引用:

原帖由 小小力 於 2007-1-5 09:17 AM 發表
小龍打黑心老叟既時候唔係已經出左招隔空掌氣咩??

但降龍掌既強項並非隔空掌掛(若照金庸既原型)? 即使可發隔空掌，應該係甚耗真元個隻，唔似九陽神劍&大小霹靂咁，一早設定為隔空攻擊既武學。

[ 本帖最後由 a1771550 於 2007-1-5 12:12 PM 編輯 ]

引用:

原帖由 小小力 於 2007-1-5 09:25 AM 發表


小龍將來可能唔係同聖上既九陽打,而係同東方真龍既九陽金甲打!!

咁呢場仗就沒有意思了，小龍既九陰內力係佢契媽厲貞賦予的，理應同無敵抽過同傳功恩人報仇。

引用:

原帖由 kuwabolo 於 2007-1-5 09:14 AM 發表


老黃係無講過，但係亦有九陰七章巧w冰水七重天？唔記得）不敵金鐘罩的經典情節，照哩役推論，小龍就算上到八章都未必夠十關打

唔使估估下，叫班老作安排小龍同金欏柚黎一場隻dup吧!! 九陰七章降龍掌會金鐘十關千手如來掌，應該會好吸引!!

引用:

原帖由 小小力 於 2007-1-5 12:27 PM 發表


二抽一都打唔贏，仲洗隻dup?

都係個句囉...而家距離當日登基之戰已有一段時日，小龍內功再精進也合理吧，相反金欏柚個仔慘死，斷估唔會係咁既心情練第11關掛? 因為當日10關完功前已有心魔作崇，而家死左個仔，11關完功前心魔肯定勁過當日，我係金仔就唔會係呢段時間修練11關咯!

引用:

原帖由 喜歡足球 於 2007-1-5 01:01 PM 發表

有呀!玉郎信箱有講過九陰九陽同等,一陽=一陰! 小龍曾警告聖上,如果自己練成九陰歸元,無敵必定後悔,但東方無敵毫不在意,仲話連火雲邪神都唔赦,使驚你王小龍!東方無敵不是一個輕率的人,唔會亂講野,咁估計九陰九陽 ...

咁就功力設定亂哂龍咯!!

一陽=一陰 --> 以日聖使既七陽功力，點睇都冇可能做到一掌兩勁斷橋咁巴閉，而且好明顯以而家龍哥當fit既狀態，肯定可輕鬆收同級內力既日聖使皮。

唯一硬拗，就係雖然同級內力，修為有深淺，小龍既7陰已達頂峰(有理可循，因為當日厲貞是以八章內力傳俾小龍的，小龍結果冇八章功力，但應該有很深厚的七章功力，再過了這段日子而達到七章頂峰)，而日聖則未能發揮七陽最高威力。

但無敵對小龍個D對白，可能只係大佢而已，因為若非九陰對九陽存在威脅，當日又為何覬覦九陰真經而殺了厲貞全家?

[ 本帖最後由 a1771550 於 2007-1-5 02:03 PM 編輯 ]

引用:

原帖由 Mika 於 2007-1-5 12:27 PM 發表


小龍無可能夠金欏柚打! 而家嘅小龍太串,好想見佢比人打殘!  小虎死埋仲好!!

如果各位仁兄都認為目前小龍太串的話，其實安排一次小龍被人打殘也是好事，令他體會"滿招損，謙受益"既道理，武學修為可藉此更進一步。而且從失敗中吸取教訓相對一路順風既發展會對大有成長空間既武者更具意義。

那就叫老作安排小龍同蚩尤隻dup吧，因為小龍自以為可以蚩尤一鬥，而結果慘敗，不單做到上述既效果，也可令蚩尤大顯身手，令蚩尤迷過癮一下都好吧。

引用:

原帖由 亞佳佳 於 2007-1-5 02:06 PM 發表



舊龍時小龍好有性格

新龍成隻x狗咁,係人都吠~講兩句唔o岩牙就想打人,好似果d大陸暴發戶

舊龍既小龍相對新龍既佢係武功修為係天淵之別，沒有機會好似而家咁有自信(或串?)，有得威個陣都係較低調(但為期甚短，好快又變回廢柴)。但老實講，除非你唔係小龍既fans，否則相信你唔會喜歡舊龍個件廢柴或新龍未upgrade前既小龍。　

引用:

原帖由 喜歡足球 於 2007-1-5 05:43 PM 發表


我認為招式對內功發揮亦有影響，小龍嘅正宗降龍掌，就比日聖使嘅烈陽刀厲害！有一期專欄都有講，電鑽同電動螺絲批，大家都用電，但威力卻相差很遠！

玉郎應該解釋下，聖上窺覬九陰真經Ü ...

同意!!

引用:

原帖由 喜歡足球 於 2007-1-5 05:48 PM 發表

舊龍嘅小龍，真係好唔掂，佢殺嘅最勁０個個好像是東方無忌！

用"殺"字都已經有點抬舉，說"同歸於盡"就差不多。自己廢了武功不止，仲要連累自己條女為救佢委曲求全(求金鵬輸功助件廢柴復功，但條件係每日俾金鵬咀一次)，最後更謢花無力...頂! 小龍真係俾老黃玩到榭!!!!

[ 本帖最後由 a1771550 於 2007-1-5 06:31 PM 編輯 ]

引用:

原帖由 冰河 於 2007-1-5 07:54 PM 發表

a1771550兄：
不是金鵬，是金鵰才對！

多謝冰河兄指正，我成日唔記得鵬定鵰...

小弟今日至睇到最新一期既新龍，對於大家認為小龍"太串"的問題有少少不同的看法(純粹以事論事，或許當中夾著個人主觀喜好，但並非針對什麼人，希望大家抱著討論心態看吧，若果唔likely，就當小弟放屁):

1. 小龍生白無涯的氣，主要係小龍認為白無涯貪生怕死，唔講義氣，並無不妥之處吧??
2. 小龍個句"香港人"聽落好串，但請問若果閣下俾人當口當面同埋無禮貎咁問你係咩人(蚩尤就係咁開口問小虎三人)，除非膽小怕事，否則"得"番轉頭係人之常情吧??
3. 小龍並非撩交打，佢係見到蚩尤將廣法兩大管事(其中"愁眉"係老人家)打到扒地，認為蚩尤持強凌弱而已(小龍個句話唔係好記得，類似"持強凌弱，正一狗熊"咁上下)。這是鋤強扶弱既精神，應該可以接受吧?? 後來係蚩尤先動手，還拖自衛也是好正常吧??
4. 小龍認為可以同蚩尤一拼，係來自親身同蚩尤過招後既所得出的想法，唔好講係咪真係有得拼，但起碼唔係招積既心態吧??

個人認為新龍老編而家有意將小龍塑做成"敢愛敢恨"既個性，同小虎個種空有練武天份但冇個人主見或黑龍活潑生鬼但重情義既性格，有種鮮明既對比。三皇各自有獨特性恪，應該冇咩唔妥吧??

小弟重申，上述只是討論，若有得罪各位之處請多包涵。

[ 本帖最後由 a1771550 於 2007-1-7 11:13 AM 編輯 ]

引用:

原帖由 gregoryliu 於 2007-1-6 11:09 PM 發表
我覺得王小龍將會係一條三皇決裂的伏線, 佢本身亦正亦邪, 仲學埋九陰真經, 當佢練成九章之時, 相信亦是變邪之時.

九陰真經絕對唔係邪功，只係當日厲貞急於報仇，唔肯先廢功而練不可存有異種真氣既九陰真經而將九陰練邪而已。記得在樹洞，有一幕厲貞練功既戲，旁白就講明九陰係將內勁先行迫出體外再吸回體內衝擊要穴，好似用了"詭而不邪"來形容。

引用:

原帖由 KING546 於 2007-1-8 06:09 PM 發表

瘋妖死咗,鬼將軍殘咗,日聖使唔知係咪死咗,
金羅漢個仔咗,銀聖老好似真係死咗.
龍虎門冇人死(因為D人無乜出場機會)
老妖差D死咗
好似係咁多O勒........
如果有漏的請多 ...

日聖死左啦! 登基之役後被無敵斬首示眾。

引用:

原帖由 KING546 於 2007-1-9 04:23 PM 發表

爛面?是否小龍??
仲有黑龍,同風雷俾人斬手又賠一筆.
(之後仲駁得番.)
聖上盲眼都賠咗唔小.......

舊龍既小龍唔止爛面，係全身都爛個隻，因為全身俾螞蟻咬過。

引用:

原帖由 亞佳佳 於 2007-1-10 04:35 PM 發表


打白獅/白鷟果陣~

成班人比人捉哂去白鷟別墅果度,風雷比人燒面,石鐵就要佢奶鞋

那時約295~296期左右，黑白雙獅仲未出，風雷被燒面後俾白鷲個女阿紫"調戲"，後來阿紫卻愛上風雷，不過後尾冇左後文...(鬼叫風雷唔係主角...)

[ 本帖最後由 a1771550 於 2007-1-10 10:59 PM 編輯 ]

引用:

原帖由 sammy20072007 於 2007-1-10 08:15 PM 發表
o吾知點解當我知道o左白蓮教原來係o甘鬼窮，再加上東方無敵又係同以前一樣係'廢柴"一條之後，硬係覺得佢無之前o甘型o甘有氣勢，仲硬係覺得佢應該會係o甘多大派教主級中最快俾老黃做瓜佢，老黃，請你俾佢威番 ...

白蓮教唔窮至奇，人地羅殺通天甚至黑手黨都只係玩黑社會，白蓮卻玩皇帝夢，三宮六院，光是裝璜條數同維修費就好襟計...

有時覺得當初老黃構思白蓮教，其原型是來自倚天的"明教"，教主張無忌武功超強，九陽神功頂級加乾坤大挪移，打遍書中無敵手。而且日後的明朝是"明教"打出來的天下，所以白蓮可以說是"明教"的皇帝實現版。

[ 本帖最後由 a1771550 於 2007-1-10 11:13 PM 編輯 ]

引用:

原帖由 脫穎而出 於 2007-1-11 04:25 PM 發表
今期, 睇左好似無睇過咁, 白白蝕左14皮.
四條友係度賽跑咁既橋都比佢諗到, 比佢拖足十版, 配服配服.
重有佢唔係話比我聽蚩尤呢個級數既高手怕鎗掛? 如果係, 練咩武功, 練鎗法好過啦!

蚩尤點勁都好，他不是練金鐘罩，應該不能刀槍不入掛? 最多打中都冇普通人咁傷吧??

引用:

原帖由 sammy20072007 於 2007-1-11 09:19 PM 發表

以前文傳曾經出過一本叫「天下無敵」�鵀戙版v前傳，故事係講老祖宗�鴷X生同埋東方家族如何奪取白蓮教同點解世代都發皇帝夢，原因係白蓮教其中一位名為東方蓋世�黻炊滫顳{，因為天資過人所以三十出頭就已將由張無 ...

嗯? 咁我咪仆中大部份? 睇黎小弟有DD老作天份噃...

99 81 陽? 嘩!! 虧D編劇唸得出!!!! 咁終極十陽就唔算終極咯!! 81陽先至係終極!! 10陽差81陽成條彌敦道呀!!

引用:

原帖由 kuwabolo 於 2007-1-12 09:45 AM 發表


81陽?咁幾個老祖宗都唔夠佢打啦

不過崇禎一上台已經做瓜左魏忠賢啦,d編劇都唔睇下書

同意!! 雖然小弟中學沒有修過歷史，但睇過一D大陸製作既歷史劇集，其中一套叫"江山風雨情"，一開頭幾集就講崇禎如何將佢老豆個D奸臣(包括最奸狗既魏忠賢)一一剷除。

引用:

原帖由 AngusTong 於 2007-1-12 12:51 PM 發表
醉魔唔怕石油氣爆炸,金童&鐵將軍又唔怕爆炸,唐萬仇&翻江蛟都唔怕槍啦(在香港對吳豪時),所以白無涯百分之一千無事

唐萬仇個時對付D鎗手所用既隔空光波，簡直可跟舊龍既銀聖老九天銀環功最後一式(即殺左柳森嚴個招)媲美呀!! 但個人應為已將唐萬仇武功設定得太高了，光是有呢一手，對住洪東都唔赦呀!!

引用:

原帖由 喜歡足球 於 2007-1-11 10:24 PM 發表


原來有D咁既事,希望係新著唔好發生!

個陣小虎黑龍武功達超神境界，小虎練到終極十陽紫焰級，黑龍仲勁，金鐘14關，兩人都變左超人，識飛個隻。但最唔合理既就係對住"千x鬼龍"竟然打個平手...因為以雙皇個陣既武功，即使對住老祖宗都唔赦，小虎仲有一招就將天機上人打殘既煇皇紀錄!!

引用:

原帖由 不平凡人 於 2007-1-12 05:27 PM 發表

最後打東方真龍...
佢比幾兄弟輸功迫上15關...最後入左個白波入面....
o個幾場幾好睇ga...打完一班打第二班...絕無冷場...雖然明知係趕住埋尾..但係都覺得好正~~

同意！！圍揪東方真龍個part真係好好睇(我睇左不下5次)，打得勁揪又激烈又震憾: 真龍先廢天武英傑，再一野將upgrade左既岳霆峰燒成灰，跟住殺飛妖，再黎白芒先將轉世活佛同活神仙一齊燒成灰，再將石小慧同佢把劍一齊送上西天(個時老祖宗仲係個虛無世界度大叫唔好殺小慧呀!!)，最後白芒向眾人激射，二代邪神天武英明同蚩尤齊齊被白芒射穿，跟住黑龍同狂龍光頭星等齊齊衝向白芒(但無記錯既話，那時眾人並無谷黑龍到14.5關，黑龍到終都係得14關)，最後由小虎一腳踢向白芒埋單。真係好激!! 同而家新龍比真係...

引用:

原帖由 sammy20072007 於 2007-1-12 07:28 PM 發表

仲有一次當時�鵀悃葛咫悛Z雄霸利用王小虎去殺佢自己條o靚滅口(好似暴君龍�黻炊�)，小虎完成任務後老邪神問派去監視小虎�鴾滮U：王小虎殺暴君龍超不超過五招！手下回答：只出一招便將暴君龍擊殺。老邪伸：一招• ...

小虎個招孤星煞腿初試啼聲時好似只得一招，叫做"流星破"，第一次正式出招(唔計同老祖宗試招)就將虛無境界中的天機上人踢到散哂，不似人形，連老祖宗都自忖即使係佢接招都唔保證可全身而退，真係勁到爆!!

將身負銀甲戰功(等同金鐘九關功力)既暴龍王一腳兩段又係代表作之一。個陣小虎真係有天下無敵個種氣勢!

但一返到香港就跌哂Watt!! 竟然同黑龍圍攻一個未到老祖級數既"千歲鬼龍"打個平手!! 而且孤星煞腿已不止一式，但威力卻無當初咁勁了! 所以有位仁兄講過"威過算好，主角無敵咪無戲做?"既評語。

但其實主角無敵係咪無戲做? 個人認為這點大有商榷餘地。又攞老金D書做例，倚天既張無忌，集九陽挪移太極拳於一身，成個故事武功最高就係佢，但佢有左呢D武功後仍然大把戲做，而且仲係好精彩個隻。後期既笑傲江湖，在第一集尾主角令狐沖已習得專破敵招既獨孤九劍，一劍在手無人夠佢打，照樣做足後尾三集。

所以最重要既係編劇，編得好既，主角係無敵一樣有故講。

[ 本帖最後由 a1771550 於 2007-1-13 01:39 AM 編輯 ]

引用:

原帖由 獵食者 於 2007-1-13 02:20 PM 發表



唔係哩.....我真係有印象有一期封面寫住"金鐘罩十四關半!!"咁架啵...

衰左掉哂.... 想回味下都冇計...

獵兄，小弟真係可以賭身家，舊龍既黑龍到結局都係14關，絕無14.5關，亦無一期封面叫"金鐘14.5關"。令你有錯覺應該係黑龍在突破到14關前，遭二代邪神軟禁時，曾經利用臻神道將原本既13關谷到13.5關再同邪神打，但最後都係打輸。

引用:

原帖由 喜歡足球 於 2007-1-17 01:12 PM 發表


我之前係講緊提個下名,但仲沒出過場嘅新人物!五大世家有部分已經登場了!

除左人物，有些故事情節亦有欠交待，例如洪東厲貞那個如古籍道藏般的樹洞是如何&何時建做? 東方無敵如何殺死銀聖老(目前只是無敵一句話帶過算數)？已練成九陽的東方無敵為何覬覦九陰真經？