讀書，去體驗一段在香港不可能經驗的日子。

作者: 天使儿 時間: 2007-2-5 02:26

睇下有冇得買，很少看書的

作者: 167friday 時間: 2007-2-5 09:18

呵呵, 十分謝謝!希望本書買得ok啦!

作者: billchan 時間: 2007-2-5 11:16

引用:

原帖由 167friday 於 2007-2-4 16:44 發表

to 阿標及所有有興趣的朋友
因為日前出門半月, 唔可以及時回大家, 貼一篇兩篇應該唔會有問題吧, 記得多多支持啊, 呵呵呵

<作者簡介>
七十年代生於香港，嗜好：吃東西、上網、看書以及偷懶。曾創下不 .........

....謝謝 167friday 回應貼文，嘻嘻，大家可以....小睹為快！

七十年代香港出生而自覺自動地成為文字愛好者可真是稀有動物，將愛好化為人生某段黃金歲月的追逐目標更是難得，支持！支持！阿標大力支持！

作者: 167friday 時間: 2007-2-5 15:03

我也沒有細想要追求一個怎麼樣的人生, 但係, 細個就好鐘意睇書, 日睇夜睇
後來返office工, 好悶同埋好似人生就係咁樣, 我唔想咁樣, 所以就走左去一個唔駛要好多錢都留到學的地方了
出書是因緣際了, 可以說是為我的這段日子, 留下一個實物的記念, 亦都為有志想去國內留學的朋友, 提供一些心理準備, 呵呵

作者: 98999899 時間: 2007-2-14 03:51

嘩！原來 e 道人才輩出

作者: 28性情中人 時間: 2007-2-22 16:33

引用:

原帖由 167friday 於 2007-2-4 16:29 發表
我唔係自費出書架, 有稿費的呢
正如樓上朋友講, 出書話難唔難話易唔易了

有时间和有兴趣分享的话, 可否PM到我的私人TIMWAY邮箱, 是怎样的一个机遇让出版社替你出书呢?
(发私人TIMWAY邮箱, 是避免个人推崇, 及怕违反板规)

先谢

作者: billchan 時間: 2007-2-22 16:49

引用:

原帖由 28性情中人 於 2007-2-22 16:33 發表

有时间和有兴趣分享的话, 可否PM到我的私人TIMWAY邮箱, 是怎样的一个机遇让出版社替你出书呢?
(发私人TIMWAY邮箱, 是避免个人推崇, ...

....唔怕喎！28性情中人兄（

順便拜個年先！

)，不如請 167friday小姐係呢度分享吓，大家有興趣的一齊得益！

作者: 28性情中人 時間: 2007-2-22 17:11

引用:

原帖由 billchan 於 2007-2-22 16:49 發表

....唔怕喎！28性情中人兄（順便拜個年先！)，不如請 167friday小姐係呢度分享吓，大家有興趣的一齊得益！

BILL兄, 祝你在新的一年
提鞭上马气纵横, 半壁江山笑吞天

当然, 如果167friday小姐唔介意, 公开分享更妙...

作者: 167friday 時間: 2007-2-22 19:46

大家好, 先同大家拜年, 祝大家身體健康, 萬事如意呀!
講到出書呢, 我都唔知係一個點樣的機遇來的, 不過亦不妨同大家分享
小女子咁耐出過三本書啦, 前兩本係響國內的出版社出的, 不過係同其他作者合著,
嚴格意義黎講唔算自己的作品, 先講前兩本
因為去北京讀書, 所以悶的時間好多好多, 人又無聊, 就找一d國內的出版呀投稿呀之類的forum
我找到果個叫紅榜網, 用google搜一下就出黎的了, 都ok多人的, 咁果度d貼要仔細睇,
因為好多人呃稿又唔比錢, 反正要有心理準備啦
咁o岩有一日見到一個書稿邀稿的消息>寫d無聊野的
諗住悶極無聊試下無壞, 就用qq add左個編輯按佢要求寫左d樣本佢睇
得左喎, 咁編輯就叫我寫大約五分之一的內容, 然後再加料叫我寫多另一本的四分之一
呢個就係我出第一同第二本書的經歷了

作者: 167friday 時間: 2007-2-22 19:55

同國內出版社寫書都有合約簽的, 所以如果佢冇合約寄比你簽就要小心佢係呃人,
半年後收到少少錢的稿費, 無計啦, 國內出書至在拎下經驗, 唔駛我比錢有得出就好開心啦
不過等佢地稿費真係累死, 勁拖數的, 要記低, 到時到候email去催咁
投雜誌同報紙的副刊都可以, 投副刊就你預$60-80一篇,
不過好處係, 你可以一文投n個省, 咁大地方唔會撞的, 一篇寫得好山大斬埋都有柴
雜誌就錢多d, 200-300一千字, 但係只能投一間, 唔要先投得第二間
不過雜誌同報紙我就未試過, 都係睇多d投稿論壇d投過的人學返黎的經驗而已, 雖不中亦不遠矣

第三本, 就係機緣巧合識得出版社的人, 我平時有幫出版社做校對咁樣.
佢知道我去左留學, 見係一個好topic, 就叫我寫了

作者: 28性情中人 時間: 2007-2-22 20:57 標題: 回復 #24 167friday 的帖子

谢无私的分享, 令我等眼界大开....

希望能和你继续交流

作者: billchan 時間: 2007-2-22 21:24

引用:

原帖由 167friday 於 2007-2-22 19:55 發表
同國內出版社寫書都有合約簽的, 所以如果佢冇合約寄比你簽就要小心佢係呃人, 半年後收到少少錢的稿費, 無計啦, 國內出書至在拎下經驗, 唔駛我比錢有得出就好開心啦,不過等佢地稿費真係累死, 勁拖數的, 要記低, ...
.......第三本, 就係機緣巧合識得出版社的人, 我平時有幫出版社做校對咁樣.
佢知道我去左留學, 見係一個好topic, 就叫我寫了。

......謝謝分享經驗，阿標又長一智了！

不過，要「機緣巧合識得出版社的人」不容易呀！就算識得，生意人肯投資在你身上必定有些成算，經驗和往績總應該幫一點的！

作者: 167friday 時間: 2007-2-23 16:48

是了, 我覺得運氣同實力一樣一半啦 , 不過永遠相信機會係可以爭取返黎的
出版社的人唔識你, 就令到佢地識你!呵呵
不過我個人懶成日都浪費好多時間, 所以有多機會都冇好好把握,
而家唔理了, 五月底就要交畢業論文, 交完論文再試試多寫文章投雜志呀報紙, 見錢就找啦

作者: billchan 時間: 2007-2-23 18:32

引用:

原帖由 167friday 於 2007-2-23 16:48 發表
........而家唔理了, 五月底就要交畢業論文, 交完論文再試試多寫文章投雜志呀報紙, 見錢就找啦

.....嘻嘻，我讀書時都試過，第一篇就給登了，壯了膽，雄了心，其實更是為了要狂抓錢花用，遂多寫亂投，一時間文字畫稿齊發，結果呢？揾到食喎，幾份報章都有刊出，更有編輯來信叫阿標繼續供稿，結果稿費提供了阿標求學期最後兩年的玩樂費用！

作者: 167friday 時間: 2007-2-23 21:28

你好勁呢, 我次次投稿報紙都係得個諗字, 集齊晒資料而又一篇都未投果個就係我了!
以後畢完業找份工, 有更多無聊時間的時候,要多d寫先得, 機會都係自己創造的了

作者: billchan 時間: 2007-2-24 00:36 標題: 回覆 #29 167friday 的帖子

我諗可能而家報刊的公開約稿地盤很少了，無以前我咁易呃錢搶錢囉！仲有，你話「以後畢完業找份工, 有更多無聊時間的時候,要多d寫先得」，嘻嘻，多d寫係好，但我用過來人的經驗話你知，如果你找到一份算滿意的工，就自然會奮身投入，唔應再有所謂無聊的時間了！若有的話，就真係一 d 都唔恭喜，因為不能令你全心投入的工，絕不算好工！阿標畢業後做第一份工時，忙得要命，立即要停哂所有搵錢抓錢兼職，極有興趣的寫寫畫畫包括在內，唉！從此放下了枝筆，除了有次要替工作機構寫左篇長文在報章發表外，再沒有任何東西獻醜了，直到早前才無意地重新拿起枝手寫板筆，在論壇間中塗幾行鴉！在你來說，機會已有，也令人羡慕地出到第三本書了，若真有興趣的話，學你話齋：「要多d寫先得, 機會都係自己創造的....」就不妨放手一搏，玩玩試試都好，做下全職寫作人，無謂急於投筆從戎，搵埋做埋 d 有很多無聊時間既工......未必值得！
阿標一時多口，得罪得罪！

设

作者: 167friday 時間: 2007-2-24 07:44

做全職創作人, 我就唔得了, 因為並唔係一路讀書冇停過的, 中間都上過數年的班至再去讀的
所以都要做野還清欠母親大人的讀書錢
在我黎講, 大部份的工作都係無聊的了, 工作時間當然投入時間工作, 工作之餘的時間就係我自己的了
同埋硬係覺得如果脫離生活"o牛"響屋企, 文筆就會下降, 返工的寫野時間雖然係少, 但係刺激比較多
靈感亦比較多, 指教指教

作者: billchan 時間: 2007-2-24 13:35

明白了，各有不同背景環境，也會影響要走的路。
我是工作多年後，才有「大部份的工作都係無聊的」的心態，你咁早已有此感受和「洞悉」，哈哈，我不知應該要替你高興還是惋惜，保重保重。

作者: 167friday 時間: 2007-2-24 20:56

我生於七十年代, 年紀也不少了,或許比你更"老"
返第一份工就知道返工都是無聊的, 只是分等級而已, 都是發呆八個或者更多小時以換錢的勾當
不過寫作是不會放棄的, 不會像以前那樣浪費太多時間發呆而無所作為
會用所有的工余時間繼續寫我的廢話, 呵呵

作者: billchan 時間: 2007-2-25 01:33

...嘻嘻.....歲值慕春，北地微寒不熱，是個怡人的讀書天，如此時份，我也曾在海淀獃過個把月，故知之也！阿標於此祝你畢業論文早日順利完成，也祝你新舊未來的"廢話"繼續熱賣！成就"搶錢"大業！

[ 本帖最後由 billchan 於 2007-2-26 02:31 編輯 ]

作者: 167friday 時間: 2007-2-25 08:10

大家咁話!也祝forum中各人新年快樂, 多多稿費

作者: eric200406 時間: 2007-2-27 15:36

Thanks for sharing

作者: driqpig 時間: 2007-2-27 20:36

提示: 作者被禁止或刪除內容自動屏蔽

作者: hope1030 時間: 2007-3-12 12:53

加油,加油,........

作者: oldkent 時間: 2007-3-12 21:20

Support you.Must go to buy it.

作者: 167friday 時間: 2007-3-12 21:52

嘿嘿, 謝謝各位的厚愛!

作者: fancycar 時間: 2007-3-22 06:05

好的！！！
我會去書局看看！！！

作者: paul_ma 時間: 2007-3-26 18:25

呵呵,恭喜了.
立言一事非同小可，有机会的要拜读一下大作。

作者: 167friday 時間: 2007-3-28 20:05 標題: 今天好開心

今天得到了中國教育部發比香港澳門台灣學生的獎學金, 得到碩士類別的二等獎, 超開心!!!

作者: xcuser 時間: 2007-4-13 12:26

好多说粤语的啊，都听不懂的。

作者: billchan 時間: 2007-4-18 10:48

引用:

原帖由 167friday 於 2007-3-28 20:05 發表
今天得到了中國教育部發比香港澳門台灣學生的獎學金, 得到碩士類別的二等獎, 超開心!!!

阿標方才知悉，恭喜來遲了！

再次恭喜！

作者: zhao001 時間: 2007-4-18 12:46

那里有買，我去看看，支持！

作者: 167friday 時間: 2007-4-19 11:56

三聯同商務都有得賣架, 我媽咪話大眾書局都有喎, 仲攤響平放果度, 超開心!

多謝阿標, 而家趕緊寫論文, 捱多十零日啦, 崩潰呀

作者: orientality 時間: 2007-4-23 17:32

恭喜

作者: jackie0217 時間: 2007-5-3 08:38

顶顶顶顶顶顶顶顶顶顶顶顶

作者: babyyang 時間: 2007-5-5 12:58

~~ 加油，支持！~~

歡迎光臨香港 Xocat Forum 討論區 (http://p.xocat.com/p/)