謝謝firefrog提供資料！

相信不少人都覺得B2、B3巴士不太方便，兜路停站又浪費時間，所以大家不妨考慮改坐直通巴士。

請大家緊記，從深圳灣口岸坐直通巴士回佐敦、旺角、深水埗、西灣河或九龍塘，必須在未過關之前，在藍色帳蓬臨時小亭預先買票，如果已過了關，就不能買票。

坐B2、B3或B3X巴士，周末假期分分鐘要罰企，尤其B2每架車只設20餘個座位，車箱設計就像落馬州過境黃巴般，逼大家罰企。可是，北上返落嚟，唔少人都筋疲力盡，仲要罰企，好辛苦啫！

坐直通巴就唔同，保證個個有位座，而且行車路線直接快速，不會兜路。小弟由深圳灣坐上佐敦車，由開車到佐敦落車，只用了38分鐘！冷氣又夠凍，絕無B2、B3或B3X巴士只開少少冷氣咁孤寒。

現時是直通巴士開辦初期，暫時好少人坐，小弟坐得好舒服，一個人坐兩個位！

下圖是小弟所坐的佐敦車，在深圳灣口岸上車前拍攝。

引用:

原帖由 simonkok 於 2007-7-23 10:55 發表
甘去到蛇口果邊.....
唔知有冇車駁上CA呢?....

如果要由深圳灣口岸去CA，無須去蛇口，雖然佐敦架直通巴士去蛇口，但過咗關就夠，無人搵把槍指住你個頭，逼你一定要上番佢架車，改坐90號巴士啦，10分鐘就到世界之窗，再坐由福田開出，途經世界之窗的半高速巴士便可。

由深圳灣至佐敦巴士，票價35蚊，畀人民幣或港幣都收，當然畀港幣會抵啲啦！

引用:

原帖由 denny2000 於 2007-7-23 16:40 發表
sigma brother,

I want to ask a question.  What is the difference in terms of time between going to CA via Huanggang (HG) and via Shekou?  I leave from Jordan, I could take the jordan bus to  ...

暫時經深圳灣(SZW)或皇崗(HG)去CA，何者較快很視乎是否夾啱CA車的開車時間。經SZW可能較慢，但由於一地兩檢比皇崗又要落車又要上車方便得多，而且過關幾乎次次都唔駛排隊，甚至快到3分鐘內可以連過兩關，所以時間總計亦不會慢太多。

日後如果較多人開始熟習經SZW過境，相信會有直通巴士經由SZW去CA，到時就一定會很快。

引用:

原帖由 求其 於 2007-7-24 12:51 發表
知唔知全程行车需时多少呀？等我返来试试先

只坐過一次，計過時間，深圳灣開車到佐敦落車，總共用了38分鐘。架車一直走高速，無停過車，直至離開西九龍快速公路，轉入佐敦道，才要停燈位，然後直行過了彌敦道才可以落車，落車位並非油尖過境快線的落車位。

其他路線暫未坐過，唔知要幾耐。