香港 Xocat Forum 討論區 - Powered by Discuz! Board

標題: 中國能否成為霸主？ [打印本頁]

作者: 無神論狂徒 時間: 2012-1-14 08:38 標題: 中國能否成為霸主？

http://orientaldaily.on.cc/cnt/news/20120114/00184_013.html
中國盟友的確太少。而可信的數埋更少。中國實力仲未得。
錢就大把，但係軍事上，都仲係唔夠美國揪，所以冇人埋身要中國保護。

作者: 飛毛腿 時間: 2012-1-14 17:20 標題: 回復 1# 的帖子

唔知係咪原作者鳩筋搭腦筋
不果未睇過佢原著內列出咩理據
可能只係條專欄口水佬自作聰明斷章取義都未定﹐呢條友一向識少少扮專家
寫 d 垃圾文俾連阿富汗晌邊都唔知嘅井底港燦睇

冷戰時期所謂美國盟友﹐除咗二仔底死跟嘅大陰蒂國同以色列外
都係二戰打敗後有美軍駐守嘅 "盟國" - 德國、意大利、日本同韓戰後駐軍嘅韓國
法國佬自大高鑊開始就唔丟美國佬﹐係近年個薩科齊一開始就舔美國佬
不過呢幾年俾美國佬跣完一鑊又一鑊﹐佢同開始又係親美嘅德國默老娘近排都唔識笑
冷戰時期歐洲面對北極熊呢隻猛獸﹐二戰後五癆七傷嘅歐洲要靠美國佬睇場
呢 d 係交保護費嘅 "盟友"
近年我哋不斷睇到歐美呢對所謂盟友點樣互咬互砍
啱啱美國標普又將法國主權評級降級﹐將意大利同西班牙連降兩級
恨不得歐元區即刻斷氣

日韓呢種所謂 "盟友" 係搞笑﹐自己國土上俾人駐軍﹐佢哋自己都唔好意思又唔夠膽稱美國係盟友
越南都稱為盟友更加無厘頭九﹐越戰時美國掟落越南嘅炸彈總量比二戰時更多
最後美國力撐嘅南越政權滅亡﹐美國佬要倉皇走路﹐埋單計數死咗五萬幾美軍﹐幾十萬傷殘
就算美國佬扮唔記得﹐曾經俾美國轟炸機炸到家破人亡嘅越共會唔記得？

中國由 50年代開始就確定外交方針係 "不結盟"
幾乎每次發表政府白皮書中都強調 "不結盟" 呢個宗旨
最近一次係2011年9月國務院發表《中國的和平發展》白皮書裡面再提到 :

引用:

中国“坚持在和平共处五项原则基础上，同所有国家发展友好合作，不同任何国家和国家集团结盟，不以社会制度和意识形态异同决定国家关系的亲疏。”

夫妻本是同林鳥﹐大難臨頭各自飛
父子兄第都可以反目成仇﹐何況所謂盟友？
經歷幾千年分分合合、打打殺殺嘅中國人早就明白國際上所謂盟友係得啖笑

條口水佬大字標題《大國政治必須有武力作後盾》
唔知佢無知定係故意唔講 : 超強武力必須有經濟作後盾
你要班 "盟友" 跟中國反面﹐你養起班盟友呀？你養得起呀？
好嘞﹐要開火互轟﹐你要班盟友去做炮灰﹐邊個行先？軍費邊個出先？
打中國唔同打阿富汗﹐連打伊拉克都冇乜人肯幫手 - 除咗老表大陰蒂國

作者: 無神論狂徒 時間: 2012-1-15 00:13

所以中國要大力發展軍事科技，戰後中國冇其他國家要求註軍，老毛亦唔接受海外註軍。今日中國軍事科技勁好多，已愈來愈多國家想中國註軍保護，印象中近年有巴基斯坦同塞舌爾。不過飛哥啲料勁，唔講唔知中國國策係不交盟友。中國軍事強，自然會有國家要求註保護，總好過老美呢啲攞你著數的國家。

作者: KMY89 時間: 2012-1-15 16:51

引用:

原帖由 飛毛腿 於 2012-1-14 17:20 發表
唔知係咪原作者鳩筋搭腦筋
不果未睇過佢原著內列出咩理據
可能只係條專欄口水佬自作聰明斷章取義都未定﹐呢條友一向識少少扮專家
寫 d 垃圾文俾連阿富汗晌邊都唔知嘅井底港燦睇

冷戰時期所謂美國盟友﹐除 ...

中國有個最忠心既盟友 - 北韓

作者: phoewus 時間: 2012-1-15 18:00

引用:

原帖由 KMY89 於 2012-1-15 16:51 發表中國有個最忠心既盟友 - 北韓

喺老巴！！

作者: 飛毛腿 時間: 2012-1-15 18:35

引用:

原帖由 KMY89 於 2012-1-15 16:51 發表

中國有個最忠心既盟友 - 北韓

你老人家要補吓歷史課

遠至隋唐﹐朝鮮半島已經係中國佬地頭
呢個地頭係我話事﹐隋煬帝三征高麗就係要顯示呢個國策
朝鮮半島上嘅政權最大責任就係做中國嘅肉屏障
明朝時日本豐臣秀吉入侵朝鮮半島﹐一路上勢如破竹
王京 (漢城)失守﹐朝鮮王節節敗退﹐ 最後被困鴨綠江邊孤城義州
朝鮮王向明朝廷求救﹐當時朝廷因寧夏兵變﹐要解決呢件事﹐分唔出兵力救朝鮮
明朝廷派使臣跟日本講數﹐日本大將話 : 日本無意跟中國為敵﹐願與中國瓜分朝鮮﹐以大同江為界分治....
明朝廷一口拒絕﹐幾個月後寧夏兵變平息﹐即刻派兵剿滅倭寇
就算晚清咁不堪﹐朝鮮有事仍然義無反顧出兵捍衛朝鮮半島話事權 - 朝鮮甲申事變

所以北韓唔係咩忠心盟友問題
朝鮮半島係中國佬地頭﹐係中國佬話事

作者: 飛毛腿 時間: 2012-1-15 18:43

其實中國呢代子孫已經丟老祖宗嘅架
二千幾年嚟朝鮮半島係中國佬地頭
朝鮮王要由中國皇帝冊封﹐朝鮮王朝係藩屬
今日呢個地頭有一半話事權丟失

作者: 無神論狂徒 時間: 2012-1-15 22:45 標題: 回復 4# 的帖子

北韓忠心就唔太認同。當年中國出手，北韓心知，冇咗佢，中國會冇咗個緩衝，而中國出手亦好大原因係呢度，北韓同中國枱底下成日有傳沖突。好如北韓成日要中國緩助糧食，但中國時有拒絕。
早排維基解密有爆中央想乾脆南韓食埋北韓，我做中央唔係全部咁諗，但中國中央應該好多人咁諗。
中國同北韓關係未必咁好。
個人亯弋為中巴關係更可靠。

作者: KMY89 時間: 2012-1-15 23:13

引用:

原帖由 飛毛腿 於 2012-1-15 18:35 發表

你老人家要補吓歷史課
遠至隋唐﹐朝鮮半島已經係中國佬地頭
呢個地頭係我話事﹐隋煬帝三征高麗就係要顯示呢個國策
朝鮮半島上嘅政權最大責任就係做中國嘅肉屏障
明朝時日本豐臣秀吉 ...

係你話養起佢，咁 .... 我就話北韓啦
北韓所用石油全部由大陸泵過去
斗零都唔使俾
你話幾豪呢

作者: KMY89 時間: 2012-1-15 23:17

引用:

原帖由 無神論狂徒 於 2012-1-15 22:45 發表
北韓忠心就唔太認同。當年中國出手，北韓心知，冇咗佢，中國會冇咗個緩衝，而中國出手亦好大原因係呢度，北韓同中國枱底下成日有傳沖突。好如北韓成日要中國緩助糧食，但中國時有拒絕。
早排維基 ...

而家在丹東打工既北韓人 = 賓妹在香港，大量物質運回平壤
當地盛產農作物，未聞中國有拒絕

作者: www654321 時間: 2012-1-16 12:19

只出頭，不稱霸

作者: Rainybreeze 時間: 2012-1-16 16:23

中國能否成為霸主…, 霸主?

當d實力唔係咁得既小玩家覺得支持呀某某係有運行. 而呀某某又有咁上下實力. 咁, 一大棚人跟住, 咪有個霸主, 打橫行路走, 乜乜當秘笈.

好喇, 呢個呀某某, 做左大哥咁多年, 當哂佢d乜乜秘笈係世界唯一真理. 當經濟唔係好得喎, 咪收下保護費, 打下仗, 理直氣壯打家劫舍. 支唔支持都好, 霸主要打, 那有人敢說不.

基本上, 全世界既遊戲規矩都係由佢定. 咁呢個某某, 會唔會願意有人可以同佢平起平坐?

法家既霸道, 同儒家既王道, 須合時機而並行.

作者: 飛毛腿 時間: 2012-1-16 18:14

引用:

原帖由 KMY89 於 2012-1-15 23:13 發表

係你話養起佢，咁 .... 我就話北韓啦
北韓所用石油全部由大陸泵過去
斗零都唔使俾
你話幾豪呢

你幾時當咗共產黨係活菩薩？

香港都有中石化加油站﹐油價卻跟其他西方石油公司一樣
唔見平 d 益吓港燦？仲有東江水幾時試過唔收錢？
大陸自己係缺油國家﹐仲話要免費俾油北韓用？
大陸開口埋口話互利共贏﹐幾時有話自己捱義氣蝕底？
你北韓都有唔少礦藏﹐又唔見免費俾大陸開採？

就算送油﹐都留番俾全球最大產油國北極熊去豪啦

大陸同北極熊都試過減免某 d 國家外債
比如北極熊唔理美國佬反對﹐同意重組敘利亞欠落百幾億美元債務
仲試過免除蒙古國100億美元債務
前七八年﹐北韓建議欠落前蘇聯時期債務撈埋新債重組 - 其實想減免部份債
北極熊話減就唔得﹐最多以股代債﹐將部份債務轉為北韓工業同國企股份
大陸就試過減免非洲最窮國家嘅外債﹐但人哋投桃報李將礦藏開採權俾大陸喎
你北韓俾條毛呀？
仲話免費送油你用？

但舊年金二可能知道自己隨時會瞓低
一年內三次訪華﹐臨危托孤
先至話同意開放部份工業﹐跟大陸協議一系列合作

咩免費送油呢 D 論調係班糞青傳來傳去﹐言之鑿鑿卻冇任何數據支持
故意抹黑大陸佬﹐話咩寧贈友邦﹐不與家奴喎

作者: 飛毛腿 時間: 2012-1-16 18:27

引用:

原帖由 KMY89 於 2012-1-15 23:17 發表

而家在丹東打工既北韓人 = 賓妹在香港，大量物質運回平壤
當地盛產農作物，未聞中國有拒絕

北韓即係30年前大陸一樣﹐嚴格限制國民出境﹐何來有北韓人自由出入去大陸打工？
大陸自己勞動力過剩﹐會批出工作證俾北韓人入境打工？
你見到嘅可能係土生土長嘅朝鮮族 - 佢哋係中國公民
好可能係有門路嘅朝鮮族晌邊境走水貨﹐好似上水火車站一大班阿嬸阿叔做螞蟻搬家

作者: KMY89 時間: 2012-1-17 00:35

引用:

原帖由 飛毛腿 於 2012-1-16 18:27 發表

北韓即係30年前大陸一樣﹐嚴格限制國民出境﹐何來有北韓人自由出入去大陸打工？
大陸自己勞動力過剩﹐會批出工作證俾北韓人入境打工？
你見到嘅可能係土生土長嘅朝鮮族 - 佢哋係中國公民
...

呵呵 ... 飛毛腿不妨去丹東、錦州一帶旅游，自行觀察

歡迎光臨香港 Xocat Forum 討論區 (http://p.xocat.com/p/)