香港 Xocat Forum 討論區 - Powered by Discuz! Board

標題: 比咸濕老細玩死 [打印本頁]

作者: 不平凡人 時間: 2007-4-18 02:07 標題: 比咸濕老細玩死

話說呢幾日(14號)灣仔有個電子展....本凡人早於3月頭就問老闆駛唔駛再做過本小冊子(舊O個本上年4月做...)
老闆話唔駛...話仲有好多舊既O係度喎~~~~(500本都叫多

)
咁OK啦......
到3月尾....(28/3) 老闆無啦啦發神經....同我講:凡人...我地遲下個SHOW..要做3本小冊子(3本

)你幫我做啦...D料(產品內容)我遲下比你....

冇計啦...鬼叫佢係我老細咩:bird::bird:心諗...仲有2個星期...雖則有幾DAY紅假..不過1星期都應該做得哂....仲有一星期時間比我再執執同拎去印(印可以3日攪掂)....

點知...我剩係做個LAYOUT..都做左差唔多2日.......老闆睇完又改...改完再改...改完呢個LAYOUT...又話O個個LAYOUT好(我前前後後都比左4~5個LAYOUT佢睇)...之後又改第2個...又再改...之後又話用第2個....又改....之後...

點之...做完O個日放工...佢就話:我聽日會返印度拜神...會去到復活節到先返(下~~~咁D料呢??????????????????)我會O係O個邊SEND MAIL比你GA啦(咁駛唔駛再影相GA??)要GA...我會叫大陸O個邊SEND埋比你~~~(咁我呢幾日做D咩呀??????)呢幾日你做住D舊PRODUCTS先啦(下~~~~~~~~~~~~~~~~~~~~哦

)<註:我係做呀4...仲要幫埋其他人手..做佢地D野...如:換水...D客投訴...壞機...有時要我做埋CS...有時要做埋SEND貨...>

咁之後O個幾日...我就日日CHECK MAIL BOX...日日SEND E-MAIL比佢..追佢比料....<註:打電話...次次打唔通>不過...一D回音都冇..(係咪去到印度...比D神拉左去升天呢???)追佢追到4月放假前一日(追女仔都冇咁好心機呀

)..佢終於打電話黎...不過唔係搵我...而係搵個佢想攪既女人(不過呢條女早2日交左信話唔做...

)我即刻叫條女轉條線比我...問佢D料點呀???唔夠時間做喎~~~ 佢話:我過2日就返黎...到時比埋D料你(下..O個幾日放假喎~~~)你可唔可以返黎做(下...我唔O係HK喎< O係HK都話唔O係啦....想屈我咩

)咁你星期1 O個一日返唔返到黎啦...O個日你應該返左黎啦(下..但係我可能下午先返到喎<心諗:唔係咁都屈我下話???>)唔緊要啦...我下午後都會O係公司....你返黎啦(下!!!!!!!!哦=.=凸<心諗:真係駛人唔駛本..屈得就屈...>)...

到假期最後O個日(即係星期1)..我仲同GF好甜咁訓緊(不過之前O個2日發生左冇咩可能比佢發現既錯事..攪到差D分手)...訓到約10點左右...佢無啦啦打電話黎(頂!唔記得熜機

)
老闆:凡人呀..你返到黎HK下話????(岩岩過左關...返緊屋企<忍樣..咁早CALL我...

>)你E+返黎公司先啦...好多野等你做呀(唔得呀..我有好多野O係度..要返屋企先呀<咁早返黎比你駛呀=.=凸>)咁你幾點返到黎呀???(唔知呀..約2點掛)早D得唔得呀????(盡量啦

)........我等你啦(哦

)..........
之後我再訓........訓到2點...先起身.好慢條斯理咁返公司...到公司O個陣...都3點多D囉~~~

我一返到去..就影相..執相....做稿.........做到8~9點(DINNER都冇得食呀...><).....先做好一本...心諗..唔係啦..再做落去容咩易要我做通頂GA...就同老闆講剩返O個D聽日先做(到時做唔到咪有佢囉..鬼叫你去拜埋D咸濕神咩)...佢見到我個樣好似想殺人咁...(我平時好隨和..D同事都迥我好仔

)..咪話OK囉....

點知第2日仲想死...之前O個日做O個D連假期之前O個D...有一半以上唔要...又無啦啦叫我加第2D野..(下~~~~咁我琴日返黎有咩用???

)佢就話:凡人..呢D唔駛影相GA啦..我叫大陸O個邊比埋D圖我地..你用O個D圖咪得囉(D相既DPI唔多夠喎同埋..下午5點前SEND唔到比印刷廠...出唔切GA喎)..你就下囉.............(哦!<玩死我啦..我好好玩GA....>)
一個早上...我就叫老闆幫我打字(我同佢講..我打得好慢GA...其他人又唔識打O個D料既野..你幫唔幫到手呀??幫唔到...出唔到GA喎...佢就....嘿嘿

)...我就自己執稿.....終於....2點左右..攪掂左一本(應該係琴日就攪掂O個本).....
咁我就CALL間印刷廠啦...佢又同我講:問下間野平D得唔得???(下...好平啦喎..你印5百本咋喎...你印一千本.都係貴多一千蚊姐...)你同佢傾啦...唔要一千呀..要5百得啦...(下...平唔到喎...5百咁少..又要3日攪掂<星期6一早開始>)你問一問啦....(哦!=.=凸)
就係咁..我就同間廠傾左1陣...最後..平左50蚊