Board logo

標題: 馬力將會繼續連任 [打印本頁]
作者: KMY89    時間: 2007-5-17 07:46     標題: 馬力將會繼續連任

馬力對六四的評論，和認為2022年才適宜有普選的意見，可能令社會有很大的回應，而KMY想指出的是：

無論輿論怎樣，只要馬力為民建聯出選，他便會贏得議席，繼續連任。

在只有30席直選下，民建聯與功能組別控制的立法會與政府繼續合作。

這就是政治現實。

會倒'馬'嗎？那台灣倒'扁'成功嗎？

馬力承認用詞輕佻，即如曾蔭權吹口哨一樣，已經是sure win，why not ？簡炳墀先生曾說：有食力(實力) ...

有人責親中六四後轉軚，Well，請望望泛民、傳媒、學術界、演藝界有冇轉軚？剩下幾多個冇轉軚？

要責怪的只是馬力？
作者: 港奸剋星    時間: 2007-5-17 08:27

馬力絕對不是用字詞不當
而是他本身就對六四有敵意,更對香港人民及民主派有敵意
馬力黨性強,今次事件,背後一定有動機︰
1.企圖逼親民疏的曾蔭權偽政權為事件進行定性,由於曾偽政權是北京傀儡政府,所以一定會與北京立場相同。
2.企圖逼政府恢復二十三條立法,係人都知廿三條係針對支聯會及民主黨,馬力今次咁大膽,一定唔係佢本人意思,而係北京借馬力之手,企圖進一步向香港施壓,令香港盡快就廿三條立法.由於依家支聯會､民主黨民望不如往昔,所以北京認為係時候開始進行廿三條程序.
3.由於香港不能好似北京咁就事件定案而民眾心服,所以馬力呢次口出狂言,效果對佢而言,係意料中事.但其背後就係想影響香港政治之外,亦希望近日歷史科､通識科開始轉用新課程時,企圖向著作者､出版商施加額外壓力,令第日新版教材､教科書對事件進行親北京的定調.令到本來親民主派的定調或者避而不談,變成令下一代仇視民主運動。
佢留任立會議席,只會第日被批評,影響民建聯
作者: FXO    時間: 2007-5-17 20:59

有乜好拗, 放長眼, 睇天收佢啦.
作者: KMY89    時間: 2007-5-17 21:05

引用:
原帖由 FXO 於 2007-5-17 12:59 發表
有乜好拗, 放長眼, 睇天收佢啦.
收邊個？
作者: ken-man    時間: 2007-5-17 21:43

引用:
原帖由 FXO 於 2007-5-17 20:59 發表
有乜好拗, 放長眼, 睇天收佢啦.
呢幾年都收緊啦！
（祝佢身體健康）
作者: twinsen2000    時間: 2007-6-11 03:27

真係估唔到KMY89先生會贊同馬力先生發出如此涼薄冷血的言論∼　不過想問問馬力先生係未潛緊水去請架坦克車來你地七一慶回歸夜會時來香港表演碌豬呢？
作者: FXO    時間: 2007-6-11 06:52

引用:
原帖由 KMY89 於 2007-5-17 21:05 發表


收邊個？
人在做, 天在看.
作者: Geisha    時間: 2007-6-11 12:20

福佳聯只要有阿爺照住,有班以耳代腦的盲毛盲從,阿爺話馬力做就馬力做,阿爺癲起上嚟見到雄叔/szetotm等人夠智慧,俾佢地做都得
倒馬算唔算成功,倒扁算唔算成功我唔知,但係03年50萬人上街發功,攪到董建華要腰骨痛,倒董就幾明顯係成功咗啦
作者: twinsen2000    時間: 2007-6-12 02:55

引用:
原帖由 KMY89 於 2007-5-17 07:46 發表
無論輿論怎樣，只要馬力為民建聯出選，他便會贏得議席，繼續連任。

在只有30席直選下，民建聯與功能組別控制的立法會與政府繼續合作。
再看你這兩句，有點感想，想和板友分享一下。
頭一句的真正意思是不是說，無論輿論怎樣差，或他的話需要多幾十次劉江華出來補鑊，只要馬力出選民建聯主席，他都會得到民建聯主席位置，因為民建聯和中共選舉一樣，都是等額投票，會員都只是橡皮圖章，就算碰上極不滿意的人仕，都不可以趕他下台，因為是上大人選的。不過為何你會公開你黨的事務呢？

第二句就關大家小小事，是不是隱喻如果民建聯在這種畸形的選舉下，只要集合到半數票，民建聯就會贊成政府所有議案，包括無論多荒誕的都會支持呢！M...這點你不說，我也知道，因為我還記得你黨蔡素玉含淚那番話。不過下次選舉，民建聯與功能組別有足夠票再說吧！
引用:
這就是政治現實。
是否代表了當民建聯擁抱了權力之後，就會冇立場和傲慢呢！很不明白為何你見你黨腐化還會沾沾自喜？
引用:
會倒'馬'嗎？那台灣倒'扁'成功嗎？

馬力承認用詞輕佻，即如曾蔭權吹口哨一樣，已經是sure win，why not ？簡炳墀先生曾說：有食力(實力) ...

有人責親中六四後轉軚，Well，請望望泛民、傳媒、學術界、演藝界有冇轉軚？剩下幾多個冇轉軚？

要責怪的只是馬力？
倒'馬'，你想他是特首或其他公帑請回來的局長嗎？倒不倒馬是你們民建聯事，應不應該或可不可以倒馬應該問問你們自己，始終馬力只是你們主席，代表你們！
至於有人責親中六四「中央定調」後轉軚，Well，請望望泛民、傳媒、學術界、演藝界有冇一個人會將六四死者比喻為一隻豬咁涼薄，你就明白喇∼！



歡迎光臨 香港 Xocat Forum 討論區 (http://p.xocat.com/p/) Powered by Discuz! 6.0.0