香港 Xocat Forum 討論區 - Powered by Discuz! Board

標題: [原創] 流氓？邪惡？ - 金太陽 [打印本頁]

作者: 飛毛腿 時間: 2011-12-31 21:39 標題: 流氓？邪惡？ - 金太陽

美國佬話有 d 國家係流氓國家 ~ 例如薩達姆時代嘅伊拉克、伊朗、利比亞、古巴、北韓…
( 到處蝦蝦霸霸﹐濫用暴力威脅﹐不負責任狂印銀紙﹐冇信用﹐冇道義﹐專出賣朋友….咁算唔算係流氓？)
小布薯創造出一個邪惡軸心 ~ 伊拉克、伊朗、北韓係三大主角
伊拉克國破家亡﹐薩達姆上絞刑架度頸﹐卡達菲最慘﹐爆菊兼爆頭﹐仲要擺晌雪房示眾﹐差 d 仲滿門滅絕
北韓金二趕上2011年尾班車去西方極樂世界
佢嘅死訊一公佈…..

亞洲股市插水下跌﹐韓國軍隊進入緊急戒備﹐總統李命薄取消生日慶祝會
日本自慰隊進入全面戒備狀態﹐日本首相宣佈成立危機處理小組
俄羅斯遠東軍隊加強戒備
最無厘頭係台灣馬英九都第一時間召開國家安全會議…
然後又話無必要提升備戰狀態﹐叫民眾維持正常步調﹐無需恐慌 – 民眾有恐慌咩？
美國白宮話正密切關注金正日去世報導﹐並已通知總統
而同時美國與日本、韓國保持緊密接觸
澳洲外長陸克文呼籲所有政府包括北韓政府﹐呢個時候應該表現出最大限度冷靜同克制
CNN、BBC 全球主要西方傳媒不停滾動報導金二去世消息﹐並製作特輯討論

作者: 飛毛腿 時間: 2011-12-31 21:46

跟住落嚟悼念活動﹐北韓自己國內就唔好講嘞
聯合國大會開會前默哀
古巴宣佈為金二全國默哀三日並下半旗
聯合國總部下半旗
中國政治局九大長老全出動到北韓領使館鞠躬致哀
( 做俾美國佬睇﹐你明白咩意思架啦 )

如果有外星人剛好到地球旅遊
見到呢種陣象﹐仲以為地球有邊個教父級重磅政治人物逝世
最大嘅反差就係剛好晌 19日公佈金二死訊果一日
捷克前總統 – 得過諾貝爾和平獎、著名民主鬥士嘅哈維爾同日傳出死訊
但晌西方傳媒報導中只係放晌報章一角
風頭完全俾金二蓋過哂

北韓係一個出名既窮又細嘅小國
國土面積只有 12萬平方公里
利比亞面積 176 萬平方公里﹐伊拉克都有 44 萬平方公里
對比一下就知北韓有幾大
又窮、地方又細、又出哂名獨裁專制國家
一個夜郎小國國君駕崩﹐竟然引起世界轟動﹐全球目光聚焦
你話係咪神奇？

世界上有幾多人對北韓有認識？認識有幾深？
冇幾耐之前嘅利比亞經驗﹐我哋知道大部份人被西方傳媒洗腦之下
只認為利比亞係專制獨裁﹐卡達菲係暴君﹐利比亞人唔駛講都係活在水深火熱中
事實卻係利比亞國民福利拍得住西方發達國家

世人同樣只透過西方傳媒描述而自以為認識北韓
特別係南韓傳霉 – 用嘅手法有如爛果系無所不用其極去妖魔化大陸一樣
呢度先舉個例 – 聯合國教科文組織話北韓人識字率達 99 %
民主大國印度 2001年統計全國識字率為 65.38%
雖然係 99%﹐金二都好唔滿意
佢話北韓根本就冇文盲！

作者: 飛毛腿 時間: 2011-12-31 21:50

要還原一個較接近真實嘅北韓
咁就要花時間去查證一 d 資料同數據
呢個係跨年大工程

都係過咗元旦先
晌度順便 :

祝大家新年進步！身體健康！

作者: 無神論狂徒 時間: 2012-1-1 07:38

流氓國家。嗯！不過老美係世界黑手黨。黑社會係犯罪組織，國家何嘗不是，尤其老美更係世界最大獨裁者，佢唔克薄自己人民，但對別國，完全係同黑社會冇分別，或有過之而無不及。

作者: Manics 時間: 2012-1-1 20:02

引用:

原帖由 飛毛腿 於 2011-12-31 21:50 發表
要還原一個較接近真實嘅北韓
咁就要花時間去查證一 d 資料同數據
呢個係跨年大工程
都係過咗元旦先
晌度順便 :

祝大家新年進步！身體健康！

飛哥, 我都祝你龍年工作順利, 生活愉快! 等你既大作!

作者: 飛毛腿 時間: 2012-1-2 18:13

引用:

原帖由 Manics 於 2012-1-1 20:02 發表

飛哥, 我都祝你龍年工作順利, 生活愉快! 等你既大作!

新年進步！

作者: 全軍盡 時間: 2012-1-3 01:22

提示: 作者被禁止或刪除內容自動屏蔽

作者: 飛毛腿 時間: 2012-1-3 22:26

引用:

原帖由 全軍盡 於 2012-1-3 01:22 發表

新年快樂！！

預祝跨年工程順利....

作者: 飛毛腿 時間: 2012-1-3 22:28

一般人對北韓嘅印象就係一個自我封閉國家
尤其係一向只依賴西方傳媒訊息﹐知少少就吹自己有國際視野嘅港產口水佬
但真正到過北韓又瞭解或者研究過北韓實況嘅人有幾個？可能10隻手指就數哂

其實北韓不單止唔係自我封閉﹐相反係同香港一樣走外向型經濟路線
自1948年建國起﹐北韓就係以對外貿易為主刺激經濟
佢嘅貿易對象就係以蘇聯同東歐共產國家為主體嘅 “經濟互助委員會” 成員
因為大家都係共產計劃經濟國家﹐蘇聯老大就做協調令各細佬間互通有無
佢哋叫呢種做社會主義陣營 “國際勞動力分工 ”
北韓一直同香港 (當年係英國殖民地 ) 冇乜瓜葛﹐所以港燦就以為佢冇乜外貿 - 除咗香港市面上有 D 北韓高麗參賣
可以睇吓以下一個表 :

作者: 飛毛腿 時間: 2012-1-3 22:31

社會主義陣營貿易圈一直維持到1990年
蘇聯解體﹐東歐變色﹐呢下對北韓打擊最為致命
情況比 1950 -1953打咗三年韓戰對經濟傷害更大
其實﹐呢個巨變唔單只北韓痛苦﹐受打擊嘅仲有原先東歐社會主義陣營﹐甚至芬蘭都受牽連
蘇聯係芬蘭第一大貿易伙伴﹐蘇聯解體後﹐芬蘭 1993年經濟總量比起 1989年下降 11%
經過 8年掙扎﹐至1997年先爬返上而稍超過 1989 年經濟總量
1988年芬蘭晌世界最富有國家排行第八﹐1995年跌到落第 19位
其他如東歐國家、蒙古、越南、古巴都因為蘇聯解體而受都不同程度打擊
當然最金就係俄羅斯自己

幾十年嚟﹐社會主義陣營貿易圈係用 “友好價格” – 唔係用國際市場價格計價
唔會用美元做結算﹐用 “記帳” 形式– 其實類似以貨易貨
所以北韓根本無需要咩美元外匯儲備
家下大很鑊嘞﹐蘇聯解體﹐俄羅斯同東歐國家自己泥菩薩過河
轉向市場導向經濟嘅中國、越南甚至古巴都要使用美元結算﹐冇咩所謂“友好價格” 呢家嘢
呢一嘢﹐北韓想唔吊起個鑊都唔得

睇吓以下個表﹐蘇聯含包散之後北韓貿易縮水成點 :

作者: KMY89 時間: 2012-1-4 08:56

各位版友，新年快樂！

北韓受貿易制裁，經濟力已遠遠落後
特別是能源供應，全依賴大陸
現在有很多北韓人在丹東打工，類似菲佣在香港

作者: 飛毛腿 時間: 2012-1-4 21:52

引用:

原帖由 KMY89 於 2012-1-4 08:56 發表
各位版友，新年快樂！

北韓受貿易制裁，經濟力已遠遠落後
特別是能源供應，全依賴大陸
現在有很多北韓人在丹東打工，類似菲佣在香港

新年快樂！

菲佣同北韓人最大分別係....
賓賓擁有民主植物人日喊夜喊要生要死嘅 "神聖選票" ！
呢張神聖選票可以選一個令自己衣食無憂、安居樂業嘅政權﹐可以選出監察政府嘅國會議員....喎

作者: 飛毛腿 時間: 2012-1-4 21:58

蘇聯解體導至社會主義陣營貿易圈解散
佔北韓貿易總量達 70% 以上嘅貿易經濟一落千丈
禍不單行﹐屋漏偏逢連夜雨
1994年連續四年遇上天災
94年 - 冰雹﹐95-96年 – 洪水﹐97年 - 高溫、旱災、海嘯
一個人口 2400 萬國家﹐竟然累計有 1127萬人成為災民

自從 1957年實行農村集體化後﹐北韓實行糧食配給制度
呢個政策適用於除農民之外所有人
一般情況下﹐每 15日供應糧食一次﹐居民到指定糧食店購買
糧食供應標準為 : 體力勞動者每日750克 ( 換算香港常用市斤係一斤四両左右 )
普通成人 500克﹐大學生 400克﹐小學生300克
而上面講四年災害期間減一半供應量

外間人對北韓全無瞭解一向只聽西方傳霉一面之詞
所以一聽到北韓鬧飢餓﹐唔駛問阿貴梗係專制獨裁暴君不理人民死活而造成
事實卻係﹐按聯合國糧農組織統計﹐1998年北韓飢餓最嚴重果年﹐人均糧食產量為 167公斤
( 即係每人平均有278斤 / 年﹐可以每日平均食12両

)
但當年南韓人均糧食產量亦只有165公斤﹐比北韓產量更低 – 因為南韓同樣受天災之苦
分別係南韓有外匯可以向國際市場買糧食

北韓就既缺乏外匯﹐又受到美國制裁﹐冇乜人同佢做生意

仲有﹐好多人都想當然地認為北韓生產力落後﹐梗係攤大手板靠救濟過日子
70年代前﹐中蘇都俾過無償援助北韓
但70年代後﹐無論中或蘇同北韓關係都係正常貿易關係
晌 1995年至1998年北韓最困難果幾年﹐北韓得到國際官方援助總數只係 7000萬美元
其中 1996年最痛苦果一年﹐只得到 305萬美元援助﹐1997年得到2667萬美元援助
( 講緊係援助一個二千幾萬人口國家 )

作者: KMY89 時間: 2012-1-5 00:00

引用:

原帖由 飛毛腿 於 2012-1-4 21:52 發表

新年快樂！

菲佣同北韓人最大分別係....
賓賓擁有民主植物人日喊夜喊要生要死嘅 "神聖選票" ！
呢張神聖選票可以選一個令自己衣食無憂、安居樂業嘅政權﹐可以選出監察政府嘅國會議員.... ...

呢D政客今次區選已受懲罰，而家收晒聲

我想補充係有數千移民日本的北韓人，親自去領事館弔唁，呢D唔係假也無必要假。

作者: 屍屠華 時間: 2012-1-5 14:03

原來日本有北韓有領事館..日本同北韓有邦交?

我真係唔知噃

[ 本帖最後由屍屠華於 2012-1-5 14:33 編輯 ]

作者: 飛毛腿 時間: 2012-1-7 22:15

其實﹐自韓戰後北韓做嘅工業化同城市化建設好有成效
但由於外貿對象局限於社會主義國家貿易圈﹐所以就成為蘇東波工業集團鏈條內一部份
蘇聯東歐一散檔﹐佢就成為一個孤兒﹐又好似一葉孤舟飄浮海上咁
而農業方面﹐得益於蘇聯充足又以 “友好價格” 提供石油
所以石油副產品 – 化學肥料、農藥普及﹐因此令北韓傳統農業轉型為機械化農業
亦因此釋出大量農民轉業進入城市工廠﹐整體務農人口下降

蘇聯散檔後﹐廉價石油斷供﹐要到國際市場買石油又冇咁多外匯
機械農業就即刻跛腳﹐轉返人工耕作又冇咁多農民﹐傳統農業方式又產量低
所以家下年年播種、秋收時就要動員軍隊、學校、政府機關派人去做義務農民
再加上果幾年遇上天災﹐你話唔死就怪
受到呢個慘痛教訓﹐當時在生嘅金日成速速調整國策
以 “農業第一” 、“輕工業第一”、 “貿易第一” 為經濟建設重點
去到 2002年﹐農業佔國家經濟比重升到 30%
工業比重回落到 34%﹐服務業升到 36%
北韓經濟結構調整初見成效

作者: 飛毛腿 時間: 2012-1-7 22:37

一般人印象裡面﹐落後、貧窮、專制、封閉、暴政呢一堆形容詞就常見於形容北韓
如果話北韓係 “以人為本” 社會﹐你信唔信？

以前習慣用人均收入、人均GDP嚟衡量一個社會嘅發展水平
所以香港好早就進入已發展地區~ 但香港有條卵民主？有條卵雙普選？
所謂民主、普選同生活水平有條毛關係

1990年聯合國計劃開發署改用人類發展指標 ( HDI ) 嚟記錄、觀察、比較各國發展情況
改用購買力平價 ( PPP) 計算人均收入、人均GDP
而且仲加入教育指標同全民健康指標﹐呢兩個指標更能反映社會公平同平等咁話

意外發現嚟嘞 – 北韓人均收入水平係全球墊底行列
教育指標係已發展中國家前列 (比香港高 )﹐全民健康指標係中等發達國家水平

作者: 飛毛腿 時間: 2012-1-7 22:41

所以我上面講過﹐金二聽到話佢北韓成人識字率達 99%
佢極之唔滿意﹐話北韓根本就冇文盲
何來 1% 文盲？

作者: 飛毛腿 時間: 2012-1-7 22:50

我就搵唔到香港有咩統計顯示平均每 1000人或者10萬人有幾多個醫生
( 有網友搵到資料就話聲大家知 )
只好左摷右摷﹐搵到世界銀行一個 CHART
可以輸入某 D 國家 / 地區去比較一下 medical doctor per capita
下面個圖就係﹐最低果條黃線就係香港
紅色線係英國﹐綠色線係美國
最高果條鴨屎綠色線就係北韓
估唔到呢？

.
.
.

[ 本帖最後由飛毛腿於 2012-1-7 22:51 編輯 ]

作者: 飛毛腿 時間: 2012-1-8 21:54

教育

香港係已發展地區﹐所謂國際都市﹐擁有八間法定大學、兩間法定學院同埋五間認可專上學院
總數不過15 間
北韓人口大約 2400萬﹐係香港人口 3.4倍
但北韓擁有超過300 間大學！

試想像一下﹐如果按北韓嘅比例﹐香港有 80 間大學係咩景象？

北韓係二戰後發展中國家最早實施免費教育國家之一
1948年北韓建國前文盲遍地﹐1949年北韓人民議會決議要實行普及初級教育
但1950 年韓戰爆發﹐呢項決議推遲到1956年先執行 – 廢除小學學費
1958年實施普及中級教育– 廢除中學學費
1967年起實施 9 年制免費義務教育
1975年起實施 11年制免費義務教育
1976年制定《兒童保育教養法》- 由國家負擔養育教育所有兒童費用
所有呢 d 政策都係保證北韓國內所有兒童都有平等教育機會
即使一個燈塔小島上只有3 個學生﹐亦設有學校正常上課
偏僻山區村落開通班車搭載學生上課
( 對比下我哋香港﹐我都費卵事講﹐而政狗日吠夜吠乜七教育政策﹐重點只係保護班七頭嘅飯碗同既得利益 )

北韓學制係幼稚園 1年﹐小學 4年﹐中學 6年 – 共11年免費強制性教育
大學入學試要經過 3次嚴格考試﹐合格考入大學後由國家提供獎學金、助學金
一般大學五年制﹐醫科大學七年制
每個新學年由國家提供免費校服、教科書﹐學生唯一要盡嘅責任就係好好讀書

作者: 飛毛腿 時間: 2012-1-8 21:56

醫療

1947年戰後北韓即對工人同單位職員提供免費醫療

1952年實施全民免費醫療﹐從此確立國家醫療服務體制
要做到全民保障﹐就要遍佈所有城市、鄉村、漁村甚至偏僻山區
凡係有人住嘅地方﹐都有設備齊全嘅醫療機構同醫生
所有人都接受到防疫治療、診療、醫藥、住院、療養、助產接生﹐甚至鑲牙服務
連往返療養院旅費都可以向國家報銷
因此北韓人﹐不分地區、職業、收入水平、年齡﹐個個都享受到基本公共醫療服務
就算90年代中經濟最困難果幾年﹐北韓政府仍堅持免費醫療制度
反而加大以預防為主嘅醫療方針
因為咁﹐北韓人均預期壽命可以比得上中等發展國家地區水平

[ 本帖最後由飛毛腿於 2012-1-8 21:59 編輯 ]

作者: 飛毛腿 時間: 2012-1-8 21:58

住屋

北韓實施嘅係免費住屋制度

70年代﹐城市家庭平均房屋面積係 1000 平方呎左右
80年代﹐房屋面積提升至 1300 平方呎左右
政府提供嘅唔只係空殼屋一間﹐而係包括傢私電視、廚方設備如電飯煲、雪櫃
城市住戶每個月只需要負擔水電媒氣費用﹐冇話交房租呢回事

作者: 飛毛腿 時間: 2012-1-8 22:18

治安

嚴格講﹐香港治安算係過得去
起碼好過美國 ~ 行行吓街無厘頭有人向你開兩槍﹐條七頭同你無怨無仇兼三九唔識七
呢 d 叫 sniper killer﹐又或者條友發起神經揸住枝槍沖入校園見人就射
果 d 紅番區、黑鬼區 ~ 俾你孭著碌炮你都未必敢行入去
香港平靜嘅背後當然少不得有咩社團、陀地、賣丸仔 K仔、道友爛鬼、蠱惑仔....
少不免唔少乞兒、流浪漢、瞓天橋底之類
但晌北韓﹐所有貧民窟、妓女、吸毒販毒、黑社會、陀地蠱惑仔、流浪漢乞兒、扒手....通通冇

作者: ali 時間: 2012-1-8 23:59

引用:

原帖由 飛毛腿 於 2012-1-8 22:18 發表
但晌北韓﹐所有貧民窟、妓女、吸毒販毒、黑社會、陀地蠱惑仔、流浪漢乞兒、扒手....通通冇

「妓女」係一個古老行業，我相信北韓係有的。

[ 本帖最後由 ali 於 2012-1-9 05:16 編輯 ]

作者: 屍屠華 時間: 2012-1-9 00:29

夠竟日本有冇北韓有領事館?..日本同北韓有冇邦交㗎?

作者: ali 時間: 2012-1-9 06:20

引用:

原帖由 屍屠華 於 2012-1-9 00:29 發表
夠竟日本有冇北韓有領事館?..日本同北韓有冇邦交㗎?

上網查過，北韓冇領事或顧問駐日本。
http://embassy-finder.com/north-korea_embassies

[ 本帖最後由 ali 於 2012-1-9 06:21 編輯 ]

作者: 飛毛腿 時間: 2012-1-9 09:03

引用:

原帖由 屍屠華 於 2012-1-9 00:29 發表
夠竟日本有冇北韓有領事館?..日本同北韓有冇邦交鮁?

日本同北韓冇建交 - 日本外交唔係獨立自主
要睇美國契爺面色
但日本卻係北韓對外貿易第三大伙伴
跟北韓建立外交關係只有 51個國家 (當然冇南韓份)

作者: 屍屠華 時間: 2012-1-9 09:04

引用:

原帖由 ali 於 2012-1-9 06:20 發表

上網查過，北韓冇領事或顧問駐日本。
http://embassy-finder.com/north-korea_embassies

Thanks ali !

From KMY89
我想補充係有數千移民日本的北韓人，親自去領事館弔唁，呢D唔係假也無必要假。

去南韓領使館定去中國領使館?

作者: 飛毛腿 時間: 2012-1-9 09:23

引用:

原帖由 ali 於 2012-1-8 23:59 發表

「妓女」係一個古老行業，我相信北韓係有的。

明買明賣嘅「妓女」比如一樓鳳、企街之類一定冇
但如果用詹培忠果種定義 " 個個女人都係雞" - 佢自己老婆都當係雞﹐就梗係有
比如巴結權貴靠人脈上位﹐你都可以話佢性質係等如雞
而物質匱乏嘅地方﹐供應主要靠配給﹐你有多多錢都冇用
比如你攞住一千萬美元入北韓居住﹐你有錢都買唔到 iPhone、賓士、法國紅酒、日本和牛....
大部份人生活水平差唔多﹐基本生活物質由國家安排﹐民風亦比較純樸
除非出現90年代中果種天災連連﹐飢寒交迫之下必無選擇 - 但一般人冇幾個有閑錢叫雞

作者: 飛毛腿 時間: 2012-1-9 09:27

引用:

原帖由 屍屠華 於 2012-1-9 09:04 發表

Thanks ali !

From KMY89
我想補充係有數千移民日本的北韓人，親自去領事館弔唁，呢D唔係假也無必要假。

去南韓領使館定去中國領使館?

中新网12月22日电
据日本共同社报道，日本前首相小泉纯一郎于当地时间22日下午3点半左右，前往位于东京都千代田区的在日朝鲜人总联合会(朝鲜总联)总部，吊唁已故朝鲜最高领导人金正日。

作者: 屍屠華 時間: 2012-1-9 09:49

Thanks!

即係唔係領使館

在日本朝鮮人總聯合會
http://zh.wikipedia.org/wiki/%E6%80%BB%E8%81%94

作者: 飛毛腿 時間: 2012-1-9 18:46

先軍政治

1995年1月1日金正日提出咗 “先軍政治” 呢個方針
所謂先軍政治﹐簡單講就係國家大事一切以軍事為先﹐一切以軍事為重
北韓官方喉舌概括呢個理念就係: 冇糖果仍然可以活下去，冇炮彈就不能生存
當年我哋聽到呢句話﹐好可能冷笑話金老大黐孖筋﹐搵藉口玩軍國主義
但呢十幾年來﹐經過伊拉克、阿富汗、利比亞之後﹐我哋就明白呢個道理

90年代對北韓可謂苦難重重嘅年代
1991年聖誕節﹐蘇聯總統哥爾巴喬夫發表電視講話宣佈辭職
當晚19點38分﹐蘇聯國旗降下﹐蘇聯呢個國號就成為歷史
葉利欽搵 d 美國經濟顧問嚟進行震盪療法﹐震到通漲最高去到 200幾倍
一張大面額盧布仲平過一張紙巾

北韓失去蘇聯呢個大靠山﹐解體後嘅俄羅斯就十足十歐亞病夫
另一打擊就係 1992年中國跟南韓建交
一直以嚟南北對峙﹐南韓有美國撐腰﹐而以往靠中蘇撐腰嘅北韓突然變成孤兒
蘇聯瞓低後美國一超獨大﹐點知發展落去中國會唔會賣甩北韓？
南北嘅局面根本就係有你冇我﹐你死我活選其一
當時可以講地球上擁有最惡劣外部環境嘅國家就係北韓
唯一有得一比就係以色列 – 四周被敵視嘅阿拉伯國家包圍住
但以色列有美國先進武器同政治經濟上全力支持
而北韓就要食自己

軍事裝備上跟駐南韓美軍根本冇得比﹐要向俄羅斯買又冇咁多錢
當時北極熊自己窮到要吊起個鑊﹐少個崩都冇得傾
中國因六四後又俾西方國家制裁﹐埋頭苦幹韜光養晦顧掂自己先講
所以金老大冇乜好諗﹐唯一生路就係學老毛咁不穿褲子﹐也要核子

作者: 無神論狂徒 時間: 2012-1-9 20:09

核武器，可以成為談判籌碼，搵飯食。

作者: 無神論狂徒 時間: 2012-1-9 20:12

其實以北韓貼著中國，佢肯開放，好快可以大富大貴勁過南韓。有哨息指，金正日有心開放，但國內有保守勢力阻撓。如果北韓跟中國早三十年開放，今日南韓收硬皮。又有錢又有核武器。

作者: 飛毛腿 時間: 2012-1-9 22:06

引用:

原帖由 無神論狂徒 於 2012-1-9 20:12 發表
其實以北韓貼著中國，佢肯開放，好快可以大富大貴勁過南韓。有哨息指，金正日有心開放，但國內有保守勢力阻撓。如果北韓跟中國早三十年開放，今日南韓收硬皮。又有錢又有核武器。

其實金日成年代都想過開放經濟政策

金日成同當時總統克淫頓達成協議放棄核武器發展﹐美國就提供經濟援助
冇耐金日成歸西﹐金二繼承父位﹐仍然跟佢老豆路線開拓和平發展機會
當時美國帶頭開展一個較寬鬆嘅局面﹐做契仔嘅南韓就可以放膽跟北韓交流合作

1998年金大中提出陽光政策﹐呢個政策志在實現朝鮮半島永久和平
其中最重要一項就係美國同日本改善與北韓關係並實現關係正常化
2000年金大中以總統身份親赴平壤跟金二舉行歷史性第一次峰會
仲發表一份《南北共同宣言》﹐其後舉行一連串軍事、經濟合作會談
2000年悉尼奧運開幕禮上﹐南北韓參賽團第一次共同進場
當時朝鮮半島出現前所有未有嘅緩和局面﹐好多人以為和平在望
金大中因此獲得諾貝爾和平獎

克仔任期結束﹐小布薯上場﹐對北韓態度即刻嚟個180度大迴旋
無厘頭整個邪惡軸心出嚟﹐聲言金二係不值得信任人物
佢仲話除非北韓所有軍隊撤離三八線﹐否則唔會跟北韓對話
金二佛都有火﹐就中斷跟南韓接觸

金大中呢種係為國家民族長遠利益考慮嘅政治家﹐但唔係黑老大想要嘅忠心奴僕
所以老大就要整到佢垮台 ~ 晌所謂民主社會﹐對黑老大嚟講話都冇咁易
有老大撐腰﹐反對黨開行火力猛轟金大中
最後又係咩官商勾結﹐涉嫌以權謀私一堆罪名而垮下

其後上台嘅盧武鉉依然堅持陽光政策
並繼續推行早期協定嘅南北三大合作項目 :
金剛山旅游區、開城工業園區同埋南北鐵路公路連接工程
但係黑老大有自己嘅算盤﹐無論係咩打算﹐總之就唔係將你哋嘅國家民族利益放在考慮之內
所以李命薄上台後就一嘢將前兩任嘅耕耘剷平
盧武鉉下場比金大中慘得多﹐一九無厘頭神秘墮崖 “自殺”

為咗迫金二埋牆角﹐於是有天安號神秘被擊沉事件 – 引發後來炮轟延平島
然後無完沒了嘅聯合軍演 ~~呢兩年我哋都討論過呢堆話題

作者: 飛毛腿 時間: 2012-1-9 22:28

題外話

KMY 另外一條 thread 話馬英九贏硬咁話
其實台灣比南韓更不堪﹐班政客更加冇腰骨
邊個當選唔係班有投票權七頭皮話事﹐係黑老大話事

2004年﹐兩粒會轉彎神秘子彈改變形勢
連宋輸得無厘頭又兼差個幾萬票﹐藍營集結總統府外面要衝入去轟阿扁走
黑老大撳住連宋要佢哋 good 聲吞咗佢
然後派個神探李昌鈺嚟一鎚定音
李昌鈺係咩國籍？打邊個工出邊個糧？
最重要係李神探代表老大嚟落結論﹐邊個敢 say no ？

2008年馬英九同謝長廷鬥到難分難解
馬英九個死穴係持有綠卡 - 張綠卡是否仍然有效？
馬英九自己話綠卡已經自動失效
其實有 d 常識都知﹐老大話你有效就係有效﹐話你冇效就無效
前美國在台協會主席夏馨一貫撐綠營
選舉前一個星期佢去台灣﹐話要跟謝長廷哋一齊開記者招待會
佢以AIT 前高官身份話馬英九仍然係美國綠卡居民身份的話
老馬就可以執包袱﹐老謝自動凍蒜
但緊急關頭﹐可能係小布薯下令收聲
夏馨就乖乖地取消記者招待會

今次係老馬上台定係姑婆英過女總統癮？
唔係睇班七頭皮投邊個
絕對係老大看形勢需要

作者: 無神論狂徒 時間: 2012-1-9 22:56

引用:

原帖由 飛毛腿 於 2012-1-9 22:06 發表其實金日成年代都想過開放經濟政策金日成同當時總統克淫頓達成協議放棄核武器發展﹐美國就提供經濟援助冇耐金日成歸西﹐金二繼承父位﹐仍然跟佢老豆路線開拓和平發展機會當時美國帶頭開展一個較寬鬆 ...

之前聽你講過農務員神秘自殺，你暗示係老味出手。果單嘢，係好奇怪，我都仲有印象，好人好姐，無任何先兆，而且一個做過統總的人，會走去自殺，好冇說服力。之後單嘢不了了之。

老美做的機會唔係冇。

不過好想知可信性有幾高啫，你啲料邊度嚟，係你估定真係消息人士，定維基解密？

作者: 飛毛腿 時間: 2012-1-10 09:13

引用:

原帖由 無神論狂徒 於 2012-1-9 22:56 發表

之前聽你講過農務員神秘自殺，你暗示係老味出手。果單嘢，係好奇怪，我都仲有印象，好人好姐，無任何先兆，而且一個做過統總的人，會走去自殺，好冇說服力。之後單嘢不了了之。

老美做的機會唔係冇 ...

冇乜嘢內幕消息﹐只憑公開資料推斷
幕後導演唔需要安排到天衣無縫﹐反而疑點重重又唔合邏輯就更好
有心人一睇就明白件事傳遞咩訊息
殺雞警猴呢個手法唔係只有中國人識用
當你拳頭大到冇人能夠抵抗時﹐你做事就毋須諸多掩飾
就好似百九幾年前﹐英國佬同其他海上霸權如荷蘭、西班牙談判海權劃分
英國談判代表話 : 真理就在砲彈射程內

作者: KMY89 時間: 2012-1-10 21:53

引用:

原帖由 飛毛腿 於 2012-1-9 22:28 發表
題外話

KMY 另外一條 thread 話馬英九贏硬咁話
其實台灣比南韓更不堪﹐班政客更加冇腰骨
邊個當選唔係班有投票權七頭皮話事﹐係黑老大話事

2004年﹐兩粒會轉彎神秘子彈改變形勢
連宋輸得無厘頭又兼差個幾萬 ...

由十二月藍讓20萬票，一直60萬、80萬，今日100萬票

100票 = 7%，但我的臺灣同事仍賭藍贏

飛毛腿有點意思是馬、蔡都在十月份到過美國

斑馬可能認為英九手軚穩，綠營阿扁曾試過唔聽話，中美都中意英九

所以佢穩勝，如果爆冷，莊家就肥

作者: 屍屠華 時間: 2012-1-10 23:47

岩里政男未出來撐場啊

好多綠色台商出來撐92共識

作者: chungyong 時間: 2012-1-11 11:41

引用:

原帖由 屍屠華 於 2012-1-10 15:47 發表
岩里政男未出來撐場啊

好多綠色台商出來撐92共識

岩里政男 today 出來撐場

作者: ZXT 時間: 2012-1-12 19:23

无论你信不信，反正我信了。一切皆以证据说话。

作者: 飛毛腿 時間: 2012-1-29 21:03

有錢冇錢﹐都要過年
北韓人過年 :

.

作者: 飛毛腿 時間: 2012-1-29 21:05

其實睇吓北韓班細路都冇話面黃肌瘦
衣著雖然係土 d﹐但尚算企理

.

作者: 飛毛腿 時間: 2012-1-29 21:07

以下呢輯照片係舊年有條大陸佬去北韓公幹時拍攝

.

作者: 飛毛腿 時間: 2012-1-29 21:08

平壤街頭...

.

作者: 飛毛腿 時間: 2012-1-29 21:10

北韓女交通警... ( 下面第二張 )

.

[ 本帖最後由飛毛腿於 2012-1-29 21:11 編輯 ]

作者: 飛毛腿 時間: 2012-1-29 21:13

北韓寫字樓 OL
睇吓北韓辦公室都電腦化

.

作者: 飛毛腿 時間: 2012-1-29 21:16

呢個唔知係女兵定係女警
似乎用手提電話嘅人都唔算罕有

.

[ 本帖最後由飛毛腿於 2012-1-29 21:17 編輯 ]

歡迎光臨香港 Xocat Forum 討論區 (http://p.xocat.com/p/)