越南股市指數去年上升145％，今年再升56％。越南人已瘋狂投入炒股行列，媲美1972－73年香港。無知股民响證券行內遇上有人兜售未上市嘅股票，亦一樣夠吉士買。喺越南，OTC唔係代表場外交易，而係代表over the cafe-table；好多不見經傳嘅股票喺咖啡室內出售畀投資者，到底呢Ｄ公司做咩生意、係咪賺錢？一概不理，只要係股票已有人買。
越南股票市場開業才七年，過去唔少不知名股票變成「上市公司」。今年越南成為WTO成員，傳有二百億美元資金計劃進入越南，人人唔想錯過發財機會。越南嘅情況已超過1973年嘅香港，最相似係十八世紀倫敦「南海泡沫」時期，當時「South China Sea」股票便喺倫敦咖啡室內買賣。越南股市去年初總市值四億美元，依家已升至二百二十億美元，政府同IMF成員都好憂心，一旦外資獲利回吐，跌幅肯定媲美1973－74年嘅香港（1973年恒生指數由1774點跌至1974年150點，跌幅係91.5％）。依家越南二十隻最一流公司平均O係七十三點五倍，較上海A股三十六倍又高出一倍！响越南嘅滙豐銀行Alain Cany認為，越南本地銀行唔負責任係咁借錢畀人炒股，係造成呢次狂潮嘅理由。佢建議越南政府抽「資本升值稅」，以及將更多國企上市……。睇嚟最大股市泡沫唔係中國，而喺越南！
工商銀行A股喺上海升7.7％，至五元七角一分人民幣，令市值達二千三百二十億美元，已超過美國銀行市值二千二百七十億美元，僅次於花旗集團市值二千五百億美元，世界排名第二；香港H 股則升1.62％，見四元三角九仙。中聯通（762）升4.8％，見十一元三角二仙。港交所（388）出售Computer Share Hong Kong Investor Services Ltd 30％股權，代價二億七千零三十萬元，獲利二億二千萬元；股價冇升跌，報七十六元四角五仙。中海油（883）升3.2％，見六元八角三仙；去年獲利三百零九億元或每股七角三仙。中石油（857）升1.2％，見九元一角一仙。利豐（494）跌1.6％，見二十四元五角，傳機構投資者配售六千一百九十萬股，每股售價二十三元三角至二十四元之間。
貝南奇有如初為人母者，但願一切美好事物皆降臨喺自己子女身上；格蛇卻相信「梅菲」定律：anything that can go wrong, go wrong！（任何可能出錯的地方皆出錯！）。我老曹亦係「不如意事十常八九」嘅信徒，認為處事必須制訂最好嘅計劃，同時作最壞嘅打算（hope for the best, prepare for the worst！）
3月份既有令人傷心鮋日子，亦有令人開心鮋日子。綜合而言，整個3月份仍係好淡爭持。過去美國利用信貸膨脹去維持經濟繁榮鮋首次係1966年，一直維持到1973年石油危機後，整個股市及樓市便如骨牌般倒下，1973年年底為對抗油價上升所引發鮋通脹，利率由1973年年底反覆上升到1980年。 1982年美國進入互聯網時代，經濟才進入另一新紀元。2000年科網股泡沫爆破後，2001年格蛇又再利用信貸膨脹去維持經濟繁榮。有人為資產付出愈來愈高鮋價格，資產升值令另一經濟繁榮期又開始，最後會否出現類似1973年鮋骨牌效應便木宰羊，尤其今年次級按揭債券市場問題開始浮現。展望第二季出現「Less Gain, More Pain」鮋機會甚大。美國企業純利增長放緩，加上伊朗危機，都係令人感到不安鮋因素。
第一季新加坡房地產交易資金達到九十二億三千萬坡元，較去年同期上升53％。根據世邦魏理仕（CB Richard Ellis）估計，去年新加坡地產投資銷售額達二百九十億坡元，創歷史最高；去年外國投資者大購辦公室、購物中心、住宅及酒店。辦公室租金亦升至歷史最高，例如新加坡金融中心附近鮋濱海中心辦公樓，租金達每呎十點三坡元。換言之，新加坡房地產正處於一片繁榮中。
4月3日，周二。恒生指數重返二萬點之上，收市報20002.7；成交四百億一千二百多萬元。4月期指升184點，收20055點。有趣嘅係， 5月期指卻收19910點，出現大低水，係咪話畀大家聽應該Sell in May and walk away？至今未能解決嘅問題係，3月5日恒生指數由18659點嘅回升，到底係反彈抑或另一上升浪開始？我老曹意見係唔好估，只要等。今天中信1616 （1883）上板後，較招股價升67％，報四元三角一仙（最高升76％）。新濠國際（200）升7.1％，見十四元九角；金榜集團（172）升161％，見七角三仙。
New Century兩年前每股見六十六美元高價，一年前仍值三十美元，停牌前值一美元，依家申請破產保護令。喺一個Get-Rich-Quick嘅經濟，一唔小心便會全軍盡墨。同英隆事件唔同，英隆事件曾令美股大跌，但今天一間按揭公司破產已非乜嘢大件事，只有摣咗New Century嘅投資者獨自垂淚，冇人陪佢地一齊喊，因為人人忙於找尋其他搵銀機會，大量對沖基金繼續願意承擔巨大風險（反正係OPM）。
喺密歇根州（兩大次級按揭貸款公司New Century Financial及Ameriquest Mortgage Co.總部所在地）2001年至今共失去三十萬五千個職位，主因係汽車工業走下坡，美國汽車工業正被印度、中國同南韓汽車工業所取代。單係2005年7月至06年6月，已約有六萬五千人離開密歇根州到其他州搵食。密歇根州已被聯邦政府正式列入「窮州」，著名城市底特律樓價自2001年走下坡，一直未真正好過。整個密歇根州隨著美國汽車業不景氣而下沉，因此引發次級按揭債券問題。不過，密歇根州樓價問題會否影響Google所在地？Google近年為美國製造咗唔少百萬富翁。美國好大，自從貝南奇出任聯儲局主席以來，佢所推行嘅Goldilocks政策，不但令股市出現個別發展，連美國唔同州唔同城市經濟亦出現個別發展。
2001年1月起，格蛇將利率由六厘二五降至2003年6月嘅一厘，整個世界便出現回報率飢餓症（hungry for yield），不但推高債券、股票及房地產價格，同時亦推高原材料價格。利率雖然由2004年6月起逐步回升到去年6月五厘二五，但至今為止，尋找回報率三厘或以上嘅穩健投資項目仍有困難，即2001至03年所製造嘅回報率飢餓症感覺仍未消除。理由系日圓利率仍然只有半厘，日本投資者仍須到全球尋找較高回報（對沖基金借日圓資金，亦到處尋找投資機會）。
日本家庭結構正走向二人世界（Double Income No Kids），因生孩子已唔符合經濟效益。香港家庭早已系三人組合（兩夫婦加一個孩子），睇嚟亦正步日本後塵，走向二人世界。因為冇時間生仔（我老曹一位朋友嘅兒子結婚已四年，但媳婦仲唔肯生仔；因為佢從事證券業，呢四年股市興旺，晚晚忙到十二時才回家。生仔？即系要犧牲嗰份年薪百幾萬嘅工？制唔過。我朋友已威逼利誘，包括送豪宅交換媳婦生仔……但仍然唔成功）。香港家庭人口正由三人家庭走向二人世界，而非佘當奴所希望生三個嘅五人家庭。換言之，香港人口雖然步入低增長期，但香港家庭數目仍有上升，未來「細單位豪宅」有一定需求。今天二人世界唔少系無飯夫妻（太太唔煮飯），卻好注重健康，因此豪宅必須擁有健身設施系優先考慮，面積介乎七百五十呎到一千呎、有一廳三房（其中一個系電腦房）嘅迷你型豪宅，極之適合呢類二人世界兼無飯夫妻。廚房最好系開放式，以便興之所至撚番幾味，但大部分時間屋企唔煮飯。
