引用:

原帖由 小邪靈子 於 2007-4-19 01:01 PM 發表
點樣教小朋友才會聽父母話:wondering
唔通又要學上一代甘又打又鬧:
各位媽媽妳地又會點教呢

我早幾年都係打打鬧鬧咁教, 效果唔好而且打完事後心痛.
之後改變策略, 把她們當成朋友, 佢地做唔o岩, 我就用問的去了解, 之後解釋比佢地知如果咁做 (我要佢地咁做) o既好處會係咁, 然後象徵式懲罰是少不免的. 佢地受落, 重犯o既機會又少左.

我覺得唔係要佢地聽話, 聽話未必係好事, 父母唔會跟佢一世, 長大左要聽邊個話 ? 最重要係比佢地知mug野係o岩, 點樣去做好佢地每日o既責任至係教仔o既重點.

引用:

原帖由 小邪靈子 於 2007-4-20 04:27 PM 發表

甘快就有反叛期
甘小朋友又會到幾時才聽話呢
好擔心

我外母教左成三十年中學, 佢覺得d學者未成日講"反叛期"時, 一班裡面只有一兩個反叛學生. 就係d人成日講 teenager problem, "反叛期" 至會令更多本來唔會反叛學生變成反叛. 最後搞到大半班都係問題學生. 最後佢建議唔好在學生面前講呢個四字禁忌詞彙, 佢地學校就少左"反叛問題".

唔同佢地講反叛, 唔代表唔理佢地, 係唔好比佢地做錯野時, 用反叛期作藉口再錯下去, 不肯改過. 又或者搵d新野同你對抗.

今日個大女在學校比人bullied. 佢話有幾個男同學話佢係 stupid chinese girl, 佢就答佢地: you don't look like a chinese, you don't look like a girl, but you are stupids.

我問佢有冇 report 比老師聽, 佢答: 唔理個 d stupids 就得啦.

佢反應都幾好, 不過聽日我都係想同佢校長講下. 因為以免問題變大.

唸左成晚, 都係細路事細路解決, 除非有 physical contact, 否則都唔須要做父母o既出手. 以免教壞佢, 一出事就出皇牌, 以後點在呢個咁複雜o既社會生存.

有人講過: "管教管教, 有時唔管就係教". 不過呢件事仍然要 keep an eye on it.

不如話比佢知 jackie chan 係佢 uncle. 不過最好都係小事化無. 我地係弱勢社群, 唔好咁揚, 低調d, 吃虧一兩次唔會快死d o既, 但係做錯決定就可以好嚴重, 因為冇人會黎 backup.

令我唸番起朱子治家格言 -- 處世戒爭訟

有d野係聽左就明白, 入左潛意識, 要表達就好困難. 佢重複犯錯可能係佢覺得o岩又或者想你注意佢.