引用:

原帖由 金拿督 於 2009-10-12 22:49 發表 開講都有話﹐猛虎不及地頭蛇﹐到底有麼野令到老虎一心一意留底同文殊決一死戰咧?功力同佢差吾多﹐年紀比佢大﹐經驗比佢豐富o既金童都比文殊監生打爆啦﹐就算有個陰陽大挪移都唔可以擔保冇第三者介入暗算架。唉﹐舊時 ...

文殊會在 "道經傳人" 升級做番個真正教主級大佬, 而且會與蚩尤有一場關係到通天元始江山的大戰, 所以佢戲份會好重, 所以依家編劇要攞王伏虎黎祭旗 (重傷或隊箖), 加重龍虎三皇與文殊的仇恨, 令到文殊在這輯中地位變得更重要...(我唸係咁... )

引用:

原帖由 sammy20072007 於 2009-11-20 19:23 發表 今期王小龍真係勁到無論，可以話係計一掌斷橋之後最精彩一戰，呢個先係真正王小龍，瘋雷果邊都痴既，今期玩以氣成棍喎，呢招當年舊龍末期黑龍已經玩過啦，仲俾人小到七彩，家下又嚟！

岩岩想po今期小龍真係寫得好好, 點知已俾sammy兄搶左頭香...
最精彩莫如寫 "潛龍勿用" 果下 "聚龍", 睇得出有落心思, 唔係求鬼祈講吓招式名就算!!

風雷果邊??? 唔駛錢就睇吓囉, 基本上無咩值得留戀, 得啖笑...

新龍除左武打戲外, 其實寫D小人物往上爬既情節, 有在大D既公司打過工既都會有D感觸, 前果排寫陳傲雲翻江蛟在通天教如何求生存, 今期又講吓老桌, 個人覺得幾有feel...

不過講老陳果陣, 有吓難以自圓其說, 一時透過老陳口中話在大企業生存, 人事重要過本事, 但轉頭龍貫天俾二郎神試料, 如果老龍唔係有番咁上吓本事, 已經俾二郎神一野玩殘, 仲邊有機會講佢既 "要滅元始, 先滅廣法" proposal???

引用:

原帖由 天下無敵老祖宗 於 2009-11-21 01:04 發表 小龍今期表現大勇，交足功課，高手風範盡現。只可惜係呢個 pk 都靈上人 d 武功實在過分屈機，打極都仲可以起返身，或者因為佢係新登場卦，唔好意思話佢一下子就被小龍 pk 左。希望下期小龍只係受微創，大反擊打番 ...

我覺得都靈咩化甲功, 頂多咪同金鐘罩十一關同級(註1), 如果九陰真經真的有能力威脅九陽神功(東方無敵追殺九陰傳人厲貞一家), 那練到頂關的小龍唔會輸, 但可以平手, 因為小龍應該未練到九陰歸元(註2).

註:
1. 十一關已經好勁, 但請唔好用風雷傳那種來比較.
2. 風雷傳將所有人D內功監生推到最頂, 係 "強暴" 原著新龍所為, 誠不足取

引用:

原帖由 gunman_keung 於 2009-11-28 16:34 發表 練兄, 話晒都靈嘅古屍不壞訣有成六十年(一甲子)修為, 而小龍雖有洪東傳功,但始終未上到九陰歸元, 再加上俾都靈特襲傷左肋骨在先, 以至兩敗俱傷也算合理吧.............

其實睇真D, 小龍受傷唔係因為都靈勁, 而係小龍"自以為是", 以為連續重擊可以KO對手, 而忽略對手反撲的可能性, 這種情形事實上已出現了兩次(第一次是都靈中左潛龍勿用, 俾成堆木刺插成人型標靶), 編劇早已埋下小龍功力高但輸自大的伏線; 若唔係小龍輸自大, 應早在不傷己身下KO都靈.

引用:

原帖由 天下無敵老祖宗 於 2009-11-29 20:01 發表 我都覺得其實以小龍現時o既第 9 章功力, 係可以穩嬴都靈上人. 論功力, 可能大家差無幾, 但論招式, 小龍肯定 sure win, 降龍掌 + 打狗棒, 變化莫測. 反觀都靈係完全無招式可言, 其實只要小龍唔好輕敵, 集中火力不 ...

如果新龍俾小虎戰都靈(唔計舊龍), 好可能會寫小虎打瞎都靈雙目, 因為小虎 "武學智慧" 高人一等, 知道就算你練成 "歸元化金", 一對肉眼都係破綻, 一早打盲佢就唔駛咁 Tee Tung...

引用:

原帖由 sammy20072007 於 2009-11-30 19:46 發表 我有個想法可以好公開咁寸爆姦興，睇下有無兄弟支持，就係响12月12日"歡樂滿東華"籌款當晚致電到電視台捐款，可以幾十或者幾百咁捐，捐款人署名係"不看王風雷"，我年年都用無名氏捐$500，但今年就打散佢，用"不 ...

sammy兄咁做, 會唔會有反效果, 變相幫助風濕傳宣傳??? 可能有D人平常無睇開風濕, 但個monitor係咁出 "不看王風雷", 好奇心會令果D人去買黎睇....

引用:

原帖由 sammy20072007 於 2009-12-2 16:37 發表 Kevin兄所言甚是，其實我都覺得咁樣騎劫東華又真係唔係幾好，算啦，放佢一馬啦！話時話師兄有無機會返香港過年，到時聚下飲茶吹下水

先多謝sammy兄好意, 我已在今年三月底 "回歸", 依家係間小公司捱騾仔, 睇吓過年時大家得唔得閒, 用email聯絡出黎吹吓水啦...

引用:

原帖由 Mika 於 2010-1-11 12:47 發表 佛門飄銅臭 少林網售秘笈捱批【本報記者】內地佛教寺廟日趨商業化，其中河南嵩山少林寺自釋永信任方丈掌舵後，除在網上售賣醫學武功秘笈、易筋經等，又銷售月餅禮盒、禪修服等產品，大受歡迎。此前，該寺更開放給選美 ...

老早就有人講過所謂"有XX特色的社會主義", 本質比資本主義還資本主義, 在一切向錢看的社會氛圍下, 少林寺商業化只是大勢所趨下的一個小小驚嘆號, 真的不需要大驚小怪...

引用:

原帖由 sammy20072007 於 2010-2-12 14:14 發表 足球兄,無疑瘋雷傳嘅神話式武打係令小弟對新龍嘅武功能力設定係留意咗,但係黑龍10關可以橫鏟架消防車撞牆,會唔會真係跨咗D,例如早幾期小龍同都靈隻揪嗰2期,雖然都係打到飛天遁地山崩 ...

我唸黑龍咁有氣勢既出場, 應該係老黃回應不久前一堆要求黑龍升"呢"既要求. 即使黑龍唔會短期內升上11關, 但可能會有超乎10關功力既超強表現, 因為要滿足黑龍迷要求嘛...^^

引用:

原帖由 天下無敵老祖宗 於 2010-4-4 15:53 發表 睇到金羅漢駛出 "逆練金鐘罩", 真係無野好講. 乜野內功都話可以逆練, 無走火入魔之餘仲可以功力大進, 真係佢講晒 lu ~

呢本野網上睇殺時間尚可, 要買黎睇就真係"制唔過", 毫無邏輯可言, 好似聽一個痴線佬係度講故仔咁, 就如同宗兄話嚌, "真係佢講哂"...

引用:

原帖由 gunman_keung 於 2010-4-10 23:06 發表 明益陳傲雲

好似三皇決戰邪神前的快速升呢, 兩大限&六粒舍利子齊齊出, 老黃話黃金篇會有兩個要角脫胎換骨, 唔通就係小陳及老天尊???


咁萬眾期待既石黑龍, 升呢又落空???

引用:

原帖由 魯魯修 於 2010-4-19 00:21 發表 黑龍打到人終生殘廢, 比死更難受; 仲覺得自己做左好人......

修兄, 好似唔可以咁講卦??? 黑龍打殘的是喪心病狂的海盜, 後者死得愈慘, 仲愈有警戒他人的效果吧, 而且對付人渣, 理得佢咩生不如死??? 人渣害人時有替他人設想過嗎???

成敗論英雄, 強X興繼續負責外傳編劇, 證明佢果一套"老強原著"手法也有市場, 新一輯又寫邪神, 可唔可以超越福龍所創既經典, 以瘋雷傳咁既表現, 我唸都幾難, 但有一件事卻會好有可能發生, 就係以X姦興既市場至上, 原著算得mug既"創作理念", 應該唔止會重現邪神在廿幾年前, 係小龍面前老強玉兒既震撼場面, 而且仲會加重鹽花, 加強小龍(及其餘雙皇)對邪神既仇恨, 正邪雙方的對立張力拉到最高點, 以求升書...

另外, 為左出位, 強X興可能會令邪神學埋洗水經, 重現瘋雷果套"科幻奇情"既劇情...

依家連殺時間都唔會睇瘋雷, 邪神傳表現係點, 靠各位Ching的"賽後報告"了...

舊龍李高時期, 質素勁跌watt, 但有對陳傲雲的萬毒心經, 作出一個很好的優劣界定: 優點自然係化肌蝕骨. 超越武功層次的威力, 但缺點就係不能作持久戰, 因為毒力係存在體內, 會買少見少, 需要補充的.

希望新龍會留意到呢點, 因為呢幾期睇老陳的表現, 好似D毒力用之不歇咁, 果期所謂"天下無不破的武功", 一D都睇唔到萬毒既缺點...

引用:

原帖由 天下無敵老祖宗 於 2010-7-26 21:22 發表 好精彩o既一期...老妖好耐無打, 非常期待...下期仲出埋閻羅殺, 希望可以一舉重創龍貫天呢個仆街啦...

宗兄, 我預感老妖呢劑擔大旗, 係這個角色已進入迴光返照, 下一/兩期唔係俾打極都唔傷既龍貫天收皮, 就係成為老天尊腳下亡魂, 閻羅殺出見閻王, 拜拜啦老妖...

引用:

原帖由 天下無敵老祖宗 於 2010-8-15 18:10 發表
幽冥會在舊著其實都唔算係 d 咩重要角色, 個大佬最後仲要俾豬油監生打死. 今次又安排佢地出場, 其實都係多 9 魚 !

舊瓶新酒, 若能寫得更出色, 也無不可...宗兄所言舊龍時幽冥會並非要角, 甚是. 但萬有卻寫得饒有趣味, 像"冥界一條龍"中, 黑龍有金鐘罩如何俾十殿閻王玩殘...蚩尤如何恩威並用收服十殿閻王...陳傲雲如何慘成"種豬"及如何拍幽貴兒馬屁, 後者在幽冥會破敗後反而要拍番老陳馬屁... 怪異恐佈的屍蟲殺手...等等...

我認為, 好的主編可以令普通素材變成令人印像深刻的故事橋段, 差的則相反, 再好的故事都被寫得難以令人有重看的興緻(像李高時期的舊龍)...萬有好似已經退出呢行咁, 幾時至俾到我地一個萬有接班人????

[ 本帖最後由 a1771550 於 2010-8-17 22:09 編輯 ]

引用:

原帖由 天下無敵老祖宗 於 2010-8-21 17:19 發表 新著安排上比舊著公平, 少左好多一面倒, 屈機唔夠打的情況. 就好似今期老天尊咁, 書中經常標榜佢如何神級功力, 結果都係搞到狼狽收場. 其實老天尊實力係有, 不過就衰過份自信, 所有強者都有著呢個通病, 勇哥哥同 ...

如果要講老天尊對蚩尤這一戰, 我就覺得新龍(或舊龍)所標榜的戰神蚩尤, 其中的所謂"無窮戰意"有點不太合理的地方:

客觀上, 老天尊內功及招式, 在相對值上都高過蚩尤, 主觀上, 老天尊的戰意值也應該不低, 因為單單 "統一稱霸" 及 "為後代江山清除強敵後患" 的動機就可以提升戰意. 在這些前提下, 即使蚩尤的戰意可以在絕對值上超過當世任何人, 扣除主觀戰意一項, 客觀的招式內功不及老天尊的因素仍然存在, 結果蚩尤可以在老天尊強攻下, 依然做到兩敗俱傷 --> 是說明絕對的主觀因素可以否定相對的客觀因素嗎??? 那是否代表堅持"人定勝天"的意念, 就真的可以在客觀上只是普通人, 卻能夠反地心吸力及不需要氧氣呢??? 是否有點屈機呢??? (舊龍時期, 唔記得係小虎定黑龍都講過, 信心也是要靠實力來支撐的something like that)...

老黃筆下的王小虎, 常常可以"以弱勝強", 強調的不是主觀抽象的戰意, 而是用精妙的招式變化(代表靈活.食腦), 彌補內功上的不足(代表資本.經驗), 是具有客觀基礎的 --> IBM在60~70年代已是身經百戰的IT雄師, 卻因昧於市場變化, 而被後輩微軟以PC蠶食了一大塊IT市場...

王小虎與蚩尤, 面對比自己強的敵人時, 致勝(或兩敗俱傷)的理由, 前者充份, 後者牽強...

[ 本帖最後由 a1771550 於 2010-8-22 00:38 編輯 ]

撒旦的真身會否就是武聖???

好明顯目前編劇的傾向是小虎威能，所以不喜小虎的可能會不太愛看目前的龍虎門了...另外好奇的是，小龍會缺席即將來臨的元始通天之戰嗎???

瀏覽了一些網上評論及比較新舊著作下，目前新龍所呈現的缺失，似乎可歸咎於主筆缺乏繪畫的熱情，亦即心中那團"火"。是否因為有舊著可抄，或認為自己只是打工仔，便以得過且過的心態為之? 萬有之所以受眾多讀者喜愛，正因為他的作品經典(滅廣法. 獨眼龍之死. 白骨叛變. 文殊蚩尤頂級一戰. 金庫之戰等等)，而經典之所以為經典，是因為萬有真的"用心"繪畫，並非隨便交行貨之作。

主事者或應努力尋求如何找回主筆繪畫的"心"，更勝於一味求助於既不治標又不治本的"優化工程"。

引用:

原帖由 周五一次郎 於 2011-11-17 17:27 發表 就是以前舊龍寫得好，所有睇得好投入，誇張啲講當咗龍虎群英屋企人一樣，不要說小龍死，即使如獨眼龍、四眼明同黑仔傑等死時也會唔開心幾日。但依家，已經沒有這個感覺了，群英死咪死咯，冇所謂 ...

周兄，"不滿"的訊息，新龍從不缺乏，我們在這裡也寫過不少，"建言"卻似乎尚有增加的空間，上面小弟寫的短短數行文字，無非為抛塼引玉，希望各位喜愛新龍的師兄弟多一個吹水的角度而已，集思廣益，或許有天奇蹟真的出現呢，哈哈!!

周兄估唔估到通天教這篇會如何結局? 會由元始統一獨大還是出現新人物/教? 還是真的傳言中的外國黑幫(魔鬼黨)???

引用:

原帖由 周五一次郎 於 2011-12-15 19:21 發表 Liu 兄，其實依家已經開始出現神級功力，即使老祖宗出來都冇以前噤屈機，所以話唔埋蚩尤未一統天下已經出咗個想飛升的傻佬并成為蚩尤同龍虎門的共同敵人，原因當然同舊龍查唔多啦。不過呢個人並非老祖宗， ...

我預估老天尊會退出故事，可能釘釘或不知所踪，因為如果走番老祖宗果條龍珠舊路，老黃會面對一大堆對anti-老祖宗讀者的投訴，而且自打嘴巴，這個臉老黃應該丟不起...

刪除重覆帖文

[ 本帖最後由 a1771550 於 2012-1-3 13:29 編輯 ]