路德圍個頭
重有做到出名，老闆跟住大鼻的 唯一 麵家（上海麵） 、海記粥麵店、有間四眼阿伯獨自經營的租書店、yan 沾記（sorry 唔識打個字），最難忘是夜晚推車仔走鬼食檔，其中韮菜豬紅最正！

引用:

原帖由 fathotdog 於 2008-8-20 17:52 發表

哈哈,終於有人回應,
康樂茶餐廳----當時係荃灣都叫大了,重幾貴吓,
                        對面間文具+玩具舖開咗好多年,
                        玩具舖樓上就曾經有過間私校.
                ...

康樂茶餐廳價錢一般， 一d都唔貴。
當時係荃灣叫大同貴的係 松林餐廳同位於眾安街的 喜萬年，
玩具舖樓上曾經有過間叫 靜宜女私校，對面大廈就 逸仙書院；
行出大河道口就 民天酒樓。
查實康樂茶餐廳、唯一上海麵、海記、租書檔係屬於荃興徑範圍。

我係福來邨大，小時讀近海皮的基督教禮賢會幼稚園，當年個女教師姓關，佢係一個好好的老師，仲有個好似叫笑姐的阿嬸，對細路仔都好好，我張幼稚園畢業相仲有保存。
安琪幼稚園係咪以前係福來邨永慶樓個間？
永樂樓就有間 咯咯雞 福來幼稚園。
記唔記得地鐵站前身係木棉下？個度的房屋多是一、兩層高，有石屎起的，又有木建的。約70年代中開左間丹華褲屋，從此唔駛出九龍買有牌子的平價牛仔褲，雖然 丹華賣的係嘜頭都剪埋的次貨，始終牌子的線條仲係度，我阿哥當時就最愛買 Levi's，我就Lee 、Texwood 同Levi's。

個時夏天屋企冇冷氣機，我地好多時走去 中聯 嘆冷氣消暑，個度d冷氣凍到打冷震，有時嘆到晚上10點人地收舖先捨得返屋企。
講開餐廳，我諗起係近沙咀道尾的“美而廉餐廳”，三十幾四十年前係開張個日好多荃灣居民係門口排隊等位，皆因當時該餐廳以 美而廉 的豬/牛扒餐吸引。
另外60到70年初，係舊華都戲院附近有一間半露天的“園林酒家”，個時我阿媽一慳到d 錢，就算係行遠d都要去個度飲早茶，佢話個處四周有樹木有植物，空氣好。

[ 本帖最後由 ali 於 2008-8-24 03:16 編輯 ]

如沒記錯，荃灣第一間快餐店係o係川龍街個問大快活，大約係72-73年開的。
80年代前買飛睇戲，最怕揀正d上手冇公德心的人坐過的座位，地上一大堆蔗渣，香口膠黏係張椅度，最離譜係有父母懶得帶小朋友上廁，由得佢就地小便！

真陰公！
呢度個connecting 一日仲未搞好，我冇辦法睇到家鄉舊照！

阿彌陀佛
終於download 順利，睇到我老家荃灣舊照片！