香港 Xocat Forum 討論區 - Powered by Discuz! Board

標題: [原創] 香港電影市道 [打印本頁]

作者: 小邪靈子 時間: 2007-4-16 16:21 標題: 香港電影市道

香港電影市道點解會由最高峰一直下滑致谷底呢?

作者: diyibiao 時間: 2007-4-16 20:57

推陈出新，源源不断地注入新鲜血液，才能长盛不衰，看看韩国的电影产业，想一想，就会明白了

作者: runaway 時間: 2007-4-16 22:21

絕對係大學四年既畢業論文, 我有我既睇法,但我又唔想寫幾萬字解釋比你知...

作者: 網絡大貴賓 時間: 2007-4-16 22:36

1. 翻版
2. 香港市場細
3. 大量外地進口高質電影

以上都係電影市道不振原因

作者: runaway 時間: 2007-4-20 14:01

真的嗎...?
1. 戲好就自然唔怕翻版, 老實講我覺得睇開翻版既人就唔會入場睇戲...
2. 香港市場細...?我又唔覺得...從前韓國同台灣太盲目買港片, 之前太浪費...
3. 外地片高質? 我反而覺得香港觀眾盲目崇洋, 我就睇過唔少爛西片, 不過人地錢多,所以睇落仲好似好勁...其實一樣係西鬥西...

作者: 小邪靈子 時間: 2007-4-20 18:48

引用:

原帖由 runaway 於 2007-4-20 14:01 發表
真的嗎...?
1. 戲好就自然唔怕翻版, 老實講我覺得睇開翻版既人就唔會入場睇戲...
2. 香港市場細...?我又唔覺得...從前韓國同台灣太盲目買港片, 之前太浪費...
3. 外地片高質? 我反而覺得香港觀眾盲目崇洋, 我就 ...

我同意runaway意見,但劣作都個底

鬼佬拍戲都叫做有下外景,大堆頭,大場面

果D港產戲可以兩三個人,無劇情又拍一套,唔死就難

作者: runaway 時間: 2007-4-20 22:00

話左唔講都要講兩句....市道問題,同題材,人選,市場有關...題材因為開戲既老闆眼光同信念, 人地外國老闆都會講理念,夢想,一些更高層次的想法...要港產片講精神質素,你估班老闆明白嗎?[依莎貝拉]都是半呃半騙之下,寰亞才投資,上畫後個肥仔林老闆都四圍同人講比人搵笨....又話導演費貴,又話柏林個獎冇能用...如此老闆,如此製作...人選---十年來演員來來去去都是個十幾個人,市場對新人又mean, 人地韓國日本演員,個個專業, 接一部戲,真係會專業地用時間去研究, 為部戲會用半年時學習角色, 香港...哼~識唱兩句就話做演員,專業嘛....加上演員費合理, 真心話,而家搵木村拍戲, 如果佢ok, 最大問題係等一年, 但人地會用2個月時間研究劇本, 價錢今時今日都仲係兩百萬樓下, 香港?兩百萬,連鄭伊健都未必得, 八百萬既朝偉,千萬既劉華,兩千幾萬既星爺, 我情願睇木村,起碼戲好...至於市場...貨唔好,唔入場,係應該的..而家觀眾好易比宣傳同傳媒影響.但做人要公平,睇過戲先鬧人, 未睇就收聲...最怕人口聲聲話唔睇乜唔睇物,其實幾年同未睇過戲, 幾年都冇一部好戲...真的嗎? 之前我介紹過[我要成名],結果大家反應平平,結果.....

作者: wykcito 時間: 2007-4-22 16:39

其實我覺得重點係d 電影人根本無心機去做好d 戲..
香港電影往往變成捧紅藝人既工具
以香港咁多人, 就算有非主流的電影, 一樣可以容納

作者: runaway 時間: 2007-4-23 00:27

wycito兄, 可能你真係年紀少,唔明世界有幾艱難...有冇心機都要睇你有冇錢, 而家香港一般老闆對非主流戲都壓價去做...就算電影人唔收人工,買菲林,租景都要錢...幾百萬,聽起上來以為好多,一開波就已經比左一半班演員...餘下就...要完成件事為大前題啦.
而家捧紅藝人既電視先arm...有人會因為[美女廚房]成功而開戲...你會唔會覺得一部叫[談談情,說說性]紅左盧巧音同阿葛?
香港係多人, 不過唔知多左d乜人? 跟紅頂白唔用腦, 人地講乜信十足, 如此觀眾,如此市場...請問閣下有冇入場睇過[依莎貝拉]?

作者: F117A 時間: 2007-4-23 17:04

现在大家的娱乐途径都很多不光是看电影看看能否把电影的产业中加入其它的附加值借此进行产业的转型

作者: kenny01 時間: 2007-4-23 19:15

引用:

原帖由 runaway 於 2007-4-23 00:27 發表
wycito兄, 可能你真係年紀少,唔明世界有幾艱難...有冇心機都要睇你有冇錢, 而家香港一般老闆對非主流戲都壓價去做...就算電影人唔收人工,買菲林,租景都要錢...幾百萬,聽起上來以為好多,一開波就已經比左一半班演員 ...

我又唔覺得依莎貝拉係d乜野十分好既戲
我一直都覺得係要娛樂片收得,先有機會開得到細片或劇情片

好似無成龍咁買座(當年),嘉禾又點會有咁多細片可以開
無買座片又爾東陞真係開到人民英雄(難就緊係,而家就連機會都無埋)
表錯七日情,我和春天有個約會,新不了情般奇跡.....都要有戲開先得架

所以唯一既方法都係入場睇港片,有人睇就會有資金....

作者: runaway 時間: 2007-4-24 20:54

對呀,[依莎貝拉]的確沒有甚麼了不起, 但回看近年此類電影已經幾乎灰飛煙滅,有多種選擇就是自由世界...我本人崇尚選擇...

作者: 8010 時間: 2007-4-25 00:49

有起有落根本就係正常的.

作者: kenny01 時間: 2007-4-25 10:36

引用:

原帖由 runaway 於 2007-4-24 20:54 發表
對呀,的確沒有甚麼了不起, 但回看近年此類電影已經幾乎灰飛煙滅,有多種選擇就是自由世界...我本人崇尚選擇...

咁如果你係比錢拍果個呢.....

作者: runaway 時間: 2007-4-25 19:42

真心講呢個世界真係有[熱血電影人]既投資者, [父子]既寬姐, 劉德華搞既first-cut系列...或者呢個世上真係有人愛電影...

作者: 火山孝子 時間: 2007-4-26 12:28

>>>其實我覺得重點係d 電影人根本無心機去做好d 戲..香港電影往往變成捧紅藝人既工具

呢o的咪就係唔經大腦囉,莫講話稱得上叫做意見,連叫做一句有意思的說話都談不上.....唉.......

如果香港電影係捧紅藝人的工具,咁即係好多人因為電影而紅到啦,咁即係好多人睇戲喎,咁電影人又點樣無心機法呀?
數下手指啦,香港而家仲有邊個係因為拍片而紅架?

而家紅得既唔係唱歌就係拍電視劇一係就做遊戲節目架啦!

胡杏兒拍過咩片呀?阿旺郭晋安又拍過咩電影呀?
人地出街有FANS等簽名添呀!

人講咩你又信都唔出奇,但係人講咩你又跟住講就起碼要有番些基本常識囉!

[ 本帖最後由火山孝子於 2007-4-26 13:06 編輯 ]

作者: 火山孝子 時間: 2007-4-26 13:05

至於話要有過賣座片才有資格拍叫好不叫座的電影!
那不是甚麼新鮮事兒,而是放諸四海皆準的定律!

史匹堡當年都講過,當佢拍侏儸紀公園時,其實手上一早已有[舒特拉的名單]的劇本,但他仍選擇先拍侏儸紀,縱然他是多麼希望能把舒特拉的故事搬上銀幕,但他深知當時他仍未有實力財力權力去做這一件事,他知道[侏儸紀]必定能令他走上高峯,到時他便可以一嘗素願!事實証明他眼光獨到,先利後名的做法是對的!

全世界都是依這條規律去走的,當你未有實力時,少不免要隨俗或違背自己想法去做一些自己不情願做的事,那個行業不是這樣?
這是一種智慧,是為了實現更遠大理想的彈性妥協策畧處事手法!
妄顧現實的執著,只會換來痛苦的回憶!

一日未到你話事,一日都要忍下去!

就是不明白為甚麼人人都知道的這個顯淺道理,當放到電影圈時就要特別嚴苛?

當你胡亂批評香港的電影從業員時,你是否又確確實實知道他們的工作是做甚麼嗎?他們的苦心你能了解嗎?

撫心自問,你打份工容易嗎?你難道沒有試過明知個老闆係廢你都要笑住恭恭敬敬嗎?

人人都在不過在掙口飯吃,難道只是因為做的工作是拍電影就要被你們指指點點,像無知八婆般唔知頭唔知路就亂咁批評?

成日話要有非主流片,你又支持過幾多套呢?

到有日有套拿盡歐美各項大獎的電影時,卻發現原來自己香港人得三四百人睇過,拿埋奧斯卡.....然後網上先開始有人問: " 請問[XXXX]係咪真係好睇?邊度有得DOWNLOAD?有無人有造種呀?"

問你死未?

作者: 火山孝子 時間: 2007-4-26 13:36

順帶一提 :

以前響呢度都同網友討論過,點解大家會以為想加入娛樂圈就係貪慕虛榮,不務正業的表現!

可能大家只把焦點集中在幾個不得人心的年輕歌星身上吧!

換個角度睇下,反而我覺得今時今日仲留低響電影圈的人,有很多都是對電影抱有莫大熱誠的人!

猶如瞎子摸象,普通市民都覺得拍戲搵錢既係得果幾個演員,最多識幾個出名的導演!
唔係真係影痴果班,一般香港人你叫佢講多過三個香港編劇的名字,真係會俾你考起!更遑論剪接,音響,攝影,美術設計!

金培達未得獎前,有幾多人識得佢!?

以我所認識的,在香港電影市道如此低迷的情況下,很多人都已轉行,還留下來的,不是全部因為沒轉行的能力!而是一份感情,一股熱誠!

我認識一位幕後,快五十歲了,每個月開工不足十日,家中有兒有女,有公司請他去搞數碼科技,俾個經理位佢,但他仍不為所動,堅持要為電影奮鬥!他仍要在崗位上培育後輩!

他說他要等看到香港電影圈再創高峰的一日!

他說:[我可以離開電影圈,如果是因為電影圈再度蓬勃,人才太多,把我擠了出來!那我會退得很光榮!
如果因為電影圈養不起我,我便走,那麼一班後浪更加會走,那香港電影這行就真的玩完了!]

你做甚麼工作?你用甚麼心態去做?
你有這樣的胸襟情懷嗎?

如果沒有,那就不要再批評別人了!

入娛樂圈,不是你想像得那麼風光!

這年頭,要貪慕虛榮,要上位快,應該去做傳媒!

去年你買過了多少本週刊?又看過了多少部電影?

作者: kenny01 時間: 2007-4-27 11:16

哈哈....我想我看電影的數目
點都會比買週刋多,但係呢個比喻唔係咁公平喎
週刊一個星期七八本新既,一個月就成四十本
但一個月可能得五套戲上喎

其實每個人都會從唔同角度出發

我個人感覺
版主係企響以人為主既角度
好似史匹堡既例子
(雖然我覺得太陽帝國比舒更非商業)

另一位工作於電影圈既網友
就更似一個電影從業人員
永遠埋怨電影公司老細唔比錢
比得少無眼光,放暏世界
又有幾多人願意做賺本生意0丫
至於熱血電影人投資拍一d只有自己欣賞既電影
比到我既感覺就只係feel到佢響度自瀆...
無人話自瀆係錯,但係亦唔係乜野高尚人格
至於呃老細開戲,自己袋片酬,仲要變相玩藝術性
我真係諗唔到同騙局有分別

我就覺得電影點都係一盤生意
但係唔代表一定只可以拍屎尿屁叫人入場睇
而係應該令更多人覺得電影係好睇既
我覺得超買座既電影一定好戲
小本大買既一定係好戲
當然好戲唔一係係你喜歡既戲
有良心既電影公司賺到錢,
就自然會開拍唔同題材既電影
所有既電影王國都係由觀眾入場欣賞開始
曾經...我們擁有亞洲最大既電影力量......

歡迎光臨香港 Xocat Forum 討論區 (http://p.xocat.com/p/)