你地認為邊間日本菜又平又正？？

尋日比我發現銅鑼灣黃金廣場有間叫一門,食得過,幾好食,價錢唔算貴,d野食幾巧手,可以一試.

板前?以前未紅前仲要等兩個鐘個時就好食,宜家?請我都唔去仲要等餐飽.

和民又係同板前一樣,尖沙咀第一間開個時都無乜人去,唔駛等位個時真係最好食,樣樣都有水準,之後一路人多一路開分店一路差,但唔明點解我見門口都仲要等位.

魚一丁就叫做keep到,幾間分店d味道都差不多,係想食日本野但又唔想博既選擇,佢無乜驚喜比到你,但唔會差囉,個冷面沙拉幾好食,總之就穩穩陣陣食得過.

其餘果d咩一壽司,風壽司(唔記得係咪,白沙道隔離太平館上d果間),壽屍亭呀,最衰個間咩和花亭,元氣仲好食過佢,都不入流.

有時唔知點解,元綠都要排對,香港人真係發壽司寒.

其實呢d日式連所店真係要向翠華學習,一開分店d水準就keep唔到,翠華個套管理方法真係唔小野,間間都一樣味一樣咁好食,就連一杯13蚊既咖啡都好飲過人.