Board logo

標題: 漢國無良華裔導遊(小心小心) [打印本頁]
作者: arsenal_coolman    時間: 2007-3-18 05:32     標題: 漢國無良華裔導遊(小心小心)

澄清一下:我所發生經歷並不涉及旅行社,不涉及香港領隊 and 當地攝影師及司機..............一齊罪狀只涉及一位自私謀取暴利,不理客人感受當地(韓國)導遊 jacky
話說上星期參加了旅行團(出名名食住宿好) 所辦韓國5天團!到達仁川機場後,乘座旅遊巴時間差不多零晨 5 點幾,固各團友大多在車上休息..........我只是略略聽到導遊介紹自己性格好直(真係好直),講野唔喜歡轉彎未角.........
頭一天: 都係去下水上樂園及夢幻樂園,各團友都開心地渡過一過晚上
第二天: 茂朱滑雪(惡夢開始):,到達目的地導遊建議先座滑雪纜車上雪山影下相,仲講明價錢牌寫明 (W11,000)一位,叫大家放心,絕不欺騙團友,團友並冇出聲,導遊講你地唔出聲當作你地應承(埋下伏線),我地見都唔算貴咪算啦!!
當導遊叫攝影師買飛時候,攝影師同個服務員講數,我好奇上前睇下,原來他們以member價購買觀光纜車飛,影相完畢後,正式比錢租野滑雪,當然導遊又係收取正價,而付款又係超正member價!至於member正確價錢幾多就費時多講,只可以用幾個字形容:食水好深,不過團友都預定收正價,固冇法出聲.晚上食完晚飯出返首爾,在車上導遊提出明晚晚餐需要自理.建議安排我們去海鮮魚市場購買 king crab (皇帝蟹)<大概千二元港紙,陪四個人食比日本廉價好多> (唔係好信)據我所知吉之島或SOGO都唔駛一千元,唔食蟹都可以購買新鮮魚生,每位團友再付出W5000某間餐館煮理.當然各團友因滑雪過勞關係,已在車上呼呼入睡!.只有幾位團友發問,如果唔食魚生可否其他選擇,導遊即時回答,你地唔食就冇其他野食............(太過份)冇團友再敢出聲.導遊又用絕招:你地唔出聲當你們應承!
第三天: <高潮>  食過早餐後去下景福宮及民俗博物館 TAKE PHOTO,中午再去統一展望台,jackey介紹南北韓歷史十分充足(印象改觀).下午再到新村購物商場行街,導遊提醒我們記得準時七點上車去食海鮮及不要過對面購物大道行街,原因多車危險及迷路(別有用心),以我們打不死精神,當然唔會放過對面購物大道shopping la!發覺購物大道買衫較廉之外,最重要原來好多食店(日式,韓或),價錢都係$50有找,這時我們才明白之前導遊嚴禁團友准入這兒目的~大概七點鐘,各團友準時上車,準備出發海鮮市場,我們即時提出留在這兒進食晚餐,再自行乘車返回酒店(不想影響其他品嚐king crab團友),導遊語大強硬表示<不可以>,原因沒有hotel address,(焗所有團友食海鮮),當然許多團友十分不滿,導遊見一發不可收拾,就以舉手投票作安排,80%反對食海鮮,導遊十分不滿改以安排全團於新村品嚐海鮮炒飯或即時返回hotel(玩野),hotel附迎都冇野好食,只有一間便利店,當然大部分團友反對,我們再次提出大家各自食飯,再約某個時間集合返回hotel休息~導遊十分不滿答應八點集合(玩野), 7:15落車8:00點集合,行去搵餐廳都唔夠時間啦.............我們堅持8:30,導遊強硬妥協8:15準時上車(太過份)....................開開心心食過日式晚餐後準時上車,見導遊座在車頭,臉向側邊(西哂口臉比臉色我地睇),當我們透明,領隊點齊人數後開車返酒店途中,導遊一句野都冇講(正常安排明天行程),一路上只有領隊講佢大團史及解釋導遊頭痛唔舒服(心照)~領隊表示呢幾天導遊都十分辛苦,應向導遊報以掌聲,我地比面領隊都有拍掌,但導遊仍背著我們舉起單手以示謝意(太太太過份),我們係消費者,仲要睇你臉色,我知道因為我們反對食海鮮而破壞你賺錢大計.............但我們係有權選擇(自費),加上我們一直沒有應承去食海鮮(正常前一晚mark底多少團友食海鮮,多少團友自行安排),但呢位好好導遊只是一意孤行,強迫全團去進食海鮮!如果我們唔出聲,我地再一次變成羊牯! 返到香港一定投訴(不滿憤怒)!
第四天:早上視我們(車尾)如透明~呢位小氣導遊只向車頭(食蟹團友)講早晨及安排今天行程眼神只投向他們,從不向車尾望過一眼(實在太唔專業及小氣)!賭場行程完畢後,眼神才有些微接足我們,原來呢位專業導遊剛剛贏了錢~下一站明洞,介紹團友購買牛仔褲及綿手套及綿襪,仲有一樣好記得(golf手套)質靚價廉, 導遊解釋唔係好喜歡打golf,不過好喜歡打捧球,可以拿支捧發洩一下,突別指出昨晚好嬲忿忿不平好需要打捧球發洩一下!!!wowo!!!!果然專業及直腸直肚!!!我們返到香港一定專業直接地投訴jackey導遊呢5天難忘回憶!!!!
第五天:購物行程完畢後,當然收取小費啦!領隊,攝影師(包括司機)額外付上tips,當然導遊tips咪駛指意(小費都唔想給他),上機前jackey只有向食蟹團友握手道別,而我們扮作透明(本人亦唔希罕) !
總括呢5天有幾方面導致我們不滿及投訴:<1>突級煙鏟~無時無刻下車後,上車前,飯前飯後手上都拿著一枝香煙 <2>莫不關心~食飯時候從不安排團友打點一齊:例如醬油,汽水或添菜,全由領隊及攝影師打點一齊,每次食飯jackey都會不知所失蹤 <3>貪得無厭~滑雪已經騙取一筆,晚飯亦想欺騙各團友,是否太過份呢??? <4>工作不守專業~參加旅行團差不多十次,從未碰見呢位自私自利,比面色你睇,比說話你聽既導遊 !!

本人以上所講並非針對韓國所有導遊(本人4年前亦跟此旅行社暢遊korea,並未發生此情況),只是提醒團友如見此人,記得自我警惕.


JACKY LAM






[ 本帖最後由 arsenal_coolman 於 2007-3-19 16:22 編輯 ]
作者: 芝華士女朋友kay    時間: 2007-3-18 09:44

引用:
原帖由 arsenal_coolman 於 2007-3-18 05:32 發表
澄清一下:我所發生經歷並不涉及旅行社,不涉及香港領隊 and 當地攝影師及司機..............一齊罪狀只涉及一位自私謀取暴利,不理客人感受當地(韓國)導遊 jackey
話說上星期參加了旅行團(出名名食住宿好) 所辦韓國 ...
導遊係靠呢d維持生計, 我相信好多人跟遊行團都唔介意比導遊賺呢d錢, 但做團友要比得開心! 導遊切忌黑面無禮貌囉

你呢個導遊唔識do o者

我試過最初跟團去泰國, 個導遊知道我地鍾意蒲, 第一二晚都帶我地去玩到好開心, 第三晚自費食海鮮, 明知唔好食又貴, 我地d團友都會比囉, 跟住佢又帶我地買平野, 咪又覺得佢識做囉

見過一次有團友爭d打個導遊都係類似你果d原因, 個導遊仲用黑社會背景大個團友, 點知個團友o係泰國有d黑社會"地位", 之後我地都唔知幾好招呼呀...

唉....出外旅行都係想開心o者, 遇到你口中呢d導遊真唔好彩

不過最後覺得如果想唔比人賺, 自由行會ok囉~

八下有無相睇???? 隻眼打格仔囉

[ 本帖最後由 芝華士女朋友kay 於 2007-3-18 09:50 編輯 ]
作者: jo630    時間: 2007-3-21 11:05

I feel sorry for you la. sometime it happen.



歡迎光臨 香港 Xocat Forum 討論區 (http://p.xocat.com/p/) Powered by Discuz! 6.0.0