引用:

原帖由 goufs 於 2008-10-16 09:18 發表
各位前輩，請問大大、大人、大元公司是否同一集團呢？

重有 人人百貨、小小公司

引用:

原帖由 bobbystar2100 於 2008-10-15 20:49 發表
我只係知道，好細好細果陣阿媽背住我去「執笠大掃貨」，差點責死我同阿哥…

記憶只有咁多，仲有無前輩可以再講講「大大」既歷史同執笠原因？

「大大」既歷史.
「大大」前身係當年上海有名的的「鶴鳴」，我84年係上海旅行時重見到「鶴鳴」二字重係某大樓牆外。
楊生從上海遷來香港，重張旗鼓搞回他的老本行，他本身是賣皮鞋起家的；百貨行的術語，都是「鶴鳴」機構的同仁早年創作出來的。


執笠原因
用人不善------ 家族經營係平常事，但手法不更新，兼且女婿、買手過河濕腳、枱底交易，還有公款去外國辦貨，順便嘆世界............。
北角城市花園大大------ 蝕大本，裝修同租金太高，營業額低，當年根本沒必要開此店。（引致財政出現問題的最大原因）
城市酒樓------ 蝕大本，裝修同租金太高，營業額低，當年根本沒必要開此酒樓。第一次賣自家酒樓做的月餅，竟然發霉的！
                 原因是月餅未完全放涼就包裝入罐。（引致財政出現問題的最大原因）
滙豐威逼----- 85年第一次拉閘，還咗些錢！86年講唔掂數，傳聞銀行要楊生的「大大」公司話事權，
                     這個嘛.........楊老先生當然寧俾你破產都「不」屈！

講住咁多先！timay 的海外serve 一日未搞好，上網好慢兼麻煩多多！

[ 本帖最後由 ali 於 2008-10-17 05:24 編輯 ]

引用:

原帖由 choihung 於 2008-10-18 00:42 發表
大大又令我想起一個人，就是廣告中的蕭亮，記得他說：

點樣將100蚊變125蚊駛。。。。

咦，這個是大大的廣告還是永安的呢？ 可能我老人癡呆Mix up 了，希望各路英雄可以confirm一下。

「點樣將100蚊銀紙變成125蚊」係當年大大的廣告，係咪蕭亮把聲我冇乜印象；
永安的宣傳係「呢個星期五、六、日o黎..........」，係蕭亮把聲。

引用:

原帖由 dynmv 於 2008-10-17 20:04 發表
執笠原因可能係大大成日都比人打劫.

邊有成日被打劫呀！
每次（逢假日）解款都有持長槍的解款員同解款車，最大鑊個次好似係79年，有條盲毛打劫旺角大大，重係假日，成店人山人海，解款員係出納處收左錢，未行到門口突然走條盲毛出來打劫搶解款，當年解款員用的係雷明登鳥槍，遇到襲擊當然開槍還擊，打中條劫匪，後來開庭審訊，條賊老係坐輪椅出庭，重話知錯呀、後悔呀、.........乜乜咁，扮可憐。
挑！條衰人如果唔係被生擒兼被打盲一隻眼同跛左隻腳 ，會咁講！
當日最無辜的係一個30歲上下的女顧客，當時同家人係出事地點附近，不幸被散彈擊中，雖然無生命危險，但餘生要坐輪椅 。

引用:

原帖由 atlantean 於 2008-10-17 21:01 發表
我以前住華富村, 當時村口有一間大大百貨, 印象中全線執笠之前已經執o左, 有賣幾千蚊o既水晶吊燈, 試問屋村人家又邊有錢買呢o的o野? 雖然話就話華富村多有錢人, 但始終係住公屋唔係住渣甸山.

沒錯華富邨大大係破產前已關門，重有間「翡翠宮」酒樓夜總會，70年代羅文係個度唱「小李飛刀」都賺唔少。
82定83年有個電器技工係華富大大開工，因沒穿著合格的工鞋，踩著電線，觸電身亡。

其實楊生當年除左搞百貨，重有四處買3房一廳住宅單位招短租，如周租、月租，每個房都有一張床同一個櫃，房租客只需帶底衫褲就入住，還掂港、九、新界都有「大」字店舖，有店舖就有清潔阿嬸，阿嬸要做埋執房。

[ 本帖最後由 ali 於 2008-10-18 03:23 編輯 ]