【now.com體育】踏入2013年，吾港波喺度同咁多位講句Happy New Year，好波有好報！傳說中嘅世界末日仲未到嚟，大家喺新一年都要收捨心情努力工作，喺2013年第一日，香港隊就會回師主場出戰省港盃，雖然天氣得番10度唔夠，但吾講波已經著定幾件溫暖牌打底幫港隊打氣。講起省港盃，唔經唔覺都已經踏入第35屆，雖然省港盃唔算得上係國際足協正式比賽，但咁多年締造過唔少經典戰役，可以話係香港球迷嘅集體回憶之一。講開經典比賽，又點少得年年一度嘅賀歲盃？雖然兩位球壇巨頭羅生同伍生，都各自喺網誌拍心口同各位球迷保證「做緊嘢」，之但係仲有個幾月就係農曆新年，到而家都好似冇乜聲氣咁，你話吾港波又點可以唔擔心！......
