香港 Xocat Forum 討論區 - Powered by Discuz! Board

標題: 香港有靠山經濟樓巿不用愁 [打印本頁]

作者: vinka 時間: 2007-2-23 09:55 標題: 香港有靠山經濟樓巿不用愁

香港有靠山經濟樓巿不用愁

陸振球 (明報地產版主管)

新的一年，自不然會作出前瞻，香港的經濟和樓巿如何，其實可在狗年尾的一則新聞得到啟示:新加坡政府在新的預算案宣布將當地企業利得稅率由20％下調至18％，2008年度生效。過去7年新加坡共5次減利得稅，累積減8個百分點，同期本港反而調升一次利得稅，由16％升至現時的17.5％，此消彼長之下，新加坡利得稅率將只高於本港0.5百分點。

這段新聞，表面看新加坡對香港「步步進迫」，藉減稅而增加競爭力，但從另一角度看，新加坡其實正因競爭力不及香港，所以才要減企業利得稅來「自保」。就如現時新加坡總理李顯龍和他的父親新加坡資政李光耀一再概嘆，新加坡未能擁有一個如香港擁有的腹地—中國，任何發展努力也是事倍功半。

說真的，香港只要不再出現董七年的有為而治，又或是如西九要推倒重來的內耗，香港人自然會走位，加上有中國這個大靠山，不論經濟和樓巿都不用看淡。

作者: ivan99 時間: 2007-2-23 11:15

西九要推倒重來的內耗，民選議員代表作。佢地話聽民意，但十個人十個意見；又話尋求一個十全十美方案，但世上冇一個方案十全十美，最終十年又十年，十年又十年，仍難地一片，令香港工人冇工開，保安清潔又冇新生職位，要爭取什麼最低工資，民選議員令香港貧者愈貧，中產變貧。

作者: vinka 時間: 2007-2-23 11:24

引用:

原帖由 ivan99 於 2007-2-23 11:15 發表
西九要推倒重來的內耗，民選議員代表作。佢地話聽民意，但十個人十個意見；又話尋求一個十全十美方案，但世上冇一個方案十全十美，最終十年又十年，十年又十年，仍難地一片，令香港工人冇工開，保安清潔又冇新生職 ...

民主社會嘛。。。。

作者: Newnam 時間: 2007-2-23 13:19

[quote]原帖由 vinka 於 2007-2-23 09:55 AM 發表
香港有靠山經濟樓巿不用愁

咁又未必，靠山山會倒，應該把握機會，看看背靠祖國的同時，香港可以做些乜，從中找商機；

香港人口老化、醫療開支大、教育給李割槍搞到一劈屎，立法會入面政黨各自圖利，仲有十幾廿萬的綜援搏亂人士，
中產階級（從前香港的支柱）的生活，比不上新加坡的中產。

作者: auriga00 時間: 2007-2-23 14:10

引用:

原帖由 ivan99 於 2007-2-23 11:15 發表
西九要推倒重來的內耗，民選議員代表作。佢地話聽民意，但十個人十個意見；又話尋求一個十全十美方案，但世上冇一個方案十全十美，最終十年又十年，十年又十年，仍難地一片，令香港工人冇工開，保安清潔又冇新生職 ...

市民對西九的反對聲音一早已出現，只因此項擺明就是像祖國許多省市均有的政治工程，好讓老董可以流名後世。就像歷史上聽到的「勞民傷財」！市場上的錢一向就是有那麼多，不用在西九亦可投放在其他地方，亦不代表興建西九這筆錢便能「無中生有」！不過民意根本就從來不是政府考慮之列．．．

最後能成功推倒西九的最大阻力應該係地產商，當年地產建設商會主席何鴻燊博士已不只一次公開批評西九。只因在發展商眼中的一塊大肥肉居然要以單一招標，怎能不讓大家一齊分？大家都心裡有數知道最後會批給誰！

試問身為議員為何要反對？閣下有否考慮過原因嗎？

作者: ivan99 時間: 2007-2-23 14:38

引用:

原帖由 auriga00 於 2007-2-23 14:10 發表

市民對西九的反對聲音一早已出現，只因此項擺明就是像祖國許多省市均有的政治工程，好讓老董可以流名後世。就像歷史上聽到的「勞民傷財」！市場上的錢一向就是有那麼多，不用在西九亦可投放在其他地方，亦不代 ...

市民對西九的反對聲音一早已出現，任何一個方案都有市民反對。
以前港英時起地鐵，新機場，青馬大橋等等的工程，都有市民反對。「勞民傷財」與否，視乎如何運作。
何鴻燊反對澳門開放賭權，如果澳門多幾個民選議員支持何鴻燊，你估澳門有冇今日的經濟成果。

作者: kkwong7606 時間: 2007-2-23 14:57

引用:

原帖由 ivan99 於 2007-2-23 14:38 發表

市民對西九的反對聲音一早已出現，任何一個方案都有市民反對。
以前港英時起地鐵，新機場，青馬大橋等等的工程，都有市民反對。「勞民傷財」與否，視乎如何運作。
何鴻燊反對澳門開放賭權，如果澳門多幾個民選 ...

如果唔係政府堅持單一招標，而家可能已經開左工。

作者: ivan99 時間: 2007-2-23 15:43

引用:

原帖由 kkwong7606 於 2007-2-23 14:57 發表

如果唔係政府堅持單一招標，而家可能已經開左工。

你知唔知邊個叫黃英琦，邊個叫劉慧卿，政府諮詢幾年就唔参與，埋牙個陣就反對。

作者: kkwong7606 時間: 2007-2-23 16:12

引用:

原帖由 ivan99 於 2007-2-23 15:43 發表

你知唔知邊個叫黃英琦，邊個叫劉慧卿，政府諮詢幾年就唔参與，埋牙個陣就反對。

單係佢兩個就可令西九推倒，唔好再為我地個冇能政府找藉口

作者: KEX 時間: 2007-2-23 16:15

提示: 作者被禁止或刪除內容自動屏蔽

作者: KEX 時間: 2007-2-23 16:19

提示: 作者被禁止或刪除內容自動屏蔽

作者: vinka 時間: 2007-2-24 06:57

引用:

原帖由 auriga00 於 2007-2-23 14:10 發表

市民對西九的反對聲音一早已出現，只因此項擺明就是像祖國許多省市均有的政治工程，好讓老董可以流名後世。就像歷史上聽到的「勞民傷財」！市場上的錢一向就是有那麼多，不用在西九亦可投放在其他地方，亦不代 ...

好像褒呔曾才是這個 Project 的主要推動者喔？！

不要又叫老董“食死貓”啦。

作者: vinka 時間: 2007-2-24 06:58

引用:

原帖由 KEX 於 2007-2-23 16:19 發表

曾憲梓李嘉誠跟---李雲迪，郎朗差不多一樣，只是曾憲梓李嘉誠要偷渡到前英國殖民者----香港！

還有十三億曾憲梓李嘉誠，李云迪和郎朗千迴百轉到這塊亞洲 Promised Land 。香港有靠山經濟樓巿不用愁 ...

香港已經在十年前回歸中國啦，還沉迷在的"英國殖民者 " " 偷渡"階段，老燦！！！

作者: FXO 時間: 2007-2-24 07:32

引用:

原帖由 vinka 於 2007-2-24 06:57 發表

好像褒呔曾才是這個 Project 的主要推動者喔？！

不要又叫老董“食死貓”啦。

懵董期內發生既, 唔係佢孭邊個孭?

當時煲呔話得事咩?

話得事既就唔使轉做掃街大隊長啦.

作者: vinka 時間: 2007-2-24 07:54

引用:

原帖由 FXO 於 2007-2-24 07:32 發表

懵董期內發生既, 唔係佢孭邊個孭?

當時煲呔話得事咩? 話得事既就唔使轉做掃街大隊長啦.

咁煲呔掃街掃得不乾淨, 係味又要由老董“食死貓”??!!

作者: ivan99 時間: 2007-2-24 09:33

引用:

原帖由 kkwong7606 於 2007-2-23 16:12 發表

單係佢兩個就可令西九推倒，唔好再為我地個冇能政府找藉口

我無意諷刺支持普選的人，但巧合地，佢地都低低地。

作者: albtkl2006 時間: 2007-2-24 09:50

引用:

原帖由 ivan99 於 2007-2-24 09:33 發表

我無意諷刺支持普選的人，但巧合地，佢地都低低地。

原來特區政府是可以不負責任的．．．．．．明白你的意思啦！

作者: ivan99 時間: 2007-2-24 10:01

引用:

原帖由 albtkl2006 於 2007-2-24 09:50 發表

原來特區政府是可以不負責任的．．．．．．明白你的意思啦！

香港特區政府是無能同弱勢，全因董建華未能狂插偽民主於佢在位初期，做成日後弱勢政府，禍延至今。相反，澳門特區政府根本唔會信偽民主才有今日之經濟成果。

作者: auriga00 時間: 2007-2-24 11:02

引用:

原帖由 albtkl2006 於 2007-2-24 09:50 發表

原來特區政府是可以不負責任的．．．．．．明白你的意思啦！

算把啦，我覺呢度有兩個人既歪理實在真係「匪夷所思」，根本就唔可能會有理性既討論。所以我都決定以後費事陪呢兩個人癲！

作者: albtkl2006 時間: 2007-2-24 11:05

引用:

原帖由 ivan99 於 2007-2-24 10:01 發表

香港特區政府是無能同弱勢，全因董建華未能狂插偽民主於佢在位初期，做成日後弱勢政府，禍延至今。相反，澳門特區政府根本唔會信偽民主才有今日之經濟成果。

香港特區政府的無能同弱勢，根本不是你中口的所謂偽民主搞事，而是天生制度上已有缺憾，官僚主義比殖民地時代更嚴重，你看看成立新公司的程序香港比新加坡的更複雜就知啦！這程序民主派有幾大程度的參與？加上董特首的施政經常左搖右擺，決而不行，什麼中藥港都是董特首自己提出，最後呢？正如佢回應８萬５問題時的一句話”我無提好耐就已是不存在”！
香港特區政府的無能同弱勢的確是可以好容易諉過於民主派，但其實最大問題是自己本身！

作者: 我也是香港人 時間: 2007-2-24 11:48

引用:

原帖由 auriga00 於 2007-2-24 03:02 發表

算把啦，我覺呢度有兩個人既歪理實在真係「匪夷所思」，根本就唔可能會有理性既討論。所以我都決定以後費事陪呢兩個人癲！

在下早已實行，可以慳番打字的手力

作者: vinka 時間: 2007-2-24 12:33

唔想傾就過主啦！

不用告別典禮既。

作者: ivan99 時間: 2007-2-24 12:47

引用:

原帖由 albtkl2006 於 2007-2-24 11:05 發表

香港特區政府的無能同弱勢，根本不是你中口的所謂偽民主搞事，而是天生制度上已有缺憾，官僚主義比殖民地時代更嚴重，你看看成立新公司的程序香港比新加坡的更複雜就知啦！這程序民主派有幾大程度的參與？加上董 ...

缺憾就係因為政府軟弱，你睇香港早前點對天星示威者，澳門點對示威者，打到"豬頭咁"，
仲要重判。

作者: 瀟灑哥 時間: 2007-2-24 21:03

引用:

原帖由 ivan99 於 2007-2-24 10:01 發表

香港特區政府是無能同弱勢，全因董建華未能狂插偽民主於佢在位初期，做成日後弱勢政府，禍延至今。相反，澳門特區政府根本唔會信偽民主才有今日之經濟成果。

香港與澳門根本不能相提並論。香港經歷六七暴動到97回歸，都未放棄勵精強治香港。

而澳門67年暴動，葡萄牙政府已放棄管治澳門，並向中國提出交還澳門與中國。惟毛澤東以自古以来，澳門並非神聖領土而拒收。

何俊仁可以今天被打，但當年澳門回歸前，誰都不敢碰崩牙駒一條毛。

直至何賢之子何厚鏵任特首。馬龍百蘭度也要讓路。

霍英東放棄澳門賭場。何厚鏵對何鴻燊說：去番禺開會。何鴻燊不敢出聲。

看看何鴻燊在香港之敢言，對着何厚鏵？？？？？？

作者: kkwong7606 時間: 2007-2-26 11:47

引用:

原帖由 auriga00 於 2007-2-24 11:02 發表

算把啦，我覺呢度有兩個人既歪理實在真係「匪夷所思」，根本就唔可能會有理性既討論。所以我都決定以後費事陪呢兩個人癲！

作者: ivan99 時間: 2007-2-26 12:02

引用:

原帖由 瀟灑哥 於 2007-2-24 21:03 發表

香港與澳門根本不能相提並論。

你全對。
但我認為澳門回歸後有今日的經濟成果，除何厚華強勢政府外，少左不知所謂民選議員亦其中最主要原因。

作者: nnlc 時間: 2007-2-26 12:13

老懵董有几懵董？讲嚟听听

作者: nnlc 時間: 2007-2-26 12:15

七一大游行直接导致呢条友下台

作者: KEX 時間: 2007-2-26 12:33

提示: 作者被禁止或刪除內容自動屏蔽

作者: FXO 時間: 2007-2-26 13:19

引用:

原帖由 nnlc 於 2007-2-26 12:13 發表
老懵董有几懵董？讲嚟听听

自己腳痛都要亞爺提醒先識下台休養, 重唔係懵?

85000 無再講就代表無左, 重唔係懵?

把亞爺睇好既煲呔貶去做清潔大隊長, 重唔係懵?

[ 本帖最後由 FXO 於 2007-2-26 13:21 編輯 ]

作者: GBA 時間: 2007-2-26 14:25

希望....

作者: 80919 時間: 2007-2-27 01:55

引用:

原帖由 ivan99 於 2007-2-26 12:02 發表

你全對。
但我認為澳門回歸後有今日的經濟成果，除何厚華強勢政府外，少左不知所謂民選議員亦其中最主要原因。

作者: KEX 時間: 2007-2-27 02:22

提示: 作者被禁止或刪除內容自動屏蔽

作者: vinka 時間: 2007-2-27 05:28

引用:

原帖由 KEX 於 2007-2-27 02:22 發表

澳門自1967年已 outlaw 所謂【非左】人仕。

澳門好奇怪，准許你賭，叫雞，燒炮仗，崩牙駒可以殺人放火，(直到何教父任特首)，但三民主義，國旗一律禁止。

澳門人賭，叫雞，燒炮仗, 都好過你每天尋腥逐臭啦.

殺人放火, 就算是澳門沒回歸以前都是犯法的啦，你正是一個法盲。

掛青天白日滿地紅旗是非法，正如英國白金漢宮，不允許掛伊朗國旗一樣，當然你也可以電郵腥臭圖片給英女皇抹黑她！

歡迎光臨香港 Xocat Forum 討論區 (http://p.xocat.com/p/)