醫界反對增醫科生學額,憂失議價能力..可恥

醫生係專業, 人工一出o黎都四五萬, 專科仲可以差唔多十萬. 佢地o既人工係東南亞水平o黎講係最高. 同新加坡比, 新加坡o既醫療技術同設施都同香港差唔多, 但人工就低好多, 醫藥費都差好遠, 我有d 朋友有d 手術都寧願去新加坡醫, 因為連埋機票酒店來回, 都仲平過香港醫 ... 再講, 香港醫生的醫德, 技術水平係好參差的...
再同加拿大比, 加拿大如果你要讀醫, 你首先要有一個學位, 仲要有人推薦, 仲要你有好好的義工紀錄, 呢d 係要保證你德行好好. 加拿大 首重醫德, 二重技術, 貴都貴得心甘命抵.

香港醫生靠咩? 我唔敢講全部都係衰, 但係 議員同醫管局真係做左好多野去保住佢地飯碗囉, 醫療失誤既處理方法, 係香港都算係最寛鬆... 可悲 ... 如果個個都係 "嬸"祖堯呢類醫生, 就話o者, 最慘又係班窮人, 遲d 中產又要俾埋咩強醫金 ... ... 政府搵笨, 郁班醫生好過郁我地啦

講到尾, 政府欺善怕惡, 政府咁鐘意自由市場不干預, 不如開放醫務市場, 引入新加坡d 醫生o黎競爭啦... , 到時呢班香港醫生咪會減價囉...

[ 本帖最後由 hhl 於 2007-10-7 09:11 編輯 ]