香港 Xocat Forum 討論區 - Powered by Discuz! Board

標題: 沉船再遇 ( 超長文 ) [打印本頁]

作者: 肥笨蛋 時間: 2017-7-30 16:27 標題: 沉船再遇 ( 超長文 )

北上嘅師兄之中，相信有唔少人都沉過船，沉得愈深傷得愈重，要清醒就愈難，笨蛋都沉過船，所以笨蛋明白咩係沉船之苦。
三幾年前，笨蛋在主場遇上個新入行技師，佢第一晚返工上夜班，經理就通知笨蛋去做白老鼠，技師入到房起鐘，跟住同佢傾幾句，問一句答一句，對答時就抬起頭，答完就即刻低頭，對笨蛋係望多眼都唔敢，十足一個小宮女，對住咸濕太子咁，怕醜到要命。傾完幾句攞佢隻小手仔睇吓，成手濕晒，乜都未做就已經緊張到雙手全濕，咁點算啊？佢除咗對笨蛋好怕醜咁傻笑，實在比唔出第二個反應。
如是者去搵咗佢幾次，熟絡之後就知道多點佢嘅背景，一直都相安無事，到半年後佢合約到期，剛好係農曆年前，佢想返屋企團年，但車飛超難買，佢好煩惱無飛點算，笨蛋第二日去搵佢上鐘，臨落鐘就比咗一千現金比佢，叫佢唔好再爭火車飛啦，訂機票返去啦，返到去如果有其他選擇，或者有合心意嘅男仔，就唔好再落來深圳，唔好再入機師這個圈子啦，佢問笨蛋點解對佢咁好，只係答佢明白離鄉客，想返屋企同親人團聚嘅心啫 ( 笨蛋做嘅公司，在廣東有自己廠房，管理層都係香港人或者當地本土人，但生產嘅員工絕大部份都係外地民工，所以過年回鄉撲飛嘅事，真係一點都唔陌生 )
就係咁佢真係 "打飛機" 返屋企啦，過年期間都有聯絡。
一個月後返來深圳，再過兩三個月，笨蛋升咗職，收入都算唔錯，同佢講升職加人工，佢就送咗支鋼筆比笨蛋，笨蛋就膽粗粗同佢表白，不如你唔好再做技師啦，如果你唔反對的話，你嘅生活由笨蛋負責，去學吓其他手藝，或者轉過第二行，起碼唔洗捱夜嘅，點知佢竟然話，我想靠自己對手，有幾多能力就過咩日子，多謝你嘅好意。。。
笨蛋當場呆咗，聽過嘅沉船故事，唔係為錢不歡而散，就係發現囡囡外面有人，所以沉船失敗，但就從未有聽過，向技師表白時即場拒絕

而且拒絕理由，係想自食其力，佢頭頂真情有個光環，而笨蛋就 "魚皮" 到想衝門出走。
被拒絕後無搵佢兩個星期，因為實在太樣衰，到再去搵佢係一個星期六晚半夜，在房等佢來時，無聊在走廊跟部長吹水，見佢行過來，忽然間有房間好嘈，原來有條酒鬼發酒瘋打技師，技師走出來叫救命，最後幾個部長加客人，一齊制服隻死酒鬼，睇見佢驚到喊咗出來，笨蛋心諗如果比佢遇上酒鬼的話，就實嚇個半死啦，酒鬼會打人添啊。
就係咁，之後每個星期六晚，佢返夜班的話，就半夜三點到六點上鐘，遇到要值班，就半夜四點到七點上鐘，因為問過部長，這幾個鐘係最多死酒鬼落來嘅，頂咗這三個鐘，死酒鬼都應該過得七七八八。佢又問笨蛋，點解轉晒去半夜上鐘，笨蛋都只係話有波睇，睇完就落來搵佢 ( 唔通仲講真話你聽咩 ) 如是者過咗一排，又到星期六半夜上鐘，今晚好奇怪，佢入來起鐘之後，一句說話都唔講，就衝咗上床瞓啦，直到落鐘都真係無講過半句話，到笨蛋換好衫要走時，收到佢微信，話佢今晚食咗退燒藥，成個人都好唔舒服，今晚過得好辛苦，幸好你今晚來咗，我可以安心咁瞓到三個鐘，多謝你，人生中能夠遇上你，令我感動的朋友，真好。。。睇到最後兩句，笨蛋真係唔知應該開心定可惜？
一年合約到期，佢話比笨蛋知，佢存夠錢可以去東門開鋪啦，唔再做技師啦，佢好有信心，今次一定可以跳出這個圈子。。。
兩年幾就咁過咗去，早兩個星期，收到佢嘅微信，話租約期滿，續唔到租，要返來做技師。今早六點半過關，七點半上鐘，無見一排佢依然係咁清純，就同當年第一次上鐘咁，再次見面佢問現在做咩好？笨蛋同你仲有咩好做？瞓啦，笨蛋係專同你瞓覺嘅朋友

作者: tomdotcom 時間: 2017-7-31 00:17 標題: 回復 1# 的帖子

女人心海底針，祝 C hing 好運！

作者: sas369 時間: 2017-7-31 00:54

只能講句，師兄真是大好人。好人會有好報的，師兄加油。

作者: Turnright 時間: 2017-7-31 09:47 標題: 回復

真系可惜，又跌番落海，希望佢早日可以上岸

作者: fe522000 時間: 2017-7-31 10:39

C hing 的故事很我精彩還有下集嗎？

作者: 肥笨蛋 時間: 2017-7-31 13:01

引用:

原帖由 tomdotcom 於 2017-7-31 00:17 發表
女人心海底針，祝 C hing 好運！

無錯，所以笨蛋以剩餘無幾嘅智力同理性，決心唔再同女性玩遊戲，下半生就咁一條光棍過完佢。

作者: 肥笨蛋 時間: 2017-7-31 13:02

引用:

原帖由 sas369 於 2017-7-31 00:54 發表
只能講句，師兄真是大好人。好人會有好報的，師兄加油。

無油加啦，只好機油嘢嘢清

作者: 肥笨蛋 時間: 2017-7-31 13:05

引用:

原帖由 Turnright 於 2017-7-31 09:47 發表
真系可惜，又跌番落海，希望佢早日可以上岸

沉過一次船，仲要係比佢拒絕，再係心思花落下個人身上，技師如是，正經女兒家亦如是，唔好再騷擾笨蛋啦，下半生平平靜靜過完就算。

作者: 肥笨蛋 時間: 2017-7-31 13:09

引用:

原帖由 fe522000 於 2017-7-31 10:39 發表
C hing 的故事很我精彩還有下集嗎？

下集？我大吉你個利是，有下集咪即係要再沉過，又要再受刑多一次？咪搞，笨蛋沉船無下集，要下集就留比師兄你寫落去啦！

作者: Oldman 時間: 2017-7-31 14:21 標題: 回復 9# 的帖子

你既故事同我多年前既有D 相似 , ( 唔知係咪同一個場

)

當年佢買咗機票, 話要去外國做技師, 存一筆錢做吓小生意 .

我於是比咗一筆錢佢, 叫佢唔好去做黑市.

多年過後, 她已經結婚生子, 希望佢幸福啦

作者: 肥笨蛋 時間: 2017-7-31 15:35

引用:

原帖由 Oldman 於 2017-7-31 14:21 發表
你既故事同我多年前既有D 相似 , ( 唔知係咪同一個場 )

當年佢買咗機票, 話要去外國做技師, 存一筆錢做吓小生意 .

我於是比咗一筆錢佢, 叫佢唔好去做黑市.

多年過後, 她已經結婚生子, 希望 ...

做技師做到出外國。。。
一個字：堅

作者: samluk1986 時間: 2017-8-9 11:03

引用:

原帖由 肥笨蛋 於 2017-7-31 15:35 發表

做技師做到出外國。。。
一個字：堅

出國果啲係要張開大腿做，辛苦

歡迎光臨香港 Xocat Forum 討論區 (http://p.xocat.com/p/)