香港 Xocat Forum 討論區 - Powered by Discuz! Board

標題: 有這樣子的教師，香港的教育...... [打印本頁]

作者: three 時間: 2007-3-8 22:24 標題: 有這樣子的教師，香港的教育......

無理的家長

大家有冇試過俾無理的家長投訴呢？例如投訴老師無禮貌、做唔到野等等

呢d事，校長一定會撐個老師，老師可以take it easy，除非你真係做錯野，俾人有証據捉到正，否則，你唔洗理佢，就等佢向高層投訴吧，學校的高層應該會識得點樣「耍」走佢。當然你要向高層備定案先la 。

舉一個例吧，我學校有個無理家長，大聲夾惡，同個主任投訴，點解佢個仔放學坐的校車要到最尾果個站先到佢屋企，話浪費佢個仔讀書溫的時間（佢個仔成績好差的）。個主任話，佢屋企最遠，如果校車去佢到先唔順路，會對其他小朋友唔公平。（佢以為校車是的士，俾左錢就要去佢屋企先）
點知個家長見講唔掂個主任（個主任對話全程好客氣，絕無動怒），就去副校長度投訴，話個主任無禮貌兼做唔到野。個副校坐個主任後面，一直都知呢件事，所以都係好客氣咁個家長講，希望可以減少個家長的不滿。之後個家長再去校長度投訴個主任和副校，話佢地冇禮貌，死都要校車放學果陣先去佢屋企先。校長當然都是力撐同事，個家長就去辦學團體度投訴個校長和學校，辦學團體都是好客氣書面回覆。最後個家長投訴到教統局，投訴辦學團體、學校、校長、主任無禮貌。

在上述過程，被投訴的一大堆人都是同一陣線，根本唔會理果個無理的家長。最攪笑的是，佢個仔仲係間學校入面讀，有排都未畢業，而我的學校是同區最好，要入都要抽簽，如果轉校，都好難轉到一間好的（加上佢個仔成績差）。這樣的家長是無腦的，得罪學校，以為靠惡就得，結果全校老師都知個家長是人渣，對佢個仔都好冷淡，有時有d要抽簽參加的活動，例如學校資助的交流、參觀等都講明唔預呢個學生。

咁乜野叫做識做的家長？
又舉一個例，我果班有一個女生考全級第一，個家長專登黎搵我，多謝十幾廿次，係咁話我教導有方（其實係佢個女好聰明），得閒就送少少野俾d老師（老師規定不可收超過50元的禮物，個家長好醒，送親都是唔過50蚊的糖果、朱古力等），例如親自煲湯送去學校俾老師飲等等（其實真係送到黎，唔飲真係唔好意思），家長日見家長都識做到買枝水上黎，驚我口渴。

呢d家長，我地就真係係唔敢得罪佢，唔係怕左佢，係唔好意思對佢唔好，老師都不自覺地好照顧佢個女，上堂問問題、搵人做野，都搵佢個女先

所以各位家長，千期唔好同學校玩野，最終俾人玩的一定是自己
( Copy from http://www5.discuss.com.hk/viewt ... amp;extra=page%3D1)

作者: jinnib44873 時間: 2007-3-9 23:50 標題: 回復 #1 three 的帖子

哀哀慘喔家長變項要求學校

作者: hey173 時間: 2007-3-12 03:34

d質素真係要improve呀!

作者: NewbieMonkey 時間: 2007-3-18 22:40

我真係見過有家長倚仗俾左學費就一味靠惡......
成日要求好多特別待遇...
再唔係就一口咬定係老師錯...

搞到好多學校變晒服務行業咁.."顧客永遠是對的"

歡迎光臨香港 Xocat Forum 討論區 (http://p.xocat.com/p/)