引用:

原帖由 owen517 於 2006-10-15 09:41 AM 發表


編劇應該mark低d時間,同埋得閒翻睇(雖然翻睇可能會一把火,咁編都得?),保持記性,唔好前言不對後語!

其實係現今既電腦世代，D編劇應該想辦法建設一套簡單的"新龍資料庫"系統來存取眾多角色的資料(包括年齡&武功級數&有待交待的伏筆等)，唔使自己硬記(亦有可能會記錯)，亦唔使用紙去mark低咁冇效率既人工化作業流程。一切交俾資料庫來處理，要查就透過user interface來得到資料，要新增或修改或刪除資料亦可透過user interface來處理。咁樣就唔會發生前後劇情或角色設定不一的情形。呢D系統很簡單就可以建立，就睇下老黃有冇咁既vision去做囉...

引用:

原帖由 腳指尾拉西 於 2006-10-20 11:16 PM 發表
其實金鐘6,7關已經可擋利器,
只係昆蟲既刺.
點解老仙會認為可以對付高手,
點解痴由又真係咁狼狽,
唔通佢連金鐘7關護體能力都冇?

即使強如易筋黑級，亦無法有金鐘7關的刀鎗不入既能力 --> 邪神既左手都曾經俾劍妖劃左一野啦。內功等級可以比較，但內功特性應該無法轉移掛...

引用:

原帖由 kincs 於 2006-10-21 04:06 PM 發表

不! 之前講過易筋藍級都可以刀槍不入

多謝Kincs兄糾正，原來易筋藍級以上都可刀鎗不入。可能個次劍妖個把玄墨劍係寶劍先至能夠劃傷邪神手背。

睇番這張資料圖片，照計易筋絕對有理由排名在金鐘罩之上，因為彼此都能刀鎗不入，但易筋攻擊力優於金鐘罩，而且沒有罩門的弱點(金鐘罩要到12頂關才沒有罩門)。又易練過金鐘罩，易筋名符其實係三(或四，若計埋洗髓經)大神功之首。

不過，可能D老編失憶，身負易筋藍級的夜梟闖劍妖個老巢個陣中伏，俾哂D刀鎗貫體而過，仲要嗌救命咁低庒，所以先至俾我有個"易筋經"不能刀鎗不入"的錯覺囉...

[ 本帖最後由 a1771550 於 2006-10-22 12:59 AM 編輯 ]

引用:

原帖由 isxman 於 2006-10-27 10:30 AM 發表
o下~~~~~~~
今期又係比人呃o左$14,
真係佢班老編炒o左去啦~~~~
求其在這處請個BROTHER去做編劇,都好睇過而家萬倍~~~~~~~~~

唔通香港漫店冇即期既漫畫睇，否則點解唔去漫畫店租黎睇? 而家新龍(除左小龍哥發威個幾期同最初大龍頭&王海蛟之戰等)根本不值攞HK$14來買黎激氣...攞個14蚊黎食野好個...

引用:

原帖由 喜歡足球 於 2006-10-27 03:47 PM 發表
大家有冇留意到,今期出現了什麼「二阿哥」、「四阿哥」字眼,原來鐵家是滿洲人!
阿哥是滿語,意思就等於少爺,後來滿清入關,「阿哥」便成為清朝皇帝兒子的專有稱謂,現代人點會無啦啦自稱做「阿哥」!

以前小弟都講過老黃可能有睇過"康熙皇朝"."雍正皇朝"等劇集，就咁將D皇室那些兄弟為權為利而鬩牆的劇情搬落在通天教去囉...反正通天教同白蓮都有皇室既架構(有丞相.六部等...老天尊即太上皇-->皇太極???)

引用:

原帖由 lcy2k 於 2006-11-6 06:33 PM 發表


我唸佢係想問網上邊度有得睇....
我都想要知道邊度有得睇最新最快嘅新龍....麻煩各位大佬邊個知道嘅話唔該單聲.....

快就冇，超平既就有...係台北，每週六，仲係即期ge，只需HK$1蚊多D租黎睇。最岩睇"新龍"呢D2線漫畫...

引用:

原帖由 kit_yin 於 2006-11-7 10:05 AM 發表



我知道邊度有得睇,但我驚o係度post條link
出來後果度會比人剷走,邊個想要o既話搵
我,我e-mail條link比你地

大哥，唔該send條link俾我啦，多謝先!! ^^

[ 本帖最後由 a1771550 於 2006-11-7 10:35 AM 編輯 ]

引用:

原帖由 kit_yin 於 2006-11-7 10:38 AM 發表



已send左短訊息比你,睇下收唔收到

好早就收到啦，唔該哂!!!

引用:

原帖由 天下無敵老祖宗 於 2006-11-9 05:38 PM 發表


老妖o既閻羅勁可能已經令佢本身進入左假死狀態，就好似九死邪功咁，先死而後生，話唔定老妖遲 d 醒番之後，功能會突破至 20 層天都未定。

洪東功力應該同佢師弟唐恨差唔多，兩個人遲早都會打鑊甘。我 ...

洪東可勝唐恨，但要死(可以話唐恨敗後假裝認衰，然後玩偷襲，害死洪東)，咁先至可製造龍記與醉魔既仇恨，最後由洪東傳人小龍哥報仇打死醉魔，大快人心。

引用:

原帖由 8366 於 2006-11-10 12:18 AM 發表

依加只有黃生先至可以請救到老妖啦

小弟有D唔明，有很多這裡的大哥都希望正派有D人瓜柴，而家話老妖得番半條人命就立刻唔想佢死咁，好似同先前既論點有D矛盾咁...

呢個問題同新龍無關，但小弟又唔知點入"四大名捕"討論區，唯有係度請教各位大佬...

其實呢個係小學生既問題...
話說今期名捕中有個肓女背著個男人，背著月亮而行(個景畫得應該係深夜個隻，唔係就黎天光個款)，個男人話去唐門應該係向東方走，就係咁話個肓女走錯方向 (即西方)...小弟唔明，背著深夜既月亮走，應該係向東方，所以個肓女無走錯方向至係(雖然個肓女係故意走西方)...請問係小弟既常識唔及一個小學生，定係劍橋寫錯?

各位有睇開"名捕"既大佬可否為小弟解開呢個疑團?

PS: 話時話，論劇力及追看性，小弟認為"名捕"遠勝"新龍"，雖然大家都係大大格...

引用:

原帖由 喜歡足球 於 2006-11-20 03:59 PM 發表


下期會唔會係講洪東傳授小龍「亢龍有悔」呢?

唔係掛? 又學射鵰咁分批教? 小弟記得係樹洞時小龍曾向洪東講過已練熟十八掌，仲要演練比洪東睇(後來因事作罷)，應該唔會咯...

[ 本帖最後由 a1771550 於 2006-11-22 08:46 AM 編輯 ]

引用:

原帖由 金屬狂人-Ⅱ 於 2006-11-20 10:26 PM 發表

我都覺得係咁

以宜家新龍既兒童刋物作風(連老妖都唔捨得俾佢死)，很有可能，但小弟更期待這也是洪東人生既最後一戰，最後戰勝唐恨但比唐恨暗算而死(好似舊龍咁，楊家五郎八卦棍傳人用禪棍勝了棍痴，卻比棍痴暗算而死)。洪東死有兩個好處，第一個自然是製造仇恨，為小龍日後大戰醉魔鋪路；第二個係減少重複，龍記已經有黑龍阿柴都係練金鐘罩既，而家又有洪東小龍兩對降龍掌係度，實在太"人才濟濟"啦...

[ 本帖最後由 a1771550 於 2006-11-22 08:55 AM 編輯 ]

引用:

原帖由 脫穎而出 於 2006-11-23 04:06 PM 發表


我諗洪東重勁過月聖使小小, 不過唔知佢用咩內功推動降龍十八掌?
其實如果唔需要顧及龍虎三皇先係主角, 安排一場洪東, 月聖使加埋金童圍攻東方無敵, 可能真係會結束左白蓮篇!

噢! 又係降龍掌發威既一期，仲係打到好勁個隻喎?，雖然唔係小龍出手，但咁既情節小弟都好想睇...呀~~~仲有兩日先有得睇呀~~~係台灣打工既悲歌呀~~~~

引用:

原帖由 天下無敵老祖宗 於 2006-12-9 01:13 AM 發表
老黃結尾 d 說話, 令人覺得四龍好似會死咁. 佢為通天教打生打死, 而佢 d 兄弟都無打算救佢, 真係無乜人性可言.  

老妖o既閻羅勁其實都係邪門武功, 但之前洪東都無話要廢老妖功力, 所以相信風雷多數會無事, 而 ...

雖然小弟並未可以睇到今期新龍，但看了各位大大的評論後，預估下期四龍既救兵可能會係廣法堂白俊，原因係廣法堂想通天教欠佢一個人情，好為日後兩方stand off時預留一條生路...

洪東要廢風雷武功可能係佢認為風雷體質不宜修練冰火七重天，而且仲有"心臟病"隱患，所以索性好似小龍咁，廢功後改練九陰真經...(不過小弟都認為可能性好低囉...)

四龍既26層天~28層天的問題，同上期電王出道背景有前後不一既情形，都是同一個原因: 缺乏database system。小弟一早就講過新龍既編劇層應該唸唸建設一套劇情&人物既database(台灣叫資料庫，大陸叫數據庫，唔知香港翻成什麼) system，因為人物太多，劇情又以天女散花咁進行，並非人腦可以控制，將D資料通通存入database，要查就透過系統的UI黎得到結果，並唔係難事，而且完全避免前後不一的on9場面。仲有，透過database可以做到資料分析，睇下邊期銷售量較高，推論出讀者喜愛既元素(雖然D編劇多D上黎呢度都可以攞到料)，做到畫得準確，睇既enjoy，咁既win win局面，相信唔會有人反對掛?

如果新龍老編同意，小弟願意替你地建立這個database system，酬勞只要每期郵寄過黎台北"新龍". "四大名捕". "神兵" & "天子F" 就OK啦...

[ 本帖最後由 a1771550 於 2006-12-9 03:19 AM 編輯 ]

引用:

原帖由 王風雷 於 2006-12-14 06:29 PM 發表

同醉魔一鬼樣
醉步+螳螂

可以昇華為 "醉螳螂"...
而且變埋酒鬼，成日渣住樽酒...

[ 本帖最後由 a1771550 於 2006-12-15 08:18 AM 編輯 ]

引用:

原帖由 天下無敵老祖宗 於 2006-12-16 12:43 AM 發表
其實龍虎門到目前為止都出左好多女角架, 不過就無乜作為, 同埋好耐先出一次場. 好似蜜兒, 南宮靈之, 毒娃, 真弓 . . . 老黃大可以將佢地分配一下俾群英.

洪東真係好犀利, 連醉拳都識, 佢而家就好似舊著時 ...

新龍既洪東真係勁過舊龍個件好多倍，不單精通丐幫三絕，而且內功高深(連萬伏電壓都可頂得順，我唸只有教主級人物至做得到)。以咁既quali，醉魔應該求神拜佛唔好撞到洪東，而唔係on99咁搵洪東報仇。

第一，論內功，醉魔可以頂得住萬伏電壓嗎? 第二，論招式，洪東連醉拳都識，做到知己知彼，醉魔卻不會降龍掌，而且丐幫三絕中又以降龍掌最強。所以除非學狙殺老妖般搵其他高手(如唐萬仇)兩個打一個，否則隻dup，搵唔到理由洪東會殺唔到醉魔。

話時話，當初洪東要小龍繼承其衣缽，點解唔將丐幫三絕都授予小龍? 如果唔係而家傳俾風雷，咁洪東歸位後，醉拳咪要搵醉魔教? 其實小龍有後母心結，終日鬱鬱寡歡，借酒銷愁既機會應該會比風雷多，正是練醉拳最好既人選。

嘩，講起真想睇小龍盡演丐幫三絕，降龍打狗醉八仙齊出，柔中有剛，剛中藏柔，可至剛亦可極柔，盡得易經天人合一陰陽調和既學說至理，加上九陰七章既拆橋功力，除左教主級人物，真係邊個都唔赦!

[ 本帖最後由 a1771550 於 2006-12-16 05:58 AM 編輯 ]

引用:

原帖由 天下無敵老祖宗 於 2006-12-16 10:56 AM 發表
非常同意。單打獨鬥，洪東戰醉魔應該係可以穩操勝券。因為洪東唔單止功力深厚，而且招式上修為更瓦暆W沽一味，來來去去都係得醉八魔拳法。

之前有人話洪東可以同金聖老一爭長短，但我覺得就未必可以喇。金聖老 ...

亢龍有悔係咪最後一式就唔多清楚(金庸好似都冇提到)，但此式可算係降龍掌既"典範"招式，將易經含意發揮得最淋漓盡至的一招，"射鵰"借洪七公之口講出，精通此招即可旁通其餘十七招(something like that)，它亦係十八掌中威力最強的一招 -- 招出留力，並非一般武功招式追求"愈勁愈強"，的確係非常獨特的構思，給人感覺雖然只係一掌，但餘勁不盡，威力可以"無限無盡"來形容。

若果有朝一日小龍去到九陰之巔既"九陰歸元"，小弟認為此境界應該更勝易筋黑級&九陽頂級"九陽啟泰"，因為依照洪東口述，故老相傳，九陰原創者練至頂峰，即趁月華最盛(即"九陰"之名由來)之時升仙而去了，雖然只屬傳說，但起碼有這個可能嘛，即九陰真經已屬"神道武功"之列，自然較"凡人"級的九陽易筋優越得多...(吹水吹得有D過火...各位多多包涵...)

[ 本帖最後由 a1771550 於 2006-12-16 12:24 PM 編輯 ]

小虎最有可能最快到達九陽頂級，因為老編一定會度橋令佢老豆王伏虎將一身八陽功力盡數輸給小虎，之後又話小虎武學天份萬中無一咁高，借八陽基礎一舉衝上九陽頂峰咁...

寫到呢到，真係覺得老黃既仇兄情結好深，雖然已有意將小龍脫胎換骨，但一樣都係輸功，擁有九陰八章功力既厲貞傳到小龍卻只得七章功力，但個人好深信將來王伏虎傳功一定會傳到八陽給小虎，唔知點解，就係有呢種預感...

而黑龍亦相信會係苦盡甘來個隻，記得當初黑龍係通天教落難時，老黃就係佢週記講過往後黑龍既遭遇唔會好得去邊，但若撐過，則得益會非同小可(something like that)。照估計可能就係老邪感激黑龍相救之心，運功助黑龍去到10關作為報答(兩不相欠嘛)。

至於小龍就得食自己lu...慢慢練個部難到九彩，又唔可以接受異種真氣既九陰真經啦...到臨老快死時都係得九陰八章，死後升天咪練成第九章囉...

引用:

原帖由 天下無敵老祖宗 於 2006-12-21 02:48 PM 發表
我都睇左今期，覺得讀者來信果位 "阿豹" 講得好好，完全係好多讀者o既心聲，希望老黃引以為鑑，檢討下自己 d 武功 setting，唔該。

今期個書名係咪調轉左？上期話今期叫 "憤怒的黑龍"，但 ...

老祖宗，可否賣那個小龍年曆卡給我? HK$100 可以嗎?

引用:

原帖由 Gunners 於 2006-12-21 09:43 PM 發表
原來上一期既下期預告出錯, 搞到兩期都叫"憤怒的黑龍"!!

下期應該叫 "憤怒的讀者" (因為今期被書名騙了)...

引用:

原帖由 亞佳佳 於 2006-12-22 02:05 PM 發表


小龍斷市咩??????????

大哥，我係台北搵食呀，有錢都買唔到個隻呀!!

引用:

原帖由 天下無敵老祖宗 於 2006-12-22 02:46 PM 發表
Kevin Liu 大哥，你想要張年曆咭，我可以寄俾你。

你唔好咁客氣，如果我真係收你o既錢，我就真係連師奶都不如，咁樣貪小便宜法。

所以，你喜歡的話，我寧可給你作珍藏 !  

宗兄豪氣!!

但若就咁就攞左你張年卡，無嘢送番俾你好似有D唔係咁好，若果你認為收錢不好，這樣吧，你工作中有沒有一D成日重覆或需要統計之類，我幫你寫程式自動化佢減輕你工作量，或者回送你一本一位從office boy爬到飯店總經理的出色傳記書給你，如何? (小弟是個書蟲，沒什麼其他好東西回贈了...)

小弟先將地址PM給宗兄...先行謝過啦!!

宗兄也PM閣下的地址給我，好等我回送吧!!

[ 本帖最後由 a1771550 於 2006-12-22 07:21 PM 編輯 ]

引用:

原帖由 休谷客 於 2006-12-22 06:06 PM 發表


我都有張火雲邪神既年曆咭, 有興趣, 送給你又如何???

多謝谷兄先，所謂貴精不貴多，小弟只要龍哥張卡就心滿意足了...唉，由舊著件廢柴同佢打氣到而家，好似有D苦盡甘來既感覺(我同書中既龍哥心境好似...)

[ 本帖最後由 a1771550 於 2006-12-22 07:33 PM 編輯 ]

引用:

原帖由 亞佳佳 於 2006-12-22 07:02 PM 發表



ＳＯＲＲＹ∼

我都有張小苦，要唔要？？寄比你又如何？？

你下次回港請我飲杯凍檸茶算啦　

佳兄謝啦，可惜小弟無論對新舊龍既小虎都沒什麼好感，覺得老黃太大細超啦:

在舊龍，九陽小虎練，小龍卻只能練九陽既前身金童寶典，後來改練陰世奇經更係越練越渣，成日比人打到嘔電，仲要親眼睇住自己條女比大仇人老強...

在新龍初期又係大細超，小虎可以得到王降龍輸功練齊龍虎氣同17式腿法，小龍卻只得食自已，仲係只得咩降龍氣中級，只能練12掌...頂，越寫越想X@#@$#@....

不過最後還是多謝佳兄既好意啦!!