我：「放心。我地呢 d 偷食都識得感恩，上面會睇住我，你專心睇住我下面就得。況且 Google 定位冇寫幾樓！」
佢：「但係你又喺呢座大廈出現…點都有懷疑格？」
我：「嘿嘿，呢 d 正所謂假作真時真亦假，真真假假到頭黎連我自己都未必分得清楚，又有邊個會諗到，我竟然會夠薑返去一個佢懷疑既地方？少女，你太年輕了…嘿！」
佢：「你真係叻…」
我：「小意思姐…喂喂細力 d 細力 d …」
佢：「唔好意思，掛住聽你講野興奮左大力左少少…」
我：「聽呢 d 你都會興奮…」
佢：「你飛左髮…靚仔左！」
我：「你意思係咪我冇頭髮先至型？」
佢：「嘻，點會…」
我：「咁我依家似幾歲？」
佢：「唔…三十八啦！」
我：「上次話四十今次三十八…睇黎要再剪短 d …」
佢：「唔駛啦，我就係鐘意你呢種成熟穩重既大叔嘛…」
我：「吓…大叔…」
佢：「係呀大叔，咁先有安全感嘛…」
我：「仲叫大叔…」
佢：「係啦係啦，你最精壯嘞得味？轉身啦…」
關燈後，下刪五百字…
返到屋企，老虎坐喺疏化睇 mytvsuper 既國語版射雕英雄傳…
老虎：「靖哥哥，去邊呀？」
我：「我有邊到去？咪教會！」
老虎：「攞部手機黎！」
佢打開 Google Map, 道：「又尖沙咀金冠？又嗰個咩酒教呀？嗰度有冇女人架？」
我：「唓…你真係…呢個世界有邊度係冇女人架？呢個世界女人主宰一切，男人出同入都係喺女人下邊，你話邊個威 d 你話？你老公我四十幾歲啦，出到去咪比人叫大叔，唔通仲會有 d 廿零歲妹妹埋黎幫我按摩呀？況且人地 d 正經地方你咪亂諗，個度出出入入既男人都面帶笑容好友善，唔似得係你諗嗰 d 囉…唔通你認為我出去玩咁蠢唔熄左個定位等你跟呀？嘿，少女你太天真嘞！」
