引用:

原帖由 天下無敵老祖宗 於 2007-8-6 16:55 發表


元老王個名聽落好似好勁，以為佢點都可以同老祖宗打兩野，但點知佢連老祖宗件衫都完全碰唔到。最後仲要中埋萬毒心經，睇黎下期都係被化灰居多。

宗兄好似唔係好興將敵人化灰咕喎，最鐘意就係折人骨...(問吓中過招既凶星.狂王&黑龍就知道)

[ 本帖最後由 a1771550 於 2007-8-7 17:33 編輯 ]

引用:

原帖由 冰河 於 2007-8-7 18:52 發表

當年王無忌練到九霄真經頂級�鴾W、下合壁，加埋密宗黃教�鴾E轉蓮台心法；都唔夠小劍仙(老祖宗)打！

話時話，洪東和小龍都係同王無忌一樣，用正宗降龍十八掌(洪東仲衰多範醉拳添)；希望他們千萬別要遇上老祖 ...

唓!! 個獲九霄九轉蓮台VS萬毒心經九死邪功，係萬有老屈無忌輸既!!

記得當時無忌以金刀第三式(模仿對手招式而出招)重創小劍仙，無神神突然話無忌內力秏盡(先前毫無預兆及伏筆)，就咁無啦啦輸俾小劍仙，仲失埋憶做埋小劍仙個"老婆"...

[ 本帖最後由 a1771550 於 2007-8-7 19:36 編輯 ]

引用:

原帖由 KING546 於 2007-8-7 19:28 發表

咁樣响醉拳入面,小劍仙最後的結局是怎樣呀?

醉拳爛尾呀!! 不忍卒睹個隻，唉!! 咁樣一本長壽漫畫得到咁既結局...

引用:

原帖由 kinniku 於 2007-8-7 22:16 發表
呀~另外都好想知,究竟小虎重會唔會學到
天殘腿
同
陰世神腿
呢兩門咁『驚世』絕學呢?

講真，舊龍既九陽天殘腿，構思都幾別出心裁，老黃唔單止將不受人類關節限制呢樣特點加入天殘腿度，令呢招名符其實(要碎左個菠羅蓋至練到，仲唔殘?)，而且仲加入猛料：爆炸性超強既攻擊力(天殘破木.破石.破金)，可能係老黃當初構想留黎對付大小霹靂而設。

三式陰世神腿，除左練出驚人速度既身法&腿法外，其實最重要既係練出一對異於常人既超強視力，唔好睇輕佢，王小虎後期碰上老祖宗或類似放飛劍/刀既神道級高手，唔少次都係靠佢對可直視太陽既"神眼"去避開D飛劍飛刀!!

[ 本帖最後由 a1771550 於 2007-8-8 01:04 編輯 ]

引用:

原帖由 冰河 於 2007-8-7 20:53 發表

我都唔係記得好清楚，只記得當時無忌輸在唔識「放飛刀」；在和「放飛劍」的小劍仙鬥內力時，俾�礸馴L們內力震碎的刀、劍碎片全插在自己身上而輸給小劍仙！

冰河兄，唔關於飛刀飛劍事，無忌敗北最主要原因係內力"突然之間"幾已耗盡， 呢吓純綷係萬有玩屈機：

明明今期至講到無忌用金刀三式既最後一式"以彼之道，還之彼身"重創小劍仙，以為呢次仲唔win硬?? 點知下期非常突然咁話無忌內力快將用盡，已無力再戰，咁既形勢，仲唔俾小劍仙玩殘咩...輸左不特止，重要失憶做埋小劍仙既"老婆"，分明要玩謝老黃創造既角色而偏愛自己重新塑做既新小劍仙。

即使過了好多期之後，無忌醒番做回"男人"，係黃山(?)同小劍仙一決生死，但萬有都講明小劍仙之前因為已經同幾個硬手打過，內力已損，所以至比無忌打贏(小劍仙詐死)，好明顯萬有係講，如果唔係小劍仙先前已同人開過片有所損折，你老黃既王無忌呢世都唔駛唸會贏到我既小劍仙...

[ 本帖最後由 a1771550 於 2007-8-8 01:25 編輯 ]

引用:

原帖由 kenny01 於 2007-8-9 10:32 發表



??????
p.s. 萬友劃完朱邪風果段,已經無寫醉拳啦

哦!! 那我捉錯用神了，謝謝指正呀!!

引用:

原帖由 天下無敵老祖宗 於 2007-8-9 14:23 發表
今期真係超好睇，可以話係近期o既佳作，劇情緊湊，畫功又靚，足足要重複翻睇 4，5 次先至安樂。

元老王下期會出場，意味著老祖宗更加有可能會出場，哎，好驚到時又會搞到成本書神神化化咁呀。

咁要睇下新龍點設定你老哥既功力啦，如果好似舊龍咁，又九死邪功又穹蒼寶鑑又萬毒心經又御劍飛行，咁大家可以收工攞飯盒囉...邊有得打呀大佬!!!

引用:

原帖由 KING546 於 2007-8-9 21:24 發表

其實點解羅漢襌指係最後殺著???
羅漢襌指真係咁勁?
之前有過d咩野表現呀???

"羅漢禪指"係舊龍就真係一記殺著 -- 係阿柴既師父傳俾佢用黎督爆金欏柚罩門既絕技(好似話呢套指法係金鐘罩尅星)，可惜最後反而俾老金督爆自己既"格luck底"罩門而飲恨...

但呢招在新龍好早就已曝光，同"最後殺著"俾人既期望有D落差lu...我本以為老金既最後殺著係岩岩突破左既第十一關，但同黑龍剛練成第六關打風雷一樣，只能維持一段短時間...

估錯左...

[ 本帖最後由 a1771550 於 2007-8-10 00:58 編輯 ]

呢D疑團包括：

1. 火雲邪神絕對唔係白痴仔，即使未見到劍魔前，佢由細到大點解可以無留意到自己既頭髮顏色係紫色，而老邪同佢阿媽既頭髮在未變白前係黑色呢個非常唔合理既大矛盾呢???

2. "火雲"第二期D忍者可以用東洋刀"劈"爛D子彈，呢點根本無可能 --> 人類既手速度再快，點都無可能快過子彈既速度。若果要講班忍者可以隊箖D軍人，可以講佢地由D軍人既腳下突然間竄上黎，或者D軍人所企既地方突然間下陷，跌哂落D忍者所設既地下陷井就得囉。

[ 本帖最後由 a1771550 於 2007-8-12 01:02 編輯 ]

今日先睇到"新龍"&"火雲"，同意大家所講，呢期兩金打得好精彩!! 真係仲正個三皇既東條個條戰線。離火玄冰勁既描繪好細膩，可以睇得出下過功夫去畫(唔怪得之前寫風雷既冰火七重天咁屎，原來留番俾金如來既離火玄冰)，而金鐘十關打親都有金鐘氣團，兩者視覺效果都一流。另外，打鬥亦唔係一昧講功力級數點勁點高，當中有描寫金如來越打越將天佛掌威力加強，最後如何打破金鐘氣團，呢下亦好有格鬥feel。

不過個人覺得有點美中不足既係，今期金欏柚被描寫到好似王小虎咁 -- 鬥志強頑，遇強愈強，永不言敗，當然仲有"以弱勝強"既精神，有D唔係咁襯老金既感覺...

引用:

原帖由 百發百中 於 2007-8-12 13:35 發表
十分期待金羅漢收服金如來，大聲吐出一口嗚氣！！
再利用金如來的離火玄冰功，解去冰火極樂丸之毒，甚至練成十一關！！

可能我仲記得金羅漢點樣逆師弒師、淫虐荒唐等禽獸行徑，所以我一D都無為金羅漢聲援之意，但係度見到咁多巴打企係老金個邊，仲要佢點樣威過金如來，真係有D感慨 -- 金羅漢百死不足一惜，如今竟如英雄般受到歡迎...

[ 本帖最後由 a1771550 於 2007-8-12 19:41 編輯 ]

引用:

原帖由 天下無敵老祖宗 於 2007-8-13 11:07 發表
原來當年用干將劍劃傷老邪神額頭果個人真係老祖宗，我相信佢遲早都會響龍虎門再次登場。

可能到時又會有 "老天尊會老祖宗"，或者 "無敵會老祖宗" 呢類情節出現。

火雲邪神o既 ...

終極黑級浮屠只係起手式整到成個天黑哂咁勁，之後既威力未見十分顯著比一般黑級勁多少，可能無時間寫掛??? 因為無幾耐老邪就受棍痴襲擊...

講開老邪受棍痴襲擊，以棍痴功力加上其怒火，我唸唔到咩理由無哂功力既老邪可以活命，亦唔明老天尊為何袖手眼看自己辛辛苦苦救活過來既老邪受襲而不理...

[ 本帖最後由 a1771550 於 2007-8-13 12:37 編輯 ]

引用:

原帖由 天下無敵老祖宗 於 2007-8-13 12:16 發表


單係起手式都已經整到成個天黑晒，威力起碼都可以妣美終激十陽藍燄級數掛？

棍痴簡直離晒譜啦，竟然夠膽響通天教，當住眾人面前郁老邪神。老天尊重話同佢係老友，無理由唔出手救佢？所以，估計 ...

但宗兄，老邪"現在"已在受擊中，即使後來有人(就算係宗兄閣下)相救，相信只能替老邪收屍吧???

引用:

原帖由 kenny01 於 2007-8-13 15:05 發表
我都重係覺得金羅漢對金如來,重係"鬥牛"式打鬥

天佛掌有乜野利害同特別又睇唔到
迎佛西天,佛動山河咪又係運勁打出兩掌....
佛光初現.....起碼見做有光,可以掩護下....

下下都係鬥力,其實唔使練 ...

但起碼佛動山河可以用旋勁挪開金鐘勁喎...

(PS: Kenny兄，你張相入面個女仔，係台灣D綜藝節目常客黎架，係之前咩"七朵花"(唔係"金花")，依家既"四朵花"之一(其餘個3朵我唸已經...)。本名"趙虹喬"，外號"大頭喬"，本來係歌手兼藝員，但依家變左"通告藝人"，專上D綜藝節目賺"通告費"。好鐘意打麻將，"雀后"一名。

[ 本帖最後由 a1771550 於 2007-8-13 23:13 編輯 ]

引用:

原帖由 周五一次郎 於 2007-8-14 14:14 發表


白鷲最拿手當然係空手入白刃對付真弓對愛美神啦！！！

講起真弓，就唸起真弓初出場個期既封面，真係超純美之作!!

對照之下，下期以羅殺女做的封面，畫到羅殺女索到暈，同毒娃著旗袍個期封面可並稱"超索雙封面"呀!!

引用:

原帖由 iamkennyger 於 2007-8-16 00:29 發表

但係之前幾時有講過王海蛟o既7重天係逆練架？

老屈囉!! 咁先至解釋到風雷既原版七重天連金鐘十關功力都無嘛。"優化"係講得好聽既名詞，實際係叫"補鑊"。

所以囉，呀Kennyger大哥，而家新龍努力補鑊中呀，唔好咁多計較啦...得閒就俾D掌聲佢啦!! 咁樣我地起碼有D好漫睇嘛...

[ 本帖最後由 a1771550 於 2007-8-16 01:00 編輯 ]

王風雷逆練七重天，是否三皇打邪神既一路奇兵??? 就好似當日三皇打大龍頭咁，本來三皇唔多盞，到風雷出黎又冰又火攪到大龍頭一頭煙先俾三皇佔番小小上風...

引用:

原帖由 天下無敵老祖宗 於 2007-8-16 16:57 發表


金羅漢手上係咪已經有 11 關o既秘笈架啦？佢今次衰左，無敵應該唔會阻止佢練 11 關掛。

究竟家陣老金手上既11.12關既口訣係流定堅，因為係同佢有好大牙齒印既華九公俾佢架嘛，老華要害老金，俾假口訣係最容易兼報仇機會最大既方法。

引用:

原帖由 休谷客 於 2007-8-16 17:26 發表


乜風雷唔係已經練成左七重天咩??  

休兄，家陣講既係風雷"逆練"七重天呀!!

(PS: 休兄，偶像都係凡人，蔡依林化左妝確係好鬼正，但據講佢係整個容至咁正，佢初出道時佢既"朱唇"成條香腸咁架，而且佢同Kenney兄貼圖個位台灣女藝人一樣 -- 牌鬼一名，得閒就約埋D friend係佢屋企開枱...小弟好似有D狗仔...但睇見呢張"扮可愛"既相又忍唔住踢爆佢...)

引用:

原帖由 天魔 於 2007-8-16 18:55 發表
今期睇左，無講過逆練呢兩個字，只係從飛妖口中話風雷"照王海蛟方法重練七重天.
ps:小弟做左好耐cdrom，今日忍唔住要"答爹"啦....大家好....

噢!! 我都係道聽途說...有誤導的請見諒呀!! 我要到週六至有得睇架...陰功!!

引用:

原帖由 sammy20072007 於 2007-8-17 13:44 發表

呢單�洇痝ㄕ郭狾L像，好似係華九公���琠顒藆X�薄A�遄u武林」入面見火雲邪神時邪神幫佢解�髐d刀萬蟻丸之後要佢交出真正�麊鷵襄n口訣，當時佢仲篤金羅漢話如果俾金羅漢練上去此獠必反，但邪神話未驚過！

而家知點解邪神咁把炮囉 -- 因為他練成前無古人既"終極"版易筋經，即係話，就算老金有12關，邪神照樣表演打爆金鐘罩劇碼...

引用:

原帖由 kuwabolo 於 2007-8-17 19:51 發表


係囉，Crossover咪Crossover囉，搞到兩頭唔到岸，你話佢唔係小劍仙咩？但早兩期佢的回憶裡面先出現王無忌，醉娃同赤飛，真吹漲

各位巴打唔好睇少老祖宗/天下無敵呢種表現既方式呀，呢種係現今軟件開發界中超主流"物件導向程式"(OOP)中既"多載"(overload)型式，D老編可能係寫高階程式出身架，仲可能係台灣呢度好吃香個隻...

(知少少扮代表時間：簡言之，overload就係同一個類別(class)既方法(method)，以不同的回傳type或參數type(即係signature)黎出現多個分身咁囉...)

引用:

原帖由 天魔 於 2007-8-17 21:38 發表
嘩~~唔明....

哈哈...估唔到真係有巴打睇個段OOP。

唔明好正常喎!! 因為呢D唔係一般常識，識得個D係寫程式既人。

引用:

原帖由 金拿督 於 2007-8-18 00:38 發表


如果飛仙實力有十關咁風雷單拖就夠打有余個喇。有小虎響身邊就真係唔係幾好﹐你都知飛仙身法好個啦﹐如果小虎出一招雲龍破嶺又唔小心鋤到風雷個頭﹐咪好大獲?

好記得黑龍與無影居士那一戰，無影居士以一打雙妖，最後仲斬傷左以輕功著名既飛妖既腰，可見身法刀法已入超級高手之列。黑龍來到後，醒起以前玩柔道時，個咩咩花柳衛同佢講既"以慢打快"的技法，黑龍就以此法大破以快取勝既無影居士。

提起呢段主要想講，既然黑龍對付身法超快既敵人咁有一手，就等黑龍單挑飛仙啦，而且飛仙既無影刀再快再奇應該都對八關金鐘罩做唔到咩威脅。

引用:

原帖由 金拿督 於 2007-8-17 23:36 發表


但小虎有招超必殺技"霹靂狂龍"o窩﹐連玄劫都砌得低。

呢點我到依家都唔係咁接受到。六陽+龍虎氣在"天地大法"前算得咩??? 玄刧當時係少數能令邪神谷上黑級應付既猛人，當時功力只稍稍差金鐘十關既金羅漢一綫。但竟然寫到由六陽龍虎氣推動既"霹靂狂龍"監生踢爆玄刧，而且仲係玄刧一招都未發過就中招攞飯盒....太太太誇張啦!!!!

小虎被瘋妖生擒後面對邪神，三招未過就被打斷腳。而天地尊者卻要邪神親自"踢館"(應該叫"拆廟")用武功黎收服，兩者差距何止千里，但一個"不經意"既照面，堂堂天地尊者就俾呀虎哥監生踢到變左"變型金剛"咁款而香雞...唉...

唔怪得要黎趟"補鑊"計畫囉...要補既鑊真係好多呀!!