引用:

原帖由 DanChan888 於 2008-6-17 10:33 發表
其實易筯經都只係天龍八部由游旦之有實戰過，其他金鏞小說都係提過下，無真正打過！

嗯? 咩原來天龍八部個位無名憎唔係練易筋經喔?? 我記得好似佢從一柄破掃把個柄裡面找到易筋經，跟著就一邊做藏經閣打掃者，一邊練易筋經...一練就練了幾十年...

易筋經在"笑傲江湖"中曾經在一位少林方仗手上發威，佢易筋經功力深厚渾圓到連任我行的吸星大法也吸不到他內力。後來主角令狐沖亦靠修練易筋經治好內傷，唔使再受吸星大法的反噬的危害。

引用:

原帖由 DanChan888 於 2008-6-18 10:05 發表

不及段譽的北塓神功勁

Dan兄，"笑"有講吸星大法係由大理段氏既"北冥神功"褪變出來，自然無正宗果隻咁勁，毛病自然也多。

引用:

原帖由 周五一次郎 於 2008-6-18 10:48 發表


天下无敌老祖宗同新龙系两个世界来的，赤飞同无忌0系新龙出场的机会等于一个银仔跌落地下后企0系度一样几乎等于零。

出還出，千祈咪好似醉拳爛尾個時咁，除左無忌，仲有咩練辟邪等全部由地獄逃到陽世，無忌仲失哂常性殺埋自己個孫...無眼睇...

引用:

原帖由 周五一次郎 於 2008-6-21 13:13 發表


其实老黄好重视韦陀ge，护卫一职系优差来的！
有美相伴、不用出生入死，最重要的是一般真正高手唔会打D家眷主意，只有D次级高手或二打六先 ...

韋陀呢亭現象咪應哂"功高震主"呢句成語囉...我唸佢應該搵緊當初無端端將佢擺上枱(升上九霄九章咁頂級)既編劇，然後用"餓鷹撩陰"去"報答"個編劇...

[ 本帖最後由 a1771550 於 2008-6-22 00:02 編輯 ]

引用:

原帖由 sammy20072007 於 2008-6-19 15:45 發表
...另外睇到王小虎今期响度悲痛莫明大叫大哭個衰樣，我估佢可能係諗緊：「小喇叭火雲邪神你條仆街，我同我個捐血英雄大佬王小龍幾日前先不分黑白不記舊仇咁圍剿同我地無仇無怨初次見面嘅劍痴嚟救你條粉腸，我大佬仲一時high過頭隊冧埋自己個未來外父搞到我個未來正菜大嫂走埋路！ ...

"我個捐血英雄大佬王小龍"...

引用:

原帖由 鐵令公 於 2008-6-24 08:39 發表

...其實李高戈d六月初四殺手、五大洲巨龍同一批特使都吾錯。起碼好過張道友,黎黎去去老祖宗....  

公兄，但李高時期的打鬥畫面，小弟實在不敢恭維，尤其時王小虎，來來去去都係個幾款，而且仲係畫得好差果隻，完全無腿功既架勢，俾人印象係佢根本唔識畫腿功既主編。

老實講，睇佢D畫真係好Q惡頂，都係狂人萬有畫得好睇，雖然佢個老祖宗毁譽參半...

引用:

原帖由 亞佳佳 於 2008-6-24 09:36 發表


係係係!對唔住!人老無記性...

李高之後係張萬友,李高準備走既時候,將好多角色好快咁整死佢地

如果無記錯,李高版既老祖宗都差d將佢改邪歸正咁滯

佳兄你無記錯，李高後期畫既老祖宗真係為左成功飛仙而俾活神仙老點，要做大好人，仲任由蚩尤黑龍狂K黎贖罪；到狂人萬有返黎執筆至搞個"殺性回歸 -- 殺殺殺!!"...

引用:

原帖由 鐵令公 於 2008-6-24 16:42 發表

a兄你講得有道理,不過我吾太喜歡張道友戈種,老祖宗差吾多敗定,但對手見到佢好似猩猩咁露曬d毛出黎忽然發狂就打贏曬d對手,好似鳳奪天就系一個例子。講吾過去......
另外講起有一期好似李志清幫過龍虎門畫過天機 ...

公兄，鳯奪天果part應該係李高執筆，個陣鳯奪天同佢個死敵軒轅老祖黎黎去去都係用指芒，只係武功(講唔上"招式")名稱唔同，睇到想訓覺...

引用:

原帖由 鐵令公 於 2008-6-25 17:27 發表

戈時舊著仲好識營造氣氛添....記得獨眼龍死戈時,講戈句:天下楊梅一樣花,天涯處處是我家......
小虎送佢去火化,先形容小虎用手掩面痛哭,又用兩格形容氈抖,表示吾捨得,最後隻手都按了下去。
以前呢兩格形容內心 ...

唔止呀，萬有仲好鬼細膩咁寫獨眼龍臨死時，叫雙皇唔好將佢土葬，話佢家族有遺傳，好似會死唔斷氣(?)個隻，會在棺材裡挖出爪痕...所以要雙皇將佢火葬...寫得十分傳神同悲悽...呢D情節就係一個好主編同垃圾主編既一大分別。

引用:

原帖由 DanChan888 於 2008-6-26 02:21 發表
其實我覺得而家洪東最好既歸宿應該係，同可以復功後既老邪黑級一間終極一戰。結果係同歸於盡或技差半籌而死！我覺得老邪同洪東而家都係多餘角色！

老黃好似講過洪東最多可以同東方無敵走上50招咁上下(唔sure)，若此為真，則洪東無可能同一間黑級同歸於盡，送死就有份...

引用:

原帖由 KING546 於 2008-6-26 21:46 發表

依段的確好感人, 可惜當時太細,未懂得太多.
現在却又回想起一些當時的疑問:
其實係未因為當時有套戲只穿梭陰陽界,係講有些人會假死翻生的,
所以獨眼龍死時先有怕會假死這一段戲?
而當時年幼的我, 還妄 ...

噢! 咁講我年紀一定大過你了，KING老弟...

唔係當時，應該係距離獨眼龍死個陣好多年前，個陣我都仲係條豆靚，有一套港片(由湯鎮葉及台灣女星陸少芬(?)合演)講醫生判錯病患既生死，搞到有D判左已死既"病患"在其棺材送進火葬場時，突然係棺材入面掙扎，但棺材已燒緊，睇到Ｄ家屬眼坦坦，片中湯鎮葉既角色就係因為佢家人有咁既遭遇而立志當醫生，希望減少呢D人禍再度發生...

而家唸起，類似既個案應該曾經引起香港媒體既強力報導，咁至有呢套戲以至獨眼龍臨終個場戲...

[ 本帖最後由 a1771550 於 2008-6-26 22:48 編輯 ]

引用:

原帖由 鐵令公 於 2008-6-26 22:55 發表

...仲有有一幕好感人,最系光頭星向文殊叩一百個響頭,文殊就答應吾騷擾小虎幫獨眼龍療傷。結果光頭星真系叩左一百個響頭,戈時文殊都系度幸災樂禍咁笑,不過光頭星講左一句說話,令堂堂一教之主都敬佩佢,光頭星話:笑甚麼?一百個響頭令我兄弟長命多幾分鐘好值姐! 當時獨眼龍死左,文殊仲話:小兄弟,我敬你系一條好漢,今日之事算了吧! 當時龍虎門嘅賣點系團結、義氣....而家新著都做吾到呢種氣氛啦!  

i can't agree u more, man!!!

引用:

原帖由 喜歡足球 於 2008-6-26 23:03 發表
四小將終身殘廢,真係比死咁慘!

有沒朋友熟中文,應該是終身殘廢,定係終生殘廢?抑或兩個都對!

雖然看故唔好駁故,但老邪怕金如來佢地,招惹東照宮,點解唔打手機呢? 呢d咁普及的日用品,難道金如來佢地沒?:wonde ...

我賭一份甘小文既大公報：終生殘廢 (即 "終其一生是殘廢" 之謂也)

引用:

原帖由 桃花居士 於 2008-6-27 13:46 發表


正如王小龍傳最尾:  請收看王小龍II

唔係咁玩野吓嘛????

引用:

原帖由 周五一次郎 於 2008-6-27 18:15 發表


可能会话小龙为了追寻玉儿而浪迹天涯，无限期暂别龙虎门！

究竟老黃有無做過marketing poll，但光睇呢個版中，10個有著8個既巴打都唔係咁like小虎，反而韋陀.小鷹仲受歡迎過佢。老黃，唸唸佢啦，唔好再有仇兄情結寫新龍，係都要寫到小虎威過哂大佬及其他兄弟...

[ 本帖最後由 a1771550 於 2008-6-28 00:48 編輯 ]

引用:

原帖由 天魔 於 2008-6-28 18:41 發表
不是吧，拿王小龍跟喬峰比？別侮辱了喬峰啊！咪以為又係用降龍掌就話似播.....
黑蟲又點會好似虛竹咁蠢？西城勇似游坦之就更攪野，叫勇哥乜都唔做淨係識跟住條女？(游坦之癡戀亞紫，再見到殺自己父親的仇人喬峰都 ...

如果老黃肯將王小龍寫到喬峰咁，即係佢既仇兄情結已解，俾番兄長應該既尊敬及地位，從此遠離苦海，阿彌陀佛!!

幻想吓，王小龍好似喬大俠咁，武功高強，豪氣慨世，一幫之主，人中之龍，嘩!! 都咪話唔吸引讀者呀!! 而且除左財力外，完全一D都唔輸蝕俾邪神，咁先至有條件同邪神爭超級正菜慕容玉嘛！！咪好似舊龍咁無力護花，新龍就見親邪神一次就俾邪神禁住砌一次咁弱雞...

引用:

原帖由 喜歡足球 於 2008-6-28 08:51 發表


冇辦法了,主角永遠就是主角,即是龍虎門再重畫多十次,王小虎都是不變第一男角!

唔係見到公兄用天龍八部比喻雙皇就咁講，其實係今日下午騎住架綿羊仔返歸時，球兄呢句話唔知點解咁突然閃過腦中，當時就唸過，有邊個規定一本書一定只可以有一個主角??? 老金既天龍八部咪有三個主角囉，而且各人都有其特色：段譽世家子弟，痴情仁俠；喬峰豪氣慨世，悲劇英雄；虛竹佛在心中入紅塵，成就一代傳奇。但不論如何，故事中人都是在老金所架構出來的江湖打滾，各自在無邊佛法中演譯天龍八部眾之間如何緣起緣滅的經過。

咁龍虎門又為何不可以：龍虎三皇都係主角，無份大小，各人有其特色 -- 小虎自細練武，又有月聖使做老豆，所以論武功，三人中最高；小龍自細已係江湖打滾，之後練得丐幫絕學，手握古代眾丐見到都要行禮既打狗捧，又係三人中最年長，唔做龍記阿頭都講唔過去掛!! 至於黑龍，風趣鬼馬，為人樂觀，重情重義，直情有friend唔驚個隻!! 連老邪神都覺同佢有緣而多番"特別招待"，應該係三人中既福星!!

而貫穿整個龍記故事既脈絡就係"我武唯揚，正義長存"，對比天龍既無邊佛法。

[ 本帖最後由 a1771550 於 2008-6-29 16:03 編輯 ]

引用:

原帖由 天魔 於 2008-6-29 09:58 發表
講起喬峰又忍唔住OT多幾句，睇佢在聚賢莊一開波用"太祖長拳"呢套簡單到不行的拳術，就打到班友七個一皮!!呢o的先叫戰神！睇左30年老黃o既書，未見過有一個角色做到咁境界。

nice shot!!

引用:

原帖由 亞佳佳 於 2008-6-29 23:57 發表
北腿王文燕就快出,即係金牛都就快出啦?

咁金詩詩咪出黎做第3者??? 希望呢次詩詩唔會好似舊龍咁慘死啦...

引用:

原帖由 亞佳佳 於 2008-7-10 23:49 發表


北神掌鐵如山、南腿王王嶽淵

以上呢兩件都好弱......

鐵如山教完小龍鐵沙咩咩咩都係用過一次就無再用

仲要比D後生仔輪....

講起呢段真係有D扯火。鐡如山咩料? 幾乎只係同五毒門主同歸於盡的所謂"北神掌"而已，而且練既只係鐡沙掌，又唔係咩絕世掌法，結果指點變老點，整左件咩 "鐡沙龍虎氣" 搞到小龍D功力不倫不類，記得大家練功時，黑龍因為已得王飛鷹傳授集中攻擊力強的招式，於是就叫小龍接招，小龍口講就咩"歡迎之至"，結果一招硬碰結果，黑龍輕輕鬆鬆咁話小龍掌力強左三成，但自己仲頂得住，另一邊小龍則係咁轉住雙手，顯然掌力跟本唔夠黑龍強(黑龍個陣好似6關半?)...唉...不過鐵如山最大貢獻就係引出掌式毒龍鑽給小龍當絕招，在雙龍棍妖殊死戰中最後就靠黑龍輸功給小龍使出掌式毒龍鑽，破左棍妖最後絕招不特止，仲擊碎棍妖右手手骨...

引用:

原帖由 KING546 於 2008-7-13 00:14 發表

可能係咁卦:
前傳會講吓主角d細個時d往事
外傳就直頭連往事都唔講,
實行將d主角分拆出另一本書.
與正傳同步發展.
如果做得好的就都可以好好睇的:
例如星期四的正傳講緊三皇聯手打邪神
星期五的外傳就 ...

外傳廣告有講會出老祖宗. 蚩尤. 王小虎等，俾我第一感覺係走番以前萬有時期主編舊龍時以老祖宗飛昇為主軸既故事，王小虎將輪為大配角，老祖宗至係主角，吸引一D鐘意老祖宗既讀者，賺多一筆"天下無敵"既錢。

引用:

原帖由 sammy20072007 於 2008-8-14 17:21 發表
...今期捐血英雄王小龍手持干將再現江湖，走去金如來西方寺踩場仲座到好有型咁話要來殺人同救人，殺人明顯係為王飛鷹嘅仇而來殺金如來，救人又好明顯係為救老妖而來，但係佢應該收到風金如來真係勁到飛天，連佢個八陽老豆都被人打到瞓底，唔通佢九陰七章勁得過佢老豆八陽？佢又唔識劍法拎把干將去做乜，唔通諗住用劍嚟用打狗劍法？不過小龍返到嚟新龍我相信佢又會勁番好多，再加上邪神話明請假半個月，所以我相信小龍呢次踩場肯定係有得威！

• 呢輪係咁煲小虎做一哥，點解又會"突如其來"俾小龍獨挑金如來咁攞彩?????
  當然，若果唔計小虎做一哥呢part，個人十分期望呀龍哥做番套好戲，唔好好似小龍傳咁由頭到尾做個大茄....
• Sammy兄講得岩，小龍都唔識劍法，就算攞住把寶劍都無咩用吧?! 唔通真係好似舊龍咁，用黑劍使打狗棒法戰劍魔呢條舊橋???
• "損血英雄王小龍"...雖然唔係第一次看到，但每次睇到都笑出黎...(舊龍應該係"損血英雄石黑龍"吧?!)

[ 本帖最後由 a1771550 於 2008-8-14 22:59 編輯 ]

引用:

原帖由 喜歡足球 於 2008-8-15 15:50 發表
...小龍救的是老妖,殺的當然是金如來,「降龍十八掌」大戰「天佛掌」,看看誰是天下第一掌. ...

球兄，雖然我都想睇小龍大戰金如來攞吓威，但照計小龍功力應該唔及金如來，即使掌法兩人可能不相伯仲，但功力有差距，照正路睇根本係無得打果隻，除非老屈小龍有"九陰匯金童"之助，突破七章功力而到八章功力初/中階咁囉...若果有八章功力，就應該至有得打吓...

引用:

原帖由 喜歡足球 於 2008-8-17 16:58 發表



我依家搏金如來,食滯左(舍利子),發揮唔到應有實力,被小龍有可乘之機!

係喎! 醒唔起有講過金如來消化舍利子不太順利既事，原來早有伏筆。球兄心水清。

引用:

原帖由 enos 於 2008-8-27 10:37 發表
喜歡足球的確有责任感！原文也写下，辛苦了,是我之前言词不太好！其实我只是为黑龙不值呢！其中“沒有甚麼奇遇了,他沒有得到高人指點,也沒有得到異人傳予功力”不就是说明 ...

如果拋開 "功力來源" 這問題，我就覺得石黑龍是在新龍中少數具有立體性格的要角，佢果種樂觀鬼馬及重義氣既性格，幾乎係新龍多年來，始終如一，唔似王小虎呢個主角咁一時做一哥咁英明(新龍初期).一時又無咩主見(中期).一時又英明番(近期)。就以今期來說，我個人就十分喜歡黑龍獨自去幫拖時既獨白(想法)，真係好傳神表現佢果種有friend無驚既義氣，同幾年前單拖支援龍兄虎弟(搶救浴血中的小龍.幫小虎合擊玄災)幾乎可說前後呼應。