引用:

原帖由 KELIP 於 2007-10-5 09:45 發表
D泛民成人話要普選，是否普選就可以解決現在社會上的所有問題呢?如能解決，又會否衍生其他意想不到的問題呢?
一個無問題的社會，是否有問題呢?

普選當然不可解決所有問題, 問題天天都有, 無處不在.....

但普選無論如何都可以讓大家表達個人意願, 呢點最重要 !!        

引用:

原帖由 ivan99 於 2007-10-13 11:57 發表

現在有冇普選？你是否已表達個人意願？

而家當然未有普選, 所以我仲未可以用我個人o既意願投票俾我想支持o既合適管治香港人選!
o係呢度只可以表達個人o既言論自由, 對香港o既實質政策並無影響力 !  只係紙上談兵, 吹水而已...!!         

引用:

原帖由 ivan99 於 2007-10-13 12:30 發表

一個民智未成熟的社會，一個倚賴10%人仕交稅支撐的社會，我唔信一人一票選出來的管治香港人選比現在好。

兄台如何肯定香港市民係民智未成熟呢?  千祈唔好睇小別人呀! (當然兄台已習慣睇小人啦, 唔係就唔會成日話人低能低智啦)
唔通搵到錢, 有錢交稅o既人至有權選擇嗎? 兄台之階級觀念極重喎!
普天之下, 人人平等, 人人都應該有權表達自己o既意願, 否則同極權統治有何分別 ?
再者, 由 "民主" o既選擇係未必最好, 但就最能夠符合大多數人o既需求, o既然係大多數o既意願, 就要共同承擔 !
但人民眼睛係雪亮o既, 如果真係發覺唔掂, 就會再選擇第二個啦, 最緊要有權選擇嘛 !!        

引用:

原帖由 Rainybreeze 於 2007-10-14 06:29 發表


咁你有冇投票比立法會議員, 區議會議員?

之後, 有冇定期同你既議員見面表達你既個人意願?

有冇去了解你既議員投咗d咩議案呀, 或者提出咗d咩議案, 呢議案係咪對香港有利? 同你既個人意願附唔 ...

投票係我o既公民權利, 我當然有選我想支持o既啦 !
如有需要訴求亦會盡力表達, 議員o既表現當然會留意啦!        

引用:

原帖由 kcpw0n 於 2007-10-14 10:03 發表


其實樓主不要太認真,得幾成熟溫柔男士 都是吹吹水而已,你如此深入之問題佢有困難.因為真有普選,,他投票俾他想支持o既合適管治香港人選,但也不一定當選,假若可當選,亦不一定按他之意願管治,咁得幾成熟溫柔男士 ...

冇錯, 真有普選, 我想支持的人選能否當選也是未知之數, 如果真的當選了, 但其表現能否如理想也是未知之數....
但起碼我都有盡我能力表達個人意願, 世事豈能盡如人意, 但求無愧於心 !