香港 Xocat Forum 討論區 - Powered by Discuz! Board

標題: 被前列腺炎折磨得快崩潰了，懇求提供寶貴意見 [打印本頁]

作者: 無助 時間: 2014-3-17 02:00 標題: 被前列腺炎折磨得快崩潰了，懇求提供寶貴意見

前列腺炎係唔係真係冇得醫？

小弟真係好辛苦... 睇過多個名醫.. 大家經常講嘅我都睇過幾個.... 佢地都講法做法都係類似.. 做呢種鏡. 個種鏡...驗兩次菌..話無菌.. 只係俾arcoxia止痛.. 止唔到幾多… 實在好晤舒服... 成日尿急.. 一晚4至5次....
晤使訓....啱啱先去完...

個小腹成日淵住…. 坐耐D條腰墜著痛... 已經拖成五年幾... 討論區裏邊講嘅醫生幾乎都是見過晤少...都係冇改善…各位ching... 請俾D意見.... 救救小弟...

作者: cyberlai72 時間: 2014-3-17 22:02

我都同你差不多，都醫左兩年幾。

醫生都換左幾個。都係醫吾斷尾。有朋友介紹花粉，我岩岩開始食,你不妨試下。遲啲我準備試吓中醫

作者: 無助 時間: 2014-3-18 01:14

師兄, 多謝.. 不過花粉係唔係真係掂？

作者: cyberlai72 時間: 2014-3-19 00:10

我都係試緊... 我都想得

作者: gogo124 時間: 2014-3-19 15:12

我都醫咗六年.... 中環最貴幾個dr.. 都睇過... 使咗起碼五六十萬, 初時話有係大腸桿菌... 食咗tarivid兩個幾月.. 改善晤大. 再食cravit三個月之後，有啲起色，舒服啲
之後話驗吾到菌... 但都係痛. 再俾acorxia, 好D.... 但冇耐又痛.... 我小腹都係頂住痛..... 痛到去龜頭

我真係懷疑... 係唔係真係無菌..

但驗來驗去...連磁共振攝影度做埋......都話係冇菌嘅前列腺炎... 錢使咗幾多唔好計.. 唉... 最慘係都係袋袋後面成日悶住痛.... 成日精神恍惚…兩個月前連份工都冇埋

好慘…………好彩有老死關照….. 如果唔係...可能已經死咗…..

作者: gogo124 時間: 2014-3-22 15:46

咁多年啦…睇過多個泌尿科名醫…使唔少錢驗菌…最後都話咩都冇…. 最令我唔明嘅係：第二個泌尿科名醫俾cravit我食…見有效.. 我唸住掂啦…. 但當我問醫生cravit係唔係抗菌素…. 佢答係…..如果吾係細菌感染…點解食抗菌素???? 佢唔答我.. 仲有D唔老嚟.

我以前係加拿大讀大學係讀biochem，抗菌素係用黎殺菌嘅，係基本常識..，我再追問下…佢先話抗菌素有時有效…我睇咗佢兩個幾月…. 但係慢慢又開始尿急尿頻…小腹悶漲又返番黎

我問醫生點解…佢話前列腺炎係咁

我再冇去睇…唉…失望…無奈…都唔知D醫生做乜..我相信我係染咗菌未清…只係驗唔到

作者: cyberlai72 時間: 2014-3-23 14:09

食左花粉點個多禮拜，不過一啲分別都冇

作者: kekeyeiww 時間: 2014-3-27 02:27

我以前係美國幾乎醫好…….依家搞到一鑊泡。

我幾乎肯定我個前列腺有菌係入面…只不過驗唔到…因為我三年前有次飲大咗,,,,之後中招.. 條底褲成日有漬,,,,尿管成日痕痕地.. 赤赤地.. 之後個家庭醫生俾7日藥我食…

之後似乎…冇咩事…但係過幾個月…開始覺小腹晤多舒服…同成日尿急…再搵番睇開嘅家庭醫生…化驗之後話咩都冇…

兩年前我係西雅圖做training,夜晚要同香港開會，時常捱夜…成日覺尿急…坐耐D小腹又係好晤舒服…腰又痛..先去睇普通科，普通科即刻轉介到睇泌尿專科醫生..

照完超音波.. 話係前列腺發炎.. 但個西人泌尿科醫生. 只係驗尿…. 驗出有一种菌叫mycoplasma，即時refer我轉睇傳染病專科. 。個傳染專科醫生問得好詳細.. 仲間我係唔係gay…但係態度好友善，然後做前列腺檢驗.. 好痛.. 再驗菌…. 幾日後通知我前列腺染咗兩種菌：mycoplsma同chlamydia俾一種叫zithromex嘅藥我食。話比我知性交會傳染比人, 叫我同埋帶埋SP 黎,如果唔係醫好佐又比佢傳染反

5日後真係有好轉…但係疴到我七彩…. 個醫生俾d藥我止瀉…叫我繼續…之後確係痛少好多…坐兩粒鐘都ok…過咗差唔多四個禮拜,我training快結朿.. 個美國醫生話我仲未得….叫我返香港繼續醫…我抄咗藥名…唸著住返港自已配.. 按藥說明書食…. 但係唔知點解…慢慢又唔掂..

返香港後但唔知搵咩科醫生睇…最後都係去睇泌尿專科..驗尿液.. 驗mycoplsma 驗Chlamydia DNA，中文叫衣原菌…但係驗出咩都冇…但個泌尿專科醫生又話驗唔到有菌晤代表真係冇

(咁即係點呀

)

只係俾我食arcoxia.. 止痛…

作者: lwqclxokok 時間: 2014-3-29 15:47

可以找个医生好好的看看

作者: 蕃茄佬 時間: 2014-3-30 22:48

引用:

原帖由 lwqclxokok 於 2014-3-29 15:47 發表
可以找个医生好好的看看

政府有社會衛生科(完全免費). ..私家有皮膚性病科專科，當然要收費。
香港皮膚性病科醫生資料http://doctors.home-hk.com/search_post.php自己揀啦。. 。

作者: cyberlai72 時間: 2014-3-31 01:49

引用:

原帖由 蕃茄佬 於 2014-3-30 22:48 發表

政府有社會衛生科(完全免費). .....。

社會衛生科去過喇，你眼望我眼

，仲見到d鄙視嘅眼光.. 轉頭即走

。

私家皮膚性病科專科，8舊水起跳，一聽我講懷疑中招，就好似好求其，未聽完我講就叫我驗尿，乜都冇，仲話叫我轉睇心理醫生…我試中醫好過

作者: 蕃茄佬 時間: 2014-3-31 14:37

引用:

原帖由 cyberlai72 於 2014-3-31 01:49 發表

社會衛生科去過喇，你眼望我眼，仲見到d鄙視嘅眼光.. 轉頭即走。
私家皮膚性病科專科，8舊水起跳，一聽我講懷疑中招，就好似好求其，未聽完我講就叫我驗尿，乜都冇，仲話叫我轉睇心理醫生…我試中醫好過 ...

唔可以噤講.. 我兩年前染咗椰菜花…初時真係好驚…唔幾點算…. 後來係中環一位陳醫生 .. 係皮膚性病科醫生…. 呢個醫生同我用laser射咗D濕疣…而且最好嘅係晤多覺痛.. 我當場鬆咗啖氣…….. 雖然之後都發過幾次.. 醫生話冇斷尾…但都可以接受.. 呢個陳醫生幾好。

作者: cyberlai72 時間: 2014-4-1 17:45

引用:

原帖由 蕃茄佬 於 2014-3-31 14:37 發表

唔可以噤講.. 我兩年前染咗椰菜花…初時真係好驚…唔幾點算…. 後來係中環一位陳醫生 .. 係皮膚性病科醫生…. 呢個醫生同我用laser射咗D濕疣…而且最好嘅係晤多覺痛.. 我當場鬆咗啖氣…….. 雖然之後都發過幾次.. ...

請問射菜花…收費點??? Pm 陳醫生資料俾我，唔該晒….

作者: Johnwan2012 時間: 2014-4-2 09:22

Ccccccccccc

作者: 蕃茄佬 時間: 2014-4-3 23:32

引用:

原帖由 cyberlai72 於 2014-4-1 17:45 發表
請問射菜花…收費點??? Pm 陳醫生資料俾我，唔該晒….

PM左比你，陳醫生按你有幾多粒計.. 射一粒菜花6舊…我有9粒
…. 有D連埋一齊…
Dr Chan 都係計一粒…共4200另加診金800…一共5000，最緊要唔多痛…ok架！！當破財擋災啦！

作者: beixueru 時間: 2014-4-4 05:48

是呀，那东西是挺丢人的

作者: chinesesmcold 時間: 2014-4-5 14:34

建議看中醫，中醫的很多古方還是有用

作者: cyberlai72 時間: 2014-4-7 01:16

引用:

原帖由 chinesesmcold 於 2014-4-5 14:34 發表
建議看中醫，中醫的很多古方還是有用

多謝師兄，陳醫生收費算合理，只要佢搞得掂，點都值得啦....我會聯絡陳醫生

請問中醫有好介紹嗎請PM我

感激不盡!

[ 本帖最後由 cyberlai72 於 2014-4-7 01:18 編輯 ]

作者: 蕃茄佬 時間: 2014-4-11 02:02

引用:

原帖由 cyberlai72 於 2014-4-7 01:16 發表

多謝師兄，陳醫生收費算合理，只要佢搞得掂，點都值得啦....我會聯絡陳醫生

專科醫生收費係咁上下啦，，難得佢俾肯俾心機。

作者: 忍者龟 時間: 2014-4-17 02:44

各位大大，我想知道过度的手淫会导致前列腺炎？
谢谢。

作者: louisTT 時間: 2014-5-1 01:19

見各位喺度討論緊慢性前列腺炎。我相信有好多人正係日夜忍受緊前列腺炎嘅折磨。本人亦受盡前列腺炎折磨差不多四年之久，幾乎弄到事業家庭盡毀。幾經轉折之下，終於兩個月前把前列腺炎徹底醫好。希望我的經驗可以幫到大家

本人是資深注冊工程師，經常要應酬。大約四年前，酒後中招。初時只係覺得小小尿頻，其實我已經好小心，馬上去睇家庭醫生，同埋老實咁話比醫生聽發生咩事。驗DNA 驗到衣原體。醫生話好簡單，呢啲係社會病。食一日特效藥會搞掂。食咗之後真係尿頻少左。以為就搞掂。

過咗個零月。又開始尿頻。搵返同一個醫生，再做DNA測試。但係呢次醫生話驗出來乜都冇。冇耐,連我老婆都覺得尿頻。我知道有麻煩，懷疑其實我嘅病係未醫徹底。我早晨第一次小便時覺得有啲針吉咁樣痛。

再咁落去吾掂，即刻去中環搵秘尿專科醫生。驗晒所有懷疑到嘅病嘅DNA同驗血。淨係檢驗費差不多成皮野。但係又係乜都驗吾到。

果排應酬多，每次飲完酒之後就覺得個小腹悶悶痛。第二日早晨小便針拮既感覺更加明顯，而且每次小便完都好似屙唔乾淨。同時間我老婆成日話有啲黃野流出來。大鑊，經老死介紹搵另一個泌尿科權威。做膀胱鏡同超音波，探肛…… 好辛苦…..。

佢同我講我係慢性前列腺炎。先係食咗一個月craved，開頭好似係好返啲，但係無耐又打回原形。而且一晚夜尿成五六次。醫生再比多一個月craved…食完一個月但病情並無改善。

我自己做過乜嘢我自己知。我求醫生再同我驗詳細啲。呢個醫生都幾有醫德，對我幾有耐性。同我講我已經洗左唔少錢做檢驗。再做可能都係能都係搵唔到乜嘢。無謂浪費。之後又轉左食doxyciline。呢隻藥好難頂。真係頂心頂肺，成日有想嘔嘅感覺，我都照樣捱足三個月。

諗返真係好慘。成日要去洗手間，有時根本就冇乜尿，但係都覺尿急，而且感覺小便時發㷫。搞到我半年幾乎唔敢飲水，因為飲少少水就要去洗手間。無耐連坐都唔掂：個袋袋後面頂住頂住，果種辛苦法。唉！好難用筆墨形容。

斷斷續續食咗成一年幾藥。成個人食到虛晒。呢位醫生算幾好心。叫我唔好再食藥。佢話好多慢性前列腺炎,真係難醫斷尾。叫我要注意飲食，同休息。唔好再飲酒。即係話佢都冇辦法。當時我真係絕望。

冇計，再去見另一個泌尿專科。呢個dr就無咁有耐性。末聽我講完病情，又係叫我食craved ，我話我已經食過,佢就俾taravid，又醫左個幾月。完全冇改善，成日瞓唔着，仲頭暈。

改睇中醫，試過一劑中藥兩千幾蚊。食咗大半個月。唔止冇好，病情仲變嚴重左。之後覺得個袋袋成日㷫烚烚，又滾又痛。小便痛就更明顯。個小腹從原來陰陰痛，變成赤痛，一晚夜尿增加到八九次，幾乎冇一晚可以連續瞓超過一個小時。成個人真係幾乎殘晒。條腰痠痛更加明顯。冇耐連去小便都有恐懼感，因為一開始小便都會覺得又㷫又痛，嗰種針吉既感覺比以前更嚴重。個袋袋後面頂住變成漲痛。

之後再轉過幾個專科醫生，試完一隻藥又另一隻藥，結果都係一樣。我感覺我好似係一隻白老鼠

醫咗三年,我成個人真係幾乎殘晒。當時我諗；中西名醫都看過，睇咗咁耐，都係唔掂…. 前列腺炎係唔係真係冇得醫？因為我開始真係頂唔住，長此落去，我寧願自我了斷、如果唔係睇住有頭家,可能已經人間蒸發

今晚寫住咁多先…

作者: kekeyeiww 時間: 2014-5-2 01:58

LouisTT,我依家都同你差不多，真係有苦自己知。

可唔可以快啲講
點樣醫好哂

作者: louisTT 時間: 2014-5-3 00:55

在外面返返覆覆醫了三年多後，不但沒有一點好轉，而且情況越來越利害！真係有痛不欲生的感覺。有一日清理書房的時候，見到一本陳年的Andy Grove 封面Fortune, 佢老人家當年得到前列腺癌，都係自己先去徹底了解前列腺癌醫治方法，詳細同醫生討論最適合佢自己既治療方式，結果醫好前列腺癌。

我醫左三年幾，都係俾啲醫生舞來舞去，點解我唔去細心了解一下前列腺炎成因同醫治方法？受到Andy Grove 啟發，自己去做research, 認真了解下前列腺炎係唔係真係冇得醫？睇了無數網站和各討論區，搵到個網站, 裏面有好詳細嘅前列腺炎解釋。裏面講到嘅資料，同我當時遇到嘅情況極之接近。

再睇番個醫生既quali, 澳洲悉尼大學性病學醫學碩士，再去http://www.hkdoctors.org/ 度查下，查咗成晚 ,原來全香港得佢一個有依個學位。其他啲醫生最多都係得個性病diploma. 我梗係知道醫學碩士同diploma分別啦。諗住即刻打電話去預約,點知原來佢係澳門唔喺香港。

澳門？？？猶豫左一陣，不過諗返依幾年同我咁上下份量既工程師，甚至我之前個老細，都全職過咗澳門起賭場，我自己都有幾個澳門嘅 project，要求嘅比香港仲要高。澳門依幾年真係吸納左好多猛人。另外我係香港亦都搵咗好多個泌尿科權威，亦都搞唔掂。冇計，麻煩都要，打電話過去預約。同個護士約左，最快都要等十日後見到醫生

終於到咗嗰日，去到佢診所。護士帶我入去一個獨立候診室，同我講要等一陣。邊度止一陣？！我十點鐘等到十一點半，有冇搞錯！平時只有人等我，冇我等人！真係唔係幾老黎！出去搵個護士，佢地又真係忙緊！

差唔多等到十二點，足足等左兩個鐘，先見到蘇醫生。

蘇醫生都有同我講唔好意思，因為我之前連續有兩個病情好複雜嘅病人，要時間去解答佢地嘅病情。算啦，希望冇白等！

蘇醫生叫我將成個病情從頭到尾詳細講俾佢聽，然後問我唔少問題：例如係唔係食咗辣野更加多唔舒服，捱完夜又會…更加唔舒服….真係問到要害。然後再同我解釋我嘅前列腺炎好可能係真正原因未驗到, 未能夠對症下藥，所以一直醫唔好。要求我一定要再做檢驗。

咪住！我之前係香港啲權威專科醫生嗰度，做過嘅檢驗已經無數次，基本上乜嘢都驗哂？仲有乜嘢未曾驗呀？

錢唔係問題，問題係依啲檢驗係唔係真係有用？！

蘇醫生同我解釋：科學不斷進步，以往都認定絕大部分嘅前列腺炎都係搵唔到原因，但係近幾年唔少嘅研究證據證明；前列腺炎其實係因為染咗啲細菌而造成，蘇醫生即時印咗份資料俾我，劃幾段重點：至少有百分之四十慢性前列腺炎其實有菌係裏面，只不過呢d細菌用普通檢驗方法驗就真係驗唔到，當成係原因不明嘅前列腺炎，一個原因不明嘅病就真係好難醫。如果我睇得明英文，有幾條link，有更詳盡嘅科學證據係裏面，叫我返去慢慢睇。

我表示我係資深注冊工程師，英文難唔到我。我再問點解以前做咗好多次檢驗都係乜都驗唔到？  蘇醫生強調：檢驗嘅方法唔同，結果就當然唔一樣！

蘇醫生同我講：如果需要考慮是否做檢驗，可以先攞份資料返去好好研究，如果決定要做檢驗，先再約診。經過蘇醫生詳細解釋之後，雖然我唔係明晒，但係佢每一樣解釋都係有根有據。  我覺得值得一試。跟住，佢幫我做前列腺檢驗，唉..就真係好難頂，以往睇過嘅醫生從來冇咁做過。

我留意到蘇醫生叫我留小便個方法就同以前睇開嘅dr好唔一樣，以前啲dr通常叫我留中段尿。蘇醫生就話：對於我嘅病…..中段尿根本唔係合格嘅樣本，而且D尿留幾多都好講究, 樣本用錯, 又點會有正確結果？

做完檢驗，一粒藥都無俾我，我問可唔可以先食藥？  蘇醫生好堅決咁話：暫時仲未清楚你究竟係乜嘢導致前列腺炎，所以冇可能而家就比藥你食！！！食藥要有根據！

蘇醫生只係叮囑我下次複診一定要將以往食過嘅所有藥嘅紀錄嘅都攞嚟俾佢睇, 叫我出去同護士make下次appointment,  望望隻表，成一點鐘。我依家終於明白點解我正話等咗咁耐。淨係聽我講述個病情，再同我解釋點解要做檢驗，蘇醫生差唔多用左接近成個鐘。睇咗咁多醫生，第一次遇到好似蘇醫生咁認真嘅醫生, 希望佢真係幫到我

夜啦, 今晚寫住咁多先.........

[ 本帖最後由 louisTT 於 2014-5-3 01:01 編輯 ]

作者: super_pk 時間: 2014-5-3 10:45

等緊，好緊張呀
究竟前列線炎係唔係性病？

作者: 賴依芙 時間: 2014-5-6 02:11

你自己做過乜... 自己知啦

作者: foreverkayako 時間: 2014-5-14 05:00

哎。。。我也是。。。可是我的情况和你不一样。。。我是手淫戒不掉

作者: fcckerking 時間: 2014-5-24 08:15

C hing請繼續寫呀，謝謝

作者: 無助 時間: 2014-5-26 02:08

師兄，咁你最終係唔係係蘇醫生度醫好？我而家經歷基本上同師兄一樣。睇咗咁多個醫生，都驗唔出我究竟系乜嘢事。好似搵緊我來做實驗。

我岩岩上完蘇醫生個網站，裏邊講啲嘢都好接近我嘅情況，但係你係唔係最後係佢度醫好架？

作者: gogo124 時間: 2014-6-1 03:04

師兄你係咪講緊蘇建x醫生？我睇完佢個website. 資料都幾嚴緊，所講嘅有哂citation，好似有料到

作者: louisTT 時間: 2014-6-2 01:14 標題: 澳門蘇醫生把折磨我三年多的前列腺炎徹底醫好

剛剛出完trip返嚟，遲咗post

上次見完蘇醫生之後，一個星期之後返去睇報告。驗到我嘅前列腺中咗衣原體，尿解支原體同埋一隻厭氧菌嘅細菌。我當時醒晤：我係三年前就係中咗衣原體。其實根本就未清晒。未斷尾！蘇醫生同我解釋: 有可能係因為以前我中咗嘅細菌並無完全醫斷尾。所以啲細菌就入咗前列腺。先會攪到慢性前列腺炎。

蘇醫生將份驗細菌報告同我解釋、從測試結果睇得出我曾經食過啲咩藥，跟住同我對照返我過往食過藥嘅紀錄，果然真係大部分都吻合。但係呢啲藥已經再無效。因為我前列腺裏邊嘅細菌已經對以前食過嘅藥有左抗藥性。我即時好擔心：咁即係話無得醫？

蘇醫生同我解話當然唔敢保證一定醫好。但係好似我呢啲咁嘅豬頭骨案例，佢日日都要面對。同我講仲有其他嘅藥可以醫我個病，先食兩個星期藥睇睇進展。仲話明比我聽：食咗藥之後會有啲乜嘢感覺。

好記得我食藥到大約第六七日。俾蘇醫生講中，個小腹啲唔舒服的感覺就變咗。雖然都係唔舒服，不過感覺就唔同樣。到第十零日，覺得條腰，同個小腹有啲鬆咗嘅感覺，醫咗大約個半月，夜尿從原來的每晚八九次減到兩三次，同埋小便時好似針拮嘅痛就開始減輕。

真係有D震驚，蘇醫生竟然連我自己嘅感覺都知!!! 睇黎今次真係搵到救星

唉！心情都開始放鬆，以前真係小便都有恐懼感。醫到第三個零星期條腰明顯鬆咗。尿急嘅感覺亦都少咗。以前飲水最多二十分鐘唔到就尿急!

醫到第四個星期，忍尿可忍到大概一個鐘。我開始相信呢次真係做到對症下藥。開始比較放心。

想帶埋老婆過去揾蘇醫生，諗黎諗去，都唔知點同我老婆講好。幾經掙扎之後，最終都係同老婆坦白！老婆聽完之後，無出聲淨係喺度喊！

跟住就入房閂埋道門。我幾驚出事！我唯有係快門係邊不斷道歉啦！過左三個鐘出返嚟。

同我講：你估我真係唔知咩事？我只不過係唔出聲！如果你今日唔係同我講真話，我就同你離婚！

唉個心都定啲，咁就不斷同佢道歉同氹返佢。

帶老婆去睇蘇醫生。果然，老婆真係染上同樣嘅菌。即係話；老婆同我情形一樣，以前醫極都唔斷尾，係因為－直都驗唔出我傳俾佢嘅細菌，過去幾年其實都係斷斷續續亂食藥。

我到咗第三個月，小腹嘅悶漲痛，同埋袋袋後便頂住痛都消失咗差唔多八九成。我可以兩個半鐘唔使去洗手間!!

總共醫左三個半月，終於真係搞掂！

我老婆算好彩，係蘇醫生度醫咗六七日尿頻就明顯減少。唔使好似我醫咁耐。大概一個半月完全搞掂。

到咗我哋兩夫婦都真係醫好晒。蘇醫生先同我講。而家先可以叫做真正斷尾！如果唔係，我兩個又會再互相傳染
另外令我覺得開心嘅事其實我之前已經變得勃起都唔掂。而家好番九成。三個多月前慢慢可以應酬飲番酒，再冇尿急，冇夜尿！

我之所以講出嚟，只是希望幫到同病相連嘅兄弟。只有我哋依啲過來人，先至明白到當中生不如死的苦況！

[ 本帖最後由 louisTT 於 2014-6-3 02:01 編輯 ]

作者: newdog33 時間: 2014-6-2 01:40

http://www.youtube.com/watch?v=SBOmp_r9Uyg
蘇建X醫生澳門電視台訪問

作者: newdog33 時間: 2014-6-2 01:41 標題: 回復 30# 的帖子

請問三個月共花了多少醫藥費?

作者: ddgz007 時間: 2014-6-2 10:48

平时注意保养

作者: louisTT 時間: 2014-6-3 00:00

引用:

原帖由 newdog33 於 2014-6-2 01:41 發表
請問三個月共花了多少醫藥費?

醫咗三個幾月，連埋檢驗費，記得大約三萬左右。同我以前睇開嘅專科醫生差不多。

講真我就自己覺得吾貴。我個人覺得價錢差多少呢個唔係最主要嘅。最緊要要真系醫得好。講真，呢個唔係錢嘅問題! 只要真係將我嘅前列腺炎醫斷尾，再俾多十倍價錢我都願意。

起碼我而家可以做番個正常人! 可以正常生活!!

之前個三年幾，俾啲醫生舞黎舞去，我都最少洗咗二三十萬冤枉錢。

作者: hk860 時間: 2014-6-4 10:06

精神科幫到

作者: kevin0105 時間: 2014-6-4 19:04

可以找个医生好好的看看

作者: loksuper 時間: 2014-6-8 19:53

Thank u very much

作者: tonghenf4 時間: 2014-6-8 22:47

不是性病没得问题！！

作者: 蕃茄佬 時間: 2014-6-10 01:15

我唔相信澳門d醫生可以搵唔到嘅細菌係香港反而搵唔到

我唔認為香港的檢驗所品質會不及澳門。

作者: louisTT 時間: 2014-6-11 00:12

引用:

原帖由 蕃茄佬 於 2014-6-10 01:15 發表
我唔相信澳門d醫生可以搵唔到嘅細菌係香港反而搵唔到

我唔認為香港的檢驗所品質會不及澳門。

聽蘇醫生講，檢驗都係送到香港化驗所做。所以要是等成個禮拜先至有結果。

我以後先至明白，最重要嘅分別，系So醫生整體嘅處理過程十分之唔同。佢最重視係找出前列腺炎嘅原因，然後對症下藥。

睇左咁多個醫生，有啲明明同我講任何細菌都搵唔到，但係就俾抗生素！

蘇醫生係清清楚楚搵出我感染佐乜嘢之後，先俾藥我食!!

[ 本帖最後由 louisTT 於 2014-6-11 00:17 編輯 ]

作者: kekeyeiww 時間: 2014-6-11 16:42

Louis 兄，多謝你詳細的報告，我都希望我可以徹底醫好！做番個正常人

但係我有幾個問題，你點知你真係徹底醫好呢？幾耐冇復發？

我之前有一次都以為好左，但係過咗陣，D症狀又翻返嚟，之後個醫生就話乜都驗吾到

作者: happy_1030 時間: 2014-6-15 18:12

祝楼主早日康复~~~~

作者: u8940 時間: 2014-6-16 12:35

多謝樓主詳細解釋, 祝身體健康

作者: louisTT 時間: 2014-7-5 14:16

引用:

原帖由 kekeyeiww 於 2014-6-11 16:42 發表
Louis 兄，多謝你詳細的報告，我都希望我可以徹底醫好！做番個正常人

但係我有幾個問題，你點知你真係徹底醫好呢？幾耐冇復發？

我之前有一次都以為好左，但係過咗陣，D症狀又翻返嚟，之後個醫生就話乜都驗吾到 ...

師兄，我已經好咗差不多十個月，亦都冇復發

另外我都介紹咗幾個同事朋友去搵蘇醫生，so far so good

作者: 蕃茄佬 時間: 2014-7-17 16:34

使唔使咁複雜啊，去到咁遠醫？

作者: 無助 時間: 2014-7-25 02:39

louis 兄，多謝你的詳細報告,我剛剛出trip回來，今天約了蘇醫生，但係要等成個幾禮拜後先見到。
希望佢真係搞得掂啦

作者: wjzxz2008 時間: 2014-8-13 13:34

楼主要戒撸一段时间，估计是撸多了！

作者: andrew2726 時間: 2014-8-14 21:59

If just 前列腺炎, HK Chinese herbal doctor can treat it too ... He is in SheungWan. NOT expensive.

作者: 小小流氓兔 時間: 2014-8-15 00:53

師兄, 多謝.. 不過花粉係唔係真係掂？

作者: 小小流氓兔 時間: 2014-8-15 00:58

我都係試緊... 我都想得

歡迎光臨香港 Xocat Forum 討論區 (http://p.xocat.com/p/)