香港 Xocat Forum 討論區 - Powered by Discuz! Board

標題: [集思廣益版] 歷年樂壇新人蒸發實錄 (1989-2005) [打印本頁]

作者: 4ReaL 時間: 2007-3-11 18:02 標題: [集思廣益版] 歷年樂壇新人蒸發實錄 (1989-2005)

1989 (23個單位)
王菲 - 停工生女，去年為兔唇女兒成立「嫣然天使基金」，親自唱主題曲《愛笑的天使》，係咁多。
關淑怡 - 06年開復出演唱會及出碟，以後還會做什麼？飄忽到佢自己都講唔定。
王傑 - 最近返大陸出碟，繼續鬧英皇。
蘇永康 - 於台灣被判藏毒罪成後，冇碟出，到大陸拍劇為主。
彭家麗 - 做唱歌老師。簽左新經理人約，遲d安排拍劇及出碟。
寶佩如 - 撞車毀容，去年復出演電視。
麥偉豪 - 下落不明。
陳德彰 - 2年前曾演佛教音樂劇。
李健達 - 做幕後，肥咗好多，時時去cali都會見到佢，特別係step class。
陳思彤 - 有首《厭倦》，下落不明。
蔡齡齡 - 下嫁監製馮鏡輝後，連DJ也沒做。
梅愛芳 - 已故。
黃翊 - 做唱歌老師。同atv前藝員陳存正結緍生仔，響大埔熟食大排檔有兩個鋪炒小菜。
譚耀文 - 最後一次出碟是《縱橫四海》時期，現拍劇為主。
浮世繪 - 解散，梁翹柏做監製，曾推出個人碟；劉志遠到台灣幕後發展，與李麗蕊結婚。
鄭瑞芬 - 曾主持婦女節目，嫁人後唱福音歌為主，育有一女。
林楚麒 - 以未亡人身份在黃家駒喪禮出現後，不知去了哪裡？
文佩玲 - 冇消息。
仇雲峰 - 一碟bye bye，下落不明。
林保怡 - 間歇性靠電視劇人氣出碟。
風之Group - 方樹樑做唱片監製，條女係劉韻個女，結咗婚，移埋民，生咗兩個。
Echo - 解散多年，李惠敏改名A. Lee再戰樂壇，區大娣嫁人後拜拜。
Crystal Zone - 冇印象。

作者: 4ReaL 時間: 2007-3-11 18:02

1990 (17個單位)
黎明 - 活躍，做埋唱片公司老闆，捧衛蘭衛詩。
鄭秀文 - 收埋多時，最近出新歌，就快開演唱會。
彭羚 - 安心做林太，老公搏命賺錢，佢唔使做。
吳婉芳 - 嫁入豪門，相夫教子。
陳少偉 - 唔知。
姚志漢 - 一碟bye bye。
袁志偉 - 下落不明。
莫鎮賢 - 除了蒲gay bar，唔知正職做乜，最近以師傅身份捧新男歌手。
蔣志光 - 演喜劇為主。
劉祖兒 - 冇消息。
戴蘊慧 - 冇嘢做，但會出現於娛樂版，如自殺、離婚等，或老竇戴思聰和鄭嘉穎有合約紛爭，她出來講嘢。
陳雅雯 - 冇見好耐。
蔡濟文 - 肥漲晒，和陳佩珊結婚。
梁球 - 下落不明。當年七一有出黎遊行。
曾航生 - 做了搖擺天使梁安琪男朋友，一齊選議員參政。
韋綺姍 - 做唱歌老師，間中開懷舊演唱會。結咗婚，育有一女。
新青年 - 解散，郭啟華做鄭秀文經理人，入東亞做高層；區新明移民加國 (返咗香港幾個月)。
Face To Face - 吳少芳遇車禍下身癱瘓後解散。

作者: 4ReaL 時間: 2007-3-11 18:02

1991 (24個單位)
梁漢文 - 活躍，但聲勢下滑，好似話07年結婚。
黎瑞恩 - 02年開告別演唱會，嫁金利來太子爺，生仔為主。
劉小慧 - 做老闆夫人為主，間中和蘇志威以夫妻檔搵銀。
劉錫明 - 被倪震封毒瘤明後到台灣，繼續有劇拍，亦有出國語碟。
袁鳳瑛 - 做唱歌老師。
李國祥 - 曾被控藏毒，沒什麼正業，去年出過舊歌重唱發燒碟。
張智霖 - 拍戲拍劇為主，剛為人父。
許秋怡 - 與老公王書麒登台登到去新疆。
周影 - 做過VJ，而家唔知。
黎明詩 - 嫁咗，間中在ball場出現。
劉漢樂 - 張國榮接班人得獎者，消失得好快。
譚又銘 - 下落不明。
劉彩玉 - 主持《都巿閒情》，之後去咗邊？
李美鳳 - 嫁有錢人，唔使做，做過纖體代言人。
歐陽德勛 - 港台DJ。
蔡興麟 - 名字變了電台笑話，人在大陸拍劇，今年亦會出碟 (未知廣東定大陸)。
溫碧霞 - 在大陸拍嘢？
施偉芝 - 杜麗莎家族成員，有人話佢死咗...
軟硬天師 - 06年重組，好紅，搵好多。
花生女郎 - 張可頤患病後已好少見，其他唔使講。
民藝復興 - 黃志淙剛出了書，其他人不知。
Purple Heart - 白嘉倩做瘦身代言人，黃偉年做音樂。
Rose Garden - 下落不明。

作者: 4ReaL 時間: 2007-3-11 18:03

1992 (18個單位)
郭富城 - 活躍，但拍戲好過。
鄭伊健 - 活躍，好似冇碟出。
黃耀明 - 活躍，開埋唱片label，捧自己捧新人。
葉玉卿 - 嫁去美國。
李樂詩 - 06年宣佈和杜德智分手，做騷表演為主。
張衛健 - 拍大陸劇為主，06年無聲無息出過碟。
湯寶如 - 拍過瘦身廣告，冇乜影。
梁雁翎 - 結咗婚，06年亦有在大陸出碟。
唐韋琪 - 繼續做兒童節目。
鄭梓浩 - 在新西蘭教唱歌。
何寶生 - 已出家。
黎允文 - 下落不明。
陸家俊 - 曾被唱片公司封為香港林志穎，名字變了電台笑話。年前復出TVB，後解約，發胖後做回寫字樓工。
李家明 - 消失。
劉以達與夢 - 劉以達06年和內地女新人組成「達與璐」，公開批評黃耀明/商台惹新聞。
何詠琳 - 蒸發。
許子聰 - 蒸發。
豹小子 - 蒸發。

作者: 4ReaL 時間: 2007-3-11 18:03

1993 (17個組合)
莫文蔚 - 活躍。
鄭嘉穎 - 消失樂壇多年，獲TVB力捧，唱主題曲出碟/拜劉家昌為師。
黎姿 - 消失樂壇多年，靠電視劇人氣唱吓主題曲。
馬浚偉 - 疊埋心水拍劇。
莫少聰 - 驚嚇一碟，返大陸。
林俊賢 - 另一驚嚇，聽聞九龍城有一舖。
車沅沅 - 分別改過名車婉婉、沅沅，拍過胡鬧處境劇，做過星座神婆，現主持電台節目，仲有幫阿媽打理酒樓生意。As per Apple Daily, 剛加盟 BMA。
白嘉倩 - 除了瘦身，唔覺有咩做。
葉蘊儀 - 已離婚，自力更生教人做紙黏土公仔。
王馨平 - 嫁商人，去吓ball。
江希文 - 用阿慈新名變身唱作人不成功。
鄒靜 - 冇見好耐。
劉玉翠 - 做TVB綠葉。
袁潔瑩 - 除了豐胸，傳同志緋聞，工作不多。
吳君如 - 活躍，除了在樂壇。
楊采妮 - 拍電影。
Girl Friends - 唔知。

作者: 4ReaL 時間: 2007-3-11 18:03

1994 (22個單位)
古巨基 - 活躍。
張崇基張崇德 - 活躍，出天碟、開騷、開音樂學校，張崇基最近擔任TVB Music主管。
李惠敏 - 消失多年，07年改名A. Lee再戰樂壇。
吳倩蓮 - 拍內地劇，被認錯林憶蓮，將於今年出嫁。
張玉珊 - 修身堂集團主席。
曹永廉 - 處境劇摺埋，繼續拍劇。
海俊傑 - 在亞視拍劇被指鹹豬手。
趙學而 - 做完胡鬧劇好耐，黃Wyman搵佢唱《最佳位置》，最近林一峰做舞台劇。
范振鋒 - 與梁奕倫組成Double R.，活躍過一排，跳槽後又靜晒。
陳山葱 - TVB大配角。
孫耀威 - 返大陸拍劇，間中拖阿唔知邊個阿妹出嚟拍拖，亦曾在亞視拍過劇，佢自己有間bar。
區紹偉 - 嘩，百變金剛我記得，去年在倫永亮演唱會表演斷背歌舞。
洪楗華 - 幾靚仔，一曲《你失戀我悲傷》在K場紅過，道聽途說都係去教唱歌...(似乎任何人做過歌手都可以教唱歌?)
鍾嘉興 - 毫無印象。
黎瑞蓮 - 消失冇影。
劉雅麗 - 繼續做舞台劇。
李莉莉 - 嫁了去深圳，又離婚，06年出現番。
陳奕 - 去咗學造衫和做化妝師，曾經出過一本關於新娘化妝打扮的書。
李麗珍 - 傳咗單大鑊新聞後，拍過部票房仆街戲。
風火海 - 解散，陳小春活躍，謝天華拍劇，朱永棠從商。
CD Voice - 長面果個晌香港，有時晌cali又會見到佢，圓面果個好似返去幫老豆打理生意。其中一人由外地返港搞小朋友聽歌學英文workshop，十分成功。
Anodize - 解散後部份成員組成LMF，LMF也停產了。

作者: 4ReaL 時間: 2007-3-11 18:04

1995 (27個單位)
陳慧琳 - 活躍。
李玟 - 活躍，宣佈07年出廣東碟。
郭晉安 - 憑阿旺走紅，唱吓主題曲。
羅敏莊 - 出發燒碟，拍劇。
陳建穎 - 改名陳紀匡，06年出了一張碟《記得我名字》，有鬼人記得咩？
陳浩民 - 拍劇，在大陸有出碟。
馬怡靜 - 唱吓靚聲碟/靚聲騷。
伍詠薇 - 拍劇。
陳曉東 - 返大陸拍劇多年，現為內地拍劇最高薪酬男藝人，成日話回歸香港。
唐文龍 - 返大陸拍劇。
黃秋生 - 專心拍戲，冇唱歌了。
李俊傑 - 全無印象。
劉諾生 - 做音樂。
康賢 - 用自己名去做pt，先加入旺角cali，之後調咗去中環，後來同幾個pt自立門戶，晌中環開咗一個gym,專做personal training，亦曾經晌做pt時被發掘去咗影結婚廣告。
何偉圖 - 全無印象。
戴恩玲 - 嫁咗人，住半山，生咗兩個。
伍婉琛 - 本為落選港姐，傳佢俾人包。
王翠玲 - 最近TVB套《雪影移城》有佢... 佢好耐之前同黃秋生拍過一套叫《伊波拉病毒》既戲... 之後去左吉隆坡工作... 名曲有《簡簡單單》。
甄蕙文 - 阿太玩票啫，可以不理。
幕後玩家 - 解散，主音羅金榮之後出過2-3隻碟，早排跟黃子華搵食，做佢幕後，《男親女愛》主題曲係佢作的；陳頌紅轉了做愛情小說作家，筆名寧靜，簽俾天地，出咗over十本小說。
天織堂 - 下落不明。
Black Box - Clayton組成宇宙大爆炸，活躍創作；林健華嘛係周國賢老闆，活躍創作。
Art Gallery - 下落不明。
Twilight - 全無印象。
Zen - 最近新聞是主音黃和興結婚。黃和興同鄧明輝另組樂隊「九紫」，屬葉世榮旗下，2007年會在大陸出碟。成員「琛」在英皇工作，未知是否已離職。
Summer Grace - 執笠。
Virus - Seasons Lee 先兩年仲有出碟。

作者: 4ReaL 時間: 2007-3-11 18:04

1996 (13個單位)
陳奕迅 - 活躍。
楊千嬅 - 活躍。
鄭中基 - 活躍。
梁詠琪 - 活躍。
何超儀 - 改名何超，06年有出碟。
朱茵 - 拍大陸劇為主，幾年沒有自資出碟了。
曾仕賢 - 港台沒續約。去了商台製作，改名叫papaja，也有教滑水。
Jackal's Dream - 唔知係咩。
蔣卓樂 - 曾被喻為香港Bjork，笑死。
羅堅 - 做電影配樂，最近作品是《雙子神偷》。
蔡安蕎 - 曾轉戰台灣樂壇，06年改名蔡依韻，以光大證券副總裁身份在多份報章寫財經專欄。
李中希 - 在TVB做主持。
Black And Blue - 主音盧巧音獨立發展。

作者: 4ReaL 時間: 2007-3-11 18:04

1997 (20個單位)
林海峰 - 活躍。
謝霆鋒 - 活躍，但只限於內地巿場。
陳小春 - 活躍。
沈魚 - 翻版王菲喎，下落不明。
李君筑 - 曾黐住關淑怡名氣上位，現下落不明。
黎駿 - 改咗名去做model，大陸拍劇。
丘采樺 - 下落不明。
黃浩詩 - 化名Susan Wong出hifi試機碟，仲好賣過容祖兒喎隻蹀。
胡諾言 - TVB藝員。
余力機構 - 陳輝陽活躍，其他唔知。
陳琪 - 在TVB？
姚琇齡 - 改名姚安娜，轉做塔羅神婆。
紀炎炎 - 改名紀璟如，在內地出碟。
朱潔儀 - 只見她賣菲傭廣告，新作係拜楊貫一為師學煮鮑魚。
袁詠儀 - 專心做媽咪/拍戲。
宣萱 - 拍劇，附帶唱主題曲。
譚小環 - 拍劇，傳聞要嫁。
Dry - 解散，雷頌德繼續作歌抄歌，馮德倫拍戲、做導演。
Tequila - 唔知乜水。
T&T - 傳女主音係奪edison處男身的人，之後好似無做番model，從商。

作者: 4ReaL 時間: 2007-3-11 18:05

1998 (5個單位)
盧巧音 - 短休，有新歌免費下載。
葉佩雯 - 久休，去年出番嚟，變了rock girl。
何嘉莉 - 嫁糖水鋪老闆，退出。
吳啟華 - 食住《妙手仁心》條水，出了2張碟，以程至美作筆名參與填詞。現專心拍劇，最近和內地女子結埋婚。
劉愷威 - 出過碟咩？過亞視半浮半沉。

作者: 4ReaL 時間: 2007-3-11 18:05

1999 (8個單位)
容祖兒 - 活躍。
張柏芝 - 大緊肚，有排唔會唱歌做戲。
Snowman - 改名Swing後又解散，又離又合又活躍番。
何潤東 - 在大陸拍劇為主，憑人氣最近出碟。
恭碩良 - 活躍於幕後。(Alive《四大天王》中呻做歌手慘況。)
林曉培 - 據聞冇碟出，經濟出了問題。
張茵 - 做過MP4主音，浮浮沉沉又消失。
有耳非文 - 繼續indie。

作者: 4ReaL 時間: 2007-3-11 18:05

2000 (21個單位)
陳冠希 - 活躍，開公司做CEO捧新人。
古天樂 - 專心拍戲，慳番啖氣暖肚。
李彩樺 - 用番真名李彩華，拍廣告拍戲，去年出過碟。
丁菲飛 - 3年前和Secret Garden合作過，近況不詳，妹妹丁薇就有碟出。
彭海桐 - 被揭黑工身份，嫁音樂人周初晨間中做幕後。
小雪 - 嫁人後老公去滾，最近抱住個女出番來。
張家輝 - 拍戲。
陳慧珊 - 拍劇、結婚。
B2 - 散band。
李思捷 - 拍劇。
VRF - 散咗好耐，丁子高做公關，新作係同陳豪爭女。
盧雪蓮 - 小室徒弟Celina，出咗一張single之後繼續學業，而家下落未明。
譚凱琪 - 小室徒弟Zoie，最近又因為丁子高同廖碧兒的緋聞又俾人拎番出嚟，而家仲有婚禮書會用她的相做廣告。
古倩敏 - 仲有冇作曲寫詞呢？
康淨淳 - 唔知乜水。
On-line - 夾過Ping Pung又消失？
鄧昊天 - 名曲《衣架》，推出首張EP後2個月，因工作態度欠佳，被經理人雪藏，雪足10年，不准解約及另找工作，要找涂謹申議員及法援處求助，歌手壽命只維持2個月，成為史上壽命最短歌手。改名鄧展驊(定「華」？)，05年出現於CASH流行曲創作比賽。
江華 - 好驚，好似連劇也少拍了。
張德豪 - 《黑客》一碟摺埋，老竇開的創藝karaoke也執了。最近以網絡歌手身份再戰樂壇。
北極 - 太極玩票性質的band，各散東西。　
蔣嘉瑩 - 亞視殭屍劇主題曲《約會》，隻碟賣20蚊都冇人要。

作者: 4ReaL 時間: 2007-3-11 18:05

2001 (17個單位)
Twins - 活躍。
何韻詩 - 活躍。
方力申 - 活躍。
王喜 - 拍劇。
周永恆 - 藏毒後守行為仍打架，同女友阿Yu一齊消失。兩人分咗手，話佢而家做車房同教人彈吉他。
張燊悅 - 轉做OL，在礦泉水公司做推廣。
陳文媛 - 專心拍拖等嫁。
陳司翰 - 返大陸拍劇。
鄧健泓 - 話簽新公司出碟，唔係好覺有出。
黃伊汶 - 轉戰內地做打女拍劇，揚言會再出碟 (睇下阿媽俾唔俾錢啦) 。
王秀琳 - 返內地拍劇。
何美玲 - 全無印象。
孫鳳鳴 - 全無印象。
傅天穎 - 去台灣嫁奀星。
傅珮嘉 - 做過唱作女生，而家呢？
Dragon 5 - 全無印象。
臨記 - 下落不明。

作者: 4ReaL 時間: 2007-3-11 18:06

2002 (14個單位)
關心妍 - 活躍。
鄭希怡 - 活躍。
麥浚龍 - 活躍。
EO2 - 活躍。
Cookies - 9變4再解散，最後4餅仍活躍，只有2人出過個人碟。
Shine - 07年解散，唔知仲有冇得唱。
余文樂 - 拍戲多。
蕭正楠 - 雪雪雪後返大陸拍劇。
陳見飛 - 被控藏毒後消失。
李蘢怡 - 一味露。
趙頌茹 - 轉行做記者，在柴灣返工。(聞說被雜誌炒了？)
陳思維 - 陳思慧？唔識。
胡彥斌 - 留在大陸。
E-kids - 解散，成員阮民安因賭欠下十多萬賭債。
高晨維 - Sony奀新人，曾改篇平井堅的《Why?》做主打(名為《起飛》)，曾作大聯盟卡啦OK試唱...樣子貌似許冠文女兒...現下落不明...

作者: 4ReaL 時間: 2007-3-11 18:06

2003 (15個單位)
吳浩康 - 藏毒後，06年仍吊住命有出碟。
張敬軒 - 活躍。
林一峰 - 活躍。
鄭融 - 活躍。
李逸朗 - 活躍。
AT 17 - 活躍。
BOY'Z - 2變3加1，現名SUN BOY'Z，仲扮緊新人。
2R - 剃頭演舞台劇，唔知仲有冇碟出。
陳驊 - Body music好噱頭，已消失。
林子良 - 台灣唱作歌手，出道時標榜曲詞編唱一手包辦，曲風如主打名字一樣，《天馬行空》。而家唔知去咗邊。
王蓉 - 在內地繼續做創作歌手。
黃馨 - 冇聲氣。
嘉琳 - 繼續indie啩。
SKY - 下落不明。
CHEERS - 下落不明。
JEFF & MACHI - 台語RAP界班霸「麻吉」，最近出咗新碟。

作者: 4ReaL 時間: 2007-3-11 18:06

2004 (18個單位)
薛凱琪 - 活躍。
周國賢 - 活躍，夾band。
劉浩龍 - 活躍。
藍奕邦 - 活躍。
官恩娜 - 活躍。
房祖名 - 拍戲多，06年冇出碟。
陳苑淇 - 活躍。
鄧穎芝 - 活躍。
吳日言 - 06年冇出碟。
戴夢夢 - 睇Roadshow啦。
梁洛施 - 拍戲多，06年被雪藏。
徐偉賢 - 唔覺有影。
歐得洋 - 消失。
Bliss - 解散。
Ping Pung - 解散。
女生宿舍 - 解散，梁靖琪個人發展。
范姜明月@涉谷縱橫 - 冇印象。

作者: 4ReaL 時間: 2007-3-11 18:06

2005 (18個單位)
衛蘭 - 活躍。
謝安琪 - 暫休生仔。
方大同 - 活躍。
側田 - 活躍。
關智斌 - 活躍。
張繼聰 - 活躍。
王菀之 - 活躍。
周麗淇 - 活躍。
Soler - 與經理人不和，靜晒。
葉宇澄 - 06年有出碟，但好靜。
蔣雅文 - 活躍。
劉日曦 - 轉做配樂，去年被控藏有可卡因罪成。仲幫g magazine除衫拉低短牛露毛拍艷拍。
應昌佑 - 06年冇出碟。
Krutsty - 06年冇碟出。
林苑 - 06年冇出碟。
香香 - 食住《老鼠愛大米》個勢出道的網絡歌手，冇消息。
梁靖琪 - 拍劇為主。
廖雋嘉 - 內地發展為主
賈立怡 - 內地發展為主。
藍強 - 西人唱中文歌，近況不詳。
紀利 - 不詳。

作者: 4ReaL 時間: 2007-3-11 18:07

集思廣益，歡迎提供遺漏資料。

作者: runaway 時間: 2007-3-12 12:48

03年既黃馨,最近收到風,好似簽左陳家瑛,07年會有動靜...同時佢都好似拍左部港產片.唔知幾時上...
至於范姜明月@涉谷縱橫咪曾志偉早排簽左超大胸女星...叫....楊嘉雯...

[ 本帖最後由 runaway 於 2007-3-12 05:06 編輯 ]

作者: danigo23 時間: 2007-3-12 21:47

thanks for sharing~~

作者: xteve 時間: 2007-3-13 10:51

有没有吴倩莲的资料?她也曾经系女新人.

作者: 天劍@office 時間: 2007-3-13 12:30

引用:

原帖由 4ReaL 於 2007-3-11 10:07 發表
集思廣益，歡迎提供遺漏資料。

好多都下落不明
一係嫁左人...........

作者: 天劍@office 時間: 2007-3-13 12:40

引用:

原帖由 xteve 於 2007-3-13 02:51 發表
有没有吴倩莲的资料?她也曾经系女新人.

上面有寫
再找找

作者: 天劍@office 時間: 2007-3-13 12:41

戴恩玲 - 嫁咗人，住半山，生咗兩個。

曾幾何時很喜歡她，也有一面之緣...
想不到已嫁了
恭喜...

安格斯麾下的，其實實力也不俗..

作者: 4ReaL 時間: 2007-3-13 14:32

戴恩玲

作者: 一只老妖怪 時間: 2007-3-13 22:11

一鸡死,一鸡鸣..真系咁样..

作者: 女王之奴 時間: 2007-3-14 21:23

提示: 作者被禁止或刪除內容自動屏蔽

作者: bluishlv 時間: 2007-3-15 01:52

引用:

原帖由 4ReaL 於 2007-3-11 18:04 發表
1995 (27個單位)
王翠玲 - 最近TVB套《雪影移城》有佢... 佢好耐之前同黃秋生拍過一套叫《伊波拉病毒》既戲... 之後去左吉隆坡工作... 名曲有《簡簡單單》。 ...

《雪影移城》個王翠玲同 1995 年新人的王翠玲是同一人 ??? 我有點疑問......
另外, 郭芯其、董敏莉、陳敏之、劉思慧等有歌派上台但無出過大碟的又是否計算在內 ?

[ 本帖最後由 bluishlv 於 2007-3-15 02:12 編輯 ]

作者: bluishlv 時間: 2007-3-15 02:00

陳思慧 Candice ... 應該係 2002 年新人, 而家轉做幕後較多, 經常幫 TVB 的劇集主題曲作詞, 如「我的野蠻奶奶」、「高朋滿座」等。

作者: bluishlv 時間: 2007-3-15 02:05

1991 年新人劉彩玉現在仍在主持都市閒情
2004 年新人還有 KellyJackie

作者: runaway 時間: 2007-3-15 09:47

講吓講吓,好似少左個吳日言....
同時97年既余力機構既余力為...之後活躍於電影圈,搞過一本梁家輝主演既獨立戲...叫[天上人間]
之後專心做電影攝影師...一直幫近代中國電影新希望...賈柯章,做攝影師...[小武],[任逍遙]到[三峽好人]都是他的大作...

作者: xteve 時間: 2007-3-15 18:27

引用:

原帖由 天劍@office 於 2007-3-13 04:40 發表
上面有寫
再找找

多謝﹐我找漏左。

有沒有何家勁﹐莫少聰?何家勁當年憑展召再度走紅﹐有首歌幾HIT﹐不過我忘了歌名,好似叫"從頭做起"?

還有唱"隨便坐"的艷星女歌手叫o羊名?

作者: s9753568 時間: 2007-3-15 22:50

提示: 作者被禁止或刪除內容自動屏蔽

作者: bluishlv 時間: 2007-3-16 00:59

引用:

原帖由 xteve 於 2007-3-15 18:27 發表

有沒有何家勁﹐莫少聰?何家勁當年憑展召再度走紅﹐有首歌幾HIT﹐不過我忘了歌名,好似叫"從頭做起"?

還有唱"隨便坐"的艷星女歌手叫o羊名?

Yes, 何家勁那首甚 Hit 的歌叫 "從頭做起"
唱 "隨便坐" 的那位叫陳雅倫, 拍過蘇永康 "失眠" 首 MTV

作者: bluishlv 時間: 2007-3-16 01:12

張佩金是哪一年的新人 ? 上面好像沒有她的名字

作者: jian801 時間: 2007-3-19 14:12

精彩~~~~~~~~GOOD!!!!!

作者: 港奸剋星 時間: 2007-3-19 22:08

張佩金好似出道未成就衰左喇

作者: ed_is_on 時間: 2007-3-21 07:54

很多人都唔知做咩唔見左....

作者: runaway 時間: 2007-3-21 15:49

我記得何家勁當年有兩隻hit歌, 一隻真係幾好聽叫[想講講未完],另一隻叫[方小敏],就應真麻麻...

作者: busman 時間: 2007-3-21 18:07

引用:

原帖由 runaway 於 2007-3-21 07:49 發表
我記得何家勁當年有兩隻hit歌, 一隻真係幾好聽叫,另一隻叫,就應真麻麻...

何家勁好似好早出道，你說的其中一道hit歌叫 "也許", 好似蔡楓華同郭富城都唱過同一首歌

[ 本帖最後由 busman 於 2007-3-21 10:08 編輯 ]

作者: SNK 時間: 2007-3-21 19:27

最近一次見到江希文o係 apm 度做新年倒數表演！

作者: jackal_ming 時間: 2007-3-26 00:31

thank you very much~~!

作者: 不動明 時間: 2007-3-30 19:44

強~

作者: singmoon 時間: 2007-4-16 12:33

作者: 鴨頭 時間: 2007-4-16 14:17

作者: 20thcb 時間: 2007-4-17 16:58

引用:

原帖由 港奸剋星 於 2007-3-19 14:08 發表
張佩金好似出道未成就衰左喇

係大陸車, 跟住林曉培代唱, 係新城派台過一輪.

作者: 20thcb 時間: 2007-4-17 16:59

好似少左歐倩怡, 係EASon左右果屆新秀, 唱歌聲魅影.

作者: lucklycat 時間: 2007-4-18 12:11

是不是被人都包了?现在都流行这样!

歡迎光臨香港 Xocat Forum 討論區 (http://p.xocat.com/p/)