香港 Xocat Forum 討論區 - Powered by Discuz! Board

標題: 男人係咪好怕老婆或者女朋友知自己同異性喺埋一齊? [打印本頁]

作者: leekai18 時間: 2012-5-30 21:43 標題: 男人係咪好怕老婆或者女朋友知自己同異性喺埋一齊?

Q: 點解睇無線啲戲時發現男人好鐘意向老婆或者女朋友隱暪自己某段時間曾經同某個異性喺埋一齊呢？呢個咪男人專利黎架？如果換轉係女人，女人又會唔會唔想俾老公或者男朋友知自己同異性喺埋一齊呢？

A: 我覺得，因為女人會覺得適當既妒忌係撒嬌，強烈既質問係代表緊張自己個男人，所以就算明知個女仔無野，都會或大或小地「炳」個男友一餐，久而久之，男人知道女友於呢d情況都會唔講道理，所以，就算同異性朋友無野，都要隱瞞住女友或老婆。

相反，男人知道女友/老婆同異性朋友單獨相處，其實都會擔心，都會懷疑有無私情；但有d男人會覺得自己咁諗係唔信任、唔大方既行為，所以唔會去問或者去管；亦有d男人會問下個女友個異性朋友既底細，但一問之下，女仔好多都已經先發制人，話男友唔信自己，先一步發嬲，於是男既只可以當無事發生，除非有心想撩交嗌。

當然，都會有例外既，就係如果男友覺得自己食硬個女友，反而係女方唔可以無左個男友的話，男友就唔會隱瞞任何異性朋友，而到個女友唔敢提自己既異性朋友。

作者: Sogo20008 時間: 2012-6-1 03:28

凡事都要看大家夠唔夠信任姐,同夠唔夠愛

歡迎光臨香港 Xocat Forum 討論區 (http://p.xocat.com/p/)