其實大陸同胞成日笑陳水扁呢樣果樣, 台灣又呢度唔好果度唔好. 咁如果同台灣比, 大陸在管理上, 改正錯誤能力比得上台灣嗎 ? 佢地紅藍局面其實係正在 work out 一個更好的管理方法. 國民黨以前太貪污, 所以點選都唔會贏. 而家到民進黨衰, 結果會係點就冇人知.

反而大陸政府冇mug衰野出, 咁係唔係好好呢 ? 答案:唔係. 原因係佢地上有上貪, 下有下搶, 新聞可以過濾, 民眾就以為冇事發生. 上次阿扁果劑野, 佢全家貪埋o既總數都不及一個中國地方小貪官的多. 兩三千萬算什麼!? 陳水扁仲會比人笑佢貪埋d婆仔數.

可惜好多人明白道理, 但無法接受現實. 所以把道理變歪理, 再把歪理變道理, 咁樣自已心裡就會好過d.

引用:

原帖由 飛毛腿 於 2007-8-9 09:22 PM 發表


咁絕世好橋都俾你諗到 ?
阿扁真係要搵你做總統府顧問
照咁講香港 ICAC 都要大裁員慳返 D 行政費用  
以後貪污金額少個一個大陸農村幹部所貪就費事浪費精神去理

阿扁上次比人倒, 厚顏地冇下台. 可能是周遭的利益問題, 而冇下台. 不過之後他們一陣串的消費金醜聞, 使他們政府的行政系統有了進步. 傳媒和政府亦沒有隱瞞事實.

反觀大陸打到一個貪官之後, 又一新的頂上. 因為系統完全冇變. 例如, 在大陸做生產如果照足佢地出入口規定做, 就一定交唔到貨. 即使做足要求, 雞蛋挑骨頭, 海關就一定做得到, 然後向廠商敲竹槓. 大陸中央發現海關有貪污情況發生, 就出新政策打擊貪污, 政策未正式下來時, 海關就先向各廠商籌募打擊貪污經費, 每家廠就付廿萬. 到政策一出時, 處理case o既時候不能單獨行動, 要互相監管. 到最後就變成一組人去貪. 以前一架車載五個海狗關員, 而家可以用七人車多帶幾個. 以前付一隻海狗, 而家要付一群海狗.

我在此事不是想講貪的大與小, 香港有咁好的系統係icac的努力, icac初期, 香港跟台灣有d相似. 好多人都說 icac冇用o既, 到最後又會同流合污. 但事實呢? 大家有目共睹. 拿阿扁同大陸貪官比, 係叫果d笑台灣不是的人先看自身問題, 不要以五十步笑百步, 變成笑柄.