老婆用細妹看管老公,點知重.....出事

呢個 post 真係好似以前睇過既「我對姨仔心思思」，但果個 post 後期大家都知係故事，jhun88 兄，如果你呢個都一樣係故仔就繼續呢個 post 啦，但如果係真事，我極力提議你同你老婆講出你地性生活既唔協調，甚至可以向專業人仕求助，簡單 d 向你地既家庭醫生問意見都得，佢會識轉介既。

我覺得你最大問題係你同老婆做得唔開心，佢滿足唔到你至出事，你試下同佢講下啦，最緊要溝通呀！

我自己最近都同老婆大吵過，佢原本係好玩得，唔係哂命，佢都出得下廳堂（最少唔會有人話佢好醜樣），又入得廚房，最重要係非常上得床，但有小朋友後至今８年，佢要分心照顧，煩到佢無哂 mood，試過成半年至行埋一次，又唔裝扮下，成個男人咁，床上又只係似個會出水既公仔，我多次暗示佢要認真處理，但結果最後我頂唔順，同佢爆大鑊，但算好彩大家都好珍惜呢段緣份，所以我地一齊向醫生求助，經過一段時間心理既輔導，我地又再重修舊好，佢仲開始放開心結，悟到原來個仔同女都開始大，可以有一定自我照顧能力，唔使下下跟到實，於是以前既佢又再返黎，尤其佢現在係虎狼之年，剛剛呢３日，我地日日黎，我直情畀佢扯乾咁滯，要到今日我話要暫休一日至可以停一下。

我講呢個個人經驗出黎，係希望你都可以同你老婆多 d 溝通，等佢明白男人之苦。只不過有時我地講，佢係只會當我地老作，但由醫生講，佢地就會容易接受得多，同埋會相信中間真係有左 d 咩問題，同要點解決，你都考慮下啦。

[ 本帖最後由 fourfoursixsix 於 2008-3-19 20:13 編輯 ]