王小龍可以見到已死的玉兒，應該係鬼咯掛!! 而且陳傲雲在舊著時，小龍死左好耐好耐先至等到呢個大仇人落黎陪佢，唔通要佢地係地獄打餐飽???? 用咩"殺龍求道"KO邪神&傲雲????

[ 本帖最後由 a1771550 於 2007-11-13 02:11 編輯 ]

引用:

原帖由 micphone1979 於 2007-11-15 17:32 發表
好似之前有期書都係叫"亢龍有悔", 係洪東打電王個期
請大家指教

你無記錯，洪東開波打電王個期就叫做"亢龍有悔"，但書中出招時無"射雕"講得咁詳細及勁抽，係好普通咁一掌打落電王個身度...

另外有個問題想請教較資深既龍迷，在舊龍最早既羅殺教時代(一神二妖三煞星四鬼五怪六騎士 + 四大護法)，金羅漢俾小虎(?)打爆菊花後，老黃點樣將龍記班友從羅殺一役班師回朝而無同邪神開波呢????

引用:

原帖由 天魔 於 2007-11-16 00:10 發表
無乜特別架咋，打完之後講佢地全部人去拜山(拜亞柴同小鷹)拜完就整左格"有全體大頭相加一架飛機再加旁白寫住:龍虎群英，傷愈回港。"咁就返左香港啦...

嘩!! 天魔兄好厲害!! 圖文並茂!!! Million Thanks!!!

[ 本帖最後由 a1771550 於 2007-11-16 02:17 編輯 ]

引用:

原帖由 喜歡足球 於 2007-11-16 22:24 發表
2)今期邪神話「故在我認知範疇內,易筋經黑級有著三個層次!」,『在我認知範疇內』這句可圈可點,即是話如果超過邪神的認知範疇,易筋經黑級可能 ...

嘩!! 會唔會好似小弟先前所講咁，其實達摩將易筋黑級推到一間後，猛然頓悟佛家"空"的真諦，最終領悟出較"一間易筋"更高出一層既"無間易筋"，而且以無間易筋內功作為基礎，擴大易筋經吸納宇宙之氣的法門而創出真正的超神內功"洗髓經"？！

當日小龍九陰降龍以一對瘋妖三師兄弟，輕輕鬆鬆咁打敗三人之餘，仲整左一幕經典既一掌斷橋，到最後仲要打到瘋妖求饒，真係威到飛起。

但小龍呢期同當日與瘋妖打成平手既白鷲對打，卻先要被打到要害，"忍痛"咁激發鬥志至打敗白鷲...若果讀者忘記左瘋妖個一役可能會覺得無咩唔妥，但對小龍迷如我者就睇到有D火滾囉...

引用:

原帖由 Colortiger 於 2007-12-5 20:47 發表


希望的老編仲記得醉螳螂

仲有醉步加降龍掌既醉降龍!!

引用:

原帖由 喜歡足球 於 2007-12-6 00:43 發表
睇番龍虎門內,原來都不少人,靠「外力」幫助,才有現在的功力

黑龍,阿柴有冇呢?

黑龍係利用鱷太歲打入體內殘餘既金鐘勁開始練金鐘罩既療傷篇，自始與金鐘罩結緣。阿柴就真係食自己囉...

引用:

原帖由 kinniku 於 2007-12-5 23:53 發表



唔會唔會~跌書跌得勁,
風雷就會出關!
呢招用左N次!!!

風雷會唔會變成新龍版既一煇，兄弟有危就出來打救??

引用:

原帖由 冰河 於 2007-12-6 20:11 發表
原來今期已經係「大反攻」最終回，下期進入第二章「一邪二仙」。

睇廣告，下期應該講小龍被小虎、黑龍誤會戰死了，實質另有奇遇，過檔王小龍傳。

但廣告中王小龍傳最吸引小弟的地方，反而是專欄「 ...

咁咪即係變相在新龍雪藏小龍???

引用:

原帖由 小小力 於 2007-12-6 14:08 發表
今期，不停話飛仙有邪神既級數，但佢打左三皇咁多野佢地都冇事，相反三皇就打到佢爆哂江。如果換左係邪神，一掌打落小虎隻腳仲唔斷?? 如果三皇咁既功力已經同邪神級數既人打成平手，仲練乜鬼oY!!

飛仙係第一個 ...

如果飛仙可以在一秒鐘內，連續擊出50招以上打在黑龍身體同一個部位，咁即使黑龍有鈦金身都因為會回唔到氣而被監生打爆。

如果飛仙有邪神既級數，咁星宿老仙就無資格與飛仙齊名，因為咁既功力設定，飛仙高老仙至少兩班 -- 洪東在樹洞內曾對厲貞講過，若為厲貞報仇，最多都係同東方無敵同歸於盡(something like that)；但洪東卻可打跛老仙隻腳，佢徒弟小龍更在早排同黑龍聯手時，用降龍掌打傷老仙...

引用:

原帖由 小小力 於 2007-12-10 16:00 發表


咁大家係唔係睇到本書畫飛仙連續打在黑龍身體同一個部位呢?? 我就唔多覺喇!!
而且我覺得a1771550兄所講既應該係集中攻擊,但本書畫/講既係飛仙好快咁打左黑龍好多野...野野唔同位...係唔係??

力兄，我講既都係假設，而且我post個劑時仲未有得睇今期，純綷想起以前呀老祖宗好興集中打黑龍同一個部位，打到有金鐘罩既龍哥都頂唔浦個幕咁囉...

家陣睇左，當然覺得飛仙大隻講啦!! 佢都唔係集中攻擊，咁點以快破硬呀????

仲有，唔該D畫新龍個位仁兄細心D畫降龍掌擊出既效應，"潛龍勿用"有兩段勁，打白鷲有講，打飛仙就係咁 E 一掌就算數，真係好似以前李高時期既舊龍個種"打法一樣，只係招式名唔同"一樣咁樣衰!! 仲有仲有...小龍係飛仙背後打左"時乘六龍"，又無交待有咩效應，成日俾人感覺小龍(及洪東)D降龍掌好碎料個隻，同小虎六陽烈頭腳無得比...

講開有一幕亦係不吐不快，近排一期，鬼眼天姬從背後偷襲小龍，俾小龍一記神擺尾打到吐血飛開，但唔夠一頁幾，佢好似完全無哂事，話咁快就可以偷襲運緊功療傷既黑龍...又係降龍掌根本係碎料既例子...頂...高興就畫到可以一掌斷橋，但成日都劃到咁弱雞，千祁唔好俾舊著時期既小龍上身呀大佬!!!

[ 本帖最後由 a1771550 於 2007-12-10 22:26 編輯 ]

引用:

原帖由 gunman_keung 於 2007-12-15 01:32 發表


小龍依家有九陰第七章功力照住, 應該吾洗好似舊著一樣要靠玉兒幫忙煉金童寶典頭兩層口甘弱. 不過吾知會吾會由玉兒幫助突破煉成第八章

提起個咩"金童寶典"真係起火!! "金"已在先天性弱於小虎練的"九陽" -- 老黃說王重陽是將"金"與"玉女心經"合而為一，再去蕪存菁而寫成"九陽真經"，即是講即使你練全"金"，都唔係擁有絕頂級內功...

而且小龍只練成"金"四層天(頭兩層是基本級數，跟易筋經一樣，後兩層是"冰"跟"火")，初對白獅時攞個彩，之後就未再威過了，真係弱雞內功!!!

引用:

原帖由 mattlkyuen 於 2007-12-16 13:07 發表
玉兒應該唔會有好下場吧.........黃生之前o係廣告度好似暗示火雲邪神同陳傲雲都會同小龍爭女窩..........

又玩邪神同小龍爭女???? 全世界D女人死哂呀??? 點解邪神係都要同小龍爭女??? 以邪神條件(又靚仔又好武功又有米又有勢力)，話佢無本事追到D好似玉兒咁高質素既女仔(甚至俾呢D女仔倒追)，打死我都唔信!!!  

引用:

原帖由 金屬狂人-Ⅱ 於 2007-12-16 22:11 發表

師兄，咁勞氣做乜呀

事實上真係好唔合理嘛!! 以男人條件來講，邪神比小龍，除了都係靚仔外，無論財力. 勢力. 甚至武功都係邪神贏小龍成條街，駛咩同小龍爭女咁樣衰???? 在現實社會，邪神真正身份係國會議員(舊龍係咁講，新龍唔記得有無講)，真係上流人仕個隻，而小龍最多只係一名武夫，職業最多係做武行個隻，兩人真係一個天一個地，邪神身邊絕對唔會少絕色美女，小龍就應該係要追餐死個隻!!!

係咁既背景下，兩人仲要共爭一條女，即使條女有幾正，以邪神身份地位財勢，應該見慣不怪吧???!!! 所以我認為真係唔合理囉!!!

引用:

原帖由 喜歡足球 於 2007-12-17 21:09 發表


你諗下勇仔身邊女子,多數唔係貪圖富貴,就係想借助羅剎教力量,好難搵條女,又要國色天香,身家清白,唔貪錢,要真心愛西城勇(是西城勇,不是火雲邪神),咁除左玉兒,真係無邊個?
而且連小龍都溝到的女,邪神追唔到顏面 ...

唉! 樓上既大哥講得對，"愛情唔係計數"，邪神有權同小龍爭玉兒，但玉兒同樣有權選佢既Mr.Right。希望呢獲唔好再玩淫辱呢D唔討好兼勁cheap既情節；相反，若果講到而家既西城勇好似舊龍既二代邪神天武英明個亭情痴feel，同小龍來個君子之爭，即使最後玉兒竟然情鐘呀勇哥，我唸好多讀者都會睇得舒服D。

引用:

原帖由 休谷客 於 2007-12-18 11:50 發表


王小龍既功力再唔升級，要毀滅羅剎教就要靠外人幫手．．．

小龍已有一掌斷橋既威力，D編劇高興時畫到佢幾勁都得。小虎唔駛幾耐就應可升上八陽；所以反而要提升功力既應該係黑龍。話時話，黑龍已好耐無威過!!

[ 本帖最後由 a1771550 於 2007-12-19 00:43 編輯 ]

引用:

原帖由 天下無敵老祖宗 於 2007-12-21 09:56 發表
我覺得今期幾好睇呀，特別係勇哥同西城權打果段戲，見到西城權俾勇哥打到嘔血，都幾心涼。

不過，西城權實力似乎比想像中弱雞喎，完全唔似有元老王果隻 level，而且佢無咩招式可言，一味淨係識得運功。 :afrai ...

我都幾欣賞新龍既邪神，精武強者加上一代梟雄，但又富有人情味，並唔係一味使奸，真係好過舊龍個件多多聲!!

但新龍講呀勇哥係羅剎轉生，似乎同佢富於人情味呢Part既描繪唔係咁合理噃...

引用:

原帖由 休谷客 於 2007-12-22 14:47 發表


呢段情節有好大發展空間....

邪神如果真係同小龍爭玉兒，小龍點會有機??? 漫畫可能有，但若放在現實生活中，除非玉兒本身也是豪門世家出身，否則若係普通人家既女仔，唔好講邪神小龍都係靚仔，楝有財有勢勇哥既機會應該大過普通人既小龍好多倍!!

原因:
即使"愛情唔係計數"，但在現實生活中，若兩個男人外貎條件都唔差，有財有勢(當然性格要唔差得去邊，而呀勇哥雖然係羅剎轉生，卻一D都唔嗜殺，仲富有人情味tim!!)應該係佔盡上風個隻!! 至少個女仔D父母會成日"哦"佢，為左兩位老人家既後半世，梗要楝勇哥啦!!

(以上純粹個人觀感，若言詞有得罪各位大哥既地方，請多包涵...)

[ 本帖最後由 a1771550 於 2007-12-22 16:16 編輯 ]

引用:

原帖由 金拿督 於 2007-12-25 02:45 發表


現實生活中小龍有小虎罩住﹐物質條件方面唔會輸得好明顯。而我相信劍痴會企o係小龍呢邊﹐有邊個父母希望自己個女嫁俾毒梟咧。
邪神都好濫殺o架。舊時有個紅武士唔覺意睇到佢手背上o既傷痕﹐俾佢發覺之後就即 ...

即使小虎叫小靈俾哂D身家給小龍，同亞州黑幫數一數二既羅剎邪神比仍然係蚊脾同牛脾 -- 無得比!!

即使玉兒唔受物質條件影響佢既愛情觀，但若佢係孝順女，點都會顧慮老豆劍痴既下半生既生活所需架嘛!! 自然揀過有財有勢既邪神啦!! 況且邪神外貎條件一D都唔輸小龍，而且佢係羅剎轉世兼武功絕頂，更添男人味呀!!

邪神同小龍爭女，小龍一開始就輸在起跑點上，點追???

引用:

原帖由 金拿督 於 2007-12-26 03:39 發表


邪神五官係好骨致﹐可惜大部份時間都必需帶住個面目猙獰o既面具見人,玉兒見親都覺得反胃啦。
財大權大唔代表麼﹐你睇王語焉最後都返到慕容復身邊就知﹐至緊要係早識!

金兄，雖然舊龍既玉兒初出場有D王語焉既影子(後來跟小龍一齊就有D似小龍女)，但你舉王語焉為例，小弟就唔係咁同意咯。

最新版既天龍八部最令我覺得難頂就係呢part，無情情突然咁寫呀焉妹怕人老珠黃，驚對佢一往情深既段譽變心，竟然就咁食回頭草，返回short左既慕容復身邊，咁墬落枯井個陣既心路歷程，在井底終於完全轉情於段譽，呢段轉變咪變成好兒戲???

[ 本帖最後由 a1771550 於 2007-12-26 21:42 編輯 ]

引用:

原帖由 喜歡足球 於 2007-12-26 20:33 發表


玉兒係劍痴個女.
乜劍痴叫連戰咁搞野,咁阿扁,馬英九,幾時出場呢?

瘋妖就係叫阿扁啦，一樣矮同一樣short short地；九哥就係阿柴 -- 老老實實，唔慌激突...

引用:

原帖由 亞佳佳 於 2007-12-28 03:11 發表


古井果一段如果無記錯係金庸唔得閒,搵倪匡頂上既~
所以金庸可能覺得怪..........


你唔覺果一段王語嫣好快咁改變對段譽既態度咩.....

佳兄，可能已經先入為主，王語焉係在萬念俱灰下跳井尋死，當然最後希望呀表哥慕容復唔娶西夏公主而出手相救，但復兄真係做得很絕，見死不救不突止，仲封埋井口(好似係咁?)，咁語焉妹墬井個陣唸清唸楚表哥實在唔值得去愛，跌落個井度又唔死得，執番條命自然更珍惜自己既幸福 -- 珍惜眼前有情郎，咁黎個180度移情段譽，小弟就覺得好自然喎...當然，呢點見人見智咯...

(冰河兄唔好意思，呢劑係最後一次講天龍啦)

引用:

原帖由 金屬狂人-Ⅱ 於 2007-12-28 22:53 發表

韋陀依家連〝寸勁〞哩招專用招式都少用咗

如果無記錯，"截脈寸勁"其實係銀挺為報銀鷹奪妻挖目之仇而創出黎既，原本設定係專門破"九霄真經"內力，但後來已經變左銀挺傳人韋陀繼鷹爪詠春拳後另一門絕招，即使唔係用來打銀鷹都好殺食吓，我都好like呢招，韋哥用"寸勁"打巢人長老個幕而家仲記得!!

引用:

原帖由 周五一次郎 於 2007-12-29 11:45 發表


是活动沙包............................

睇左今期，雖然可以講韋哥與飛仙既內力修為有年紀差距，但韋哥真係可以說是史上最弱雞既教主級內力擁有人...

引用:

原帖由 天魔 於 2007-12-30 21:42 發表
韋陀o係舊著無上乘內功跟身，到後期捱唔到小虎五招！係渣好多至真！

同意!! 舊龍既韋陀玩到金如來既琴棋書畫四魔憎時已俾棋憎玩到殘，就係因為無上乘內功修為，到最後仲要為製造機會俾小虎殺金如來，監生俾金如來震斷雙臂...

而家新龍韋陀既窘境，歸根究底係當初升到韋哥功力太高，同群英唔同左level，到而家仲搵唔到合理既solution(監生砌生豬肉話九霄九章有九處弱點呢個爛理由唔算!!)